KBP Real Estate

ဗဟုသုတပေါ့

"လူနေထိုင်ခွင့်ပြုထားသည့် လယ်ယာမြေများကို
ပြန်လည် သိမ်းယူနိုင်ပါသလား"

''မြေချပါမစ်နဲ့ ချပေးထားတဲ့ လယ်ယာမြေကို နိုင်ငံတော်အစိုးရက ပြန်လည်သိမ်းနိုင်ပါသလား ဆရာ''

မိတ်ဆွေစီးပွားရေးသမား တစ်ဦးက စာရေးသူထံ
လာရောက် ဆွေးနွေးခြင်း ဖြစ်သည်။

''ပြန်သိမ်းမယ်လို့ သတင်းကြားလို့လား''

''ရန်ကုန်တိုင်းဒေသကြီး လွှတ်တော်အစည်းအဝေးမှာ
နိုင်ငံတော် အဆောက်အအုံနဲ့ မြေကွက်တွေကို လုပ်ငန်း
လုပ်ကိုင်ဖို့ နည်းအမျိုးမျိုးနဲ့ ရယူထားပြီး အမှန်တကယ်
လုပ်ကိုင်ခြင်းမရှိတဲ့ မြေကွက်နဲ့ အဆောက်အအုံတွေကို
နိုင်ငံပိုင်အဖြစ် ပြန်လည်သိမ်းယူဖို့ လွှတ်တော်ကိုယ်စားလှယ်
တစ်ဦးက အဆိုတင်သွင်းတယ်လို့ ကြားသိရ လို့ပါ''

''ဒါနဲ့ မိတ်ဆွေကြီးလည်း စိတ်လှုပ်ရှား စိုးရိမ်သွားတယ်ပေါ့''

''ဆိုပါတော့ ဆရာရယ်။
အမှန်တကယ် ပြန်လည်သိမ်းခဲ့ရင် ကျွန်တော်တို့
ဝယ်ထားတဲ့ သူတွေ ဘယ်လို အခွင့်အရေးရနိုင် ပါသလဲ။
ဥပဒေ အရ အခွင့်အရေးရှိ မရှိ သိချင်လို့ပါ''

''အခုထိတော့ ရန်ကုန်တိုင်းဒေသကြီးလွှတ်တော်က
ဆုံးဖြတ် အတည်ပြုတာတော့ မရှိသေးပါဘူး။
ဆွေးနွေးဆဲပဲ ဖြစ်ပါတယ်။
နိုင်ငံတော် ဖွဲ့စည်းပုံအခြေခံဥပဒေမှာတော့ နိုင်ငံတော်ရှိ
မြေအားလုံး၊ မြေပေါ်မြေအောက် ရေပေါ်ရေအောက်နှင့်
လေထုအတွင်းရှိ သယံဇာတ ပစ္စည်းအားလုံး၏
ပင်ရင်း ပိုင်ရှင်သည် နိုင်ငံတော် ဖြစ်သည်လို့
ပြဋ္ဌာန်းထားတယ်။
ဒါကြောင့် မည်သည့်အချိန်မဆို ပင်ရင်းပိုင်ရှင် ဖြစ်တဲ့
နိုင်ငံတော်က ပြန်လည် သိမ်းယူခွင့် ရှိပါတယ်''

''ဒါဆို ပြန်လည်သိမ်းယူနိုင်တယ် ပေါ့နော်''

''ဒါပေမယ့် ဥပဒေနဲ့အညီ ဆောင်ရွက်မှာ ဖြစ်တဲ့အတွက်
စိုးရိမ်ရမယ့် ကိစ္စတော့ မဟုတ်ပါဘူး။
မိတ်ဆွေကြီး ဝယ်ထားတယ်ဆိုတဲ့ လယ်ယာမြေတွေက
ဘယ်မှာလဲ၊
ဘယ်လို အထောက်အထား ရရှိထားပါသလဲ''

''ရှင်းရှင်းပြောရရင်တော့ လှည်းကူးမြို့နယ်ထဲမှာ ရှိတဲ့
လယ်ယာမြေတွေပါဆရာ။
လယ်ယာမြေတွေကို နိုင်ငံတော်ကသိမ်းပြီး အကွက်ရိုက်ပြီးမြေချပါမစ်ထုတ်ပေးတဲ့ အထိ
ဆောင်ရွက်ပေးတာဖြစ်တယ်''

