Ace Polymer Manufacturing Factory

新年快乐
恭喜发财
万事如意

(၂၀၂၆) ခုနှစ် ၊ ဖေဖော်ဝါရီလ (၁၂) ရက်နေ့ ကြာသပတေးနေ့တွင် ကျရောက်သော (၇၉) ကြိမ်မြောက် ပြည်ထောင်စုနေ့အား A.P.M Factory မိသားစုမှ ဂုဏ်ပြုကြိုဆိုလိုက်ရပါတယ်ရှင့် 🙏

❝ (၇၈) နှစ်ပြည့် လွတ်လပ်ရေးနေ့ ❞

▫️၂၀၂၆ ခုနှစ် ဇန်နဝါရီလ (၄) ရက်နေ့တွင် ကျရောက်သည့် မြန်မာနိုင်ငံ၏ နေ့ထူးနေ့မြတ်ဖြစ်သော (၇၈) နှစ်မြောက် လွတ်လပ်ရေးနေ့အား A.P.M Factory မှ ဂုဏ်ယူ၀မ်းမြောက်စွာဖြင့် ကြိုဆိုအပ်ပါသည်။

"နှစ်သစ်အတွက် လက်ဆောင်စကား"

ဒီဘက်ခေတ်မှာ လူတစ်ယောက်ကို အဆင်ပြေလား လို့ မေးလိုက်ရင်၊ ပြန်ရတဲ့ အဖြေက အမြဲတမ်းလိုလို တူညီနေတတ်တယ်။

"အလုပ်တွေ အရမ်းရှုပ်နေတယ်ကွာ"၊ "မအားလိုက်ရတာ"၊ "အချိန်ကို မရှိဘူး"။ ကျွန်တော်တို့တွေက "အလုပ်ရှုပ်ခြင်း" ကို "အောင်မြင်ခြင်း" နဲ့ မှားယွင်းပြီး တွဲစပ်မိနေကြတယ်။
"ငါမအားလေလေ၊ ငါအရေးပါလေလေ၊ ငါအောင်မြင်လေလေပဲ" လို့ ထင်မှတ်မှားနေကြတယ်။ "မအားဘူး" လို့ ပြောလိုက်ရရင်ပဲ ကိုယ့်ကိုယ်ကို အရေးကြီးပုဂ္ဂိုလ်ကြီး တစ်ယောက်လို ခံစားလိုက်ရသလိုလိုပေါ့။

ဒါပေမဲ့ တကယ်တမ်း စဉ်းစားကြည့်ပါ။
လှောင်အိမ်ထဲက ပွေး လေးတစ်ကောင်က စက်ဘီးအဝိုင်းထဲမှာ အားကုန်ပြေးနေတာကို မြင်ယောင်ကြည့်ပါ။ သူ အရမ်းပင်ပန်းနေတယ်၊ ခြေကုန်လက်ပန်းကျနေတယ်၊ အရမ်းအလုပ်ရှုပ်နေတယ်။

ဒါပေမဲ့ သူ ဘယ်ကို ရောက်သွားသလဲ။ ဘယ်မှ မရောက်ဘူး။ မူလနေရာမှာပဲ ရှိနေသေးတယ်။ မိတ်ဆွေ သင်ကော အဲဒီ ပွေးလေးလို ဖြစ်နေပြီလား။

တစ်နေ့ကုန် ဖုန်းပြောတယ်၊ မီတင်တက်တယ်၊ အီးမေးလ်တွေ ပြန်တယ်၊ ဟိုပြေးဒီလွှား လုပ်နေတယ်။ ညဘက် အိမ်ပြန်ရောက်တော့ ပင်ပန်းပြီး ဘုန်းခနဲ လဲအိပ်သွားတယ်။

