Tin Zar By Insurance and Financial Advisor

🪷🌹🙏နက်ဖြန်သည် ဝါခေါင်လပြည့်
မေတ္တာအခါတော်နေ့ ဖြစ်သောကြောင့်
သတ္တဝါများစွာ ဘေးရန်ကွာ
ကျန်းမာချမ်းသာကြပါစေ၊
အလုပ်အကိုင်တွေအဆင်ပြေကြပါစေ🪷🌹🙏

ဆုံးရှုံးမှုဆိုတာ
- - - - - - - - -
🗞️မင်းမှာ ငွေကြေးဆုံးရှုံးမှုကြုံခဲ့ရင်
ဒါဟာ ဘာမှဆုံးရှုံးမှုမဟုတ်ပါဘူး ။
🚴‍♂️ မင်းမှာကျန်းမာရေးဆုံးရှုံးမှုကြုံခဲ့ပြီဆိုရင်တော့ တစ်ခုခုဆုံးရှုံးလိုက်ရပါပြီ။
💛 မင်းမှာ ကိုယ့်ကျင့်စာရိတ္တပျက်ယွင်းသွားပြီဆိုရင်တော့ အရာရာဆုံးရှုံးလိုက်ရပါပြီ။
Crd : Skill Up Myanmar

အာမခံမှာ Life Assurance လို့ခေါ်တဲ့ အသက်အာမခံနဲ့ အသက်မပါသော
အထွေထွေအာမခံ General Insurance ဆိုပြီး နှစ်ပိုင်းရှိပါတယ် ..

ထို အာမခံ နှစ်မျိုးအနက် ဘယ်အာမခံက ရောင်းရခက်လည်းပေးရင် နှစ်မျိုးစလုံး ခက်ပါတယ် ✅
ဘယ်အမျိုးအစားက ပိုခက်သလဲပြောရရင် မြန်မာနိုင်ငံအနေနဲ့ အသက်အာမခံ က ပိုခက်ပါတယ်

ပိုခက်ရတဲ့ အကြောင်းအရင်းတွေကတော့

ဒို့လူမျိုးတွေ..
- အယူသီးတယ်
- သေမှာလို့ပြောရင် အရမ်းကြောက်တယ်
- အသက်အာမခံဆိုတာ သေမှ ရတာပါလို့ တစ်ယူသန်တယ်@
- နောက်လူကောင်းစားရေး ဘာလုပ်မှာလဲ လို့ အပြောများတယ်
- နမိတ်မရှိ နမာမရှိ လို့ အပြောများတယ်
- ငွေစုတာတွေ နားမလည် နောင်ခါလာ နောင်စျေး သမား များတယ်
- အပြောအဟောကောင်းလို့ စိတ်ဝင်စားပြန်တော့ ဆေးစစ်ရမှာ သေမလောက်ကြောက်ကြတယ်
- ကိုယ်က အာမခံထားဖို့ အဆိုလွှာဖြည့်ပြီး ဆေးစစ်ပြီးရင်လဲ အခြားသူတွေ ဖျက်လို့ ပျက်တဲ့သူတွေ အများသား
-
-
-
-
စသဖြင့် အကြောင်းများစွာ တွေ့ဖူးကြုံဖူးပါတယ် ..
ဒီကြားထဲ အသက်အာမခံ မတိုးတက်ရတဲ့ အဓိကကျတဲ့ အကြောင်းတွေမှာ..
ငွေကြေးဖောင်းပွမှု ( inflation) နဲ့အတူ အာမခံရောင်းတဲ့ သူဌေးတွေရဲ့
ကြောက်ရွံ့မှုက အဓိက အဟန့်အတားပါ...