''သက်ဆိုင်ရာ အဖွဲ့အစည်းက လယ်ယာမြေကို အခြားနည်း
အသုံးပြုခွင့်ပေးနိုင်ကြောင်း လယ်ယာမြေ ဥပဒေမှာ ပြဋ္ဌာန်း
ထားတာ ရှိတယ်။
လူအများသိနေတဲ့ ပုံစံ ၃ဝ (က)(ခ) ပေါ့ဗျာ။
အဲဒီကနေ ပုံစံ ၁၅ ခွင့်ပြုချက်ထုတ်ပေးပြီး အဲဒီအဆင့်ကနေ
မြေချပါမစ်၊ ဂရန်စသဖြင့် ဆောင်ရွက်ပေးခွင့် ရှိပါတယ်''

''ဟုတ်ပါတယ် ဆရာ၊
အချို့ မြေကွက်တွေဆိုရင် ဂရန်ကျပြီးဖြစ်နေတာ ရှိတယ်''

''ဂရန်ရပြီမို့ ဒီမြေကွက်ကို အပြီးအပိုင် ပိုင်ဆိုင်ခွင့်ရပြီလို့
သတ်မှတ်မရဘူး။
ဂရန်စာချုပ်ဆိုတာ မြေငှားစာချုပ်ပဲ ဖြစ်တယ်။
အဆောက်အအုံ ဆောက်နေထိုင်ဖို့ အတွက်
နှစ် ၆ဝ၊ နှစ် ၉ဝ စသဖြင့် မြေငှားစာချုပ် ထုတ်ပေးတာ
ဖြစ်တယ်''

''ဒါဆိုရင် မြေဂရန်အမည်ပေါက်သူက မြေပိုင်ရှင်
မဟုတ်ဘူးပေါ့''

''ဥပဒေအရ ပြောရရင်တော့ နိုင်ငံတော်အစိုးရက
မိမိစီမံခန့်ခွဲပိုင်ခွင့်ရှိတဲ့ မြေနယ်နိမိတ်ကို အခြားသူအား
လွှဲပြောင်းပေးခွင့်ရှိပါတယ်။
ဒါကြောင့် မြေငှားဂရန်အရပဲဖြစ်ဖြစ်၊ ပါမစ်မြေအဖြစ်
သတ်မှတ်၍ပဲဖြစ်ဖြစ်
စီမံခန့်ခွဲခွင့်ကို လွှဲပြောင်းပေးတဲ့ သဘောဖြစ်တယ်''

''တရားရုံးတွေမှာ တရားစွဲဆိုရင် မြေဂရန်အမည်ပေါက်သူ
က ပိုင်ရှင်အဖြစ် တရားစွဲဆိုကြတာလို့ သိထားပါတယ်''

''မှန်ပါတယ်။
ဥပဒေအရတော့ ဂရန်အမည်ပေါက်သူကို မြေမပိုင်ဟု
ဆုံးဖြတ်ခွင့်မရှိကြောင်း တရားရုံးချုပ်က ဆုံးဖြတ်တဲ့
ဒေါ်ကြင်ယုံ (ခ) ဒေါ်နှင်းအောင်ပါ (၂) နှင့်
ဒေါ်စိန်တင်ပါ (၂)
၁၉၉၉ ခုနှစ် စီရင်ထုံး စာမျက်နှာ ၉၁ မှာ တွေ့ရှိ ရပါတယ်။
ဒါကြောင့် ဥပဒေအရတော့
ဂရန် အမည်ပေါက်သူဟာ ယင်းမြေကို စီမံ ခန့်ခွဲပိုင်ခွင့် ရှိသူ
(ပိုင်ရှင်) လို့ အသိအမှတ်ပြုထားပါတယ်။
ဒါပေမယ့် မြေငှားစာချုပ်ပါ ကတိတွေကိုတော့ လိုက်နာရန်
တာဝန် ရှိတယ်''

''အချို့လည်း ဂရန်မရသေးဘဲ ပါမစ်လက်မှတ်သာရှိတာ
တွေလည်း ဖြစ်နေကြတယ်''

''ဘယ်လိုပဲဖြစ်ဖြစ်၊ သတ်မှတ်ထားတဲ့ စည်းကမ်းကို
လိုက်နာရန် တာဝန်ရှိတယ်။
အခုဖြစ်နေတဲ့ ပြဿနာက မြေချပါမစ်ရသူပဲ ဖြစ်ဖြစ်၊
ဂရန်စာချုပ်ရသူပဲ ဖြစ်ဖြစ်၊ အဆိုပါ မြေကွက်ပေါ်မှာ
ဆောက်လုပ်နေထိုင်ခြင်းမရှိဘဲ မြေကွက်သက်သက်ထားတဲ့
ကိစ္စတွေဖြစ်တယ်''

