Sacred Heart Seminary - Gozo

Nixtiequ navżaw li minn għada, il-Ġimgħa 19 ta’ Ġunju, il-kappella tas-Seminarju ser tkun magħluqa għall-vaganzi tas-Sajf u terġa tiftaħ f'Settembru li ġej meta tibda sena formattiva oħra.

Ilbieraħ 17 ta’ Ġunju, ġiet fi tmiemha sena oħra formattiva permezz ta' quddiesa mill-Isqof Anton Teuma fil-preżenza tal-formaturi, is-seminaristi, il-professuri, is-sorijiet, il-ħaddiema, il-voluntiera, l-"Aħwa-Ħbieb tas-Seminarju, u l-familjari tas-seminaristi.

Matul il-konċelebrazzjoni tlabna għall-benefatturi li ħallewna matul din is-sena, filwaqt li raddejna ħajr lil żewġ saċerdoti Għawdxin, Mons. Joseph Bezzina u Mons. Anton Borg ta’ snin twal ta’ servizz bħala professuri fis-Seminarju tagħna, u li matul din is-sena temmew il-ħidma tagħhom.

Filwaqt li nroddu ħajr lil Alla għal sena oħra ta' ħafna grazzji, nirringrazzjaw wkoll lil dawk kollha lil sostnew lis-Seminarju matul din is-sena permezz tal-ħidma, tal-ġenerożità u tat-talb tagħhom.

ORDINAZZJONI DJAKONALI

Nhar il-Ġimgħa 19 ta’ Ġunju 2026, fis-6.30pm, fil-Katidral tal-Assunta, il-Belt Victoria, l-E.T. Mons. Anton Teuma, Isqof ta’ Għawdex, se jmexxi l-Ordinazzjoni Djakonali ta’ 𝐀𝐧𝐭𝐡𝐨𝐧𝐲 𝐉𝐨𝐞 𝐁𝐨𝐫𝐠 (mill-Parroċċa tat-Twelid ta’ Marija, ix-Xagħra) u 𝐅𝐚𝐛𝐢𝐨 𝐂𝐢𝐧𝐢 (mill-Parroċċa ta’ Marija Mtellgħa s-Sema, iż-Żebbuġ).

L-Ordinazzjoni se tkun imxandra fuq il-mezzi soċjali tad-Djoċesi ta’ Għawdex: www.youtube.com/dioceseofgozo u www.facebook.com/gozodiocese, kif ukoll fuq UTV.