Khon

နှုတ်ခမ်းလေးတစ်စုံကို မေ့ပစ်ဖို့
ရွက်၀ါကြွေတာ ၇ခါတောင်စောင့်ခဲ့ရတယ်

နေညို

လူတွေကို မကြည့်နဲ့
ငွေကြေးအကြောင်းမတွေးနဲ့
အလကားရတဲ့ ညနေခင်းတွေကိုကြည့်ပါ
တိတ်တဆိတ် ထွက်သွားတော့မဲ
နာရီလက်တံတွေမှာ ပျော်မွေ့ပါ
ဝယ်ယူစရာမလိုတဲ့
အဓိပ္ပာယ်တစ်ခုရှာဖွေပါ
ဘဝဟာဒီထက်ပိုပြီး ငြိမ်းချမ်းဖို့
ဘာမှထပ်လုပ်စရာမလိုတော့တဲ့အကြောင်း
နားလည်အောင် သင်ယူပါ
အေးမြခြင်း၊နွေးထွေးခြင်းကို ခံစားပါ
ပြောင်းလဲနေတဲ့ ရာသီတွေမှာ
ပြောင်းလဲသွားတဲ့ အတိတ်ကာလတွေအကြောင်း လက်ခံသင်ယူပါ ။

#ဂန္ဓမာ

ငါတို့ဝေးသွားခဲ့ပြီလို့ တွေးမိတဲ့အခါတိုင်း
နီးစပ်ခဲ့လို့လားဆိုတဲ့ မေးခွန်းတွေက
ငါ့ကိုကျိုးကြေစေတယ်၊
ငါပေးခွင့်မရတော့တဲ့ ချစ်ခြင်းမေတ္တာမျိုး
မင်းအလိုရှိတဲ့သူဆီက ရပါစေ။

#တာရာမင်းဝေ

ဘဝဆိုတာ
သင်ယူရတယ်
နေဖို့ သင်ယူရတယ်
သေဖို့ သင်ယူရတယ်
ရှင်ဖို့ သင်ယူရတယ်
ဘဝကို ခင်တွယ်ဖို့လည်း သင်ယူရတယ်။

#လှသန်း

ဘယ်အချိန်ကြည့်ကြည့်
ရိုးမသွားတဲ့မျက်နှာနုနုလေး

ပိုင်ဆိုင်ခွင့်သာရှိရင်
တစ်ချက်မညိုးနွမ်းစေရအောင်ထားမှာ

လူမှန်းသိတတ်ကတည်းက
ဖြတ်သန်းခဲ့ရတဲ့ ပြဿနာတချို့ပေါ့
ပြောလို့မဖြစ်နိုင်သေးတာတွေလဲ
ရှိပါသေးရဲ့။
ဒီလိုကြားက
မမကို
ကျွန်တော်ချစ်ခဲ့မိတယ်

#အောင်ချိမ့်

ပြည့်တန်ဆာလည်း
ငါချစ်ရင် ဧကရာဇ်ပဲ။

#တာရာညို

ကမ္ဘာလောကဟာ
အရိုင်းဆန်တယ်

အရိုင်းဆန်မှုကိုပဲ
အလှအပတစ်ခုအဖြစ်
မြင်ရတယ်

နာကျင်စရာတွေ
ပျောက်ကင်းပါစေကွယ်။💚

#ဂန္ဓမ

ယခုနှစ်မှာ အထူးသဖြင့်
ငါတို့နမ်းခွင့်မရသော ပန်းများပွင့်ပါစေ🤍

#အောင်ချိမ့်

ပြောတော့ လူမိူက်
ဆိုတော့ မောင့်မျက်ရည်ဝိုင်း

#အောင်ခိုင်မြတ်

ရှာတဲ့သူမရှိရင်
ပုန်းရတာနာသကွဲ့

#မြို့မငြိမ်း