''ဟုတ်ပါတယ်။
ကျွန်တော့်မှာ မြေကွက် ၁ဝ ကွက်ရှိပေမယ့် နှစ်ကွက်ပဲ
အဆောက်အအုံဆောက်ထားပြီး ပစ္စည်းသိုလှောင်ထားတယ်''

''မိတ်ဆွေတို့ရဲ့ ဂရန်မြေငှား စာချုပ်မှာ
စာချုပ်ချုပ်ဆိုသည့်နေ့မှ သတ်မှတ်ရက်အတွင်း အဆောက်အအုံ
စတင်ဆောက်လုပ်ရမယ်၊ ဆ်ိုတဲ့
သတ်မှတ်ချက်တွေပါတယ်။
အဲဒီလိုပဲ မြေချပါမစ်မှာလည်း အိမ်ရာဆောက်လုပ်
နေထိုင်ခွင့်ပြုတာဖြစ်လို့ မြေလက်ခံရရှိသူသည့်နေ့မှစ၍
သတ်မှတ်ရက် အတွင်း အိမ်ရာဆောက်လုပ်နေထိုင်ရမယ်လို့
စည်းကမ်းချက်မှာ ဖော်ပြထားတာ တွေ့ပါလိမ့်မယ်''

''သတ်မှတ်တဲ့ ကာလအတွင်း အဆောက်အအုံဆောက်လုပ်
နေထိုင်ခြင်းမရှိရင် မြေကွက်ကို ပြန်လည်
သိမ်းယူနိုင်ပါသလား''

''စည်းကမ်းချက်မှာတော့ သတ်မှတ်ထားတဲ့ စည်းကမ်းချက်
ကို မလိုက်နာရင် ဂရန်မြေငှား စာချုပ်ကို ပယ်ဖျက်နိုင်တဲ့
အပြင် မြေကွက်ကို ပြန်လည်သိမ်းယူခွင့်ရှိတယ်လို့
ဖော်ပြထားတယ်။
ဒီလိုပဲ မြေချပါမစ်မှာ ဖော်ပြထားတာကို တွေ့ရပါတယ်။
ဒါကြောင့် နိုင်ငံတော်က ဥပဒေ စည်းကမ်းနဲ့ မလိုက်နာ
သူတွေကို ထိရောက်စွာ စိစစ်ဆောင်ရွက်ခွင့်ရှိပါတယ်''

''တကယ်လို့ ပြန်လည်အသိမ်းခံရရင် နစ်နာကြေး
ရနိုင်ပါသလား''

''ဒါကတော့ သက်ဆိုင်ရာ အဖွဲ့အစည်းက ဆုံးဖြတ်ရမယ့်
ကိစ္စဖြစ်ပါတယ်။
လယ်ယာမြေဥပဒေ ပုဒ်မ (၂၆) မှာတော့
တည်ဆဲဥပဒေ တစ်ရပ်ရပ်တွင်မည်သို့ပင်ပါရှိစေကာမူ
နိုင်ငံတော်အကျိုးငှာ၊ အများပြည်သူ အကျိုးငှာ သိမ်းခြင်း
ဖြစ်တယ်ဆိုရင်တော့ နစ်နာသူကို ထိုက်သင့်တဲ့ လျော်ကြေး
ပေးရန် ဆောင်ရွက်နိုင်တယ်လို့ ပြဋ္ဌာန်းထားပါတယ်''

"ကျွန်တော်တို့လည်း မြေကွက်အားလုံးမှာ အဆောက်အအုံ
မဆောက်နိုင်သေးတော့ မြေကွက်အတိုင်းထားတာတွေ
လည်း ရှိတယ်ပေါ့၊
အချို့မြေကွက်တွေကိုတော့ခြံစည်း ရိုးခတ်ထားပါတယ်''

''မှန်ပါတယ်၊
အဆောက်အအုံ မဆောက်ဖြစ်တဲ့ မြေကွက်တွေမှာ ကျူးကျော်
နေထိုင်သူတွေလည်း ရှိနေတတ်လို့ အမှုအခင်းတွေဖြစ်နေ
ကြတာ မနည်းပါဘူး။
ဒါကြောင့် သက်ဆိုင်ရာက ပြန်လည်စဉ်းစားတာဖြစ်မယ်
ထင်တယ်။
ဘာပဲဖြစ်ဖြစ် စည်းကမ်းအတိုင်း လိုက်နာဆောင်ရွက်တာ
အကောင်းဆုံးပါ'' ဟု အကြံပြု ဆွေးနွေးလိုက်ပါသည်။

