https://www.facebook.com/105708019014321/

MKF Fashion Factory, 82 th, Mandalay (2026)

05/02/2023

လင်မယားကိစ္စတွေကို ဝင်မပါပါနဲ့.. သားနဲ့ တီးတိုးပြောဆိုတာဟာ ချွေးမဖြစ်သူကို စိတ်ဆင်းရဲစေတယ်ဆိုတာ သိထားပါ. . . သားဖြစ်သူဆီက တောင်းစရာရှိရင် ချွေးမအရှေ့မှာ တောင်းပါ... မိသားစုကိစ္စတွေမှာ ချွေးမဖြစ်သူရဲ့အကြံဉာဏ်မလိုအပ်ဘူးဆိုရင်တောင် အသိပေးပါ . . . သူလဲ မိသားစုဝင်လို ခံစားနားလည်ပါစေ . .

သားဖြစ်သူ မှားမှားမှန်မှန် ချွေးမဘက်က ရပ်တည်ပေးပါ. . ချွေးမ မှားနေခဲ့ရင် ဆူဆဲအော်ဟစ်ပြီး လင်မယားချင်းရန်တိုက်ပေးမယ့်အစား သမီးတယောက်လို ဆုံးမအကြံဉာဏ်ပေးပါ . . ချွေးမဖြစ်သူရဲ့ ခံစားချက်တွေကို နားလည်ပေးပါ . . .အပြန်အလှန် ယုံကြည်မှုရအောင် စာနာနားလည်ပေးပါ .

ကိုယ်ဝန်ဆောင် ချွေးမကို ဂရုစိုက်ပေးပါ . . .ချိုသာပြီးအေးဆေးတဲ့ လေသံနဲ့ သားဖြစ်သူကို ကိုယ်ဝနိဆောင်ခဲ့တဲ့အချိန်တွေ . . ပြုစုခဲ့ပုံတွေ .ငယ်ဘဝတွေ ပြောပြပေးပါ . . ဒါဟာ ချွေးမဖြစ်သူကို ပျော်ရွှင်စေသလို သင့်ကိုလဲ မိခင်ကောင်းတဦးအဖြစ် မြင်လာစေပါတယ် . .

ကလေးတစ်ယောက်ကို ပြုစုပျိုးထောင်တဲ့ နည်းလမ်းခြင်းမှာ သင်နဲ့ သင့်ချွေးမမှာ အမြင် တူချင်မှ တူမှာပါ။ ခေတ်ကလဲ ပြောင်းလဲနေတာမို့ နည်းစနစ်အသစ်တွေလဲရှိမှာပါ . ..သင့်လောက်အတွေ့အကြုံ ဗဟုသုတမရှိပေမယ့် သူမရဲ့သဘောထားကိုလေးစားပါ . . သင်လဲ သင့်သားကို စိတ်တိုင်းကျ ပြုစုပျိုးထောင်ခဲ့သလို ချွေးမမှာလဲ အဲ့အခွင့်အရေးရှိတယ်ဆိုတာ မမေ့ပါနဲ့.

သင့်ချွေးမက သူ့အမေကို သင့်ထက်ပိုချစ်ပါတယ် . . မနှိုင်းယှဉ်ပါနဲ့ .. . တကယ်လို့ သင့်ချွေးမက သူ့မအိမ်နဲ့ သင့်အိမ်ကို အတူတူပဲ ပေးကမ်းတယ် .ဆိုရင် သင်ဟာ ကံအကောင်းဆုံးယောက္ခမပါ . . ... သင့်သားက အဓိက စီးပွားရှာတယ်ဆိုပေမယ့် ချွေးမဖြစ်သူကသာ ဝင်ငွေ ထွက်ငွေကို အဓိက စီမံသူပါ . . သူမကျေနပ်စွာ ပေးကမ်းတာက သင့်ကို တန်ဖိုးထားတယ်ဆိုတာ ပြသတာပါ . .

သင့်သမီးကို သင်စိတ်တိုင်းကျ ဆူလို့ရတယ် . . ပြောလို့ရတယ် .. . ဒေါသထွက်လို့ရပါတယ် . . ချွေးမကိုတော့ သင့်စိတ်ရှိသလို ပြောလို့မရပါဘူး . . ဘာလို့လဲဆို သင့်သမီးကို သင်အနစ်နာခံပြုစုစောင့်ရှောက်သလို ချွေးမဖြစ်သူကို စောင့်ရှောက်ခဲ့တာ မဟုတ်လို့ပါ . .

သင့်သမီးကို အမျိုးမျိုးဝယ်ပေး ပံ့ပိုးပေးလို့ရပါတယ် . ချွေးမကိုလဲ တခါတရံ လက်ဆောင်ပေးဖို့မမေ့ပါနဲ့. .သင့်လက်ဆောင်က တန်ဖိုးသိပ်မရှိရင်တောင် သူမအတွက် အမှတ်တရဖြစ်စေပြီး သင့်ရဲ့ချစ်ခင်မှုကို ပြသရာရောက်ပါတယ်

သင့်သားသမီးဟာ သင့်အတွက်အဖိုးတန်သလို ချွေးမဖြစ်သူကလဲ သူတို့အိမ်ရဲ့ အဖိုးတန်သမီးတယောက်ဆိုတာ မမေ့ပါနဲ့. . . မိဘအိမ်မှာ ခြေမွှေးမီးမလောင် လက်မွှေးမီးမလောင်နေခဲ့ပေမယ့် သင့်သားရဲ့ ဝေယျဝေစ္စတွေ အိမ်သန့်ရှင်းရေးတွေ မီးဖိုဆောင်ကိစ္စတွေကို တတ်နိုင်သလောက် စိတ်ပါဝင်စားပြီးလုပ်ပေးတာလေးကို အသိအမှတ်ပြုပေးပါ . .

သင့်ချွေးမကို တန်ဖိုးထားပါ . . သူက သင့်သားကို အိုမင်းချိန်ထိ ပြုစုစောင့်ရှောက်သွားရမယ့်သူပါ . . သင့်ဆီက သားကို လုယူလိုက်တာ မဟုတ်ပါဘူး . . . သင့်တာဝန်တွေကို လွှဲပြောင်းယူလိုက်တာပါ . .

မြေးလေးတွေရလာတဲ့အခါ သမီးကမွေးတဲ့မြေးနဲ့ ချွေးမက မွေးတဲ့မြေးကို အတူတူချစ်ပေးပါ . . သမီးကမွေးတာ ပိုချစ်ခဲ့ရင်လဲ သင့်ရင်ထဲပဲ သိမ်းထားပါ . . ချွေးမရှေ့ ထုတ်ဖော်မပြောပါနဲ့ . . သင့်ရဲ့ ခွဲခြားဆက်ဆံမှုက ချွေးမကို သိမ်ငယ်စေသလို သင့်မြေးရဲ့စိတ်မှာလဲ နာကျင်စရာ ဖြစ်လာနိုင်ပါတယ် . . .

သင့်သားရဲ့အိမ်ထောင်ရေး သာယာပျော်ရွှင်မှုဟာ သင့်အပေါ်မှာ မူတည်ပါတယ် . . သင့်ကြောင့် မီးမလောင်ပါစေနဲ့ . .

💦Credit 💦