Education For All

၂၀၂၁ -၂၀၂၂ ပညာသင်နှစ် တက္ကသိုလ်ဝင်တန်း (သင်ရိုးဟောင်း)သင်ခန်းစာများအား လေ့လာရန်

How to write Myanmar names in English နာမည်ရေးနည်း မြန်မာဗျည်းသက်သက်(၃၂) လုံး

က = K ခ = Kh K = ခ ဂ,ဃ = G င = Ng
စ,ဆ = S ဇ,စ် = Z ည = Ny
ဋ,တ = T ထ,ဌ = Ht ထ,ဋ္ဌ = T ဒ,ဓ,ဍ, ဎ = D န,ဏ = N
ပ = P ဖ = Ph ဗ,ဘ = B မ = M
ယ = Y ရ = R လ,ဠ = L ၀ = W သ = Th ဟ = H

ဗျည်းတွဲ(၆)မျိုး

၁။ ဗျည်းတစ်လုံးနောက်မှ Y ဆက်ပေးလျှင် “ယပင့်” “ရရစ်” ဖြစ်၏။
ပုံစံ။ ။ Ky= ကျ ,ကြ Py=ပျ ,ပြ By=ဗျ ,ဗြ Gy=ဂျ Phy=ဖျ ,ဖြ My=မ ျ ,မြ

၂။ ဗျည်းတစ်လုံးနောက်မှ W ဆက်ပေးလျှင် “၀ဆွဲ” ဖြစ်၏။
ပုံစံ။ ။ Kw=ကွ Khw=ခွ Gw=ဂွ Sw=စွ,ဆွ Zw=ဇွ ,စျွ Lw=လွ Ngw=ငွ Dw=ဒွ

၃။ဗျည်းတစ်လုံးရှေ့မှ H ထား၍ရေးလျှင် “ဟထိုး”ဖြစ်၏။
ပုံစံ။ ။ Hng=ငှ Hny=ညှ Hn=နှ,ဏှ Hm=မှ

၄။ဗျည်းတစ်လုံးနောက်မှ Y,W ဆက်ပေးလျှင် “ ယပင့် ၀ဆွဲ” “ရရစ် ၀ဆွဲ” ဖြစ်၏။
ပုံစံ။ ။ Kyw= ကျွ , ကြွ Pyw= ပျွ ,ပြွ Myw= မျွ , မြွ

၅ ။ ဗျည်းရှေ့က H နှင့် ဗျည်းနောက်က Y ဆက်ပေးလျှင် “ယပင့်ဟထိုး” “ရရစ်ဟထိုး” ဖြစ်၏။
ပုံစံ။ ။ Hmy=မျှ , မြှ Hly=လျှ

၆။ဗျည်းရှေ့က H နှင့် ဗျည်းနောက်က W ဆက်ပေးလျှင် “ဟထိုး၀ဆွဲ” ဖြစ်၏။
ပုံစံ။ ။ Hnw=နွှ Hlw=လွှ Hmw=မွှ

ကာရန်သရများ

a=အ , အာ, အား i = အိ, အီ , အီး u= ဥ, ဦ, ဦး
(ar=အာ, အား) (ee= အီ, အီး) (oo= ဦ ,ဦး)
e = အေ ,အေ့ , အေး e = အဲ , အဲ့ , အယ်
(ay-aye= အေ ,အေ့ , အေး) (ai = အဲ , အဲ့ , အယ်)
aw =အော့ ,အော် , အော an =အံ , အံ့

အက္ခရာအသတ်များ

et= က် in= င့် it =စ် i , ee = ည် int = င့် an = န် , မ် ai ( e ) = ယ် at = တ် , ပ် ant = န် , မ့်

သရနှင့်အသတ်များ

eik = -ိ တ် -ိပ် ( လုံးတင်တသတ် လုံးတင် ပသတ်)
ein = -ိန် -ိမ် ( လုံးတင်နသတ် လုံးတင်မသတ်)
ok(oke)= - ုတ် , - ုပ် (ချောင်းငင်တသတ် ,ချောင်းငင်ပသတ်)
ont(one , ohn )= -ုန် , -ုမ် (ချောင်းငင်နသတ် ,ချောင်းငင်မသတ်)
auk=ေ-ါက်(သဝေထိုးရေးချကသတ်)
aung=ေ-ါင် (သဝေထိုးရေးချငသတ်)
aik= - ိုက်(လုံးတင်ချောင်းငင်ကသတ်)
aine , (ine)= - ိုင် (လုံးတင်ချေင်းငင်ငသတ်)
o , ( oe , oh )= - ို (လုံးတင်ချောင်းငင်)