ထီယု (ဥပဒေအတိုင်ပင်ခံ)
မူရင်းရေးသားသူ၏အာ​ဘော်အားအနည်းငယ်ဖြည့်စွက်ရေးသားဖော်ပြပါသည်။

ဒီအကွက်လေးအရောင်းပိတ်ထားပါကြောင်း

ဒီနေ့ပဲ ၃၁၀ နဲ့စရံချသွားပါပြီ

ကိုယ့်အမည်ပေါက်ဖြစ်မှ အိမ်ဆောက်/ခြံစည်းရိုးကာရတယ်....

မြေနှင့်အိမ်ဝယ်ယူပြီးလျှင် မိမိစိတ်တိုင်းကျ အိမ်ပြင်လိုကြသည်။ ခြံစည်းရိုးကာလိုသည်။ ငွေလိုလျှင် ဘဏ်တွင် ငွေချေးရန် လိုလာသည့်အခါ အခက်အခဲနှင့် ကြုံရသည်။ ကိုယ့်အိမ်ကိုယ်ပြင်တာပဲ၊ ကိုယ့်ခြံစည်းရိုး ကိုယ်ကာတာ ဘာဖြစ်လဲ ဆိုပြီး ပြင်ဆင်လိုက်သည်နှင့် အိမ်ရှေ့တွင် အုတ်ပုံ၊ သဲပုံ၊ သစ်ပုံတွေကို တွေ့ပြီး မြို့နယ်စည်ပင်က အကဲခတ်သည်။ အိမ်ပြင်သည့် တူရိုက်သံကြားသည်နှင့် အပြေးရောက်လာသည်။ အိမ်ဆောက်ခွင့်၊ ခြံစည်းရိုး၊ ကာခွင့်ရသည့် စာရွက်စာတမ်းအထောက်အထားများပြရန်တောင်းသည်။ ဝယ်ထား သောမြေမှာ မိမိအမည်မပြောင်းရသေးတော့ မပြနိုင်၊ မူလအမည်ပေါက်သူ၏ ဂရန်ကိုထုတ်ပြသည်။ မိမိ အမည်ပေါက်မဟုတ်၍ အိမ်ဆောက်ခွင့် ခြံစည်းရိုးကာခွင့် မရပေ။

မရွှေ့မပြောင်းနိုင်သည့်မြေမှာ မိမိအမည်ပေါက်ဖြစ်ရန်လိုသည်။ သို့မှသာ အိမ်ဆောက်ရန် မြေပုံကူးယူခြင်း၊ ခြံစည်းရိုးကာရံခြင်း၊ ဘဏ်ငွေချေးပြုလုပ်ဖို့ အိုးအိမ်၊စည်ပင်မှာ မြေပုံကူးနိုင်သည်။ မြေမှာ မိမိဝယ်ထားသည် မှန်သော်လည်း ဥပဒေအရ မိမိအမည်ပေါက်မဟုတ်သဖြင့် အဆိုပါကိစ္စများ လုပ်ဆောင်ခြင်းမပြုနိုင်ပါ။

သို့သော် မူလဂရန်ပိုင်ရှင်က မှတ်ပုံတင် General Power/Special Power မိမိအားပေးထားလျှင်တော့ အထက်ပါ ကိစ္စရပ်များဆောင်ရွက်နိုင်သည်။

GP/SP ယူပြီး တစ်နှစ်အတွင်း မိမိအမည်ပြောင်းဖို့လိုပါသည်။ ယခု(၃)နှစ်အထိ စည်ပင်မြေယာဌာနက လက်ခံသဖြင့် ကိုယ့်ပစ္စည်းနှင့် ကိုယ်စိတ်ညစ်ရတတ်ကြောင်း အသိပေးဖော်ပြလိုက်ရပါသည်။

Credit

လွှတ်တော်ရှေ့နေမောင်ကောင်းဖေအိမ်ခြံမြေရောင်းဝယ်ငှား သိထားရမည့်အချက်များမှ

ပြန်လည်ကူးယူဖော်ပြပါသည်။

မြန်မာ့ မြို့ရွာဒေသများ၏ ရှေးအမည်များ 🇲🇲
________________________________

ကန္တာရ၀တီ........... ကယား
ကမ္ဘောဇ ............. ရှမ်း
ကုသိနာဂရ .......... ပုသိမ်
ကေတုမတီ .......... တောင်ငူ
ကေလာသ ....... ကျိုက်ထိုဘီးလင်းတောင်ဘက်
ကောသမ္ဘီ ............ ကြို့ပင်၊ ညောင်ရွှေမြောက်ဘက်

