SABA Bitola

🥈 ГОРДОСТ ЗА НАШЕТО УЧИЛИШТЕ! 🥈

Со голема радост и гордост му честитаме на нашиот ученик Теодор Бошкоски, ученик во I година – смер Информатика во ПСУ САБА, за освоениот Silver Certificate на 3 Меѓународен натпревар по компјутерско размислување! 💻

Ова признание е резултат на неговата посветеност, знаење, логичко размислување и желба за постојан напредок.

Теодор, ти посакуваме уште многу успеси, нови предизвици и достигнувања на домашни и меѓународни натпревари!

Честитки до неговите професори и семејството за поддршката и мотивацијата! 🤝🎓

https://www.facebook.com/share/p/1BTwk347vZ/

Во периодот од 3 до 5 јуни, 30 ученици од прва и втора година од ПСУ САБА Битола учествуваа на повеќечасовни работилници во организација на SFERA International, како дел од програмата „MYndTheater“.

Учениците имаа можност да работат на теми поврзани со:
▪️ дигитални ризици
▪️ ментално здравје
▪️ емоции и градење карактер
▪️ форум театар
▪️ сценска игра и групни перформанси

Преку интерактивни активности, дискусии, театарски техники и тимска работа, младите стекнаа нови знаења, вештини и искуства кои ќе им помогнат во личниот и во образовниот развој.

Работилниците беа целосно успешно реализирани, а учениците покажаа голема заинтересираност, креативност и активна вклученост во сите активности.

Честитки до тимот на САБА Битола за освоеното прво место на ПОГОН - саем за математика, наука, технологија, инженерство и уметност. 🥇
Проектот кој го водеше проф. Тања Николовски со учениците од трета година беше прогласен за најуспешен проект од физика во средношколска категорија.
Многу се радуваме и сме горди на овој успех.

САБА Битола на ПОГОН - саем за математика, наука, технологија, инженерство и уметност2026 год. во организација на Технички факултет!

Тимот ученици предводен од проф. Тања Николовски го претстави својот иновативен проект за современо наводнување – систем со сензори за влажност кој точно одредува кога и колку е потребно наводнување. 🌱💧

Со знаење, креативност и современи идеи, младите иноватори покажуваат дека токму тие се движечката сила на иднината и промените што го прават светот подобро место за живеење. Горди сме на нивниот успех и посветеност!

🏓 Успех, тимски дух и спортска енергија! 🏆

На турнирот во пинг-понг, кој се реализираше во рамки на часовите по Спорт и спортски активности, нашите ученици блеснаа со својата умешност, брзи рефлекси и спортски дух.

Пинг-понгот е спорт кој ја развива концентрацијата, координацијата, брзото размислување и тимската поддршка, а воедно претставува и одличен начин за дружење, рекреација и создавање позитивна натпреварувачка атмосфера.

Честитки до победниците и до сите учесници кои покажаа фер игра, упорност и одлична енергија!
Продолжуваме да градиме здрави навики, спортски дух и нови успеси! 💙

Една фотографија може да разбуди илјадници убави спомени… 📸

Насмевки, другарства, заеднички моменти, успеси, шеги и незаборавни денови исполнети со училишни авантури. Со заедничката фотографија од класот го одбележуваме крајот на уште една учебна година – година исполнета со учење, растење и многу спомени кои ќе останат засекогаш.

Нека овие фотографии бидат потсетник на едно прекрасно време и едно посебно поглавје од нашите животи. ❤️