MDait

⚠️ شنو غيوقع إيلا قرروا المغاربة فعلاً يقاطعوا شركة اتصالات وحدة لمدة شهر فقط مع تحويل اشتراكات الأنترنت الثابت (ADSL/Fibre)، هادشي اللي غيوقع علمياً وتقنياً:

1. ضربة في العمق: فقدان "العملاء الأوفياء"
في عالم الاتصالات، أخطر حاجة هي الـ Churn (معدل إلغاء الاشتراكات). تحويل الـ ADSL والفيبر كيتسمى خسارة الأصول الثابتة":
✓ الفرق بين التعبئة والاشتراك: التعبئة هي فلوس "زايدة"، ولكن الاشتراك الشهري هو "الدم" اللي كيجري في عروق الشركة. خسارة اشتراكات الأنترنت كيعني خسارة دخل قار ومضمون لسنوات.
✓ تكلفة الاسترجاع: علمياً، استرجاع زبون مشا عند المنافس كيتقام على الشركة 5 أضعاف تكلفة الحفاظ عليه. يعني الشركة غتضطر تخسر ملايير في الإشهار والعروض غير باش يرجع الناس.

2. زلزال في القيمة السوقية
البورصة هي "مؤشر" الثقة. إيلا كانت حملة بسيطة هبطات السهم من 105 لـ 92 درهم، فالمقاطعة الشاملة غدير:
✓ تسييل الأسهم : المستثمرين الكبار (صناديق الاستثمار، الأبناك) غيبيعوا أسهمهم بالزربة باش يهربوا بفلوسهم قبل ما يطيح الثمن أكثر، هادشي يقدر يوصل السهم لمستويات تاريخية تحت الـ 80 درهم.
✓ فقدان التصنيف الائتماني: الأبناك غتولي تشوف الشركة كاستثمار "عالي المخاطر"، وصعيب عليها تاخد قروض بفوائد مزيانة لتطوير البنية التحتية.

3. مشكلة محمودة عند الشركات المنافسة (Inwi & Orange)
هاد التحول غيخلق ضغط رهيب على المنافسين:
✓ اختبار الشبكة:هجوم آلاف المشتركين الجدد في شهر واحد غيختبر قوة البنية التحتية للمنافسين. إيلا نجحوا، غيوليو هما "القوة المهيمنة" الجديدة .
✓ حروب الأسعار: باش يشدوا هاد الزبائن الجدد، المنافسين غيبداو يحطوا عروض خيالية ، وهادشي في صالح الشعب حيت الثمن غيطيح "بزز" من الجميع.
والشركة اللي كانت ثافلة المنافسة هي اللي غتبدا طيح الثمن حيت مغيكونش عندها شي خيار خور يا تهبط الثمن يا تمــ ..ت

4. التأثير على "النموذج الربحي" للشركة
✓ انخفاض الـ EBITDA: هو الربح قبل الفوائد والضرائب. هاد الرقم هو اللي كيحكم على نجاح المدير العام والمسيرين. إيلا طاح هاد الرقم بزاف، كيكون كاين احتمال كبير لتغيير الإدارة كاملة أو إعادة هيكلة الشركة.
✓ توقف الاستثمار في الـ 5G: إيلا كانت السيولة ناقصة، الشركة ما غتقدرش تشارك في صفقات الجيل الخامس، وهادشي غيخليها تخرج من السباق التكنولوجي مستقبلاً.

5. الفائدة المباشرة على الشعب .
علمياً، هاد الحركة كتسمى "ديمقراطية الاستهلاك":
✓ تعديل ميزان القوى:الشركات غيفهموا بلي "العقود" اللي كيسني معاهم المواطن ماشي "صك عبودية"، بل هي علاقة تجارية مبنية على الرضى.
✓تحسين الجودة: ملي الشركة كتحس بلي "كرسيها كيزلق"، كتولي "كتجود" في الخدمة وكتصيفط ميساجات حقيقية فيها عروض معقولة، ماشي غير "Flash SMS" ديال الخلعة.
ودبا الخلاصة:
إيلا وقع هاد السيناريو، غنكونوا قدام "إعادة صياغة للسوق". الشركة اللي كانت كتحس براسها "فوق القانون" وهان ة الكنافسة غتولي كتطلب السلة بلا عنب، والمنافسين غيضطروا يطوروا راسهم باش يستوعبوا "المهاجرين الرقميين" الجدد. المقاطعة في هاد الحالة هي أكبر عملية "تصحيح اقتصادي" يقدر يديرها الشعب بلا ما يحتاج لتدخل حكومي.