ခေမရဋ္ဌ ......... ကျိုင်းတုံ
ခေါသန္တီ ......... မြင်းမြေ၊ ရွှေဘိုအနီး
ခတ္တိယ ......... ဧရာဝတီမြစ်ဝကျွန်းပေါ်
ဂန္ဓာရ ............ စိန့်၊ ကချင်ပြည်နယ်
စေတုတ္တရာ .... စလင်းအနောက်ဘက်
စိနရဋ္ဌ .......... ကချင်ပြည်နယ်

စန္ဒပူရ ................ မဏိပူရဘက်နယ်စပ်
စမ္ပာနဂရ ............ သပိတ်ကျင်းမြောက်ဘက်
ဇေယဝဍ်ဎန ........... တောင်ငူနယ်
ဇေယျပူရ ............ စစ်ကိုင်း
ဇောတိနုဂရ ......... ကျိုင်းဟုံကြီး စိစွမ်ပန္နားလူ{၁၂}နယ်
တတ္ထဒေသ ........... ခန်းခြောက်မြေ၊ ပုဂံနယ်

တမ္ပဒီပ ...................... ဧရာဝတီမြောက်ပိုင်း
ဓညဝတီ .................... မြောက်ဦး
ဒုတ္ထ၀တီ/ဒုဋ္ဌဝတီ ......... မြစ်ငယ်
ဒွာရာဝတီ .................... သံတွဲ
နဂရာဇာ .................... နဂရစ်
ပဉ္စာလရာဇ် ................. တကောင်း

ပဌမနဂရ ............. မကွေးတောင်ဘက်
ပေါက္ကရ၀တီ .......... ရန်ကုန်
မဟာနဂရ ............. မွန်ငယ်
မစ္ဆဂီရိ .................. ချင်းတောင်တန်း
မေဃဝတီ ............. မာန်အောင်
မထိလာ............... မိတ်ထီလာ

ယောနက ........... ယော
ရတနပုရ ............ အင်းဝ
ရတနာတင်းတိမ်... တောင်တွင်းကြီး
ရတနာပုံ ............. မန္တလေး
ရာဇဂြီဟ ........... ကလေးအနီး

ရာမညဒေဝ .......... မွန်ပြည်နယ်
ရမ္မာဝတီ .............. ရမ်းဗြဲ
ရတနာသိင်္ခ/ရတနာသိင်္ဃ ......... ရွှေဘို
ဝေဘာရာ ဝေပုလ္လ ................ ကျောက်ဆည်အရှေ့ရိုး
ဝေသာလီ .............................. မြောက်ဦးအနီး
ဝိမဏု/ပုဏ္ဏဝတီ......... ဗိဿနိုး တောင်တွင်းကြီးအရှေ့

သလ္လဝတီ ............ချင်းတွင်းမြစ်
သာကေတ ......... ရန်ကုန်
သာဂရ ............... ဆွာအနီး
သာယာဝတီ ........ သုံးဆယ်အနီး
သိရီခေတ္တရာ ...... မော်ဇာ
သိရီပစ္စရာ ...........ပုဂံအနီး

သိင်္ဂုတ္တရ ............ ရွှေတိဂုံကုန်းတော်
သုနာပရန္တ ...........ဧရာဝတီမြစ်မြောက်ဘက်
သုဓမ္မဝတီ ...........သထုံ
သုဝဏ္ဏဘူမိ .........တိုက်ကုလား၊ အရက်သမ၊ ဝင်က
သင်္ဃဿနာရ .......တကောင်း
ဟရိပုဉ္စ .............. မွန်ပြည်နယ်/ ထိုင်း

ဟံသာဝတီ .......... ပဲခူး
အမရပူရ ............ တောင်မြို့
အရိမဒ္ဒနပူရ......... ပုဂံ
အသီတဉ္စန ...........ရန်ကုန်
အလ္လကပ္ပ ............ စစ်ကိုင်းအနီး
အာဠဝတီ ............ မြစ်ကြီး
သွရိဿ .............. ပဲခူး
ဥက္ကလာပ ............ ရန်ကုန် တို့ဖြစ်သည်။

Credit: original uploader

#တောင်ကြီးပလီလင်းရွာမ

နန့်ဟူးကျေးရွာအုပ်စုလမ်းမကြီးဘေး
(ချယ်ရီမြိုင်ဥယျာဉ်အိမ်ယာအနား)

