November Car Rental Service

Mark-X နဲ့ Crown 2004 အထက်ကားများ
မိုးရွာနေချိန်တွေမှာ ကားလမ်းပေါ် ဘီးတစ်ဝက်လောက်
ရေမြုပ်မယ်ဆိုရင် လုံးဝ ဖြတ်မမောင်းဖို့ကို
အကြံပြုချင်ပါတယ်ဗျာ...🙏

အဆိုပါကားများရဲ့ EPS ခေါ်လျှပ်စစ်စတီယာရင်
စနစ်ဟာရေမြုပ်တာနဲ့ ၁၀ စီးမှာ၇ / ၈ စီးလောက်
စတီယာရင် လေးကုန်ပြီးအချို့က ပြန်ပြင်လို့ရပေမယ့်
အချို့က အသစ်လဲရပါတယ်...

အခန့်မသင့်ရင်လည်းစတတ်မော်တာထဲ ရေဝင်ပြီး
ရှော့ ဖြစ်တတ်ပါသေးတယ်ဗျာ

ဒါကြောင့်...အထက်ပါကား နှစ်မျိုးဟာ
ရေမြုပ်နေရင် လမ်းဘေးကပ်ပြီးရပ်ထားခြင်း၊
နီးစပ်ရာတွင်ကားအပ်ထားကာTaxi ဖြင့်
ခရီးဆက်ခြင်းဖြင့်မကုန်သင့်သော
ငွေများ အလဟသ ကုန်ကျခြင်းမှ
ရှောင်ရှားနိုင်မှာဖြစ်ပါတယ်ဗျ...

ကားဘက္ထရီအိုး အားသွင်းပေးသော
Alternator ခေါ် ဒိုင်နမိုနိမ့်သောကားများသည်
ရေထဲဖြတ်မောင်းသောအခါ
(ဥပမာ Alphard,Bb, Bleta) ကဲ့သို့ကားများ
ဘက္ထရီမီးလင်းလာပါကအဲကားကွန်းပိတ်၍
ရေထဲဖြေးဖြေးဖြတ်မောင်းနိုင်ပါသည်
ရေခြောက်တာနဲ့ ဘက္ထရီပုံမီးအနီလေး ပျောက်သွားပါကာ
ပုံမှန်အတိုင်း ပြန်ဖြစ်ပြီးအဲယားကွန်း ပြန်သုံးနိုင်ပါတယ်

Honda Fit ကားများဟာလည်းExhaust အိတ်ဇောထဲ
ရေဝင်တတ်ပြီး အောက်စီဂျင်ဆင်ဆာ
ရေထိသောအချိန်တွင်အင်ဂျင်ချက်မီးလင်းတတ်သည်

မိုးရေများ ခြောက်သွားပါကချက်မီးအလိုလို
ပျောက်သွားလျှင်စက်ထိုးစစ်စရာ မလိုတော့ပါ...

အဲယားကလင်နာ လေစစ်ဗူးနိမ့်သောကားများ
ရေထဲဖြတ်မောင်းချိန်တွင်ဖြေးညှင်းစွာမောင်းနှင်ရန်
အကြံပြုလိုပါတယ်ဗျာ...

အင်ဂျင်အပတ်ရေများစွာဖြင့်
မောင်းနှင်သောအခါလေစစ်ဗူးမှတစ်ဆင့်
အင်ဂျင်ထဲရေဝင်သွားပါကကွန်နတင်းကောက်ခြင်း
အင်ဂျင်ပျက်စီးခြင်းဖြစ်တတ်ပါတယ်...

မိတ်ဆွေများအားလုံး ကပ်ကြီးသုံးပါးမှ
ကျော်လွှားနိုင်ကြပါစေခင်ဗျာ🙏

​တခြားမသိသေးသူများ
အတွက်လည်းရှယ်ပေးကြပါခင်ဗျား🙏


ကိုတိုး(အွန်လိုင်းကားဝပ်ရှော့)

City yangon Driving School

သီတင်းကျွတ် အခါသမယလေးမှာ စိတ်၏ကျန်းမာခြင်း ကိုယ်၏ကျန်းမာခြင်းနှင့်အတူ စီးပွါးလာဘ်လာဘများ တိုးတက်ကြပါစေလို့ NOVEMBER CAR RENTAL SERVICES မိသားစုမှ ဆုမွန်ကောင်းတောင်းပေးလိုက်ပါတယ်ခင်ဗျာ🪔🪔🕯️🕯️🎇🎇🎆🎆

Gear ပေါ်က စာလုံးလေးတွေအကြောင်း .....

