Useless Envelope

ကို့ စိတ္တဇနဲ့ ကိုယ်

အိပ်မရတဲ့ ညတွေမှာ
အမှောင်ရဲ့ညီးညူသံဟာ အဆူညံဆုံးဘဲ
ခဏပါလို့တွေးပီး တစ်ဘဝမက ကြာခဲ့ပေါ့

သံကြိုးအထပ်ထပ်နဲ့ စိတ် တွေကို
သော့တွေအခါခါ ခပ်ပီးမှ
မှားလားမှန်လား ငါ မတွေးချင်တော့

တစ်စက္ကန့်စာ လွဲချော်မှုတွေက
လစ်ဟာမှုတွေကို အသုံးတော်ခံနေသလို
ဘဝ ဟာ ဒါပါလို့ ဘယ်သူမှလည်း မရှင်းပြကြ

ဒါနောက်ဆုံးရယ်သံတွေပါ
ကိုယ့်စိတ်တွေ ကိုယ်တိုင်စားသုံးပီး
(အရာရာမှာ)
ဆုံးရှုံးစပြုနေတဲ့ လူငယ်တစ်ယောက်ရဲ့အတွေးတွေပါ။

ယောဏံ

ကိုယ်တို့တွေ လွဲပီးထည်းကပါဘဲ
အရာရာဟာ ထပ်တူမညီနိုင်တော့
ကိုဟာကိုမဟုတ်သလို
မင်းဟာလည်းမင်းမဟုတ်တော့
လက်ဗလာနဲ့ခေါင်းငုံပြန်ခဲ့ပါတယ်ပေါ့
ဖုန်ထူထပ်နေတဲ့နေရာဟောင်းမှ

TIke Sway Lu
10:19 PM

တိမ်တွေလိုရှင်သန်ချင်ရုံ ☁️

Yaw Hnan
6:01pm

ကာရံမဲ့ချိန်

ရည်ရွယ်ထားတဲ့အလင်းတန်းတွေ
အိမ်မက်ဖြစ်မလာခဲ့
အတ္တမာနတွေ အစားထိုးမယ်
တာဝန်တွေဝတ္တရားတွေ
ခေါင်းမာတာဟာနေရာတိုင်းမကောင်းခဲ့
ဖြစ်တည်မှုမရှိတော့တဲ့အခါ
အိမ်မက်ဟာဗလာညများ။

တိုက်ဆွေးလူ

Pageကခုမှပြန်runမှာမို့ ကဗျာတွေ စိတ်ခံစားချက်စာစုတွေတင်မှာပါဗျာ ။ ဘော်ဒါတွေဘက်ကကြိုက်နှစ်သက်ရင် ကူးယူဖော်ပြလို့ရပါတယ်။

ကျယ်လောက်စွာဆူညံမိသမျှတွက်
ရိုကျိုးစွာတောင်းပန်ပါတယ်
မငိုနိုင်တဲ့လှိုင်းတွေမို့
ငြီးတွားခွင့်တော့ပေးလှည့်ပါ။

တိုက်ဆွေးလူ

မြစ် ၂

ကောက်ကွေ့တယ်ထင်ရပေမယ့်
စီးတော့လည်းတဖြောင့်ထည်း
အတိမ်အနက်က အဓိကမဟုတ်ရင်
မြစ်ဖျားခံမှာဘယ်အရပ်လဲ
လိုအပ်သလိုတိုက်စားကြေး‌ဆို
လုံးပါးပါးတာကြာရောပေါ့
ဒီတစ်ခေါက်ရော ဘယ်အရပ်စီလဲ။

ယောဏံ

မထိုက်တဲ့အလင်း

ပန်းတွေကြွေအောင်
ဝေဆာခဲ့သမျှ တောင်းပန်ပါတယ်
မတည်ငြိမ်တဲ့လှိုင်းမို့
ကမ်းတင်ခဲ့ရုံနဲ့တင်ကျေနပ်ပါတယ်
တို့လမ်းဟာတိုတောင်းခဲ့ပေမယ့်
အမှတ်တရတွေဟာ ထင်ကျန်ဆဲပါ
ပိုးစုန်းကြူးလိုအလင်းမျိုးမို့
လမင်းကိုမမျော်တော့တာ တရားပါတယ်။