ဝိဇ္ဇာတောင်စေတေီလမ်းမှာ

ဈေးသက်သက်သာသာနဲ့

မြေကွက်လေးရောင်းဖို့ရှိပါတယ်

၀.၀၆ဧက အကျယ်

ပုံစံ(၁၀၅)ရှိ

အုတ်တံတိုင်းအပြည့်ကာပြီး

ခေါ်စျေး-၁၀၀ (ညှိနှိုင်း)

📞📞📞09260260093/ cb
🤍🤍🤍🤍

#စွန့်လွှတ်စာချုပ်နှင့်အပိုင်ပေးစာချုပ် ကွာဟချက်

မိမိ၏ ပိုင်ဆိုင်မှုကိုသူတစ်ပါးကိုစွန့်လွှတ်လိုက်သည်ဆိုတာလည်း ပေးကမ်းခြင်း ပါပဲ။ မိမိ၏ ပိုင်ဆိုင်မှုကိုသူတစ်ပါးကိုပေးလိုက်သည်ဆိုတာလည်း ပေးကမ်းခြင်း ပါပဲ။ ပေးကမ်းခြင်း အတူတူဘာကြောင့် စာချုပ်ချုပ် ဆိုတဲ့ နေရာမှာကွဲပြားသလဲဆိုတာကိုတော့ ရှင်းပြလိုပါတယ်။

စွန့်လွှတ်စာချုပ်
***************
မြေတစ်ကွက်ကို A နှင့် B အမည်နှင့် ဝယ်လိုက်သည် ဆိုပါစို့။
A က B ကို မေတ္တာသက်ဝင်လို့သော် လည်းကောင်း၊ အလျော်ပေးလို၍သော်လည်းကောင်းအကြောင်းအမျိုးမျိုးကြောင့် ပေးကမ်းလိုပါကအပိုင်ပေးစာချုပ် ချုပ်စရာမလိုအပ်ဘဲ A က ယင်းမြေကွက်၏ ပိုင်ဆိုင်မှုကိုစွန့်လွှတ်လိုက်ရုံနှင့် B ကိုပေးကမ်းပြီးသား ဖြစ်သွားပါသည်။
စွန့်လွှတ်စာချုပ် ချုပ်ဆိုရန်အတွက် ပိုင်ရှင်နှစ်ဦးစလုံးဖြစ်သောA နှင့် B က စွန့်လွှတ်လိုသောအိမ်၊ မြေနှင့် ပတ်သက်သည့် ပိုင်ဆိုင်မှုစာရွက်စာတမ်းအထောက်အထားများကိုယူ၍ ရန်ကုန်မြို့တော်စည်ပင်သာယာရေးနှင့် မြို့ပြမြေယာဌာနတွင် မြေပုံ၊ မြေရာဇဝင်အား ရေးကူးလျှောက်ထားရမည်။ ဌာနမှ လိုအပ်သည်များကိုကွင်းဆင်းစစ်ဆေး၍ ကန့်ကွက်သူမရှိပါက မြေပုံနှင့်မြေရာဇဝင် ထုတ်ပေးပါသည်။
ထိုအခါ မြေကွက် ပိုင်ရှင်များဖြစ်သောA နှင့် B က ရန်ကုန်မြို့တော်စာချုပ်စာတမ်းများမှတ်ပုံတင်ရုံးသို့ သွား၍ A နှင့် B ပူးတွဲပိုင်ဆိုင်သောမြေကွက်အား A မှ B ကိုစွန့်လွှတ်ကြောင်းစာချုပ်အား ချုပ်ဆို၍ မှတ်ပုံတင်ရပါမည်။ ကပ်နှိပ်ရမည့် တံဆိပ်ခေါင်းခွန်မှာ ၄၀၀၀ိ/- ကျပ် ဖြစ်ပါသည်။
မှတ်ချက်။ ။ ပူးတွဲပိုင်ဆိုင်သောA နှင့် B ကသာအပြန်အလှန်စွန့်လွှတ်ခွင့်ရှိပြီး A နှင့် B မှလွဲ၍ အခြားတစ် ယောက်အားစွန့်လွှတ်ခြင်းမရှိပါ။