(P R N D 3 2 L (or) P R N D S L)

ဟိုးယခင်ကတော့ ကားတစ်စီးရဲ့ Transmission ဟာ Manual လို့ခေါ်တဲ့ ဂီယာဘောက်စ်နဲ့ဖွဲ့စည်းထားတာဖြစ်ပါတယ်။ ကိုယ်ပြောင်းချင်တဲ့ ဂီယာကို ကိုယ့်ဘာသာ ကလပ်နင်းပြီးထိုးခဲ့ရပါတယ်။

ယနေ့ခေတ်မှာတော့ အိမ်စီးကားတော်တော်များများမှာ manual gear ကိုသိပ်မသုံးကြတော့ဘဲ Automatic Transmisson ကိုတွင်ကျယ်စွာအသုံးပြုလာကြပါတယ်။ အဲ့ဒီတော့ Auto Gear ပေါ်မှာပါတဲ့စာလုံးလေးတွေကို သိထားဖို့လိုအပ်လာပါပြီ။

Auto Gear မှာမှ AT နဲ့ CVT ဆိုပြီး ၂ မျိုးထပ်ကွဲသွားပါတယ်။
Auto Gear ၂ခုဖြစ်တဲ့ AT မှာကော CVTမှာပါ တူညီတာက

P - Park
R - Reverse
N - Neutral
D - Drive
ဆိုတဲ့ စာလုံးလေး ၄ လုံးဖြစ်ပါတယ်။

အဲ့ဒီနောက်မှာမှ အကြမ်းဖျင်းအားဖြင့်တော့ AT မှာဆိုရင်
3
2
L - Low

CVT မှာဆိုရင်တော့
S - Sport Mode
L - Low Gear
စသည်ဖြင့်ပါတတ်ကြပါတယ်။

P-Park

ဒါကတော့ရိုးရှင်းပါတယ်။
ကားကိုရပ်ချင်တဲ့အခါမှာသုံးပါတယ်။ P ကိုထိုးလိုက်တဲ့အချိန်မှာ အကြမ်းဖျင်းအားဖြင့် Transmission system
တစ်ခုလုံးကို lock ချလိုက်သလိုပါပဲ။
အဲ့ဒီတော့ ကားမောင်းနေစဉ်မှာ ကားရွေ့နေစဉ်မှာ P ကိုထိုးမိခဲ့ရင် ပြေးနေတဲ့မြင်းကို ခြေထိုးခံလိုက်သလိုဖြစ်ပြီး
Gear box ကြီးပျက်စီးသွားမှာပါ။ ဒါပေမဲ့စိတ်မပူပါနဲ့ ကားထုတ်တဲ့စက်ရုံကအဲ့တာတွေကြိုသိလို့ ကားမောင်းနေတုန်းမှာ P ကိုထိုးလို့မရအောင်ကာကွယ်ပေးထားပါတယ် (မယုံရင် စမ်းတော့မကြည့်နဲ့ 🙂 ) ။
ကားလုံး၀ရပ်သွားပြီဆိုမှသာ P ကိုထိုးလို့ရပါတယ်။

R-Reverse

ကားကိုအနောက်ဆုတ်ချင်တဲ့အခါမှာ R ကိုသုံးပါတယ်။

N-Neutral

N ဆိုတာကတော့ ကျွန်တော်တို့ manual gear မှာဆိုရင် free ထားလိုက်သလိုပါပဲ။
Neutralဆိုတဲ့အတိုင်း ဘယ်ဂီယာမှ မဝင်တာကိုဆိုလိုတာပါ။
ဘယ်နေရာတွေမှာသုံးလဲဆိုရင် ကားပျက်သွားလို့ဆွဲတဲ့အခါ တွန်းတဲ့အခါတွေမှာသုံးပါတယ်။

