AGAPE - The Infinity Pharmacy

AGAPE ဆေးဆိုင်တွင်USA supplements များကိုတိုက်ရိုက်ဝယ်ယူရောင်းချပေးနေပါသည်
ရန်ကုန်မြို့တွင်း COD ဖြင့်လဲ ပို့ဆောင်ပေးနေပါတယ်ရှင့်🙂🙂

ူးစက်ခံရရင်ဘာလို့အသံပျောက်တာလဲ

အိုမီကိုက်ပြီဆို လက္ခဏာတွေက အရင်ဆုံးကြားရတာပါ၊ ဘာလည်းဆိုတော့ ပုံမှန်အသံမဟုတ်တော့တဲ့ အသံဩဩကြီးတွေ၊ အသံပိစိ
လေးတွေ အစရှိတဲ့ အသံပျောက် အသံပျက် တချို့ဆို အသံပါမ‌ထွက်
တော့ပါဘူး၊ နောက်တော့မှ တခြားလက္ခဏာ‌ဖြစ်တဲ့ နှာစေး၊ နှာခေါင်း
ပိတ်၊ လည်ပင်းနာ၊ ချောင်းဆိုး၊ ကိုယ်လက်ခေါင်းကိုက်တွေ ဖြစ်လာ
တတ်ကြတာ

အိုမီက အရင်Original Wuhanကိုဗစ်ပိုးတုန်းကလို နှာခေါင်းအတွင်းမှာ မျိုးမပွားတော့ နှာခေါင်းဆဲလ်တွေ မသေမ‌ပေါက်မပျက်စီးပဲ အနံ့မပျောက်ပါဘူး၊ အလားတူ Delta Sတို့နဲ့မတူတာက အဆုတ် အထိဆင်းပြီး ရင်ခေါင်းထဲမှာပိုးတွေမျိုးပွားပြီး လေအိတ်တွေထဲက
ဖောက်ထွက်တာမျိုးလည်း မလုပ်တော့ အဆုတ်ကိုလည်း မထိတော့ဘူးပေါ့

#အိုမီကြိုက်တာကလည်ချောင်း၊ ပြောရမယ်ဆို အသက်ရှူလမ်း
ကြောင်းရဲ့ အထက်ပိုင်း Pharynxရဲ့အောက်ဖက်က အသံအိုးဖြစ်တဲ့ Larynxနေရာက လေအဝင်အထွက်လမ်းကြောင်းဘေးက ဆဲလ်တွေထဲ အိုမီတို့တွေမျိုးပွားဖို့ အဓိကနေရာယူကြတာပဲ၊ အားလုံးသိတဲ့အ
တိုင်း ကိုဗစ်က virusအမျိုးအစား ကိုယ်တွင်းဆဲလ်တွေထဲဝင်ပြီးမှ ပိုးအသစ်တွေထုတ်နိုင်တာ၊ ပြီးရင်လည်း အပြင်ပြန်ထွက်ဖို့က သူဝင်မျိုးပွားထားတဲ့ ဆဲလ်နံရံရဲ့အစိတ်အပိုင်းကိုဖြတ်ယူပြီး ဖောက်ထွက်ကာ တခြားဆဲလ်တွေကို ထပ်ကူးစက်တတ်ကြတာ

#အသံအိုး‌ပတ်ပတ်လည်နေရာက အရမ်းနူးညံ့တယ်၊ အသံကြိုးလို့
တင်စားပြီးခေါ်ကြတဲ့ စကားပြောတဲ့အခါမှာ လေကို အသံအနေနဲ့
ထွက်လာအောင်လုပ်ပေးတဲ့ ကြွက်သားအမျှင်လေးတွေ အဖွင့်အပိတ် အပြားလေးတွေရှိတယ်၊ အသံတုန်ခါမှု Viberation‌တွေနဲ့ ပြောချင် တဲ့အသံထွက်လာအောင် ထိန်းညှိပေးလို့ အရမ်းအရေးပါတယ်၊ အဲဒီ
နေရာမှာ အပြင်လေနဲ့အတူ ကူးစက်ဝင်ရောက်လာတဲ့ အိုမီကအခြေချနေရာယူတယ်၊ မျိုးပွားတယ်၊ အသံအိုးဆဲလ်တွေ ရောင်တယ်၊ အသံနာလာတယ်၊ ဆဲလ်တွေပေါက်ပြီး ပျက်စီးတာများရင် လည်ပင်းနာလာ
ပြီး အသံပါပျောက်သွားမယ်၊ အဲဒီဖြစ်စဉ်ကို ဆေးပညာက Laryngitisလို့ခေါ်တယ်