ဗျည်း - ဗျည်းတွဲ နှင့် သရပေါင်းပုံနမူနာ

Ka = က ကာ ကာ း Ki = ကိ ကီ ကီး Ku= ကု ကူ ကူး
Ke =ကေ ကေ့ ကေး Ke,=Kai ကဲ ကဲ့ Kaw = ကော့ ကော် ကော
Kan =ကံ ကံ့ (Kant = ကံ့ ) Kya = ကျ ကျာ ကျား Kyi = ကျိ ကျီ ကျီး
Kyu = ကျု ကျူ ကျူ း Kye = ကျေ့ ကျေ ကျေး Kye,(Kyai) = ကျဲ ကျဲ့
Kyaw= ကျော ကျော့ ကျော် Kyan= ကျံ ကျံ့ (Kyant =ကျံ့) Kwa = ကွ ကွာ ကွား
Kwai= ကွိ ကွီ ကွီး Kwe =ကွေ့ ကွေ ကွေး Kwe ,( Kwai )=ကွဲ , ကွဲ့
Kun=ကွံ , ကွံ့ (Kwan ဟုမရေးရ)

ဗျည်းနှင့် အသတ်ပေါင်းပုံနမူနာ

Ket = ကတ် Kin = ကင့် ကင် ကင်း ( Kint = ကင့် ) Kit = ကစ်
Ki (Kee)= ကည် ကည့် ကည်း Kat =ကတ် ကပ် Kan =ကန့် ကန် ကန်း , ကမ့် ကမ် ကမ်း
K (Kant= ကန့် ကမ် ) Kai,(Ke)=ကယ် ကယ့် Kyet = ကြက်
Kyin= ကြင် ကြင့် ကြင်း (Kyint) =ကြင့် Kyit =ကြစ်
Kyi , (Kyee) = ကြည့် ကြည် ကြည်း Kyat =ကြတ် ကြပ်
Kyan = ကြန် ကြန့် ကြန်း ၊ ကြမ် ကြမ့် ကြမ်း K (Kyant) = ကြန့် ကြမ့်
Kyai , (Key) = ကြယ် ကြယ့်

ဗျည်းနှင့်သရအသတ်ပေါင်းပုံနမူနာ

Keik =ကိတ် ၊ ကိပ် Kein = ကိန် ကိန့် ကိန်း , ကိမ် ကိမ့် ကိမ်း Keint =ကိန့် ကိမ်
KoK , (Koke) = ကုတ် ကုပ် Kon , (Kone , Kohn ) = ကုန် ကုန့်ကုန်း ၊ ကုမ် ကုမ့် ကုမ်း
Kont = ကုန့် , ကုမ့် Kauk= ကောက် Kaung= ကောင် ကောင့် ကောင်း
Kaik= ကိုက် Kaing , ( Kine ) = ကိုင် ကိုင့် ကိုင်း Ko ,( Koe ) =ကို ကို့ ကိုး
Kyeik= ကြိတ် ကြိပ် Kyein = ကြိန် ကြိန့် ကြိန်း, ကြိမ် ကြိမ့် ကြိမ်း ၊ (Kyeint =ကြိန့် ကြိမ့်)၊
Kyok , (Kyoke)= ကြုတ်၊ ကြုပ် Kyon , (Kyone , Kyohn) = ကြုန် ကြုန့် ကြုန်း , ကြုမ် ကြုမ့်ကြုမ်း
(Kyont= ကြုန့် ကြုမ်) ၊ Kyaik= ကြိုက် ၊ Kyaing (Kyine) = ကြိုင် ကြိုင့် ကြိုင်း ၊ Kyo ( Kyoe ) = ကြို ကြို့ ကြိုး ။