D-Drive

Drive ဆိုတော့ ကားကိုရှေ့မောင်းချင်တဲ့အခါမှာ သုံးတာပါ။ D နဲ့မောင်းမယ်ဆိုရင် ကိုယ့်ကားမှာဂီယာ ၅ ချက်ရှိမယ်ဆိုရင်
အဲ့ဒီ ၅ ချက်စလုံးကုန်တဲ့အထိ
လီဗာနင်းတဲ့အပေါ်မူတည်ပြီး အစဉ်လိုက်ချိန်းပေးသွားမှာပါ။

3,2

AT Gearbox သုံးတဲ့ကားတွေ ဥပမာ Mark II တွေမှာတွေ့ရတယ်။ ကားရဲ့ Automatic Transmission System မှာ 5-speed ဂီယာ ၅ ချက်ရှိတယ်ပဲဆိုပါစို့။
3 နေရာမှာထားလိုက်တာဟာ နောက်ဆုံးက ဂီယာ ၄ နဲ့ ၅ ကို ချိန်းမပေးနဲ့တော့ ငါ့ကို ၁ ကနေ ၃ အတွင်းသာ ဂီယာချိန်းပေးလို့ခိုင်းလိုက်တာပါပဲ။ 2 မှာ ထား
မယ်ဆိုရင်တော့ ဂီယာ ၃၊ ၄ နှင့် ၅ ကိုမချိန်းနဲ့တော့ ၁ နဲ့ ၂ ဂီယာပဲချိန်းမယ်လို့ပြောလိုက်တာပဲ။ တောင်အတက်တွေ တောင်အဆင်းတွေမှာသုံးပါတယ်။
တောင်အဆင်းမှာဆို ၂ လောက်နဲ့ဆင်းရင် ဘရိတ်ကိုသိပ်မသုံးရတော့ ဘရိတ်အပူသက်သာပြီး ပိုပြီးလဲ အန္တရာယ်ကင်းပါတယ်။ ကိုယ်က D နဲ့မောင်းနေရင်း ရုတ်တရက် အရှိန်ရှော့ချင်ရင်ပဲဖြစ်ဖြစ် အကွေ့တွေမှာအရှိန်သတ်ချင်တာပဲဖြစ်ဖြစ် 3 နှင့် 2 ကိုသုံးလို့ရပါတယ်။

S-Sport Mode

သူရဲ့အဓိကလုပ်ဆောင်ချက်ကတော့ Lower Gear ကိုကြာကြာထိန်းထားပြီး Power ပိုထုတ်ပေးတာပါ။
ဥပမာ- D နဲ့မောင်းလို့ 40 Km/h ကိုရောက်ပြီး ၃ စက္ကန့်အကြာမှာ ဂီယာ ၂ ကနေ ၃ ကိုချိန်းပေးတယ်ဆိုပါစို့။ S နဲ့ဆိုရင် 40km/h ကိုရောက်ပြီး ၆ စက္ကန့် ၇ စက္ကန့်လောက်မှပြောင်းပါလိမ့်မယ်။ အဲ့ဒီတော့ Lower gear မှာ အချိန်ကြာကြာနေပြီး
power ပိုထုတ်ပေးပါတယ်။ အကွေ့အကောက်များတဲ့လမ်းတွေမှာသုံးပါတယ်။ ဆီတော့ပိုစားပါတယ်။ ဘာလို့လဲဆိုတော့
lower gear မှာကြာကြာနေတာကိုး။ အကွေ့တွေဆို ထိန်းလို့သိမ်းလို့ပိုကောင်းပါတယ်။ RPM ကိုလည်းမကျစေပဲ ထိန်းပေးပါတယ်။