#လည်ချောင်းထဲမှာနေပိုးပွားပြီးတော့ ဖြန့်တဲ့အချိန်မှာ အထက်
အောက် ပြန့်တယ်၊ အပေါ်ဖက် နှာခေါင်းထဲ‌ပိုးပြန့်ရင် Nasal Irritationရပြီး နှာမွှန်၊ နှာစေး၊ နှာခေါင်းပိတ်တွေ ဖြစ်မယ်၊ အောက် ဖက်က အဆုတ်ထဲကိုလည်း အနည်းနဲ့အများရောက်ရင် ချွဲထွက်၊ ချွဲ
ပိတ်၊ ချောင်းဆိုးတွေ ဖြစ်မယ်၊ အဆုတ်ထဲပိုး‌ရောက်ချိန် ကာကွယ်
ဆေးထိုးပြီးသားဆို အေးဆေးပဲ၊ ကို‌ဗစ်ကိုတိုက်ထုတ်မည့် ခုခံအားက အသင့်စောင့်နေတယ်လေ၊ အဲတော့ မအိမသာ ‌အားနည်းတာလောက် ကလွဲရင် ဘာမှမဖြစ်ပဲ ပြီးသွားတာ၊ ဖျားတောင်မဖျားတော့ဘူးပေါ့

#ဘယ်လိုစစ်ရင်သိနိုင်မလဲဆို‌တော့ နှာခေါင်းထဲကနေ swabယူ တို့ဖတ်စစ်ရင် တချို့ကူးစက်ခံရသူတွေမှာ မတွေ့ကပဲ oropharyngeal swab ခေါ် လည်ချောင်းတို့ဖတ်‌ယူတော့မှ တွေ့ရတာတွေ ရှိတယ်လို့ ပြောပါတယ်၊ ဒီတော့ အသံဝင်လို့ စစ်
လိုက်ချိန် Negativeဆိုပေမဲ့လည်း မပေါ့ပါနဲ့၊ လက်ရှိ RDT testတွေက PCR testလောက် အဖြေမမှန်ပါဘူး၊ ဘာပဲဖြစ်ဖြစ် အခုအချိန် Covid Positiveနဲ့ အသံ‌နာ အသံပျောက်ပြီဆို Omicronဖြစ်ဖို့ 99%ပါ

#အသံနာတာဘယ်လိုကုမလည်းဆိုတာ အသေးစိပ်တော့ မရေးတော့ပါဘူး၊ Laryngitisကို ဆရာဝန်တိုင်း ကုတတ်ပါတယ်၊ စိတ်ချချင်
ရင်တော့ ဆေးခန်းပြကြည့်ပါ၊ အဓိက လည်ချောင်းအတွင်း ရောင်ရမ်း နေတာကို သက်သာစေတဲ့ Analgesicတချို့နဲ့ Serratiopeptidaseလိုမျိုးတွေ အဓိကသုံးပါတယ်၊ Antibiotics ခေါ် ပိုးသတ်ဆေးတွေက Viral Infectionဖြစ်တဲ့ အိုမီမှာမစွမ်းပါဘူး၊ ကိုယ်ဟာကိုယ်တွေ သောက်မနေကြပါနဲ့ဦး၊
လည်ပင်းမှာ တခြားအနာတွေ သို့ ပြည်တည်သလိုမျိုးတွေ ဖြစ်လာ
နိုင်ချေရှိတယ်ဆိုရင်တော့ ဆရာဝန်က ညွှန်းကြားပါလိမ့်မယ်၊ Cetrizeneတို့ Burmetonတို့ တခြားDecongestantလိုမျိုး‌
တွေကိုလည်း နှာမစေးနှာမပိတ်သေးပဲ ကြိုသောက်တာတို့ လိုအပ်တာထက် ပိုသောက်တာတို့ မလုပ်ပါနဲ့၊ လိုအပ်သည့် ပုံမှန်နှာရည်မထွက်ပဲ လည်ပင်းခြောက်နေရင်လည်း အသံပိုနာပါတယ်