ဒါပေမဲ့ ကိုယ့်ကိုယ်ကို ရိုးရိုးသားသား ပြန်မေးကြည့်ပါ။
"ဒီနေ့ ငါ့ဘဝအတွက် တကယ်အရေးပါတဲ့၊ တိုးတက်မှုရှိတဲ့ အလုပ်တစ်ခုခု ပြီးမြောက်ခဲ့ရဲ့လား"

"မအားဘူး" ဆိုတာ တကယ်တော့ ဂုဏ်ယူစရာ မဟုတ်ပါဘူး။ ဒါဟာ "ငါ့အချိန်တွေကို ငါ စီမံခန့်ခွဲနိုင်စွမ်း မရှိတော့ဘူး"၊ "ငါ့ဘဝရဲ့ ဦးစားပေးတွေကို ငါမသိတော့ဘူး" လို့ ဝန်ခံလိုက်တာနဲ့ အတူတူပါပဲ။

အလုပ်လုပ်တာ ကောင်းပါတယ်။ ဒါပေမဲ့ ဦးတည်ချက်မရှိဘဲ အလုပ်ရှုပ်နေတာကတော့ အချိန်ဖြုန်းတာပါပဲ။

တစ်ခါတလေ အရှိန်လျှော့လိုက်တာက ပိုမြန်မြန် ခရီးရောက်စေပါတယ်။ ကားမောင်းနေရင်း လမ်းမှားနေတယ်လို့ ထင်ရင် ဆက်မောင်းနေမယ့်အစား ဘေးကပ်ရပ်ပြီး မြေပုံကြည့်ရတယ် မဟုတ်လား။

ဘဝလည်း ဒီလိုပါပဲ။ ဒါကြောင့် နှစ်သစ်မှာ အလုပ်ရှုပ်လွန်းနေရင် ခဏရပ်ပြီး "ငါ ဘယ်ကို သွားနေတာလဲ" လို့ ပြန်စဉ်းစားဖို့ လိုပါတယ်။

နှစ်သစ်မှာ အားလုံးပျော်ရွှင်ကြပါစေ 🌼

Min Khant (Verse)

နှစ်သစ်မှာ ဖောက်သည်ကြီးများအားလုံး လုပ်ငန်းများအောင်မြင်ပြီး ကျန်းမာ ပျော်ရွှင်ကြပါစေလို့ A.P.M Factory မှ ဆုမွန်ကောင်း တောင်းလိုက်ပါတယ်ရှင့်

Merry Christmas! to you all

ဘဝဆိုတဲ့ ခရီးလမ်းမှာ "ခို" ဆိုတဲ့ စကားလုံးဟာ အန္တရာယ်အများဆုံး ခြေချော်ရာ နေရာတစ်ခုပါပဲ။ ဒီစကားလုံးလေးဟာ ကျွန်တော်တို့ရဲ့ စွမ်းအားတွေ၊ ဖြစ်နိုင်ခြေတွေကို တိတ်တဆိတ် ချိုးနှိမ်ပစ်လိုက်ပြီး ကျွန်တော်တို့ကို ကံတရားရဲ့ ကျေးကျွန်ဘဝသို့ ဆွဲခေါ်သွားတတ်ပါတယ်။ 🎢🕊️

"ခို" ဆိုတဲ့ သတ္တဝါလိုပဲ လူတော်တော်များများဟာ ဘဝမှာ အကြောင်းအမျိုးမျိုးကြောင့် ညည်းညူတတ်ကြပါတယ်။ ဒါဟာ သဘာဝကျပေမဲ့၊ ဒီညည်းညူမှုတွေထဲမှာ နစ်မြုပ်နေပြီး ကိုယ်တိုင် တိုးတက်အောင် မြှင့်တင်ဖို့အတွက် လုပ်ဆောင်မှုတွေကို မေ့လျော့သွားတတ်ကြပါတယ်။ 💤

