Betta Fish Hobbyist

ခုပြောတဲ့အကြောင်းအရာကို တချို့ကလဲ သိပြီးသား ဖြစ်မှာပါ မသိတဲ့သူတွေအတွက် အထောက်အကူ တခုခုရရန်အတွက်ရည်ရွယ်ပါတယ်။ငါးသားဖောက်တဲ့အချိန်ကတကယ့်ကိုရင်ခုန်စရာအချိန်တွေပါ။ဘယ်အရောင်ကိုဘယ်လိုရွေးပြီး ဘယ်လို Form ပုံစံမျိုးလေး ဖြစ်လာမလဲဆိုပြီး တွေးနေတာက အရမ်းပျော်ဖို့ကောင်းပါတယ်။ဘယ်မှာစပြီး တိုင်ပတ်တာလဲဆိုတော့ ဥကပေါက်ပြီး ၃ ရက်ကြာမှာစတာပါပဲ။ရေပိုးတွေ အာတီးတွေ အဆင်သင့်ရှိတဲ့သူတွေက အဆင်ပြေပေမယ့် အဲ့တာမျိုးတွေ မရှိရင် တော်တော်စဉ်းစားရပါတယ်။အလွယ်ကူဆုံးနည်းလမ်းကတော့ ကြက်ဥ အနှစ်ကို ဖျော်ပြီး ကျွေးတာနဲ့ Infusoria လုပ်ပြီးကျွေးတာက လတ်တလော ကိစ္စတွေကို ခန ဖြေရှင်းထားနိုင်ပါတယ်။ငါးသားဖောက်ဖို့စဉ်းစားထားရင်တော့ အာတီးမီးယား ကိုတော့ ဝယ်ထားဖို့ အကြံပြုပါတယ်။ရေပိုး၊အာတီးမီးယား၊ကြက်ဥအနှစ်တွေနဲ့ Infusoria တို့ကို နှစ်ပတ်သားအထိ တနေ့ကို နှစ်ကြိမ် (သို့) သုံးကြိမ်အထိ ကျွေးလို့ရပါတယ်။အစာခြေဖျက်ဖို့အတွက် အချိန်လေး တော်တော်ခြားပြီး ကျွေးရင် ပိုကောင်းပါတယ်။၂ ပတ်သားအရွယ်ရောက်ရင်တော့ အစာကျွေးရတာ တော်တော် အဆင်ပြေသွားပါပီ။ရေတီလေးတွေကို အစိတ်သေးသေးလေးတွေဖြစ်အောင် လုပ်ပြီး ကျွေးတာက တော်တော်လေးကို အဆင်ပြေစေပါတယ်။သတိထားရမှာတခုက အလွန်အကျွံမကျွေးမိဖို့ပါပဲ။ရေတီတွေ အလွန်အကျွန်ကျွေးရင် ငါးလေးတွေ စားလို့မကုန်ရင် ရေပုပ်တတ်ပါတယ်။အဲ့ဒီအခြေအနေကို မေ့လျော့ထားရင် ငါးပေါက်လေးတွေရဲ့ ကျန်းမာရေးအတွက် အလွန်ထိခိုက်စေပါတယ်။အခန့်မသင့်ရင် တကန်လုံးပြုတ်သွားနိုင်ပါတယ်။အဲ့ဒီအတွက်ကြောင့် အစာကျွေးပြီး 30min - 40min လောက်စောင့်ကြည့်ပြီး မကုန်တဲ့အစာတွေကို ပြန်ထုပ်ပေးရပါမယ်။ရေကိုလဲ နှစ်ရက် တခါ (သို့)သုံးရက် တခါ လှယ်ပေးပါ။ဒါမှ ငါးလေးတွေကျန်းမာရေးအတွက် ပိုပြီးအထောက်အကူဖြစ်ပါတယ်။ရေမလဲခင် အကြံပြုချင်တာလေး တခုက ရေမလဲခင် နေ့ဝက်လောက်ကတည်းက ရေကိုကြိုတင်ပြင်ဆင်ထားသင့်ပါတယ်။ဒါလေးက ငါးသားပေါက်မှမဟုတ်ပါဘူး ဘယ်အရွယ်မှာပဲဖြစ်ဖြစ် တော်တော်လေးကို ကောင်းတဲ့ ပြင်ဆင်မှုလေးတခုပါ။ရေအပူချိန် မတူတဲ့အခါကျရင် Thermal Shock ဖြစ်စေနိုင်ပါတယ်။ပူလွန်းအေးလွန်းရင် ငါးက အဲ့တာက မခံနိုင်ပဲ တခုခုဖြစ်သွားနိုင်ပါတယ်။အဲ့တာကြောင့် ရေမလဲခင်မှာ ခုနပြောခဲ့သလိုပဲ လုပ်ထားရင် ငါးလေးတွေ အတွက် အများကြီးအထောက်အကူဖြစ်စေပါတယ်။၆ ပတ်သားလောက်ဆို ရေတီ နှင့် အစာခြောက်တွေ ကို အေးဆေးကျွေးလို့ရပါပြီ။အစာကိုအလွန်အကျွံမကျွေးမိအောင်တော့ ဂရုစိုက်ပြီးကျွေးပေးပါ။ခုပြောတဲ့ဟာလေးတွေက မိတ်ဆွေတို့အတွက် တခုခု အထောက်အကူဖြစ်မယ်လို့ ယုံကြည်ပါတယ်။