#ကိုယ်ဟာကိုယ်သောက်ချင်ရင် Vitamin Cတို့ Zincတို့ပဲ
သောက်ပါ၊ ရေနွေးငွေ့ရှူပါ၊ ရေဝဝသောက်ပါ၊ လည်ပင်း အာ‌ခေါင်ကို အခြောက်မခံပါနဲ့၊ ရေခဲရေအေးအေးတွေရှောင်ပါ၊ အဓိကကတော့ အသံစပျက်နေပြီးဆို စကားတွေအများကြီး မပြောပါနဲ့၊ တိုးတိုးတိုးတိုးလည်း မပြောပါနဲ့ ပိုဆိုးပါတယ်၊ ဖြစ်နိုင်ရင် ၃ရက်လောက် လည်
ချောင်းကို အတတ်နိုင်ဆုံး အနားပေးထားလိုက်ပါ၊ မကြာခင် အသံ
ပြန်ထွက်လာမှာပါ၊ နှစ်ပတ်ကျော်လို့မှ အသံမထွက်လာရင်တော့ အသံအိုးထိသွားမှာ စိုးရိမ်ရပါတယ်၊ နီးစပ်ရာဆရာဝန်တစ်ယောက်နဲ့ အမြန်ဆုံးတိုငိပင်ပြီး လိုအပ်သည့်ကုသမှုရယူလိုက်ပါ

ဆေးလိပ်၊ ကော်ဖီနဲ့ အရက်ဘီယာလျော့သောက်ပါ၊ နားပါ၊ အားလုံး
ကျန်းမာနေကောင်းပြီး ပုံမှန်အသံတွေနဲ့ အမြန်ဆုံးပြန်လည် ပြောနိုင်
ဆိုနိုင်ကြပါစေလို့ ဆုတောင်းပါတယ်

Dr. Hadee Maung (9.2.2022)

P.S. ဆေးခန်းပြဖို့အခက်အခဲရှိလို့ သဘာဝနည်းနဲ့ လည်ပင်းနာ အသံနာသက်သာချင်ရင်တော့ ရေနွေးနွေးကို ဆားနည်းနည်းခပ်၊ ဂျင်းအပြားပါးပါးလေး တစ်ပြားနှစ်ပြားထည့်ပြီး ပျားရည်နဲ့အတူ တစ်ရက်ကို တစ်ကြိမ် နှစ်ကြိမ် သောက်နိုင်ပါတယ်၊ ဆက်တိုက်အများကြီးတော့ မသောက်ကြပါနဲ့

Research paperတွေ စုပေးထားတဲ့ Articleပါ Not Ref
https://www.theguardian.com/world/2022/jan/02/new-studies-reinforce-belief-that-omicron-is-less-likely-to-damage-lungs

May Ni Moee Hein
Credit

New studies reinforce belief that Omicron is less likely to damage lungs Six research groups’ findings all suggest variant multiplies more in throats and causes less serious disease

AGAPE ဆေးဆိုင်ကို လှိုင်မြို့နယ် ၁၆ရပ်ကွက်,အမှတ်(၆၁)နေရာတွင်ပြောင်းလဲ ဖွင့်လှစ်ထားပြီး ရန်ကုန်မြို့အတွင်း Cash on deli အနေနဲ့လဲ ဆက်လက် ပို့ဆောင်ပေးနေပြီဖြစ်ကြောင်း သတင်းကောင်းပါးအပ်ပါတယ်😍😍

ကြိုတင်ပြင်ဆင်လို့ရအောင်
တစ်ကိုယ်စာ အရေးပေါ်အိတ်အတွက် လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး ဝန်ကြီးဌာနမှ
အသိပညာပေးထားတာကို
ပြန်လည်မျှဝေပေးထားတာပါ ..
🥰🙏🥰

ဒီကာလအတွင်း ..