မှတ်ရန် ။ ။ (က)ချ ၊ ခြ ကို Khy ဖြင့် မရေးရ ၊ Ch ဖြင့်ရေးရမည်။
(ခ) ယှ ၊ ရှ ကို Hy , hr ဖြင့် မရေးရ ၊ Sh ဖြင့်ရေးရမည်။
(ဂ) ၀ဆွဲ နသတ် အတွက် un ကိုသုံးရမည်။ “ထွန်း” ကို Tun ဟုရေးရမည်။Twan ဟုမရေးရ။
(ဃ) ၀ဆွဲတသတ်ကို ut ဖြင့်ရေးရပည်။ “ထွတ်” ကို K*t ဟုရေးရမည်။ T**t ဟုမရေးရ။
(င) ထ = Ht အစား T တစ်လုံးတည်းဖြင့် လည်း ရေးကြသည်။ ဖ= Ph အစား P တစ်လုံးတည်း ဖြင့် လည်းရေးကြသည်။ ဥပမာ - မောင်ထင် = Mg Tin ။ ဦးဖေ = U Pe စသည်ဖြင့်ရေးသားကြသည်။ ခ = Kh အစား K တစ်လုံး တည်း ရေးသားကြသည်။ ဥပမာ - Ma Kin =မခင်။
အထူးမှတ်ရန်။ ။

မြန်မာဘာသာတွင် စာရေး အမှန် ၊ စာဖတ်အသံ ဟုဆိုသည့်အတိုင်း ရေးသောအခါ သတ်ပုံ မှန်အောင်ရေး၍ ဖတ်သောအခါ အသံကို အများ ဖတ်နေကျအသံအတိုင်း ဖတ်ကြရသည်။
ဥပမာ။ ။
ညောင်လေးပင် ကို ညောင်လေးဘင်ဟုဖတ်၍
ရေကျော် ကို ရေဂျော် ဟုဖတ်၏။
မန္တလေး ကို မန်းဒလေး ဟုဖတ်၏။
ကြားတောရလမ်း ကို ဂျားတောရလမ်း ဟုဖတ်၏။
သို့ရာတွင် အထက်ပါနာမည်များကို အင်္ဂလိပ် ဘာသာဖြင့် ရေး သား သောအခါသတ်ပုံအမှန်ကိုမကြည့် ဘဲအသံထွက် အတိုင်း (ဝါ) ဖတ်သည့် ပြောသည့် အသံအတိုင်း လိုက်၍ ရေးရကြောင်း အထူးသတိပြု ရပေမည်။

ဥပမာ။ ။
ညောင်လေးပင် = Nyaunglebin
ရေဂျော် =Yegyaw
မန္တလေး =Mandalay
ကြားတောရလမ်း = Gyatawya Street
စသည်ဖြင့်သတ်ပုံမလိုက်ဘဲအသံကိုလိုက်၍ရေးရလေသည်။

မြန်မာနာမည်ရေးနည်း
#အထွေထွေဗဟုသုတ

၁။ မြန်မာလူနာမည်များကိုရေးရာ၌အသံထွက်စာလုံးတိုင်းကို Capital Letter ခေါ် စာလုံးကြီးဖြင့်စ၍ရေး ရမည်။စာလုံးပေါင်းတစ်ခုနှင့်တစ်ခု ဆက်မရေးရ။

ပုံစံ။ ။ Maung Thaung Lwin =မောင်သောင်းလွင်
Ma Tin Yee = မတင်ရီ
U Aye Maung = ဦးအေးမောင်
Daw Mya Kyi = ဒေါ်မြကြည်
Khin Soe Myint = ခင်စိုးမြင့်
Ma Than Hlaing = မသန်းလှိုင်

၂။ ဘုန်းကြီး သီလရှင်တို့ ဘွဲ့နာမည်များတွင် ရှေ့ဆုံး အက္ခရာတစ်လုံးကိုသာ စာလုံးကြီးဖြင့်ရေး၍ တဆက်တည်း စာလုံးပေါင်းရမည်။( လူကဲ့သို့ တစ်လုံးချင်းမရေးရ ၊ မှားတတ်သည်။)
ပုံစံ။ ။Ashin Thumana =အရှင်သုမန
U Khemeinda = ဦးခေမိန္ဒ
ဆရာတော် ဦးဉာဏ ။ (Ven U Nyana ကို Venerable - ဗင်း- န်ရ်ဘဲလ် ဟုပြောရဖတ်ရသည်။ ရိုသေလေးစားသောအားဖြင့် ဘုန်းကြီးဘွဲ့ရှေ့တွင် ထားရေးကြသည်။
U Khemeinda =ဦးခေမိန္ဒ
Shin Thawbana=ရှင်သောဘဏ
Koyin Zawana=ကိုရင်ဇ၀န
Daw Thilasari=ဒေါ်သီလစာရီ
Ma Nyanawadi=မဉာဏ၀တီ
Ma Kinsana=မကဉ္စန
Ma Kulawadi=မကုလ၀တီ
Daw Nyanasagi=ဒေါ်ဉာဏစာဂီ