#المغرب

❌ 😡 حشومة وعيب هادشي اللي كيدير شباب المغرب.. راكم غتخرجوا على الشركة!

شباب، راه هادشي اللي واقع دابا في بورصة الدار البيضاء مكيضحكمش . واش كيرضيكم سهم اتصالات المغرب يهبط من 105 درهم لـ 92 درهم في أقل من شهرين؟ غير حيت واحد ناض دار حملة مقاطعة في تيك توك وتبعوه الآلاف؟
راه خصكم تفكروا بعقلكم شوية:

الشركة غتفلس: واش ما كيبقاش فيكم "العملاق" اللي كبرنا معاه؟ راه فاش كتهبط القيمة السوقية بهاد السرعة، راه هادي كارثة كتسمى "تبخر الرأسمال".

المنافسة ولات خطيرة: واش بغيتوا Inwi ولا شركات أخرى صغر منها يولي عندهم شأن ويفوتوها في البورصة؟ واش بغيتوا المنافسة تولي بصح في السوق والمواطن يولي عندو الاختيار؟ راه هادشي كيضرب في مبدأ "الاستقرار في الاحتكار" اللي ولفناه!

مالها 100 درهم؟: راه حشومة عليكم تزيروا يدكم على 100 درهم اللي فيها شي جيݣات مكيكملوش 3يام ماشي مشكل حيت راه الشركة مسكينة عندها مصاريف، وعندها مستثمرين كيتسناو الأرباح تفرق عليهم في اللخر ديال العام وتمشي الإمارات را عمارات وأبراج سكنية واقفة على اتصلات المغرب فالإمارات. واش بغيتوا المستثمر يهرب ويغضبو علينا العربان كثر من الغضب ديال اللي كايين دبا منين دينا لهم كأس العرب ؟
الفائدة اللي غتجيكم من هاد المقاطعة (اللي في نظري خاوية):
هي أن الأثمنة غتضطر تنزل، والجودة غتطلع بزاف، والشركات غيبداو يتقاتلوا شكون يعطي أحسن عرض للمواطن.. واش هادشي هو اللي بغيتوا؟ واش بغيتوا تولي عندنا "كرامة استهلاكية"؟
الخطر الحقيقي:
هو أن هاد الشباب ديال دابا عاقوا بلي "البورصة" كتأثر بالسمعة الرقمية. وهادشي كيهدد الهيمنة اللي دامت سنين. (معرفتش شكون كيعلمهم هاذشي)
نصيحة أخيرة: حبسوا هادشي وباراكا من "الوعي الاقتصادي" الزايد، راه عيب نطيحو قيمة شركة عملاقة غير حيت بغينا أنترنت حقيقي وثمن معقول! 🤡
#المغرب

🚧 هاذشي اللي واقع دبا مع اتصلا المغرب خطير جدا وكيطرح سؤال واش اتصالات المغرب كتلاعب بصبيب الـ ADSL؟ قصة Abdelhak El Jamai اللي اقريبا كلكم كتعرفوه مع تصلات المغرب 🚫

كلنا كنعرفو المعاناة مع الأنترنيت في المغرب، ولكن هاد المرة القضية مشات لبعيد. صانع المحتوى Abdelhak El Jamai طرح تساؤل مهم بزاف من بعد واحد الموقف غريب طرا ليه، وخلى بزاف ديال الناس كيشكو في "النية" ديال الشركة

√ شنو وقع بالضبط؟
عبد الحق مشترك في عرض *ADSL* ديال 250 درهم في الشهر، اللي من المفترض يعطيه سرعة 20MB . الواقع شي حاجة أخرى:

* السرعة العادية اللي كتوصلو هي مابين **10 و13 ميغا** كحد أقصى (ما عمرها شاف 20 ميغا).
* المشكل الكبير هو أن الصبيب كيطيح فجأة لـ **3 ميغا**، وهادشي وثقو عبد الحق في فيديو مباشر.
√ المكالمة "الغريبة" مع خدمة الزبناء
ملي اتصل عبد الحق باش يشكي من هاد الانخفاض المفاجئ، وقعات مفاجأة:
1. الموضفة تجاهلات المشكل ديالو كليا.
2. بقات كتحاول تقنعو يدوز لـ Fibre Optique، وقالت ليه بلي راه سريع وما فيهش المشاكل.
3. عبد الحق كان واضح: "لا شكرا، بغيت غير حل لمشكلي الحالي".
4. في الأخير، قالت ليه بلي غايرسلو تقني مورا **48 ساعة**.