အဆင်မပြေမှုတွေကို ရင်ဆိုင်ရတဲ့အခါ ပြင်ပအကြောင်းအရာတွေ၊ ပတ်ဝန်းကျင်အခြေအနေတွေအပေါ် အပြစ်တင်ရင်း "ခို" လို ညည်းညူနေမဲ့အစား၊ ကိုယ်တိုင်ရဲ့ ခံယူချက်တွေ၊ သဘောထားတွေ၊ အရည်အချင်းတွေကို ပြန်လည်သုံးသပ်နေဖို့ လိုအပ်ပါတယ်။ 🧪

ဒီလိုဘဝအတွက် လက်တွေ့ကျပြီး ထိရောက်တဲ့ ချဉ်းကပ်နည်းကတော့ သင်ရှိနေတဲ့နေရာနဲ့ သင်သွားချင်တဲ့နေရာကြားက အတားအဆီးတွေကို ဘယ်လိုကိုင်တွယ်ဖြေရှင်းမလဲဆိုတာကို အာရုံစိုက်ဖို့ပါပဲ။ ဆင်ခြေပေးဖို့မဟုတ်ဘဲ ဖြေရှင်းနည်းကို ရှာဖွေဖို့ဆိုတဲ့ အဓိပ္ပာယ်ပါ။ 🔍

ဒါဟာ အရာရာတိုင်းမှာ တာဝန်ယူမှုရှိရမယ်လို့ ဆိုလိုတာမဟုတ်ပါဘူး။ "Act As If" ဆိုတဲ့ စိတ်နဲ့ ကိုယ်က ဦးဆောင်ပြီး ဘဝမှာ ဖြေရှင်းတတ်ဖို့ကို ဆိုလိုပါတယ်။ ပြင်ပပြဿနာတွေ ရှိနေတာမှန်ပေမဲ့၊ လက်ရှိအခြေအနေမှာ သင်လုပ်နိုင်တာတွေကို စာရင်းပြုစုပြီး လုပ်ဆောင်သွားဖို့ကြိုးစားကြည့်ပါ။ 💪

ဒီလိုလုပ်ဆောင်နေရင်းကနေ ရလဒ်အနေနဲ့ အကျပ်အတည်းတွေကို ကျော်ဖြတ်နိုင်မလားဆိုတာ ဘယ်သူမှ အာမ မခံနိုင်ပေမဲ့၊ သင်တတ်နိုင်သမျှ လုပ်ဆောင်ထားတဲ့အတွက် နေရတာအဓိပ္ပာယ်ရှိပြီး နောင်တစ်ချိန် သင့်ကိုယ်သင် အပြစ်တင်စရာ မရှိတော့ပါဘူး။ 🌞

တစ်ခါတလေ သင် အခု ကြီးလှပါချည်ရဲ့လို့ ထင်နေတဲ့ အခက်အခဲပြဿနာဟာလည်း သူ့သဘာဝအတိုင်း အချိန်တန်ရင် ပြေလည်သွားတာမျိုး ဖြစ်နိုင်ပါသေးတယ်။ အရေးကြီးတာက သင့်အနေနဲ့ လုပ်စရာရှိတာကို အကောင်းဆုံးလုပ်ကိုင်နေဖို့ပါပဲ။ 💯

ဒါကြောင့် "ခို"လို ညည်းညူခြင်းထက်၊ သင်ကိုယ်တိုင်ရဲ့ စွမ်းရည်တွေကို သင့်ကိုယ်သင် အကောင်းဆုံးအသုံးချပြီး ရင်ဆိုင်ဖြေရှင်းသွားကြဖို့ တိုက်တွန်းလိုက်ရပါတယ်။ 💖

Naing Win Aung

ယုံကြည်စွာ လက်တွဲ အားပေးမှု့အတွက် ဖောက်သည်ကြီးများအားလုံးကို အထူးကျေးဇူးတင်ရှိပါတယ်ရှင့်

ပစည်းများ မပြတ်ရအောင် Order လေးတွေ ၄/၅ ရက် ကြိုတင် ပေးထားဖို့ Request လုပ်ပါရစေရှင့်