L-Low Gear

သူကတော့ အနိမ့်ဆုံးဂီယာဖြစ်တဲ့ ဂီယာ နံပါတ်၁ ပါ။ Manual မှာ Gear 1 ထိုးလိုက်တာနဲ့အတူတူပါပဲ။ ကျန်တဲ့ဂီယာတွေကိုလုံး၀မချိန်းပဲ တောက်လျှောက် 1 နဲ့ပဲသွားမှာပါ။ တောင်အမတ်ကြီးတွေတက်တဲ့နေရာ အဆင်းအကြီးကြီးတွေဆင်းတဲ့နေရာမှာသုံးပါတယ်။

အားလုံးပဲ ဘေးရန်ကင်းစွာနဲ့ခရီးနှင်နိုင်ကြပါစေ။
မူရင်းရေးသားသူအားလေးစားစွာဖြင့်
creditပေးပါသည်။

Happy Myanmar New Year!!💦💦🌼🌼💐💐

ချစ်မိတ်ဆွေများ တောင်ပေါ်လမ်းတွေကို
အိမ်သုံးကားဖြင့် မောင်းတော့မယ်ဆိုလျှင်

🚙အော်တို ဂီယာအသုံးပြုသူများအနေနဲ့
မြင့်မားသော တောင်အတက်များတွင်
အဲယားကွန်း❌ မဖွင့်ပါနှင့်၊
အဲယားကွန်းဖွင့်တက်ပါကEngine Loading များတဲ့အတွက် ကားအင်ဂျင် ပိုရုန်းရပါသည်။

⭐တောင်တက်ရန်အတွက် Second ဂီယာဖြစ်သောS, 2 တို့ဖြင့်သာ တောင်တက်ပါ။
D သာပါသော အော်တိုကားများတွင် Manual ပြောင်း၍ တက်သင့်ပါသည်။

⭐(Edit... D နဲ့ မောင်းလည်း S, 2 ဂီယာ
ချိန်းတာ ဒေါင်းတာ အတူတူပါလို့ ပြောလာတဲ့အတွက်အမှတ်မမှားစေရန် ပိုရှင်းလင်းစေရန်
အလို့ဌာရှင်းပြပေးလိုက်ပါတယ်ဗျာ။

✅အဲ့တာဟာ သာမန်မသိတဲ့သူတွေ ထင်တဲ့အယူအဆပါ။
S, 2 မှာထားတာနဲ့D. မှာထားတာက
ဘာကွာသလဲဆိုတော့ D မှာက အတက်အတွက်
S, 2 ထည့်ပေးသည့်တိုင် ဆီပေးတဲ့နှုန်း ThrottleShutter Engine Loading စတာတွေမတူပါ။

⭐D ရိုးရိုးထားတာနဲ့ O/D Off ထားပြီးသုံးတာ
ECT Power သုံးတာချင်းမတူပါ O/D Off ကတော့နောက်ဆုံးဂီယာ အသေးဆုံး တစ်ချက် 4,5 စသည်ဖြင့် မဝင်တော့ပါ။

⭐S, 2, ဂီယာသုံးထားရင် အင်ဂျင်ကွန်ထရိုးဘောက်ကနေ Engine Loading ပိုရုန်းနိုင်ရန်အတွက် Throttle Shutter ကို ပုံမှန်ထက် ၁၅ ရာခိုင်နှုန်းအထိ ပိုဖွင့်ကာ ဂီယာအချိန်းပြောင်းလုပ်ပေးပြီး...ပုံမှန်ထက်ဆီပိုပေး...
မီးပိုမြင့်ပေးပြီးEngine Power ပိုကောင်းလာအောင် ကူညီပေးပါတယ်။

⭐O/D နဲ့ ECT Power လည်း ထိုသဘောမျိုး
Engine Power ပိုကောင်းအောင်ကူညီပေးတာပါ။

✅ဒါကြောင့် နည်းပညာနဲ့ ပတ်သက်တာကို
တကယ် ထဲထဲဝင်ဝင်မသိလို့တကယ်အမှန်မသိလို့ D နဲ့ မောင်းရင်ချိန်းပေးတာ အတူတူပဲလို့
ပြောတာပါ။