√ التلاعب؟
غير قطع عبد الحق المكالمة، وبعد دقائق قليلة، عاود دار فحص للسرعة (Speed Test) وصدمة كانت هي أن **السرعة رجعات لـ 10 ميغا** بلا ما يجي لا تقني ولا هم يحزنون!
هاد السيناريو كيطرح بزاف ديال الشكوك: **واش الشركة كتقطع الصبيب بالعاني باش "تزير" الكليان وتدفعو يشترك في عروض أغلى؟** وكيفاش المشكل اللي كان خاصو تقني، يتحل في دقيقة غير بمكالمة هاتفية؟

هادشي كامل كبين بلي كاين علامات استفهام كبيرة على الشفافية في التعامل مع زبناء الـ ADSL في المغرب.
>
واش وقعات ليكم حتى نتوما بحال هاد اللقطة؟

🚧 حقيقة "اللا محدود" فـ عروض نجمة 6: علاش الكونيكسيون كتموت واخا التعبئة مزال كاينا؟

بزاف ديال المغاربة كيتساءلوا: علاش ملي كدير تعبئة نجمة 6 ديال التواصل الاجتماعي، فالبداية كتكون الخدمة سريعة، ولكن غير كيدوز شوية الوقت كتموت الكونيكسيون لدرجة حتى تصويرة ما كتحلش؟

الجواب كاين فواحد الحيلة تقنية كيمارسوها شركات الاتصال (اتصالات المغرب، أورانج، وإنوي) كتسمى "خنق الصبيب". إليكم التحليل العلمي لهاد الظاهرة بكل بساطة:

• 📉 كيفاش كيتنصب علينا تقنياً؟
1. السقف الخفي: الشركات كتقول ليك "لامحدود"، ولكن الحقيقة هي أنهم محددين واحد القدر ديال البيانات (مثلاً 3 جيجا) كتدوز بسرعة عادية.
2. خنق الصبيب:غير كتوصل لهاد السقف، "الخوارزميات" ديال الشركة كتنزل سرعة الأنترنت لدرجة ميتة (كتوصل أحياناً لـ قل من 20 كيلوبايت فالثانية).
3. الوهم التقني: تقنياً، نتا مزال عندك الأنترنت (داكشي علاش كيسميوها لامحدود)، ولكن واقعياً، هاد السرعة ما كافياش حتى باش تفتح تطبيق بسيط.

🧠 علاش نجمة 3 خفيفة ونجمة 6 تقيلة؟
ملي كتحول لـ نجمة 3 وكتلقى السرعة رجعات عادية، هذا دليل قاطع بلي المشكل ماشي فـ "التغطية" أو "الريزو" فمنطقتك، بل هو **تحديد مقصود ومبرمج** للسرعة من طرف الشركة باش تستهلك الرصيد ديالك وتعاود تعبأ.

🛑 شنو خاصنا نطالبو بيه؟
الاستمرار فهاد الممارسات كيتسمى "تضليل المستهلك". العلم والتكنولوجيا وجدوا باش يسهلوا حياة الناس ماشي باش يتم استغلالهم بعروض غامضة.
• الشفافية التقنية: خاص الشركات توضح السقف الحقيقي للسرعة قبل ما يشري المواطن.
• إلغاء خنق الصبيب: "اللامحدود" خاصو يكون لامحدود فـ "الجودة" ماشي غير فالسمية.
• احترام المستهلك: الجودة حق ماشي امتياز.

🛰️ ســــــــتارلينـــك فالمــــغـــرب: ملي "المنافسة" كطيح من السما وكتقلب الموازين! 🇲🇦.

