Dawei Princess Cruise

Life with Joy Father & Son life abroad •
Daily life • School stories • Real stories • Funny moments •

ကိုဗစ်-၁၉ ကာကွယ်ဆေးနှင့်ပတ်သက်သော မေးခွန်းနှင့်အဖြေများ
Frequently Asked Questions (FAQ)
အပိုင်း (၁) နှင့် (၂)

ကိုဗစ်-၁၉နဲ့အတူ လုပ်ငန်းများကို ပုံမှန်အတိုင်းဆောင်ရွက်ရန် ကြိုးပမ်းရမည်ဟု ကျန်းမာရေးဝန်ကြီးဌာနထုတ်ပြန်

ကိုဗစ်-၁၉နဲ့အတူ စီးပွားရေး၊ လူမှုရေး၊ ပညာရေး၊ ကျန်းမာရေး စသည့် လုပ်ငန်းကဏ္ဍအသီးသီးကို ပုံမှန်အတိုင်း ပြန်လည်ဆောင်ရွက်လုပ်ကိုင်နိုင်ရန် စဉ်းစားကြံဆကြိုးပမ်းကြရမှာဖြစ်တယ်လို့ ကျန်းမာရေးနှင့် အားကစားဝန်ကြီးဌာနက ထုတ်ပြန်လိုက်ပါတယ်။

ကမ္ဘာပေါ်မှာ ဆက်လက်တည်ရှိ ကူးစက်ဖြစ်ပွားနေမည့် ကိုဗစ်-၁၉နဲ့အတူ ဆက်လက်ရှင်သန်နေထိုင်ရမည်ဖြစ် ကာ “နေထိုင်မှုပုံစံသစ်များဖြင့် လုပ်ငန်းများဆောင်ရွက်နိုင်ရေး ကြိုးပမ်းကြပါစို့”ဟုဆိုကာ ကျန်းမာရေးဝန်ကြီး ဌာနက ယနေ့ ဒီဇင်ဘာလ ၂၂ရက်နေ့ရက်စွဲဖြင့် ထုတ်ပြန်လိုက်တာဖြစ်ပါတယ်။

ဆက်လက်ပြီး ကိုဗစ်-၁၉နဲ့အတူ လုပ်ငန်းကဏ္ဍအသီးသီးကို ပုံမှန်အတိုင်း ပြန်လည်ဆောင်ရွက်နိုင်ရန် ကြိုးပမ်း ကြရမှာဖြစ်ပြီး သို့မဟုတ်ပါက နိုင်ငံရဲ့ဖွံ့ဖြိုးတိုးတက်မှုသည် အလွန်နှောင့်နှေးသွားမှာဖြစ်တယ်လို့ ဝန်ကြီးဌာန က ဆိုပါတယ်။

ထို့အတွက်ကြောင့် ပြည်သူများအနေနဲ့ နေ့စဉ်လူမှုဘဝနဲ့ လုပ်ငန်းဆောင်တာများ လုပ်ဆောင်ရာမှာ အဓိက အားဖြင့် Mask တပ်ဆင်ခြင်း၊ တစ်ဦးနဲ့တစ်ဦး ခပ်ခွာခွာနေထိုင်ခြင်း၊ လက်ကို မကြာခဏဆေးခြင်း၊ အသိပေး ခြင်းနဲ့ သတိပေးခြင်း စသည့် စည်းကမ်းများကို လိုက်နာရမှာဖြစ်တယ်လို့ သိရပါတယ်။

ကိုဗစ်-၁၉ရောဂါသည် ဗိုင်းရပ်စ်ပိုးရဲ့ ဗီဇပြောင်းလဲမှုများရှိနေခြင်းကြောင့် ရာသီတုပ်ကွေးရောဂါကဲ့သို့ပင် ဖြစ် ပွားမှုအနည်းအများသာကွာခြားပြီး ကမ္ဘာပေါ်မှာ နှစ်ပေါင်းများစွာ ဆက်လက်ကူးစက်ဖြစ်ပွားနေမှာဖြစ်တယ်လို့ လည်း ထုတ်ပြန်ချက်မှာ ဖော်ပြထားတာဖြစ်ပါတယ်။

ကိုဗစ်ရောဂါသည် မြန်မာနိုင်ငံအတွင်း မတ်လမှစတင်ကာ ဖြစ်ပွားခဲ့ရာက ယခုအချိန်မှာ နိုင်ငံအတွင်း ကိုဗစ် ရောဂါပိုးတွေ့လူနာဦးရေသည် ၁၁၀၀၀၀ကျော်အထိရှိပြီဖြစ်ကာ သေဆုံးသူဦးရေသည် ၂၄၀၀ကျော်ရှိပြီလည်း ဖြစ်ပါတယ်။
TMA
ရန်ကုန်၊ ဒီဇင်ဘာ ၂၂။
MyanmaPlatform 22-12-2020 14:45
https://www.myanmaplatform.com/a/52511.html