(ခုတော့ နိုင်ငံခြားကုမ္ပဏီတွေပါ ပါဝင်လာလို့ သူတို့ဖော်တဲ့ New Products တွေက အရင်က ရောင်းနေတဲ့
Products တွေထက် ပိုကောင်းနေပါပြီ)

ဒါပေမဲ့လည်း
ပစ္စည်းနဲ့ လူထက် ပစ္စည်းကို ပဓာန ထားတတ်ကြလို့ ( နမူနာ ကားတစ်စီး မတော်တဆဖြစ်ရင် လူဘာဖြစ်လည်းလို့ ဆိုတာထက် ကားဘာဖြစ်လည်း အရင်မေးတတ်ကြတာမျိုးတွေပေါ့)
အသက်အာမခံက ပိုအရေးကြီးတယ် မထင်ကြသေးတာကလည်း
အဓိကအကြောင်းအရင်းပါ ✅✅

ကိုမျိုး-အာမခံ

အသက်အာမခံ Product တခုက ပေးတဲ့ Benefits & Coverage တွေဆိုတာ Customer ဆီက ကောက်ခံရရှိမယ့် Total Premium ပေါ်မှာ မူတည်ပါတယ်။ နိုင်ငံတခုရဲ့ CBM Rate ပေါ်မှာလည်း သက်ရောက်မှု ရှိပါတယ်။
အာမခံကုမ္ပဏီရဲ့ အကျိုးအမြတ်ဆိုတာကလည်း အာမခံပေါ်လစီ သက်တမ်း ပြီးဆုံးမှသာ သိရှိနိုင်တာပါ။
ဒီတော့ ဆယ်စုနှစ် ၁ စုလောက် Invest လုပ်ရပါတယ်။

အာမခံကုမ္ပဏီတွေက Product အမျိုးမျိုး ဖန်တီးရောင်းချတဲ့အခါ ...
Customer ကို ပြန်ပေးတဲ့ အမြတ်ဆိုတာကလည်း ဒီဘောင်ထဲမှာ ရှိနေပါတယ်။

ဒီတော့ Product Design တွေဆိုတာက ဟိုနေရာလေးကို ဟိုလို Cover ပေးမယ် ... ဒီနေရာလေးမှာတော့ ဒီလို Benefit လေးထည့်မယ် စသဖြင့် လိုတိုးပိုလျော့ လုပ်ပြီး အမျိုးမျိုး ဆွဲဆောင် ရောင်းချကြတာပေါ့။

အေးဂျင့်ကိုပေးတဲ့ ကော်မရှင်ဆိုတာကလည်း Customer ဆီကရတဲ့ ပရီမီယံပေါ်မှာ ပဲ အခြေခံနေပါတယ်။

အရပ်စကားနဲ့ ပြောရရင် ...
▪️Customer Benefits ပိုများရင် Company နဲ့ Agent ထိုက်သင့်တဲ့ ဝင်ငွေ/ အမြတ် တခု ရှိမယ်။
▪️Customer Benefit က တော်ရုံလောက်ဆို Company နဲ့ Agent က ဝင်ငွေ/အမြတ် ပိုမိုရရှိမယ်။

Product တွေ အများကြီးထဲမှာ ဒါမျိုးတွေ ရှိပါတယ်။

အသက်အာမခံ Product တွေ ဘယ်ဟာ ပ်ိုကောင်းလဲ လေ့လာကြည့်တဲ့အခါ ... အများအားဖြင့် Customer side ဘက်ကပဲ ကြည့်ပြီး သုံးသပ်ရွေးချယ်ပေးကြတာပေါ့။

ဒါပေမယ့် ဒီနေရာမှာ Freelance Agent နဲ့ Company ဝန်ထမ်းနဲ့ ရောင်းတဲ့အခါ ချဉ်းကပ်တဲ့ပုံစံ ကွာတယ်။

Company ဝန်ထမ်းဆိုတာက ... Market ထဲက Product တွေ ထည့်ပြီး မစဉ်းစားပေးနိုင်ဘူး။ Product အားသာချက် အားနည်းချက် ဘယ်လိုပဲရှိရှိ အလုပ်ရှင်က ရောင်းခိုင်းတဲ့ Product တွေကိုပဲ ရောင်းချပေးရတာ ဖြစ်တယ်။

Freelance Agent တွေကတော့ Customer တွေအတွက် သင့်တော်နိုင်တဲ့ အခြေအနေမျိုးကို ရွေးချယ်ပေးနိုင်တဲ့ အခွင့်အလမ်း ပိုရတယ်။

ပြီးတော့ ... Product တွေကို နှိုင်းယှဉ်သုံးသပ်ကြည့်တဲ့အခါ
Customer Side ဘက်က မဟုတ်ဘဲ
Company side ဘက်က ကြည့်ပြီး
လေ့လာသုံးသပ်ကြည့်တဲ့အခါ မတူညီတဲ့ အမြင်တခုနဲ့ တွေ့ရပါလိမ့်မယ်။