🛑ကလေးတွေ အတွက် emergency ဆေး သေတ္တာလေးတခု ဆောငိထားစေချင်တယ် ။
ကိုယ်လည်း ဆောင်ထားတယ် ။

အသင့်တင့်ထည့်နိုင်တဲ့ ပလပ်စတစ်ဘူး တစ်ဘူးထဲမှာ ထည့်ဖို့ဆေးတွေက

🛑၁ ။ ညအချိန်မတော် ဖျားနာခဲ့ ရင် တိုက်ဖို့

📌paracetamol 250 mg/ml အရည် တဘူး

paracetamol 100mg/ml အရည် (တနှစ်အောက်ကလေးများအတွက် )

📌Biogesic အခဲ တကဒ် ဆောင်ထားပါ ။

ဆေးကို 15 mg/kg နဲ့တိုက်ပါ ။ရေပါတ်တိုက်လို့ရပါတယ် ။

🛑၂။ ည အချိန်မတော် အန်ခဲ့ရင် တိုက်ဖို့

📌Domperidome syrup အရည် 5mg/5ml ပါတာ
-Domperidome တစ်ကဒ် ဆောင်ပါ
-Pharolit ဓါတ်ဆားထုတ် ( ၅ ) ထုတ် ထည့်ထားပါ

အန်ခဲ့ရင် 0.3 mg/kg တိုက်ပါ ။
ဥပမာ - 10 kg ကလေးဆိုရင် 3mg / 3 ml တိုက်ပါ ။
Ps - အအန်ပျောက်ဆေးတိုက်ပြီး နာရီဝက်ထိ ဘာဆေး ဘာအစာ အရည်မတိုက်ရ

📌ဓါတ်ဆားကို ဖျော်
Pharolit ဆို ရေ ၂၀၀ စီစီဖျော်ပါ ။
BPI ဓါတ်ဆား ရေတလီတာဖျော်ပါ ။

နည်းနည်း ခနခန ဝင်အောင်တိုက်ပါ ။

🛑၃။ ည အချိန်မတော် ဗိုက်အောင့် ဗိုက်နာ ခဲ့ရင်

📌colimix တစ်ဘူး (၁နှစ် အထက်)
-colicaid တစ်ဘူး ( တနှစ်အောက်ကလေးရှိသူ )
-kremil -S (၁) ကဒ်

colicaid ရှိလျှင်
6 လ အောက် ၅ စက်မှ ၁၀ စက်
၆ လအထက် ၁၀ စက်မှ ၁၅ စက်

colimix ရှိလျှင်

၆ လအထက် ၂.၅ ml
တနှစ် အထက် ၅ ml

က​လေးကြီးများ ရုတ်တရက် ဗိုက်နာခဲ့သော်
Kremil -S တလုံး တိုက်ပါ ။

ဆေးများကို အစာမစားခင် ၁၅ မိနစ် ကြိုတိုက်ပါ

တနေ့ (၄) ကြိမ်ထက်ပိုမတိုက်ရ ။

🛑၄ ။ ညအချိန်မတော် ဝမ်းလျှောခဲ့သော် တိုက်ရန်

-BPI ဓါတ်ဆား (၂) ထုတ်
-pharolit ( အပေါ်က ပါပြီးသားမို့ ထပ်မထည့်ပါနဲ့ )
-zinc syrup တစ်ဘူး
-Bioflor ( 5 ) ထုတ် ထည့်ထားပါ ။

ဓါတ်ဆားကို ဖျော်
Pharolit ဆို ရေ ၂၀၀ စီစီဖျော်ပါ ။
- BPI ဓါတ်ဆား ရေတလီတာဖျော်ပါ ။
- ဝမ်းသွားသလောက် ၅၀-၁၀၀ စီစီ တိုက်ပါ။

