Rotary Club Bitola

Поддршката на младите и нивниот развој останува еден од нашите приоритети.

Со особено задоволство, Претседателот на Ротари клуб Битола, Toni Drangovski донираше графички таблет Wacom Intuos Pro L Wireless на Универзитетот „Св. Климент Охридски“ – Битола, со што се унапредуваат условите за работа во Центарот за ангажирање на таленти (TEC) и Психолошкото советувалиште УКЛО КОЛОРС.

Новата опрема ќе овозможи поквалитетна практична обука, поддршка на студентски проекти и иновации, како и примена на современи креативни и арт-терапевтски пристапи во работата со студентите.

Претседателот на Ротари клуб Битола за ротаријанската 2025/2026 година, Тони Дранговски, истакна дека оваа донација е симболичен и значаен начин за заокружување на ротаријанската година, со јасна порака за вложување во младите, нивното образование, креативност и личен развој.

🎓 Благодарност до Универзитет „Св. Климент Охридски“ - Битола за успешната соработка и заедничката посветеност кон создавање подобри можности за студентите и младите од нашиот регион.

🇲🇰 🫱🏻‍🫲🏽 🇸🇪 Ротари Клуб Битола, заедно со Rotary Club Skopje , Rotary Club Skopje International, Регионалната стопанска комора Битола и Embassy of Sweden in Skopje организираше Македонско-Шведски форум посветен на унапредување на економската соработка и отворање нови можности за македонските компании на европските пазари.

🫱🏻‍🫲🏽 Форумот отвори значајни теми за тоа како да се продлабочат релациите со странските земји, како македонските производи да станат поконкурентни и поприсутни на ЕУ пазарите, но и како да се поттикне доверба, партнерства и долгорочна бизнис соработка.

🇲🇰&🇸🇪 Посебен акцент беше ставен на промоцијата на Шведско-Македонската комора и Алумни асоцијацијата, како и на клучните препораки од релевантни говорници за потребите на македонските компании при извоз на европските пазари. Беа споделени и искуства на шведски компании кои успешно работат во Битола, потврдувајќи дека локалниот потенцијал заслужува меѓународно внимание.

🇸🇪 Амбасадорот на Шведска Ola Sohlström испрати силна порака дека Амбасадата останува посветена на креирање мостови помеѓу бизнисите, иновациите и луѓето. Особено емотивен момент беше неговата лична приказна за својот дедо, кој голем дел од животот бил ротаријанец и силно верувал во ротаријанските вредности 🌟

🇲🇰 Претседателот на Ротари Клуб Битола, Тони Дранговски, изрази благодарност до сите ко-организатори, поддржувачи, ротаријанци и гости, потенцирајќи дека токму ваквите настани создаваат релации што траат и нови вредности.

Иднината секогаш е во рацете на младите.

Ротари клуб Битола веќе осум години посветено го организира Кариерниот ден, во соработка со средните училишта во Битола. Кариерниот ден е настан што им помага на младите да ја препознаат својата насока и храбро да чекорат кон неа.

Денес, салата на Кино Манаки беше премала да ги собере сите заинтересирани млади битолчани. Тие имаа можност да слушнат и директно да разговараат со четворица инспиративни професионалци од нашиот град, кои ги споделија своите животни и кариерни приказни. Разговорите ги модерираше претседателот на Ротари клуб Битола, Тони Дранговски.

Четири различни приказни, четири различни патишта: од академијата, уметноста, претприемништвото и ИТ секторот, но со заедничка порака: верувај во себе и биди истраен.

🔹 Игор Неделковски, Ректор на УКЛО:„Кариерата е пат до среќата, а животот треба да се гради како рамностран тријаголник – здравје, љубов и финансиска стабилност.“

🔹 Маја Андоновска, актерка во Народен театар Битола:„Изберете да бидете свои. Изберете го она каде никогаш нема да се откажете. Не чекајте некој да ви даде главна улога – режирајте ја сами и имајте храброст да ја одиграте од почеток до крај.“

🔹 Константин Џиланов, сопственик на Marielli Cakes:„Студирајте, но стекнувајте и практично искуство. Бидете храбри да започнете сопствен бизнис, активно слушајте и не плашете се да го следите она што го посакувате.“

🔹 Анета Трајковска, IW Connect:„Изберете го патот што го чувствувате со срце – тоа е најдобриот избор за вас.“

💡 Кариерниот ден уште еднаш покажа дека кога младите имаат вистинска поддршка и инспирација, тие имаат моќ да создадат иднина каква што посакуваат.

♻️ Посветени на #ЗаЗеленаБитола, со големо задоволство се приклучуваме на еко акцијата „Рециклирам значи постојам“

🌱 Голема благодарност до Македонска телевизија за поддршката и пренесувањето на најавата нашиот Претседател Toni Drangovski по повод одбележување на 22 Април – Денот на планетата Земја.

Во периодот од 15 до 22 април се реализираат:
📌Едукативни предавања за ученици
📌 Поставување контејнери за собирање хартија
📌 Собирање и рециклирање на стара и непотребна хартија

🤝 Со мали чекори правиме голема разлика и се приклучуваме кон:

🔹 Организатори:
✔️ Сектор графичарство при СОУ „Ристе Ристески – Ричко“ Прилеп
✔️ Ротари Клуб „Прилеп“
✔️ Ротаракт клуб „Прилеп“
✔️ Општина Прилеп

🔹 Ко-организатори:
▪️ Сектор графичарство при СОУ „Таки Даскало“ Битола
▪️ Ротари Клуб „Битола“
▪️ Општина Битола
▪️ Сектор графичарство при СОУ „Димитар Влахов“ Скопје
▪️ Ротари Клуб „Скопје ВЕСТ“
▪️ Општина на град Скопје
▪️ ПАКО МАК

♻️ Рециклираме – значи постоиме!

Rotary Club Bitola Eko akcija 22 april 2025

Средбите со Гувернерот на Rotary Slovenia and North Дистрикт 1912, Матјаж Новак и Координаторот на Association of Rotary Clubs in North Macedonia, D1912, Милош Радуловиќ, се повеќе од формалност.

Овие средби ни се многу драги затоа што се можност за заедничко планирање на иднината, размена на идеи и градење силни партнерства.

Последната посета оваа недела ја искористивме продуктивно за претставување на нашите иницијативи, со посебен фокус на #ЗаЗеленаБитола како двигател на нашите сегашни и идни заложби🌱.