Product အားလုံးကတော့ .. အကာအကွယ်ပေးတာ ဖြစ်ပေမယ့်
အရပ်စကားနဲ့ပြောရရင် စီးပွားရေးသမား တယောက်က
▪️ဘယ်ထုတ်ကုန်ကတော့ သူ့အတွက် ပိုကျန်မလဲ
▪️ဘယ်ထုတ်ကုန်က သူ့အတွက် ဆုံးရှုံးမှု နည်းနိုင်လဲ
▪️ဘယ်ထုတ်ကုန်ကဖြင့် ပိုကျန်တဲ့အတွက် Healthy Risk ရဖို့ ကုန်ကျစရိတ်ကို သူတို့ ပိုသုံးနိုင်လဲ
▪️ဘယ်ထုတ်ကုန်က ပိုကျန်မှာမို့ အရောင်းသမားကို ဘယ်လောက် ပိုပေးထားလိုက်မလဲ
ဆိုတာတွေက
လေ့လာကြည့်ရင် စိတ်ဝင်စားဖို့ ကောင်းပါတယ်။

ဆက်ရန် ---

#ကျော်ကျော် (တောင်ငူ)
#အာမခံအကြံပေး

🙏 အကြွေးတွေ ကျေကိုကျေသွားမှာပါ 🙏
🍀🍀🍀🍀🍀🍀🍀🍀🍀🍀🍀🍀🍀🍀
🙏 ပဋ္ဌာန်းတရားတွေရွတ်တယ် ၊
အကျိုးမပေးဘူး၊
လူလိမ်ခံရတယ်တဲ့။
အကြွေးတွေဆပ်နေတာကို မသိကြဘူး။
🙏 မဟာသမယသုတ်တွေရွတ်တယ် ၊
အပြစ်တင် အပြစ်ပြောခံရတာတွေ
ရပ်မသွားဘူးတဲ့။
အကြွေးတွေဆပ်နေတာကို မသိကြဘူး။
🙏 ဂုဏ်တော်ပုတီးတွေစိပ်တယ်၊
စီးပွားရေးတွေတစ်လွဲတစ်ချော်တွေ
ဖြစ်နေတုန်းပဲတဲ့။
အကြွေးတွေဆပ်နေတာကို မသိကြဘူး။
🙏 ရဟန်းတွေခံ၊ရှင်တွေပြု၊
ကျောင်းဆောက်၊စေတီတွေတည်၊
ဆွမ်းတွေကပ်၊သီလတွေစောင့်တယ်၊
စီးပွားရေး၊လူမှုရေးတွေ အဆင်မပြေဘူး၊
ပိုဆိုးလာသတဲ့။
အကြွေးတွေဆပ်နေတာကို မသိကြဘူး။
🙏 မြတ်စွာဘုရားက
ကုသိုလ်ဆိုတာ အပြစ်ကင်းပြီး ကောင်းကျိုးကို
ပေးမယ်လို့ တစ်ထစ်ချ ဟောထားတယ်။
🙏 ဘုရားစကား ဘုရားတရားဟာ
လွဲရိုးထုံးစံ မရှိဘူး။
🙏 ကုသိုလ်လုပ်ပြီး အဆင်မပြေဖြစ်တယ် ဆိုတာ
အကြွေးဟောင်းတွေကို ဆပ်နေရတယ်လို့ မှတ်ပါ။
🙏 ဘဝတွေမှာ
နှုတ်နဲ့တင်ခဲ့တဲ့အကြွေးတွေ အများကြီး။
ကိုယ်နဲ့ပြုခဲ့တဲ့အကြွေးတွေ အများကြီး။
စိတ်နဲ့ပြစ်မှားမိခဲ့တဲ့အကြွေးတွေ အများကြီး။
🙏 ဒီအကြွေးတွေကို ဝိပဿနာဉာဏ်နဲ့မှ
မဆပ်နိုင်သေးရင် ဘယ်တော့မှအကုန်
မကျေနိုင်ပါဘူး။
🙏 ကုသိုလ်ပြုတယ်ဆိုတာ အကြွေးတွေကို
ဖဲ့ ဖဲဆပ်နေကြတာပါ။အကြွေးမှန်မှန်ဆပ်ရင် တစ်နေ့ အကြွေးကျေကိုကျေမှာပါ။
🙏 အကြွေးကျေတဲ့နေ့
လုပ်သမျှကုသိုလ်တွေ အဖတ်တင်တဲ့နေ့၊
လုပ်သမျှ ကုသိုလ်တွေ တန်ပြန် အကျိုးပေးမယ့်နေ့ လို့ မှတ်ပါ။
🙏 မြတ်စွာဘုရားက
ကုသိုလ်ဆိုတာ အပြစ်ကင်းပြီး ကောင်းကျိုးကို
ပေးမယ်လို့ တစ်ထစ်ချ ဟောထားတယ်။
🙏 ဘုရားစကား ဘုရားတရားဟာ လွဲရိုးထုံးစံမရှိဘူး။ယုံယုံကြည်ကြည်နဲ့သာ ဆက်လျှောက်ပါ။
(ပါမောက္ခချုပ်ဆရာတော်ဘုရားကြီး)
🙏🙏🙏🙏🙏🙏🙏🙏🙏🙏🙏🙏
မူရင်း👉 credit...ဓမ္မဒါနအဖြစ်ထပ်ဆင့်မျှဝေပူဇော်ပါသည်...🙏🙏🙏

