Superior Runs

Superior Runs 2026 низ објективот на Давид М. 📸

Кај Давид има баш убава мешавина од сè што се случуваше на патеката - тркачи, волонтери, поддржувачи, деца со транспаренти и целата таа градска енергија што ја имаше насекаде околу трката.

Во овие кадри не се гледа само трчањето, туку и сè она што ја прави атмосферата посебна. Луѓе покрај патеката, насмевки, насоки, аплаузи и она едно „ајде!“ што знае да ти додаде сила баш кога ти треба.

И баш тоа е убавината на Superior Runs, сите се дел од трката, не само тие што носат стартен број.

Фала ти, Давид М., што улови дел од тие моменти и ни ја донесе трката од уште еден агол!

📍 Целата фото-галерија е достапна на нашиот Facebook:
facebook.com/superiorruns/photos_albums

Noah Lyles оваа недела во Острава истрча 150 метри за 14.67 секунди и постави нов светски рекорд на оваа дистанца.

150 м не е дисциплина што често ја гледаме на големите атлетски настани, но токму затоа овој резултат привлече огромно внимание. Lyles ја спушти претходната најдобра марка од 14.92 и уште еднаш покажа зошто е едно од најголемите имиња во светскиот спринт.

Ваквите моменти се потсетник дека трчањето секогаш има нова приказна, нова граница и нов резултат што го поместува спортот напред.

#ДалиЗнаеш

Superior Runs 2026 низ објективот на Дамјан М. 📸

Има еден посебен дел од трката кога стартната возбуда веќе е зад тебе, а патеката почнува да го вади вистинскиот карактер од секој тркач...

Токму таму се овие кадри на Дамјан. Во оние километри каде што се мешаат фокусот, заморот, желбата да продолжиш и енергијата што те турка напред.

Некои тркачи си го држат ритамот, некој стиска за уште малку, некој фаќа момент за насмевка, некој само гледа напред и продолжува. А покрај патеката луѓе, аплаузи, поздрави и гласното „АЈДЕ!“ што доаѓа точно кога треба и додава уште малку сила.

Затоа овие фотографии го носат она што Superior Runs навистина е: луѓе, движење, борба со себе и град што дише заедно со патеката. 💙💚

Фала ти, Дамјан што улови дел од тие моменти!

📍 Целата фото-галерија е достапна на нашиот Facebook:
facebook.com/superiorruns/photos_albums

ДАЛИ ЗНАЕШ?

Оваа недела во Осло, 17-годишниот Cooper Lutkenhaus приреди едно од најголемите изненадувања на сезоната.

На трката на 800 метри, тој победи со време од 1:42.08 и за само една стотинка го остави зад себе олимпискиот шампион Emmanuel Wanyonyi.

Уште повпечатливо е што ова го направи на само 17 години, против врвна светска конкуренција.

Ваквите моменти се потсетник дека во трчањето секогаш се појавува некое ново име што го привлекува вниманието на целиот свет.

#ДалиЗнаеш

Superior Runs 2026 низ објективот на Наташа Л. 📸

Низ кадрите на Наташа се чувствува радоста на тркачите - насмевки, поддршка, поздрави и оние спонтани моменти што ја прават трката уште поубава.

Ова се фотографии што потсетуваат дека патеката не е само предизвик, туку и искуство што се памети.

Голема благодарност до Наташа Л. што улови дел од таа енергија.

📍 Целата фото-галерија е достапна на нашиот Facebook:
facebook.com/superiorruns/photos_albums

Јуни е полн со стартни линии. 🏃‍♀️🏃‍♂️

Овој месец тркачката енергија продолжува низ повеќе градови, патеки и предизвици.

Од Охрид, Битола и Преспа, до Тетово секоја трка носи своја приказна, свои километри и луѓе кои ја движат running заедницата напред.

Superior Runs испраќа голема поддршка до сите организатори, тркачи, волонтери и тимови кои стојат зад овие настани.

Се гледаме 💙💛

#ТркиВоЈуни

Superior Runs 2026 низ објективот на Филип М. 📸

Фотографиите на Филип нè носат низ Ново Село, стариот дел од Штип и еден од најубавите делови на патеката.

Таму трката добива поинаков ритам. Тркачите поминуваат низ улици со историја, под Исарот, по калдрмата што носи посебна штипска енергија.

Голема благодарност до Филип М. што го улови тој дел од приказната.

📍 Целата фото-галерија е достапна на нашиот Facebook:
facebook.com/superiorruns/photos_albums

Ви го честитаме 24 мај, Денот на сесловенските просветители, Св. Кирил и Методиј. 🇲🇰

Денес оддаваме почит на нивното големо дело и на значењето што го имаат за словенската писменост, образование и култура.

Нивната мисија и денес нè потсетува дека напредокот се гради со знаење, посветеност и истрајност, чекор по чекор.

Честит празник.

Superior Runs 2026 низ објективот на Никола Г. 📸

Superior Runs уште еднаш покажа зошто прераснува во еден од најмоќните спортски настани кај нас. Илјадници емоции, адреналин, навивачи кои бодрат до последен чекор и атмосфера што не може да се опише со зборови.

А тоа што не може да се опише, Никола го раскажа преку фотографии.

Голема благодарност до Никола Г. за врвните фотографии и за тоа што уште еднаш докажа колку добар фотограф стои зад објективот.

📍 Целата фото-галерија е достапна на нашиот Facebook:
facebook.com/superiorruns/photos_albums

Superior Runs 2026 низ објективот на Дејан М. 📸

Секој фотограф улови различен дел од приказната, а во оваа селекција на Дејан М. се гледа токму тоа што ја прави трката посебна - стартната возбуда, борбата до финиш, емоциите, публиката, насмевките, децата, волонтерите и атмосферата што го исполни Штип.

Голема благодарност до Дејан М. () за уловените кадри и за неговиот придонес во оваа спортска приказна.

📍 Целата фото-галерија е достапна на нашиот Facebook:
facebook.com/superiorruns/photos_albums