الصورة اللي كتشوفو كتلخص الواقع اللي جاي: سنوات وحنا كنعانيو مع "عقلية الاحتكار" والخدمة اللي محدودة جغرافياً. اليوم، المعادلة تبدلات، وستارلينك ماشي غير "أنترنت جديدة"، بل هي تكنولوجيا زعزعة الاستقرار اللي غادي تخرج الأوبيراتورات من "منطقة الراحة" ديالهم.

📉 علاش اتصالات والشركات الأخرى خاصهم يراجعو وراقهم؟
لأعوام، الشركات الكلاسيكية كانت كتحسب الاستثمار فالعالم القروي (لي كيمثل 40% من المغاربة) كمصاريف ضايعة (High CAPEX) حيت الحفير والكابلاج غالي بزاف. ستارلينك بخرات هاد المنطق بمرة:

تغطية 100%: مابقاش شي حاجة سميتها "الريزو مكاينش فالدوار". من طنجة للكويرة، فين ما حطيتي الـ Dish، عندك الكونيكسيون.
سرعة الفيبر بلا كابل: بـ Latency كتوصل لـ 20ms وسرعة حتى لـ 300Mbps، ستارلينك كتقدم أداء كينافس "الفيبر أوبتيك" بلا ما تحتاج تسنى شهور باش يوصلك الحفير لباب الدار.

🧠 التحول السوسيو-اقتصادي (أبعد من مجرد يوتيوب):
هاد الدخول غادي يفك العزلة الرقمية على مناطق كانت "ميتة" تجارياً:

1. الـ E-commerce القروي: التعاونيات فمناطق الأطلس والجنوب غادي يقدروا يسيروا المتاجر ديالهم ويحطوا إشهاراتهم فـ Meta وGoogle بلا تقطيع، يعني الوصول المباشر للكليان الدولي.

2. السياحة الجبلية: "دار الضيافة" اللي كانت معزولة، دابا غادي تولي Digital Nomad Hub، وتجذب السياح اللي كيخدموا Remote.

3. دعم الدولة: بفضل استراتيجية Maroc Digital 2030، الدولة غادي تدعم الاشتراكات بـ 2500 درهم فالمناطق المعزولة، وهذا كيعني بلي ستارلينك غتولي خيار متاح وماشي "Lux".

🤡 دبا بخلا صة :
الشركات الكلاسيكية (IAM, Orange, Inwi) قدامهم جوج طرق: يا إما يبقاو كيديرو "البهلوانيات" التسويقية بعروض محدودة، يا إما يستثمرو بصح فالبنية التحتية والـ Customer Service باش يحافظو على الكليان.
المنافسة الحقيقية دابا جاية من الفوق (Low Earth Orbit)، واللي ما بغاش يطور راسو، غادي يلقى راسو كيخاطب "كراسي خاوية" بينما المغاربة كاملين دايرين "البارابول" ديال الأنترنت.
شنو بان ليكم؟ واش ستارلينك غادي تكون هي القاضية على احتكار الأنترنت فالمغرب؟ 👇

🚧 هاذشي اللي كيوقع دبا فالانترنيت فالمغرب خطير بزاف وكل يقدر يكون نتيجة لفساد فالوكالة الوطنية لتقنين المواصلات.

هاذشي اللي غتقراه دبا كلو واقع حاليا ⚠️ :
شنو كيوقع إلا كان فعلاً تعاون غير نزيه (تواطؤ) بين الوكالة الوطنية لتقنين المواصلات والشركات، فهنا كنهدرو على وضع أخطر من مجرد تقصير… كنهدرو على فساد في التنظيم.

شنو كيوقع فهاد الحالة؟

1. سوق “متحكم فيه” من الداخل
الشركات والجهة اللي خاصها تراقبهم كيولّيو بحال فريق واحد:

نفس الأسعار تقريباً
نفس العروض الضعيفة (*6)
ما كاينش تنافس حقيقي

2. قرارات على حساب المواطن
بدل ما تكون القوانين لحماية المستهلك، كتولي:

تحمي أرباح الشركات
تمنع دخول منافسين جدد
تقيّد حلول بديلة (مثلاً إنترنت أرخص أو أسرع)

3. قمع أو عرقلة البدائل
أي شركة جديدة أو تقنية مختلفة ممكن يتم:

تأخير الترخيص ديالها
فرض شروط صعيبة عليها
او حتى منعها بشكل غير مباشر
(بحال ستارلينك اللي فايت عظرت عليه قبل )

