MTB Rider

အရင်လို ,,🚵 ?

အရင်ချိန်တွေ ြပန်လွမ်း 🚵

Send a message to learn more

ဆောင်းဝင်တော့မယ်ဆိုတော့ ,,🚵🚴

ဆားပုလင်းနှင်းမောင်
နှင့်
ဘားတန်းစက်ဘီး အနီလေး

တစ်နေ့တစ်၌ ကျနုပ်သည် facebookသုံးနေရင်း new feed တွင်ပေါ်လာသော ကောင်မလေးတစ်ယောက်ပုံကို မြင်ပြီး မစားနိုင်မအိပ်နိုင်ဖြစ်နေရချေ၏။

သူ့ရဲ့တင်ထားသောပုံလေး မှာ
ဘားတန်းစက်ဘီးအနီ လေးကိုဘေးမှာရပ်ထား ထားပြီး ထိုင်ခုံလေး အပေါ်ထိုင်လျှက် နောက်ခံမိုးသားအပြာရောင်ကြီးနှင့်လိုက်ဖက်စွာ အစိမ်းရောင်ချုံပုတ်လေးများကို backgroundယူပြီးရိုက်ကူးထားသော ကြောင့် သူမရဲ့အသားအရေဝင်းဝါစိုပြေနေမှုဟာ တော်တော်လေးကိုထင်ဟပ်နေသည်။

ကျနုပ်လည်း အချစ်၏ဒါဏ်ကိုကြာရှည်စွာလောင်မြိုက်ခံစားနေရာမှ မထူးတော့ပြီဟု ကောက်ချက်ချပြီး ကျနုပ်၏မိတ်ဆွေကြီးဆားပုလင်းနှင်းမောင်အားရင်ဖွင့်တိုင်ပင်မှသင့်မည်ဟုတွေးမိ၍ မိတ်ဆွေကြီးကိုနှင်းမောင်နေထိုင်ရာ ခြံအမှတ်(420)သို့ထွက်ခဲ့လေတော့၏။

ကိုနှင်းမောင်ဆီသို့ရောက်သော်...
စာအုပ်တစ်အုပ်နှင့်ခဲတံတစ်ချောင်းကို ခေါင်းကြီးငုံ့ပြီးတတောက်တောက်နဲ့အလုပ်ပေးနေတာမြင်ရပြန်လျှင်...
ကျနုပ်က နှုတ်ဆက်ဖို့ ဟန်ပြင်လေရာ...

ကျနုပ်အားမကြည့်ပဲ "အကိုလာ ထိုင်လေဗျာ...ကျနော်ဒါလေးတွက်ပြီးရင် အေးဆေးစကားပြောကြတာပေါ့..."ဟု အံ့သြဖွယ်ရာပြောလေလျှင်...

ကိုနှင်းမောင်ချတွက်နေသည်မှာ အင်္ဂဝိဇ္ဇာဖြစ်တန်ရာ၏ဟု ကျနုပ်ရိပ်မိသွားပြီး အသာဇက်ကလေးပုလျှက် သူချတွက်နေသည်များကိုသာနားမလည်ပဲထိုင်ကြည့်နေလိုက်လေသည်။

အတန်ကြာမှ ခေါင်းမော့လာပြီး"ကျုပ်တော့ဖြင့် ဘယ်လိုတွက်တွက် 13 တစ်ကွက်ကတော့ ဒီတစ်ပါတ်ထဲထွက်ကိုထွက်လိမ့်မယ်လို့ထင်ကိုထင်နေတာဗျို့..."ဟုဆိုမှ...

"စွကျိုးနဲ...ကိုနှင်းမောင်ရယ်...ဘာများလုပ်နေသလဲလို့ ချဲတွက်နေတာကိုး"ဟု ကျနုပ်က အလန့်တကြားထပြောလိုက်လေရာ...