📌zinc syrup
၁ နှစ်အောက် 2.5 ml မနက် ၁ ည ၁
၁ နှစ်အထက် ၅ ml မနက် ၁ ည ၁

Bioflor တစ်ထုတ် ဖျော်တိုက်ပါ။

🛑နှာစီး ၊ ချောင်းဆိုးခဲ့သော် တိုက်ရန်
- baby cough သို့ flemex kid , သို့ attusin တစ်ဘူး ဆောင်ရန်
- Cetrizine တစ်ဘူး
- cetrizine တစ်ကဒ်
- Chlopheniramine syrup ( ၂ နှစ်အောက် ကလေးရှိပါက ) ဘူးထဲထည့်ထားပါ ။

တနှစ်အောက် ချောင်းဆိုးပျောက်ဆေး baby cough ကို
2.5 ml တနေ့ ၃ ကြိမ်

တနှစ် အထက် တခြားချောင်းဆိုးအရည် ၅ ml တနေ့ ၃ ကြိမ် တိုက်ပါ

နှာစီး ပါက
✅chlopheniramine syrup (၂ နှစ် အောက် )
-၁ နှစ် အောက် ၂.၅ ml မနက် ၁ ည၁
-၁ နှစ် အထက် ၅ ml မနက် ၁ ည၁

✅cetrizine (၀.3mg/kg ) တိုက်ရန်
၂ နှစ် အထက် 2.5 ml မနက် ၁ ည ၁
5 နှစ် အထက် ၅ ml မနက် ၁ ည၁

ကလေးကြီး တလုံး တိုက်ရပါတယ် ။

✅ပန်းနာသမား ကလေးများအတွက်

Ventolin အပြာဘူးဆောင်ထားပါ။
ရင်ကြပ် ၆ ချက် ရှူပါ။ မိနစ် ၂၀ ခြားထပ်ထပ်ရှူပါ။
ဒီလိုကလေး pulse oxymeter ခေါ် သွေးတွင်းoxygen စက်ဆောင်ထားပါ ။

🛑ည အင်ပြင်ထ ဓါတ်မတည့်တာ ဖြစ်ရင်

- calamine တစ်ဘူး ပုံးထဲထည့်ထားပါ

နှာစီး ဖို့သောက်တဲ့ cetrizine ကို အဲ့ဒီ ပြထားတဲ့ ပမာဏ အတိုင်းတိုက်ပါ ။

🛑 emergency ပုံးထဲတွင် ထပ်ထည့်ရန်
ထိခိုက်မိပါက သုံးရန်
- ပလပ်စတာ
- Betadine အရည် (၁)
- ပါတ်တီး (၁)
- bioplacenta တစ်ဘူး
- အရက်ပြန် (၁)

ထိခိုက်မိပါက ရေဆေးပြီး ဘီတာဒင်းလိမ်း အပေါ်မှာ bioplacenta လိမ်းပါ ။

မီးလောင် ဒါဏ်ရာပါ လိမ်းလို့ရပါတယ် ။

နောက်ထပ် ထည့်ရမှာက
အဖျားတိုင်းတဲ့ စက်
ကတ်ကြေးအသေး

🛑အရေးပေါ် Emergency ဘူးသာ ဖြစ်ပြီး
မသက်သာပါက ဆေးရုံ၊ ဆေးခန်းပြရန်ပါ ။

Crd to
ဒေါက်တာခိုင်ဝါဝါထွန်း
ကလေးအထူးကုဆရာဝန်

**ကလေးတွေ အတွက် သာမက
လူကြီးတွေ အတွက်လည်း ဒီကာလမှာ အရမ်းကို အသုံးဝင်ပါတယ်နောိ

👋👋 အနည်းဆုံးတော့
ဖျားတာ ၊ ပျို့အန်တာ ၊
ဝမ်းလျှော့တာ၊ ထိခိုက်ဒဏ်ရာရတာသွေးထွက်တာ အစရှိသဖြင့် ခန္ဓာကိုယ်မှ ဆုံးရှုံးသွားတဲ့ အရည်ဓါတ်တွေ ပြန်လည်ဖြည့်တင်းဖို့
ဆေးရုံ၊ဆေးခန်း မရောက်ခင်
သွားဖို့ပြင်နေတဲ့ အချိန်မှာ
သောက်လို့ ရအောင် BPI ဓါတ်ဆားကို အိမ်တိုင်းဆောင်ထားသင့်ပါတယ်နော်..