ပေးကမ်းစာချုပ်
***************
မြေကွက် တစ်ကွက်ကို “A” နှင့် “B” က ပူးတွဲပိုင်ဆိုင်ထားပြီး“A” က ၎င်း၏ပိုင်ဆိုင်သောအစုအားညီမဖြစ်သူ “C” အားပေးကမ်းလိုပါသည်။ ထိုအခါ စွန့်လွှတ်စာချုပ် မချုပ်ရဘဲမေတ္တာနှင့် အပိုင်ပေးစာချုပ်ကို ချုပ် ဆိုရပါသည်။
အပိုင်ပေးရာတွင် ဆွေမျိုးတော်စပ်သည့် အနေအထားရှိမှသာအပိုင်ပေးကမ်းလို့ရပါသည်။
စာချုပ်ချုပ်ဆိုပုံအဆင့်ဆင့်မှာစွန့်လွှတ်စာချုပ်နှင့်ပုံစံတူဖြစ်ပြီးထမ်းဆောင်ရသည့် တံဆိပ်ခေါင်းဖိုးသာကွာခြားပါသည်။

Credit-original uploader

ဗဟုသုတအလို့ငှါ

ရှမ်း/တောင်ဆိုတာ⛺️🌲🌳
ရွာငံတောင်ကြားလမ်းအလှ🛤️🏞️

Photo credit:

#ကလောမြို့ မှ ကားနဲ့ဆို15 မိနစ်ခန့်
#ရေယားရွာ
#ပြည်ထောင်စုလမ်းမကြီးလမ်းဘေးမေးတင်အကွက်

>>>မျက်နှာစာ 45 ပေ
>>>အလျားပေ 300
>>>မြေပြန့်
>>>အနောက်မှာရေချောင်းလေးပါရှိ။
>>>ခြံစောင့်တဲတလုံးလည်းအသင့်။

***စာရွက်စာတမ်း ပုံစံ(၇) ရှိ***
လိုချင်တိုင်းမရနိုင်တဲ့နေရာကောင်းအကွက်​လေး

#ခေါ်စျေးသိန်း650 (ညှိနှိုင်း)

အရှုပ်အရှင်းကင်း ပီး ခုကာလပေါက်စျေးနဲ့ဆို စျေးတန်ပီး မြေကျယ်တဲ့အကွက်လေးဖြစ်ပါတယ်။
မြေ ကို Investment လုပ်ချင်သူများအတွက်လဲထားကောင်းရောင်းစွံ လေးပါ။

စိတ်ဝင်စားတဲ့ မိတ်ဆွေများ
***cb or ph.. 09988457821***
သို့စုံစမ်းဆက်သွယ်နိုင်ပါတယ်။

ဒါလေးကအရစ်ကျချေချင်လည်းညှိနှိုင်းလို့ရပါတယ်နော်

၁၀၅/၁၀၆ ( မြေပုံ/ မြေရာဇဝင်)
****************************
ပုံစံ ၁၀၅ ဆိုသည်မှာ မြေပုံစာရွက်ဖြစ်ပြီး
ပုံစံ ၁၀၆ ဆိုသည်မှာ မြေရာဇဝင်အတိုချုပ် ဖြစ်ပါသည်။

ပုံစံ ၁၀၅/ ၁၀၆ တို့တွင် ပိုင်ရှင်အမည်၊ မြေအမျိုးအစား နှင့် အကျယ်အဝန်းတို့ကိုဖော်ပြထားပါသည်။

မြို့နယ်မြေစာရင်းဦးစီးဌာနက ထုတ်ပေးတဲ့ မြေပုံမြေရာဇဝင်တွေမှာ မြေပုံကို မြေစာရင်းပုံစံ ၁၀၅ မြေ ရာဇဝင်ကို ပုံစံ ၁၀၆
အိုးအိမ်ဦးစီးဌာနက ထုတ်ပေးတဲ့မြေပုံရဲ့အပေါ်တွင် (S -22)လို့ရေးသားထုတ်ပေးလေ့ရှိသည်။

ရန်ကုန်မြို့တော်စည်ပင်က ထုတ်ပေးတဲ့ မြေပုံကတော့ ပုံစံနံပါတ်မရှိပါ။
မြေပုံမြေရာဇဝင်လျှောက်ထားရန် လိုအပ်သည့်အချက်များ

အမည်ပေါက်ဖြစ်ပါက -
(၁) နိုင်ငံသားစိစစ်ရေးကတ်ပြားမိတ္တူ
(၂) မြေခွန်မြေခ ကြွေးကျန်ကင်းရှင်းကြောင်း ထောက်ခံစာ
(၃) လျှောက်ထားရသည့်အကြောင်းအရာ
အမည်ပေါက်မဟုတ်ပါက -
ပိုင်ဆိုင်ရသည့်အကြောင်းအရောင်းအဝယ်ဆက်စပ်စာချုပ်များ (သို့) ပိုင်ဆိုင်ရသည့် အကြောင်းတရား ရုံးအနိုင်ဒီကရီ (သို့) ပိုင်ဆိုင်ရသည့်အကြောင်းတရားရုံးကျမ်းကျိန်လွှာ ပါရှိရမည်။