ရုပ်ရှင်မင်းသားညွန့်ဝင်းတို့
ရုပ်ရှင်အဖွဲ့ဟာ.
ဧရာဝတီမြစ်ကိုဖြတ်ကူးဖို့
ဇက်ဆိပ်မှာ
စောင့်နေကြတယ် ။
ဇက်ဆိပ်နားက
ရွာက လူတွေဟာ
ရုပ်ရှင်မင်းသား မင်းသမီးတွေ
ရှိနေတယ်ဆိုတော့
လာကြည့်ကြတာပေါ့ ။
မင်းသားညွန့်ဝင်းကတော့
ကြည့်နေတဲ့ လူအုပ်ကို
အရေးသိပ်မထားဘဲ
ခပ်အေးအေးပဲ ဟန်ပါပါနဲ့
ရပ်ပြီး နေတယ်။
အဲ့ဒီအချိန်မှာ လူအုပ်ထဲကနေ
အဖွားအိုတစ်ယောက်က
" ဟဲ့ ဖယ်ကြစမ်းပါဟဲ့ ၊
ငါ မမြင်လို့ပါ ၊
ကိုတင်မောင့် သားလေးဆို ..
ငါကြည့်ချင်လို့ပါ "
လို့ အော်ပြောရင်း လူအုပ်ကို တိုးကာ
ရှေ့ကို တွန်းတိုးလာတယ် ။
ဒီအဘွားအိုရဲ့အသံကြောင့်
လူအုပ်ကို ဂရုမစိုက်တဲ့
မင်းသားညွန့်ဝင်းဟာ
လူအုပ်ဘက်ကို ဆတ်ကနဲ
တစ်ချက် လှည့်ကြည့်ရင်း
လူအုပ်ဘက်ကို လျှောက်လာပြီး
အဘွားအိုလက်ကို လက်နှစ်ဖက်နဲ့
ကြင်ကြင်နာနာ အုပ်ကိုင်ကာ-
"အမေကြီး ၊ အမေကြီးက ဖေဖေ့ကို
သိသလား ခင်ဗျ "
လို့ မေးလိုက်တယ်။
အဘွားအိုက-
"သိတာပေါ့ကွယ် ...
ဘုရားဒကာ ကျောင်းဒကာ
ဇာတ်မင်းသားကြီး...
မှန်းစမ်း-ကိုတင်မောင့်သားလေးက
လူချောပဲ"
အဲ့ဒီအချိန်မှာ-
လူအုပ်ထဲက လူငယ်တစ်ယောက်က ..
"အဘွားကြီး ရမ်းဖြီးနေတယ်၊
မျက်စိလည်း မကောင်းဘဲနဲ့၊
ချောသလေး ဘာလေးနဲ့
ရုပ်ရှင်ပေါ်မှ မြို့လည်း တစ်ခါမှ
မရောက်ဖူးဘူး၊
ညွန့်ဝင်းလည်း မမြင်ဖူးဘူးနဲ့ "
ဆိုပြီး ပြောတော့
လူအုပ်က ဝိုင်းရီကြတယ် ။
အဘွားအိုက-
"ဟဲ့- ငါက မျက်စိမကောင်းလို့
ရုပ်ရှင်မကြည့်ဖူးလို့
ညွန့်ဝင်းကို မသိပေမဲ့
သူ့အဖေ ရွှေမန်းတင်မောင်ကို
ငါသိတယ်၊ မြင်ဖူးတယ်
အဆိုကောင်း အကကောင်း
လူချော ။
ငါတို့ အရမ်းချစ်တာ ၊
အေး- သူ့သားညွန့်ဝင်းလည်း
ချောမှာပဲ ၊ ချစ်ဖို့ ကောင်းမှာပဲ"
လို့ တောသူရိုးရိုးသံကြီးနဲ့
ပြောချလိုက်တယ်။
အဲ့ဒီအဖြစ်ပျက်ကို အနီးနားက
ကြည့်နေတဲ့ သုမောင်က-
" ဪ- လူတွေက မိဘတွေကို
ချစ်ရင် သူတို့ သားသမီးတွေကိုလည်း
ချစ်ကြပါလား"
လို့-သုံးသပ္လိုက်သတဲ့။
လူ့လောက လူ့ပတ်ဝန်းကျင်မှာ-
မိမိရဲ့သမိုင်းကောင်းအောင် နေထိုင်ခြင်း၊
လူ့ပတ်ဝန်းကျင် လောကက ချစ်အောင်
နေခြင်းဟာ မိမိမျိုးဆက် သား သမီး
မြေး မြစ်ထိ သက်ရောက်တယ်ဆိုတာ
သိစေချင်လှပါတယ်။
တိုင်း နိုင်ငံ ရပ်ကွက် မြို့ ရွာက
ချဉ်သော ရွံသော လူရဲ့ သားသမီးကို
အလိုလို ချဉ်နေကြမှာဖြစ်သလို...
တိုင်း ပြည် မြို့ ရွာက
ချစ်သောလူရဲ့ သားသမီးမြေးကိုတော့
ဘယ်သူ့ သားသမီးဆိုတာနဲ့ကို
ချစ်ကြမှာပါပဲ ။
ပြောချင်တာက-
လူဟာ မိမိရဲ့ ဘဝသမိုင်းကို
ကောင်းအောင် ကြိုးစားနေထိုင်ခြင်းသည်
မိမိမျိုးဆက် ရင်သွေးများထိ
သက်ရောက်မှုရှိတယ် ဆိုတာပါပဲ ။
ခင်ဗျားတို့ သားသမီးတွေကို
လူ့လောကကြီးက ချစ်ခင်စေချင်လား၊
ခင်ဗျား-လူချစ်အောင် နေပါ။
ခင်ဗျားတို့ သားသမီးတွေ-
လူ့လောကမှာ ဂုဏ်မငယ်စေချင်ဘူးလား ..။
ခင်ဗျား- ကိုယ်ကျင့်တရား ကောင်းအောင်နေပါ။
Crd