Let us be your Pharmacy,
AGAPE - The Infinity Pharmacy.
Be Safe All. 🥰🙏🥰

⚠️မျိုးဗီဇပြောင်း Covid-19 ဗိုင်းရပ်စ် Mu အမျိုးအစား ဂျပန်တွင် တွေ့ရှိ

🦠🧬🦠🧬🦠🧬🦠🧬🦠🧬🦠

⚠️ကမ္ဘာ့ကျန်းမာရေးအဖွဲ့အစည်း (WHO) ရဲ့ သတိထား စောင့်ကြည့်ရမယ့် စာရင်းမှာပါဝင်တဲ့ မျိုးဗီဇပြောင်း ကိုရိုနာဗိုင်းရပ်စ် Mu အမျိုးအစားကူးစက်မှု ဂျပန်တွင် ပထမဦးဆုံး အတည်ပြုခဲ့ပါတယ်။

⚠️လေဆိပ် ၂ ခုက ရောဂါပိုးစစ်ဆေးရေးဌာနတွေမှာ ကိုရိုနာဗိုင်းရပ်စ်အမျိုးအစားသစ် ပိုးရှိကြောင်း စစ်ဆေးတွေ့ရှိခဲ့တဲ့ ခရီးသွား ၂ ဦးဟာ မျိုးဗီဇပြောင်း Mu အမျိုးအစား ကူးစက်ခံရတာဖြစ်ကြောင်း တွေ့ရတယ်လို့ ကျန်းမာရေးဝန်ကြီးဌာနက ဆိုပါတယ်။

⚠️🦠ဒီအမျိုးအစားဟာ တောင်အမေရိကနဲ့ ဥရောပတွေမှာ တွေ့နေရပါတယ်။

⚠️WHO က အဲဒီ Mu အမျိုးအစားကို သတိထားစောင့်ကြည့်ရမယ့် ဗိုင်းရပ်စ်စာရင်းမှာ တနင်္လာနေ့က ထည့်သွင်းခဲ့ပါတယ်။

⚠️ဂျပန် ကျန်းမာရေးဝန်ကြီးဌာနဟာ အစောပိုင်းတုန်းက စုဆောင်းထားတဲ့ ဗိုင်းရပ်စ်နမူနာတွေရဲ့ မျိုးရိုးဗီဇ တည်ဆောက်ပုံတွေကို လေ့လာခဲ့ပါတယ်။

⚠️ဇွန်လ နှောင်းပိုင်းတုန်းက အာရပ်စော်ဘွားများပြည်ထောင်စု (UAE) ကနေ နာရီတာလေဆိပ်ကို ရောက်လာတဲ့ အသက် ၄၀ တန်း အမျိုးသမီးတစ်ဦးနဲ့ ဇူလိုင်လ အစောပိုင်းတုန်းက ဗြိတိန်ကနေ ဟာနဲဒလေဆိပ်ကို ရောက်လာခဲ့တဲ့ အသက် ၅၀ တန်း အမျိုးသမီးတစ်ဦးတို့မှာ အဲဒီ Mu အမျိုးအစား ကူးစက်ခံထားရတာကို သူတို့က တွေ့ရှိခဲ့ကြပါတယ်။

⚠️ဂျပန်နိုင်ငံ ကူးစက်ရောဂါဆိုင်ရာ သုတေသနဌာန ညွှန်ကြားရေးမှူးချုပ် Wakita Takaji က အချက်အလက်တွေ စုဆောင်းသွားဖို့ လိုအပ်တယ်လို့ ပြောပါတယ်။ မျိုးဗီဇပြောင်း အမျိုးအစားတွေ အမျိုးမျိုး အတည်ပြုထားပေမဲ့ တခြားအမျိုးအစားတွေထက် ကူးစက်လွယ်တဲ့ အမျိုးအစားတစ်မျိုးအပေါ် အာရုံစိုက်သင့်တယ်လို့ သူက ဆိုပါတယ်။

