BURMA Advertising Agency

ဈေးဝယ်သူမိဘပြည်သူများအတွက် မန္တလေးမြို့ (၁၉) လမ်းရှိ City Mart ဆိုင်ခွဲအား ( ၂-၄-၂၀၂၅) ရက်နေ့မှ စတင်၍ မနက် (၇း၀၀) မှ ည (၈း၀၀) နာရီအထိ ပြန်လည်ဖွင့်လှစ်သွားမည်ဖြစ်ပြီး အခြေခံလိုအပ်ချက်ဖြစ်သော စားသောက်ကုန်၊ လူသုံးကုန်များကို မိတ်ဖက်ပါတနာများနှင့် ပူပေါင်းညှိနှိုင်း၍
မှန်ကန်သောဈေးနှုန်းများဖြင့်သာ ရောင်းချပေးသွားမှာဖြစ်ပါတယ်။

ထို့အပြင် ဘေးကင်းလုံခြုံမှုရှိစေရန် သက်ဆိုင်ရာကျွမ်းကျင်ပညာရှင်များနှင့် ပူပေါင်းပြင်ဆင်‌ထားပြီးဖြစ်ပြီး သေချာစွာစစ်ဆေးပြုလုပ်၍ ဖွင့်လှစ်သွားမှာဖြစ်ကြောင်း အသိပေးအပ်ပါတယ်ရှင့်။
အားလုံး၏အခက်အခဲများကို City Mart မိသားစုမှ တက်အားသရွေ့ပံ့ပိုးကူညီသွားမှာ ဖြစ်ပြီး အခြားသော အကြံပြုချက်များကိုလည်း ကျေးဇူးအထူးတင်ရှိပါတယ်ရှင်။
ဈေးဝယ်သူမိဘပြည်သူများအားလုံး လတ်တလောရင်ဆိုင်နေရသော အခက်အခဲ များအား ‌အောင်မြင်စွာကျော်လွှားနိုင်ကြပါစေ လို့ City Mart မိသားစုမှ ဆုမွန်ကောင်းတောင်းလိုက်ပါတယ်။

ငလျင်ဘေးဒဏ်ကြုံတွေ့ခဲ့ရသောဒေသခံပြည်သူများအားလူမှု့ရေးအကူအညီပေးရန်ပဏာမလှူဒါန်းခြင်း

City Holdings Limited ၏ လူမှု့ရေးအကျိုးပြုအသင်းအဖွဲ့ဖြစ်သော မိမိတို့၏ City Love & Hope Foundation အနေဖြင့်လတ်တလော ဖြစ်ပွားခဲ့သည့် ငလျင်ဒဏ်များရင်ဆိုင်ကြုံတွေ့နေရသောမိဘပြည်သူလူထုများအားထောက်ပံ့ကူညီရန် ပဏာမအနေဖြင့် ကျပ်ငွေ ၁ ဘီလီယံကျပ်တန်ဖိုးရှိသော လူသားချင်းစာနာမှုအကူအညီများကို လူမှု့ရေးအဖွဲ့အစည်းများမှတဆင့်ကူညီပံ့ပိုးဆောင်ရွက်ပေးသွားပါမည်။

ယင်းသဘာဝဘေးအန္တရာယ်သက်ရောက်မှုခံရသော မိဘပြည်သူများအတွက်စာနာမှု့များစွာဖြင့်ဝမ်းနည်းကြေကွဲရပါသည်။ ငလျင်ဒဏ်ကြောင့်ဤဒေသများတွင် တာဝန်ထမ်းဆောင်နေသော မိမိတို့ဝန်ထမ်းများနှင့် လုပ်ငန်းများအပေါ်လည်းထိခိုက်ဆုံးရှုံးမှုများရှိခဲ့ပါသည်။ မိမိတို့အနေဖြင့် ဘေးဒဏ်ကျရောက်ခဲ့သော ဒေသများရှိမိမိတို့ဝန်ထမ်းများအပါအဝင်၊ လူမှု့အသိုင်းအဝိုင်းအား ပံ့ပိုးကူညီရန်စတင်၍လှုပ်ရှားဆောင်ရွက်လျက်ရှိပါသည်။

ကျွန်ုပ်တို့အားလုံး ပူးပေါင်းဆောင်ရွက်မှုဖြင့် ဤအခက်အခဲများကို မကြာမီအချိန်ကာလအတွင်း အောင်မြင်စွာ ကျော်လွှားနိုင်မည်ဟု ယုံကြည်ပါသည်။

ငလျင်ဒဏ်သက်ရောက်ခဲ့သောမိဘပြည်သူများအနေဖြင့်လူသားချင်းစာနာမှုအကူအညီတောင်းခံလိုပါက အောက်ပါအတိုင်းဆက်သွယ်နိုင်ပါသည်။

📞 09-950328838
📧 [email protected]