၃။ ရာထူးအလုပ်အကိုင်တို့ကို နာမည်ရှေ့က ထည့်၍ ခေါ်ဝေါ်ရေးသားသောအခါ ၄င်းရာထူးအလုပ်အကိုင်၏ အစဆုံးအက္ခရာတစ်လုံးကိုသာ စာလုံးကြီးဖြင့်ရေးရ၍တဆက်တည်းစာလုံးပေါင်းရသည်။

ပုံစံ။ ။ ဆရာမ Sayama Ma Tin Yee =မတင်ရီ
Sayagyi U Aye Maung = ဆရာကြီးဦးအေးမောင်
Saya U Kyaw Tint= ဆရာဦးကျော်တင့်
Bogyoke Aung San=ဗိုလ်ချုပ်အောင်ဆန်း
Yebaw Kyaw Win= ရဲဘော်ကျော်၀င်း
Sayadaw U Zawtika= ဆရာတော်ဦးဇောတိက
Phongyi U Khemeinda= ဘုန်းကြီးဦးခေမိန္ဒ
Ubazin U Nyana=ဦးပဉ္စင်းဦးဉာဏ
Koyin Shin Kethara= ကိုရင်ရှင်ကေသရ
Sayagyi Daw Thilasri = ဆရာကြီးဒေါ်သီလစာရီ
Syalay Daw Nyanawadi=ဆရာလေး ဒေါ် ဉာဏ၀တီ

၄။မြို့ ရွာ လမ်း အဆောက်အအုံ၏ အမည်များတွင် အစဆုံးအက္ခရာတစ်လုံးကိုသာ စာလုံးကြီးဖြင့်ရေး၍ တဆက်တည်းစာလုံးပေါင်းရသည်။အသံထွက်အတိုင်းစာလုံးပေါင်းရသည်။

ပုံစံ။ ။ Pyuntaza = ပြွန်တန်ဆာ
Nyaunglebin= ညောင်လေးပင်
Bago= ပဲခူး
Yedashe= ရေတာရှည်
Kanyutkwin= ကညွတ်ကွင်း
Mandalay= မန္တလေး
Seikpyangyi Village= ဆိတ်ပြန်ကြီးရွာ
Lay- ein Zu Village= လေးအိမ်စုရွာ
Ngabyema Village=ငါးပြေမရွာ
Payangazu Street=ဘုရားငါးဆူလမ်း
Theinpyu Street=သိမ်ဖြူလမ်း
Gyatawya Street =ကြားတောရလမ်း
Shwedagon Pagoda=ရွှေတိဂုံဘုရား
Sulay Pagoda= ဆူးလေဘုရား
Seindaungpyan= စိန်ဒေါင်းပျံ(သင်္ဘော)
Aungteza= အောင်တေဇ(သင်္ဘော)

၅။ အဓိပ္ပါယ်ရှိသည့် နာမ်ပုဒ်များကို စုပေါင်း၍မှည့်ခေါ်ထားသော အဆောက်အအုံ ၊ အသင်း ၊ရုံး ၊ ရာထူး အမည် များတွင် နာမ်ပုဒ် တိုင်း ကို စာလုံးကြီး ဖြင့် စရေးရမည်။

ပုံစံ ။ ။ Bahan State High School =ဗဟန်းအစိုးရအထက်တန်းကျောင်း။
World Peace Pagoda= ကမ္ဘာအေးဘုရား
Union Bank of Myanmar=ပြည်ထောင်စုဘဏ်တိုက်
National Housing Board= ပြည်သူ့အိုးအိမ်အဖွဲ့
Buddhist Scholar Society=ဗုဒ္ဓဝါဒသုတေသနအဖွဲ့
Head Master=ကျောင်းအုပ်ဆရာကြီး
Member of Parliament = ပါလီမန်အမတ်
Deputy Commissioner = အရေးပိုင်
General Secretary = အကျိုးဆောင်ချုပ်
Prime Minister =၀န်ကြီးချုပ်