⭐ဒီဇယ် Pickup ကားများနှင့် Manual ဂီယာသုံး အိမ်သုံးကားငယ်များတွင် ဂီယာကို ကြိုဒေါင်းပါ။
မနိုင်သောဂီယာနှင့် အတင်းဆွဲတက်ပါက
Manual ဂီယာကားများတွင် ကလပ်ပလိတ်ပြား မျက်နှာပြင်များ ချော်တတ်ပါသည်။

⭐မြင့်မားသော တောင်အဆင်းတွင်လည်း အော်တိုဂီယာဖြစ်စေ Manual ဂီယာဖြစ်စေ...
ဂီယာကြီးဖြစ်သော S, 2 စသော ဂီယာကြီးဖြင့်
အနည်းဆုံးဆင်းပါ။
အဆင်းရှည်သော တောင်ဆင်းများတွင်
ဂီယာအသေးဖြစ်သော 3, 4, D ဖြင့်ဆင်းပြီး ဘရိတ်အား ကြာရှည်စွာ မှေးထားပါက
တောင်ဆင်းတွင် ဘရိတ်ပျောက်တတ်ပါသည်။ ဘရိတ်ပျောက်ပါက ဘရိတ်အောက်ကျကာ
မမိတော့ပါ။

⭐ဘရိတ်ပျောက်ခဲ့ပါက မစိုးရိမ်ပဲ
ဂီယာဖြင့် ထိန်းရပ်ကာရပ်ပြီး နာရီဝက်ကျော်ခန့်
နားလိုက်ပါက ဘရိတ်နဂိုကဲ့သို့ အပေါ်
ပြန်တက်ကာ ကောင်းသွားပါလိမ့်မည်။

⭐တောင်တက် တောင်ဆင်း မျက်ကွယ်ကွေ့များတွင် ဟွန်းတီးရန် မမေ့ပါနှင့်။ ဟွန်းသံသည် ကျဉ်းမြောင်းသော တောင်ကွေ့များတွင်
နှစ်ဖက်လုံးအတွက် အန္တရာယ်ဖြစ်စေခြင်းမှ
ကာကွယ်နိုင်ပါသည်။

⭐တောင်တက် တောင်ဆင်းချောက်ကမ်းပါးနား
ကားချင်းကပ်ရှောင်ရာ၌ ဘေးကာတန်းနှင့် တိုင်မရှိသောနေရာများတွင်ဖို့ မြေသားပေါ် မနင်းပါနှင့်...မသေချာပါက ရပ်ထားကာ ရှောင်ပါ...
ဘယ်မောင်းကားများ မသေချာပါက
ရပ်ပြီးသာ ရှောင်သင့်ပါသည်။

တောင်တက် တောင်ဆင်းများတွင်ကားကြီးများကို ဦးစားပေးပါ။ကားကြီးများသည် ဝန်အလေးချိန်များသဖြင့်အချို့နေရာများ ဖို့မြေသားများတွင် ချောက်နုတ်ခမ်းအထိ ကပ်သွား၍ မရပါ။ ထို့ကြောင့် ကားကြီးများအား လမ်းဦးစားပေးပါ။

⭐တောင်တက် တောင်ဆင်းများတွင် တအိအိ တက်ဆင်းနေသော ကားကြီးများ
အနှောင့်အယှက် ဖြစ်စေရန် ဟွန်း တတီတီ တီး၍ လမ်းမတောင်းပါနှင့်။လမ်းလွတ်သောနေရာများတွင် လမ်းမတောင်းသည့်တိုင် နောက်ကားအား ကျော်ရန်နေရာပေးပါလိမ့်မည်။ကျော်မရသော လမ်းကျဉ်းများ လမ်းပေး မရသောနေရာများတွင် ဝန်အလေးဖြင့် တက်ဆင်းနေသော ကားကြီးများအား ဟွန်းသံဖြင့် အနှောင့်အယှက်မပေးပါနှင့်။

⭐ရှမ်းအရှေ့ ကိုးကွေ့တောင်ကဲ့သို့
အတက်များတွင် ကားကြီးများသည်
ညာကွေ့များတွင် ကွေ့၍ မလွတ်သောကြောင့်
ဘယ်ဘက်ယာဉ်ကြောမှ ပန်းကွေ့တတ်ပါသည်။
ထို့ကြောင့် ကျဉ်းမြောင်းသော အကွေ့များတွင်
ကားကြီး ဘယ်ကြောယူကွေ့ပါက ကားငယ်များ ဘယ်ကြောမှ ဖြေးညှင်းစွာဆင်း၍ လမ်းပေးပါ။