https://www.facebook.com/ChubbLifeMyanmar/posts/pfbid02LGdoQCShn6cGbcxnmNFYQk9qd3yRnFj3PX7GM4zV9CpgbrcLwEDcXj5NvuMKq54Cl

မျှော်လင့်ခြင်းတွေရင်မှာ။
လူတိုင်းမှာရည်မှန်းချက်ဆိုတာရှိပါသည်၊ ရည်မှန်းချက်တွေမပြည့်သောအခါ၊ မျှော်မှန်းချက်ဆိုတာဖြစ်လာပါသည်။
မျှော်မှန်းထားသလိုဖြစ်မလာသောအခါ၊ ကံဇတ်ဆရာအလိုကျကရပါတော့သည်။
ဘဝကတိုတိုလေးပါ၊ နက်ဖြန်ဘာဖြစ်မလည်းဆိုတာမသိနိုင်တဲ့ဘဝမှာ၊ ရည်မှန်းချက်တွေမျှော်မှန်းချက်တွေပြည့်ဖို့အသက်ရှင်ရပ်တည်မနေပါနှင့်။
ဘဝရဲ့အနှစ်သာရကိုအဓိပ္ပါယ်ရှိအောင်လုပ်ချင်တာလုပ်ပါ၊ တစ်ဦးတစ်ယောက်၏ အကျိုးစီးပွားသဘာဝပတ်ဝန်းကျင်ကိုမထိခိုက်မနစ်နာမပျက်စီးမဆုံးရှုံးရန်ထိန်းသိမ်းပြီး ပျော်ရွှင်စရာကောင်းတဲ့ဘဝကိုဖန်တီးယူပါ။
William Aung