မြေပုံမြေရာဇဝင်လျှောက်ထားသော အကြောင်းအရာအချို့

- အိမ်အသစ်ဆောက်ရန် မြေပုံမြေရာဇဝင်လျှောက်ထားခြင်း
- အကြီးစားပြင်ဆင်ရန်အတွက်လျှောက်ထားခြင်း
- မြေကွက်ခွဲရန်အတွက်လျှောက်ထားခြင်း
- ခြံစည်းရိုးကာရန်အတွက်လျှောက်ထားခြင်း
- မိမိပိုင်ဆိုင်ကြောင်း မှတ်တမ်းထားရန်အတွက်လျှောက်ထားခြင်း
- အရောင်းအဝယ်မှတ်ပုံတင်စာချုပ်ချုပ်ရန်အတွက် လျှောက်ထားခြင်း
- အပိုင်ပေးစာချုပ်ချုပ်ရန်အတွက် လျှောက်ထားခြင်း
- စွန့်လွှတ်စာချုပ်ချုပ်ရန်အတွက် လျှောက်ထားခြင်း
- အမှားပြင်စာချုပ်ချုပ်ရန်အတွက် လျှောက်ထားခြင်း
- ဘဏ်မှ ငွေချေးရန်အတွက် လျှောက်ထားခြင်း
ဥပမာ အားဖြင့် အဝီစိတွင်းတူးရန်အတွက် လျှောက် ထားပြီး ရရှိတဲ့ မြေပုံရာဇဝင်တစ်ခုနှင့် အရောင်းအဝယ် ကိစ္စမပြုလုပ်နိုင်ပါ။ အရောင်းအဝယ်စာချုပ်ချုပ်ဆို
ရန်အတွက်သာဆိုသည့် မြေရာဇဝင်မှလွှဲပြီး ကျန်မြေပုံမြေရာဇဝင်တွေနဲ့စာချုပ်ချုပ်ဆိုလို့မရပါ။

လျှောက်ထားသည့်အကြောင်းအရာအားပြောင်လဲ၍အသုံးပြု၍ မရပါ။

မည်သည့်ပုဂ္ဂိုလ်များကလက်မှတ်ရေးထိုးလျှင် မြေပုံမြေရာဇဝင်သည်အတည်ဖြစ်သနည်း
အိုးအိမ်ဦးစီးဌာနကထုတ်တဲ့ မြေပုံမြေရာဇဝင် ဖြစ်တဲ့ (S-22) ကမြေပုံ၊သူနဲ့တွဲနေသော ဂရန် လိုကိစ္စ တွေမှာ ဘာပဲဖြစ်ဖြစ် အိုးအိမ်ဦးစီးဌာန ကမြေပုံမြေရာဇဝင် တွေမှာဌာန၏ ညွှန်ကြားရေးမှူးချုပ် အဆင့် လက်မှတ်ရေးထိုး ပေးပါသည်။

ရန်ကုန်မြို့တော် စည်ပင်သာယာရေး ကော်မတီက ထုတ်ပေးတဲ့ မြေပုံမြေရာဇဝင် တွေမှာလည်း မြို့ ပြစီမံကိန်း နှင့်မြေစီမံခန့်ခွဲ မှုဌာန ၊ဌာနမှူးက လက်မှတ်ရေးထိုးပေးပါသည်။
သက်ဆိုင်ရာ မြို့နယ်ကထုတ်ပေးတဲ့ (၁၀၅) ပုံံစံ မှာသက်ဆိုင်ရာမြို့နယ်မြေစာရင်းဌာနမှူး ကိုယ်တိုင် လက်မှတ်ရေးထိုး မှတရားဝင်ပါသည်။
၁၀၅ ဆိုတာပိုင်ဆိုင်မှုအာမခံချက်မဟုတ်ပါ။

၁၀၅ ဆိုတာ တည်နေရာကိုဖော်ပြရန် ၊အိမ်ဆောက်လုပ်ခွင့်လျှောက်ထားရာတွင် တည်နေရာကိုရည် ညွှန်းဆိုရန်အတွက် မြေစာရင်းဌာနကထုတ်ပေးတဲ့ မြေပုံစံတစ်ခုသာဖြစ်ပါသည်။

Credit : LLB group Myanmar


Credit : LLB Group Myanmar