ရုံးကိစ္စလျှောက်လွှာများတွင် လူနာမည် ၊ မြို့ ရွာအမည်များ ကို ပုံနှိပ် စာလုံးကြီး သက်သက်ဖြင့် သာရေးသားကြလေသည်။လျှောက်လွှာများ၌( In Block Letters ) စာလုံးကြီးဖြင့်ရေးပါဟု အထူးမှာ ထားတတ်ကြသည်။

ပုံစံ ။ ။ MAUNG WIN MAUNG =မောင်၀င်းမောင်
MAUNG HEIN ZAY YAR =
မောင်ဟိန်းဇေယျာ
MAUNG SEIN WIN = မောင်စိန်၀င်း
MA TIN YEE= မတင်ရီ
MANDALAY= မန္တလေး
YANGON= ရန်ကုန်
KYUAKSE = ကျောက်ဆည်
THAZI =သာစည်

Credit*
Original Uploader.
Thanks.

သိထားသင့်သော မြန်မာနိုင်ငံပညာရေးအကြောင်း
#မြန်မာနိုင်ငံပညာရေးကို Level (8)ခုနဲ့ ဖွဲ့စည်းထားပါတယ်၊
Level (1)
KG + မူလတန်းအဆင့်(G1/G2/G3/G4/G5)

Level (2)
အလယ်တန်းအဆင့်(G6/G7/G8/G9)

Level (3)
အထက်တန်းအဆင့်(G10/G11/G12)၊ပြီးရင် CC(အခြေခံပညာအဆင့်ပြီးဆုံးကြောင်းလက်မှတ်)ရမယ်

Level (4)
အသက်မွေးဝမ်းကျောင်း တစ်နှစ်သင်တန်း

Level (5)
တစ်နှစ် သို့မဟုတ် နှစ်နှစ် Advanced Diploma သင်တန်း၊ ပြီးရင် ဒီပလိုမာပေးပါမယ်

Level (6)
Open University တက်ပြီးရင် ဘွဲ့လက်မှတ်ပေးပါမယ်

Level (7)
မဟာဘွဲ့တန်းဖြစ်ပါတယ်

Level (8)
ပါရဂူဘွဲ့တန်းဖြစ်ပါတယ်

တစ္ခုက
Level (3)ဖြစ်တဲ့ အခြေခံပညာအဆင့်ပြီးဆုံးကြောင်း(CC)လက်မှတ်ရပြီးရင် Level (6)ကိုကျော်ပြီးသွားလို့ရပါတယ်၊ Level (6)မှာ တက္ကသိုလ်ဝင်ခွင့်ဖြေဆိုရမှာပါ၊ ဝင်ခွင့်အောင်ရင် တက္ကသိုလ် Level (6)ကို ဆက်တက်လို့ရပါမယ်၊

လက်တလော ဖြစ်ပျက်နေတဲ့ နိုင်ငံရေး အခြေအနေတွေကြောင့် လူတိုင်းနီးပါး အလုပ်ပျက်၊ ဝင်ငွေမရှိ စိတ်ပိုင်းဆိုင်ရာ ထိခိုက်ကြရပါတယ်။

စိတ်အာရုံ စူးစိုက်လို့မရဘဲ ဘာကိုမှ လေ့လာ၊သင်ယူလိုစိတ်မရှိ ဖြစ်နေကြရတယ်။

နိုင်ငံရေး ပြန်လည်ဦးမော့လာမဲ့ အချိန်က အနည်းနဲ့ အများတော့ အချိန်ယူရမှာ ဖြစ်တာကိုလည်း နားလည်လက်ခံမိကြမှာပါ။

ဒီအတိုင်းသာ ဘာမှ သေချာမလုပ်ဖြစ်ဘဲ ကြာရင် စိတ်အလိုမကျမှုတွေ၊ အဆိုးမြင်တာတွေ များလာမှာ ဖြစ်သလို စွမ်းရည် လျော့လာသလို ခံစားကြရမယ်လို့ထင်မြင်မိပါတယ်။

အဲ့ဒီအတွက် ဒီကာလ အတောအတွင်းမှာ လူတိုင်း Continuous Improvement လို့ခေါ်တဲ့ စဉ်ဆက်မပြတ် တိုးတက်အောင် ဆောင်ရွက်ကြပါလို့ ပြော
ကြားရင်း နိဂုံးချုပ်ပါတယ်။

စာသင်ကြားရေးနှင့် အသက်မွေးနေကြသော
ဆရာ၊ဆရာမ များ အတွက် အသိပေးခြင်း
====================================