⭐ဝန်အလေးတင်ထားသော ကားကြီးများသည်
ရပ်ပြီးမှ အကွေ့တွင်ပြန်တက်ပါက
အခန့်မသင့်ပါက နောက်ကရောင်းကြွေခြင်း...
ကလပ်ပလိတ်ကုန်ခြင်း...
ရှပ်များကျိုးခြင်းဖြစ်တတ်ပါသည်။

⭐တောင်တက်များတွင် ဖြေးဖြေးမှန်မှန်သာ
တက်ခြင်းသည် ကားအင်ဂျင်ကို ဝန်ရုန်းရ
သက်သာစေပြီး အန္တရာယ်ကင်းပါသည်...
အတက် အကွေ့များတွင် ချောက်ကမ်းပါးဘက်မှ ပန်းကွေ့ရပါက အရှိန်ကြိုလျော့ထားပါ...
အကွေ့မနိုင်ပါက တစ်ဘက် ချောက်နုတ်ခမ်းအထိ ပါသွားတတ်ကာ အန္တရာယ် ရှိပါသည်။

⭐တောင်တက် တောင်ဆင်းများတွင်
မိတ်ဆွေတို့ကားများ ခေတ္တနားလိုပါက
မျက်ကွယ်ကွေ့နေရာများနှင့် လမ်းကျဉ်းသော နေရာများကို ရှောင်ပြီး လမ်းကျယ်သောနေရာတွင်သာ နားပါ။

⭐မည်မျှမြင့်မားသော တောင်ပင်ဖြစ်ပါစေ...
အိမ်စီးကားများသည် ရပ်ပြီး ပြန်တက်ရာတွင်
ယခုခေတ်ကားများသည် သာသာယာယာပင်
တက်နိုင်ကြပါသည်။ဒါကြောင့် မသေချာသောနေရာများတွင် ရပ်ပြီး ရှောင်ပေးပါ။

⭐မိတ်ဆွေကားအန္တရာယ်ကင်းအောင်မောင်းပြီး
အခြားကားများလည်း အန္တရာယ်မဖြစ်အောင်
ဂရုပြု မောင်းနှင်ပေးပါရန် လိုအပ်ပါသည်။

🔥ခရီးမထွက်ခင်...
ပန်ကာကြိုး...
အင်ဂျင်ဝိုင်...
ဂီယာဝိုင်...
ဘရိတ်ဆီ...
ရေတိုင်ကီ Coolant...
ပါဝါဆီ...
ရေသုတ်တံနှင့် မှန်ဆေးရည်...
ကားဟွန်း...
တိုင်မင်ကြိုး...
ဘရိတ်ရှုးနှင့် အောက်ပိုင်းစစ်ဆေးရန်
မမေ့ပါနှင့်။

✅လေစစ်များ မကောင်းပါက
အသစ်လဲလှယ် ပြီးမှ ခရီးထွက်ပါ။

ကား တာယာရက်စွဲများကို ခရီးမထွက်ခင်
အသေအချာ စစ်ဆေးပါ။
တာယာ ပန်း ကောင်း မကောင်း စစ်ဆေးပါ။
တာယာရက်စွဲသည် ၄ နှစ်ခန့်အထိသာ
စိတ်ချရပါသည်။

💜ချစ်မိတ်ဆွေများအားလုံး
လိုရာခရီးသို့ ချောမောစွာ ရောက်ကြပါစေ...

မူရင်းတင်သူကို လေးစားစွာဖြင့် Mr.Jet မှ credit ပေးပါတယ်ခင်ဗျာ

🎉(၇၅) နှစ်မြောက်လွတ်လပ်ရေးနေ့အား ဂုဏ်ပြုကြိုဆိုပါသည်။🎉

Merry Christmas to all customers!!🎄🌲🎅🍷🎁❄️☃️