ယောဏံ

ခေါင်းစဉ်မရှိသောနေ့စွဲများ

နီးချင်တော့လည်း
နီးစပ်ခဲ့ကြတဲ့ ဆက်ဆံရေးတွေ
ဝေးချင်တော့လည်း
ဝေးခဲ့ကြရတဲ့ အခြေနေတွေပါပဲ
ကံပါသလောက်ပေါ့ကွယ်
အမှတ်တရတွေအတွက်တော့
ကျေးဇူးတင်ပါတယ်......

#မောင်လွင့်မြော....

ကျနော်ဟာ

ကျ‌နော်ဟာနားလည်ရခက်တဲ့ပုဒ်စာ
ကျ‌နော်ဟာအဝင်ရခက်တဲ့ဝင်္ကပါ
ကျနော်ဟာကွဲအက်နေတဲ့မှန်
ကျနော်ဟာအဖြူရောင်စက္ကူရွက်
ကျနော်ဟာမုန်တိုင်းအစပျိုးလေပြေညှင်း
ကျနော်ဟာအိပ်တန်းမတက်တဲ့ငှက်
ကျနော်ဟာရေမရှိတဲ့ကန္တာရ
ကျနော်ဟာကျောက်ဆောင်ပေါ်ကမီးပြတိုက်
ကျနော်ဟာပန်းတိုင်းမနားတဲ့လိပ်ပြာ
ကျနော်ဟာနှလုံးသားရှိတဲ့အိမ်ခြေရာမဲ့
ကျနော်ဟာကြိုးမဲ့နေတဲ့စွန်
ကျနော်ဟာအစွယ်ချိုးခံရတဲ့မြွေ

Min Thu Rain

ငါ့ညီ
ကဗျာတွေမှာတရားသဘောတွေရှိတယ်
သဘောတရားတွေရှိတယ်
မင်းရှာဖွေနိုင်မယ်လို့လည်းငါယုံတယ်
ငါတို့နိုင်ငံရဲ့အဖြစ်အပျက်တွေအတွက်
သကြားမင်းရဲ့ကျောက်ဖျာဟာတင်မာမလာခဲ့သလို
ငါတို့ကိုလည်းဘယ်နတ်သကြားမှဆင်းမကယ်ဘူး
ဆီတိုးနေတဲ့လူအုပ်တွေထဲ
ဘယ်နတ်တစ်ပါးမှဝင်မတိုးဘူးသလို
အလုအယှက်ခံနေရလဲ
ဘယ်နတ်တစ်ပါးမှဝင်မဖမ်းပေးဘူး
ရှင်းရှင်းပြောမယ်ကွာသူခိုးပြေးရင်တောင်
ခလုတ်တိုက်လဲအောင်မစွမ်းဆောင်ပေးဘူး
ခေတ်ပျက်ကြီးထဲ
မင်းမေတ္တာသုတ်ထိုင်ရွတ်နေလဲ
အာခေါင်ချောက်ပြီးသေသွားယုံမှတပါး
ဘာမှဖြစ်မလာဘူး ဘာမှဖြစ်မလာနိုင်ဘူး
မမြင်နိုင်တာတွေယုံကြည်နေ့မဲ့အစား
မဖြစ်နိုင်တာတွေမျှော်လင့်နေမဲ့အစား
မင်းကိုယ်မင်းသာအသက်ရှင်အောင်နေ
အိမ်အပြင်ထွက်လိုက်တာနဲ့
ငါတို့မင်းတို့ရဲ့စစ်မြေပြင်ပဲ
မင်းအိမ်ထဲထိဝင်မလာချင်ရင်တော့
မင်းအိမ်တံခါးသာလုံအောင်ခတ်အိပ်