အင်းတော်မြို့ အောင်မြင့်မိုရ်ပညာရေး မှ
ဆရာဦးအောင်ဌေးဝင်း (ဘ) ဦးစံဖေ ကို
ကိုယ်ပိုင်ကျောင်းဥပဒေပုဒ်မ ၃၃ နဲ့ တရားစွဲဆိုပြီး
ရာဇသတ် အမှုအမှတ်၆/၂၀၂၀ နဲ့
အင်းတော်မြို့နယ်တရားရုံးမှ အမှုလက်ခံလိုက်ကြောင်းကြားသိရပါတယ်

ဒီအမှုကတော့
ဒေါက်တာစိုးမြင့်ထွန်း ဒုညွန်ချုပ်တိုင်းပညာရေးမှူးရုံး စစ်ကိုင်းတိုင်း ဒေသကြီး က
တရားလိုလုပ်ပြီး
အင်းတော်ရဲစခန်းမှာ (ပ)၁၃၉/၂၀၁၉ နဲ့
အမှုဖွင့်လှစ်ခဲ့တာလို့ ဆိုပါတယ်
ဘော်ဒါဆောင်ဖွင့်လှစ်သင်ကြားခဲ့တဲ့
ဆရာဦးအောင်ဌေးဝင်း အာမခံမရရှိဘဲ
ချုပ်ရက်ရမာန်ယူပြီး
အင်းတော်မြို့မရဲစခန်းမှာထိန်းသိမ်းထားတယ်လို့
သိရပါတယ်။

ဒါဟာ စာသင်ကြားရေးနဲ့ အသက်မွေးတဲ့
ပြင်ပ ဆရာ ဆရာမ တွေကို တပ်လှန့်လိုက်တာ
ဆိုရလေမလား
ဟုတ်ပြီ အခု တရားစွဲတဲ့
ကိုယ်ပိုင်ကျောင်းဥပဒေပုဒ်မ ၃၃ ဆိုတာ
ဘာလဲဆိုတာကို သိဖို့လိုပါတယ်
ကိုယ်ပိုင်ကျောင်းဥပဒေ ပုဒ်မ ၂၈ကိုကျူးလွန်ရင်
ပုဒ်မ ၃၃နဲ့ တရားစွဲဆိုအရေးယူမှာဖြစ်ပါတယ်

ပုဒ်မ၂၈မှာဘာကိုဖော်ပြထားသလဲဆိုတော့
(အောက်ပုံမှာ ကြည့်ပါ)

ကောင်းပြီ ပုဒ်မ ၃၃ ကြည့်ရအောင်
(အောက်ပုံမှာ ကြည့်ပါ)

တို့က ကိုယ်ပိုင်ကျောင်း မှမဟုတ်တာလို့ မတွေးလိုက်နဲ့ ဘာသာရပ်သင် တွေလဲ ၁၉၈၄ ဥပဒေနဲ့သွားမှာ ၂၀၁၁ကိုယ်ပိုင်ကျောင်းဥပဒေဟာ၁၉၈၄
ကျူရှင်အက်ကို အခြေခံပြီးဆွဲထားတာ

ဒါကြောင့် လွယ်လွယ်ပြောရရင် ကျူရှင်နဲ့ ပရိုက်ဗိတ်တွေက ဒီဥပဒေတွေကိုပြင်ဖို့ အသစ်ရေးဆွဲဖို့ အစဉ်တစိုက်ကြိုးပမ်းလာကြတာပဲ
တချို့ကပြောပါတယ် စာသင်တာ ဘာဖြစ်လဲ
ရာဇဝတ်မှုမှမဟုတ်တာ သင်မယ်ကွာ ဆိုတာ
အခုမျက်မြင်တွေ့ပါပြီ တရားတာတွေ မတရားတွေနောက်မှရှင်း ဥပဒေကဥပဒေပဲ အခုဆိုအာမခံတောင်မရဘဲ အချုပ်ထဲကနေဖြေရှင်းရတာ သဘောပေါက်ရမယ်