4. انعدام المحاسبة
حتى إلا كانت مشاكل كبيرة:
ما كاينش عقوبات حقيقية
الشكايات ما كتبدل والو
نفس الوضع كيبقى سنوات

5. المواطن كيتضرر مباشرة

كيدفع أكثر مقابل أقل
ما عندوش خيار حقيقي
كيبقى “محاصر” بين نفس الشركات

---

شنو الحل فحالات بحال هادي؟

ضغط إعلامي وفضح المشاكل

شكايات جماعية ومنظمة

دور جمعيات حماية المستهلك

تدخل البرلمان أو القضاء إلا كان دليل

علاش "ستارلينك" خدام في دول إفريقية فقيرة وحابس عندنا في المغرب؟
فاش كتحل الخريطة الرسمية ديال شركة Starlink (الأنترنت عبر الأقمار الاصطناعية) "شوف اول تعليق ، كتلقى واحد التناقض ك يحير العقل. دول إفريقية ك نصنفوها "فقيرة" أو "نامية" مقارنة بالمغرب، بحال: نيجيريا، كينيا، رواندا، زامبيا، مالاوي....

هاد الدول كاملة الأنترنت ديال إيلون ماسك خدام فيها "بصحتهم محسدناهمش والكن السوال اللي كيتطرح علاش معندناش في المغرب؟
خلينا نطرحو أسئلة منطقية :

واش المشكل في "البنية التحتية"؟ مستحيل، حيت ستارلينك أصلاً مديور للمناطق اللي ما فيهاش بنية تحتية وما فيهاش خيوط. ك يحتاج غير "السما" والبرابول.
واش المشكل في "القدرة الشرائية"؟ حتى هادي ما غادياش، حيت المواطن في نيجيريا أو رواندا ما عندوش قدرة شرائية كثر من المغربي، ومع ذلك الدولة ديالو خلات ليه "حرية الاختيار".
إيوا شنو هو السبب الحقيقي؟
الجواب ك يبان فاش كنلقاو بلي المغرب ولى "ساحة مغلقة" لواحد النوع من الاستثمار اللي ما ك يقبلش المنافسة. ملي كتكون شركة بحال "اتصالات المغرب"(اللي حاكمة فيها اتصالات الإمارات الصهيونية) هي اللي شادة "الساروت" ديال الريزو، راه من مصلحتها ستارلينك ما يدخلش أبداً. ومن الطبيعي دير لو العصا فالرويضة باش ميدخلش .
علاش؟
1. حيت ستارلينك غادي "يعتق" الناس اللي في الجبال والقرى والمناطق البعيدة، اللي اتصالات المغرب ك تعطيهم كونيكسيون "مميتة" بأثمنة غالية.
2. حيت ستارلينك غادي يفرض "جودة عالمية" بـ Ping هابط، وهادشي غا يبين بلي الفيبر والـ ADSL اللي ك نخلصو عليه ثمن خيالي راه "متجاوز".
3. حيت "اللوبي" اللي ك يخرج الملايير ديال الأرباح بالعملة الصعبة نحو أبوظبي، ما غا يسمحش لشركة عالمية تدي ليه "الحليب" اللي ك يجمعه كل شهر من جيوب المغاربة.
الغريب في الأمر:
حنا اللي ك نهضرو على "السيادة الرقمية" و"المغرب الرقمي 2030"، ولينا لور لور مقارنة بدول إفريقية بساط، غير حيت هاديك الدول حطات مصلحة المواطن فوق مصلحة "لوبيات الاتصالات".
السؤال ك يبقى ليكم:
واش المنع ديال ستارلينك هو "قرار سيادي" لحماية الوطن؟ ولا هو "قرار تجاري" لحماية أرباح شركة أجنبية ك تحلب فينا بلا منافس؟
واش الدولة مكتفكرض فالمواطن ؟ واش زعما شي نهار يقدر يتاحد هاد المواطن مع بعضو وينوض شي نهار ومغيعقل على تاشي شي مسؤول ؟

......

ترامب: لا أحد يرغب في تولي السلطة في إيران، لقد أخبروني أنهم يريدونني أن أصبح القائد الأعلى الجديد، لكني قلت لهم لا شكرا، لا أريد ذلك.
#ترامب

#لاللساعةالمشؤومة