ကနေဒါအိမ်မက်။ 🇨🇦Canada Dream.
🇨🇦ကနေဒါတွင်ထုတ်ပြန်လိုက်သော
🚘မော်တော်ယာဥ်မောင်းစည်းမျဥ်းများ။
🚘မော်တော်ယာဥ်မှန်တွင်အရောင်မဲမှောင်စွာလုပ်ထားခြင်း 💵$199
🚘မော်တော်ယာဥ်ထိုင်ခုံခါးပတ်မတပ်ပဲမောင်းနှင်စီးနင်းခြင်း 💵$200
ညအမှောင်တွင်ရှေ့မီးထွန်းရန်ပျက်ကွက်ခြင်း💵$200
အိမ်ပြောင်းရွှေ့ပြီး၆ရက်ကျော်သည်အထိ📮လိပ်စာအသစ်မပြောင်းခြင်း 💵$230
🚘ယာဥ်မောင်းလိုင်စင်မပါပဲမောင်းနှင်ခြင်း 💵$250
🛑Stop Sign ၌ မရပ်ခြင်း 💵$270
သတ်မှတ်ထားသောအရှိန်ထက်ပိုမောင်းနှင်ခြင်း🐎( 1-15 KM) 💵$250
သတ်မှတ်ထားသောအရှိန်ထက်ပိုမောင်းနှင်ခြင်း🐎( 16-25 KM) 💵$450
သတ်မှတ်ထားသောအရှိန်🐢ထက်လျှောနည်းခြင်း 💵$399
🔃Turn, ↩️U-Turn and 🔁turn violation: 💵$350
မျဥ်းဝါ⏸၂ကြောင်းဖြတ်လျှင် 💵$500
👫လူ၂ဦးနှင့်အထက်တင်ဆောင်ထားသောယာဥ်များသာမောင်းနှင်ရန်သတ်မှတ်ထားသောလမ်းကြောင်းတွင်တစ်ဦးတည်းမောင်းနှင်ခြင်း 💵$505
👶ခလေးများခါးပတ်မပတ်ခြင်း၊ မော်တော်ယာဥ်ဥပဒေ စည်းကမ်းလိုက်နာရန်ပျက်ကွက်ခြင်း 💵$599
🚌ကျောင်းကားမီးနီ flashing လုပ်နေစဥ်ကျော်တက်ခြင်း 💵$885
🔴မီးနီဖြတ်လျှင် 💵$900 (စာရေးသူ ဒဏ်ကြေး $165 ပေးရဖူးပါသည်)
🚎လိုင်းကားများသွားရာလမ်းကြောင်းတွင်ယာဥ်ရပ်နားခြင်း 💵$900
🚘ယာဥ်မောင်းနှင်နေချိန်📵ဖုန်းကိုင်ခြင်း၊ အသုံးပြုခြင်း (ပထမအကြိမ်) 💵$1000ယာဥ်မောင်းလိုင်စင် ၃နှစ်ပိတ်သိမ်းခံရမည်။
🚘မော်တော်ယာဥ်အာမခံမရှိပဲယာဥ်မောင်းနေချိန်ယာဥ်မတော်တဆဖြစ်ပွားခြင်း💵$5000၊ ယာဥ်မောင်းလိုင်စင် ၅နှစ်ပိတ်သိမ်းခံရမည်။
🇨🇦ကနေဒါမှာဝင်ငွေကောင်းပါသည်၊ လူနေမူအဆင့်အတန်းမြင့်မားပါသည်၊ ⚖️ဥပဒေများကိုလည်းလိုက်နာရပါသည်။
ဗဟုသုတအဖြစ်မျှဝေခြင်းဖြစ်ပါသည်။
William Aung