အခု အင်းတော်မှာဖြစ်လာတဲ့ အမှုက ညီနောင်တို့ကို အလင်းပြလိုက်ပါပြီ ကျူရှင်လောကသားအားလုံးအတွက်
မျှတ သင့်လျော်တဲ့ပညာရေး ဥပဒေ တစ်ခု ထွက်ပေါ်လာဖို့ ကြိုးပမ်းရလိမ့်မယ် ကိုယ်နဲ့မဆိုင်ဘူးလို့ မတွေးလိုက်ကြပါနဲ့ တော်ကြာ ကိုယ့်အလှည့်ရောက်လာနိုင်တယ်ဆိုတာ သတိချပ်ကြပါ။

စာသင်ကြားခြင်းနဲ့အသက်မွေးသူတိုင်း
ဟာ ထောင်နှုတ်ခမ်းလျှောက်နေကြတာမျိူး ဖြစ်နေသလားဆိုတာ ၂၀၁၁ ကိုယ်ပိုင်ကျောင်းဥပဒေနဲ့ ၁၉၈၄ ဘာသာရပ်သင် ကိုယ်ပိုင်သင်တန်းဥပဒေ ကို လေ့လာကြပါ နှစ်ခုစလုံးတည်ဆဲဥပဒေများဖြစ်ပါတယ် အရေးမယူဘဲ နေရင်တော့ ဘာမှမဖြစ်သေးဘူးပေါ့ လုပ်ချင်လာရင်တော့
အခု အင်းတော်ကိစ္စဟာ လက်တွေ့ပါပဲ

ဘာသာရပ်သင်ဥပဒေက ပြစ်မှု ပြစ်ဒဏ်တချို့
ပြပါမယ်

(အောက်ပုံမှာ ကြည့်ပါ)

ဆိုကြပါစို့
ဆရာတစ်ယောက်က အိမ်ဝိုင်းသင်တယ်
အိမ်ဝိုင်းဆိုတာ မှတ်ပုံတင်စဉ်က စာသင်ခန်းဘယ်ဟုတ်မလဲ ငှားတဲ့အိမ်လိုက်သင်ရတာလေ
ဒီတော့ လိုင်စင်ယူထားရင်တောင် ပုဒ်မ ၁၅ (ဂ)နဲ့ငြိတယ် ၂၃ နဲ့ တရားစွဲမယ် ထောင်ဒဏ်သုံးနှစ် နဲ့ ဒဏ်ငွေ သုံးသောင်းပေါ့

အသေးစိတ် သုံးသပ်ပြရင်
ဥပဒေတွေဟာ ဘယ်လောက်ကျပ်တည်းလဲဆိုတာ
တွေ့ပါလိမ့်မယ်
ကဲ အဖွဲ့အစည်းတွေ အငြင်းပွားနေကြဦးမှာလား
စာသင်ကြားရေးနဲ့အသက်မွေးသူတွေ
တစ်ဦးနဲ့တစ်ဦး မေးငေါ့နေကြဖို့ပဲလား မေးချင်တယ်
ဒီဥပဒေတွေကို လွှတ်တော်ကသာ ပြင်လို့
အသစ်ဆွဲလို့ရမယ်
အဲဒီတော့ အတွင်း အပြင် တညီတညွတ်တည်း
လုပ်သင့်မလုပ်သင့် စဉ်းစားကြပါ
ဘာကြောင့်ပြင်ဖို့ လုပ်နေကြတယ်ဆိုတာ သိကြပါ

Crd

အောင်ကျော်စိုး
အတွင်းရေးမှူး
မြန်မာနိုင်ငံဆရာများ အဖွဲ့ချုပ်
လပွတ္တာမြို့နယ်

ပညာရေးဝန်ကြီးဌာနမှ ထုတ်ပယ်ထားသည့် ပညာရေးဝန်ထမ်းများကို ကိုယ်ပိုင်ကျောင်းများ၌ ခန့်အပ်ခြင်းမပြုရန် အကြောင်းကြားခြင်းကိစ္စ

မဟာဘွဲ့(ဒုတိယနှစ်)သင်တန်းဖွင့်လှစ်ခြင်းကိစ္စ

သင်တန်းကာလနှင့်စာမေးပွဲကာလများကြေငြာခြင်း

၂၀၁၉ ခုနှစ်၊တက္ကသိုလ်ဝင်စာမေးပွဲအောင်မြင်သူ
များအား တက္ကသိုလ်ဝင်ခွင့်ပြုအနိမ့်ဆုံးအမှတ်

တက္ကသိုလ်ဒုတိယနှစ်ဂုဏ်ထူးတန်းများဖွင့်လှစ်ခြင်း