ကိုနှင်းမောင်က သိပ်ဟုတ်တာပေါ့ဗျာဟူသောမျက်နှာပေးဖြင့်...ရေနွေးခွက်ကို ဟန်ပါပါကိုင်ရင်းကျနုပ်ကိုဝန်ခံလေသည်။

ကျနုပ်လဲ လာရင်းကိစ္စဖြစ်သောfb က ကောင်မလေးပုံကိုပြပြီးအကျိုးအ​ကြောင်းရှင်းပြရာ ကိုနှင်းမောင်ကပုံကိုသေချာကြည့်ပြီး ဤကဲ့သို့ပြောလေသည်။

"ပုံထဲက မြေပြင် အနေအထားကိုကြည့်ရတာတော့ နောက်ခံပတ်ဝန်းကျင်က စိမ်းစိမ်းစိုစို မြက်ခင်းတွေ သစ်ပင်တွေဘာတွေနဲ့ဒါပေမယ့် လဲ သေချာကြည့်ရင် မြက်ခင်းပေါ်အမှိုက်တွေရှိနေတာ ရယ် တချို့မြက်ခင်းနေရာတွေ ကွက်နေတာတွေ့ရလိမ့်မယ်။ထိုင်နေတဲ့ ခုံကလဲဆေးတွေပျက်နေပြန်ရော။မြို့ထဲက ပန်းခြံတွေက စက်ဘီးနဲ့ အဝင်မခံကြဘူးဆိုတော့ မြို့နဲ့ မနီးမဝေးမှာရှိတဲ့ ပန်းခြံတစ်ခုခုမှာရိုက်ထားတာပဲဖြစ်ရမယ်ဗျ။မြက်ခင်းတွေလဲနေတာ အမှိုက်တွေပွနေတာကတော့ ပန်းခြံတွေမှာ တစ်တော့လာလာဆော့တဲ့ လူတွေလက်ချက်ပဲဖြစ်ရမယ်။အဲဒီတော့ မြို့နဲ့ မနီးမဝေး တစ်တော့သမားတွေအလာများတဲ့ပန်းခြံတစ်ခုခုမှာရိုက်ထားတာဗျ။ပြီးတော့ သူ့မှာ ရည်းစားရှိကိုရှိလိမ့်မယ် ပုံထဲကနေရာကိုသူ့ရည်းစားနဲ့ သွားတာဗျ"

"ပုံထဲမှာသူတစ်ယောက်တည်းလေဗျာ ခများကဘယ်လိုဖြစ်ပြီး ဘဲရှိတယ် ပြောနေရတာတုန်း"

"ရပ်ထားတဲ့ စက်ဘီးအနီကိုကြည့်လေဗျာ ယောကျာ်းစီးစက်ဘီး ဘားတန်းကြီးနဲ့ ။သူဝတ်ထားတာက ထမီနဲ့ရင်ဖုံးဝတ်စုံ ​​ခြေညှပ် ဖိနပ်စီး ဆံပင်က ဖားလျားချထားသေး ဘေးမှာဆလင်းဘတ်အိတ်နဲ့လေဗျာ။ ထမီခါးတောင်းကျိုက် ဆံပင်ဖားလျားကြီးနဲ့ ဆလင်းဘတ်ကိုစလွယ်သိုင်းပြီး ဖိနပ်ခါးကြားထိုးပြီးနင်းလာမှပဲ အဲဒီကိုအဲဒီစက်ဘီးနဲ့ရောက်လိမ့်မယ်။အဲဒီတော့သူကစက်ဘီးဘားတန်းပေါ်ထိုင် တခြားတစ်ယောက်ကနင်းပြီးအဲဒီကိုရောက်လာတာကျိန်းသေပဲ။ ပြီးတော့ သူ့ကိုဓာတ်ပုံရိုက်ပေးဖို့လူတစ်ယောက်ရှိနေတယ်လေဗျာ ပုံထဲကိုကြည့် စျေးဆိုင်မရှိ ပတ်ပတ်လည် တခြားသူတွေမှမရှိတာ ပုံရိုက်ပေးတာသူနဲ့ပါလာတဲ့လူပေါ့ ဖူးပွင့်ခိုင် live လွှင့်​ပြ တာထက်တောင် ရှင်းနေတဲ့ ကိစ္စကို "