⚠️🦠Mu အမျိုးအစားဟာ ကာကွယ်ဆေးတွေရဲ့ ခုခံစွမ်းအားကို ရှောင်တိမ်းနိုင်ခြေရှိတယ်လို့ WHO က ဆိုပါတယ်။ ဒီ မျိုးဗီဇပြောင်း အမျိုးအစားသစ်ကို ကိုလံဘီယာနိုင်ငံမှာ ဇန်နဝါရီလက ပထမဦးဆုံး ဖော်ထုတ်နိုင်ခဲ့တယ်လို့ WHO က ဆိုပါတယ်။ အဲဒီနောက်ပိုင်းမှာ အနည်းဆုံး ၃၉ နိုင်ငံမှာ အတည်ပြုခဲ့ပါတယ်။

Ref ; NHK World
🇯🇵 WeNews Japanese
https://www.facebook.com/WeNews-Japanese-105217244456683/

🦠COVID-19 ဗီဇပြောင်းမျိုးကွဲ
"မျူ (Mu)" ဗိုင်းရပ်စ်
၃၉ နိုင်ငံတွင် တွေ့ရှိနေဟု WHO ဆို
(ဆွစ်ဇာလန်၊ စက်တင်ဘာ ၂)

🦠COVID-19 ဗီဇပြောင်းမျိုးကွဲဗိုင်းရပ်စ်တစ်မျိုးဖြစ်သည့် မျူ(Mu) ဗိုင်းရပ်စ်ကို သြဂုတ်လ ၃၀ ရက်အထိတွင် ကမ္ဘာ့နိုင်ငံပေါင်း ၃၉ နိုင်ငံတွင် တွေ့ရှိနေပြီဖြစ်ကြောင်း ကမ္ဘာ့ကျန်းမာရေးအဖွဲ့ကြီး(WHO)ကပြောသည်။ ယင်းကို B.1.621 မျိုးကွဲဟုလည်းခေါ်သည်။

🦠အဆိုပါ မျူ မျိုးကွဲဗိုင်းရပ်စ်အား
ကိုလံဘီယာနိုင်ငံတွင် ၂၀၂၁ ခုနှစ် ဇန်နဝါရီလအတွင်းက ပထမဆုံးစတင်တွေ့ရှိခဲ့ခြင်းဖြစ်သည်။ ကိုလံဘီယာနှင့် အီကွေဒေါနိုင်ငံတို့တွင် ယင်း ဗိုင်းရပ်စ်ကူးစက်မှုများဖြစ်ပွားလျှက်ရှိသော်လည်း ကမ္ဘာသို့ပြန့်နှံ့မှုမှာမူ နည်းပါးနေသေးကြောင်းသိရသည်။

🦠မျူ မျိုးကွဲဗိုင်းရပ်စ်သည် ယခင်တွေ့ရှိပြီးသော မျိုးကွဲဗိုင်းရပ်စ်များထက် ကူးစက်မှုပိုမိုလျှင်မြန်ခြင်း(သို့)ရောဂါဖြစ်ပွားမှုပိုမိုပြင်းထန်ခြင်းတို့ရှိကြောင်း သိပ္ပံပညာရှင်တို့ကဆိုသည်။
လက်ရှိတွင်မူ ကမ္ဘာတစ်ဝန်းဝယ်
ဒယ်လ်တာ မျိုးကွဲဗိုင်းရပ်စ်ကူးစက်ခြင်းကို ခံနေကြရသည်။
ဒယ်လ်တာအပြင် အက်ပ်ဆီလွန်(Epsilon)နှင့်
လမ်ဘဒါ(Lambda) မျိုးကွဲဗိုင်းရပ်စ်များကိုလည်း တွေ့ရှိပြီးဖြစ်သည်။

🌐ကမ္ဘာ့ကျန်းမာရေးအဖွဲ့ကြီး(WHO)သည် အဆိုပါ COVID-19 မျိုးကွဲဗိုင်းရပ်စ်များ၏ အခြေအနေနှင့် ကူးစက်မှုကို စောင့်ကြည့်လေ့လာလျှက်ရှိကာ လိုအပ်သည့် သတိပေးထုတ်ပြန်ချက်များ ထုတ်ပြန်သွားမည်ဖြစ်ကြောင်းသိရသည်။

ကိုးကား
WHO monitoring new coronavirus variant named Mu