ကျနုပ်လဲ မကျေနပ်နိူင်သေးပေ မေးခွန်းတွေထပ်ထုတ်မိသည်

"သူနဲ့ အတူတခြားတစ်ယောက်ပါလာတာတော့ဟုတ်ပါပြီ ယောကျာ်းလေးဟုတ်ချင်မှလဲဟုတ်မှာပေါ့ မိန်းကလေးဘိုက်ကာသူငယ်ချင်း လဲ ဖြစ်နိူင်တာပဲ သူငယ်ချင်း ၂ယောက် စက်ဘီးနဲ့ အဲဒီကိုလာ ပြီးပုံရိုက်တာဆိုရင်ရော"

"No ပါ မိန်းကလေးဘော်ဒါ၂ယောက်ဆုံရင် စားသောက်ဆိုင် ကြေးအိုးဆိုင် ဟော့ပေါ့ဆိုင်ထိုင်ဖို့လောက်ပဲအာရုံရှိမှာပေါ့။အားအားယားယား ဘားတန်းစက်ဘီးကြီးနင်း တစ်ယောက်ကဘားတန်းပေါ်ထိုင် အပင်ပန်းခံပြီး ပန်းခြံ ထဲထိလာပြီး ပုံရိုက်နေမလား။ပိုစ့်ပေးတဲ့လူရော ရိုက်တဲ့ လူရော နောက်ခံရှုခင်းရော အကုန်လုံးကသူ့နေရာနဲ့သူသပ်ရပ်နေတယ် ပုံထဲကလူရော ပုံရိုက်ပေးတဲ့လူရောနေရာရောက အကျွမ်းတဝင်ရှိနေပုဲရတော့ သူနဲသူ့ရည်းစားချိန်းတွေ့နေကျ ပန်းခြံပဲဆိုတာတန်းသိရတာပေါ့ဗျာ။ခများမှတ်ထား မိန်းကလေးတွေ အမြဲလုပ်နေကျအလုပ်တွေပါဆိုပေမယ့် ကမ္ဘာကျော်စားဖိုမှုး ၊ကမ္ဘာကျော် အဝတ်အစား ဒီဇိူင်နာ၊ကမ္ဘာကျော်ဓာတ်ပုံဆရာ အကုန်လုံးနီးပါးက ယောကျာ်းတွေများတယ်။မိန်းမ ဒါမှမဟုတ်ရည်းစားခိုင်းသမျှလုပ်ပေးရင်းထူးချွန်လာကြတာဗျ"

"ယောကျာ်းလေးသူငယ်ချင်းရောမဖြစ်နိူင်ဘူးလားဗျာ"

ကျနုပ်လဲမျှော်လင့်ချက်လေးများရှိမလားဆို အထွန့်တက်မိပြန်သည်

"ယောကျာ်းလေးသူငယ်ချင်းနဲ့ အားနေစက်ဘီးဘားတန်းပေါ်ထိူင်ပြီး ပန်းခြံခဏခဏသွားနေမလားဗျ။ပြီးတော့ လူခြေမရှိတဲ့နေရာကြီးကို ပိန်းချက်က ယိမ်းထွက်နေတာပဲ"

"လူတွေကစီးပွားရေးတွေကောင်းကြတာမဟုတ်ဘူး ဘဒို..ခင်ဗျားအဲ့ဒီဖွန်ကြောင်ဖို့ပဲတွေးနေတာကိုကစပြီးမှားတာ...လာပါဗျာ...၁နဲ့၃ ဒီနှစ်လုံးဘယ်လိုတွက်တွက် ဒါပဲရနေတာဟာ...ဘာလို့လဲဆိုတဲ့ အဖြေကို ကျနော်ဆက်ရှာလိုက်ဦးမယ်။
မနက်ကျရင်ထိုးဖို့မမေ့နဲ့ဦး....၅၀၀၀ဖိုးနော်...လုံးဝ မRနဲ့...လုံးဝ"

အသိမ်းပိုက်ခံချင်နေသော

{ #ဘိုက်ကာရာဇာ }

😍ပုံနဲ့ စာအတွက်
မူရင်းတင်သူအား လေးစားစွာဖြင့် ခရက်ဒစ်ပေးပါတယ်။
Cycling🚲🚴‍♂️lover

🚴‍♂️🚴‍♀️

Cycling🚴‍♀️ is the most popular sport 🚴‍♀️🚴‍♀️

ရာဇာနေဝင်း တို့အဖွဲ့ကို အားကျလို့😁😁