Auto ecole faiz

قرا مزيان قبل ما تصيد !!
ملي كتبغي تشري شي سيارة مستعملة يعني "اوكازيو" كتكون فرحان خصوصا الى لقيتي شي وحدة نقية ومزيانة ومافيها مشاكيل...غالبا أول حاجة كتدير كتجيب ميكانيك وطولي لي كيقلبوا ليك الطوموبيل وكيقولو ليك لحديدة مزيانة توكل على الله.
ومن بعد ما كتبيع وتشري مع مول السيارة كتجمع دوصي وكتمشي للادارة ديال التجهيز والنقل باش تحول الملكية ديال طوموبيل وتولي بسميتك. يعني تبدل لكارط كريييز.
لكن هنا كتكون رتاكبتي خطأ كبير وتقدر تندم عليه بزااااف
كيفاااااااش ؟؟؟؟؟؟؟؟
حيت من بعد ما كترجع باش تاخد لكارط كرييز جديدة بسميتك، يمكن يقول ليك الموظف لي مكلف بملف: هدا السيارة مايمكنش تحول الملكية ديالها حيت كاين واحد التعرض على البيع ديالها بسبب شي موشكيل عند السيد لي باع ليك.
فهد اللحظة كايطيح لما فركابي وكتقول فنفسك صافي تصيدت ومشيت فيها ومشاو لي الفلوس والطموبيل
كتسول لموظف علاش هد التعرض؟؟؟؟؟
كيجاوبك :
1- يمكن يكون مول سيارة مامخلصش الضريبة السنوية.
2- يمكن تكون لمحكمة دايرة شي حجز تحفظي على السيارة بسبب شي دعوى.
3- يمكن صاحب السيارة كيتسالو شي دين عمومي.
لمهم كاين شي موشكيل لي كيمنع انتقال الملكية ديال السيارة بسبب التعرض ولي كيتسمى فالقانون ب " وضع اليد".
وبالتالي خاص سيد لي باع ليك السيارة يجي ويحل هد لموشكيل.
فهد لحظة كتجبد تليفون وكتعيط ليه باش يجي يفك هد روينة أو يرد ليك فلوسك او.....ولكن غالبا للأسف كتجاوبك "بواط فوكال" وكتقول ليك: لايوجد اي مشترك في الرقم الذي تطلبونه.
هنا كتعرف راسك تصيدتي وتنصب عليك.
اوا اسيدي ماتبقاش تزرب بزاف...
ونهار تلقى السيارة لي عجباتك وقبل ماتجيب لمعلمين يشوفوها ويقلبوها وقبل ماتعيط لمولاها باش تفاهم معاه، دخل للنظام المعلوماتي للمركبات لي دارتو وزارة التجهيز والنقل على الموقع :
www.assiaqacard.ma

http://opposition.narsa.gov.ma/

وكتب الرقم ديال السيارة ودير بحت وغادي طلع ليك بزااف ديال لمعلومات على السيارة وتعرف واش كاين شي تعرض عليها أو لا.
هدا الموقع دارتو الوزارة باش تفادى هذ النوع ديال لمشاكيييل وفنفس لوقت باش تحارب النصابا.
وبالتالي مابقا مسموح لا تاواحد يقول شريت طوموبيل وتصيدت وتنصب عليا حيت كاين لحل.

بغيت نشري سيارة مستعملة اشنوا ندير؟ شوف هنا 👇

http://go.phot.re/3f29fq

كريتي سيارة ودرتي كسيدة أشنوا المعمول؟ شوف هنا 👇

http://go.phot.re/3hnhqz

ماهي إجراءات شراء سيارة مستعملة وماهي أهم النصائح؟ 👇
http://psce.pw/3gsbx5

اتمنى ان تكونو قد استفدتم

ASSIAQA CARD - السياقة كارد

في إطار اتفاقية الشراكة والتعاون الموقعة بتاريخ 01 يونيو 2021 بين الوكالة الوطنية للسلامة الطرقية ومجموعة "بريد بنك" و"بريد كاش"، وفي أولى المراحل، سيتم إيداع ملفات تبديل رخصة السياقة أو الحصول على نظير منها بـ72 وكالة "بريد كاش" و"بريد بنك" على مستوى مدينة الدار البيضاء، على أن يتم تعميم هذه العملية على مستوى جميع جهات المملكة وفق البرمجة التالية:

• مدينة الدار البيضاء: ابتداء من 09 غشت 2021؛
• جهة الرباط سلا القنيطرة: ابتداء من 16 غشت 2021؛
• باقي جهات المملكة: ابتداء من فاتح شتنبر 2021.

أسباب الزيادة في استهلاك الوقود :
- سياقة متوترة
- ضغط عجلات غير كافي
- السياقة بنوافذ السيارة مفتوحة في الطريق السيار
- مصفاة هواء متسخة
- محرك بارد ...

رخصة السياقة صنف باء « B » كتسمح :
* بسياقة عربة لنقل البضائع بشرط مايتعداش الوزن ديالها (3500 كلغ ) 3,5 طن.
* بسياقة عربة لنقل الركاب بشرط مايتعداش 8 ركاب وأنا 9.
* بجر مقطورة بشرط مايتعداش الوزن ديالها 750 كلغ.

شكرا سمير الله يوفقك ومبروك لكل خريجي فائز لتعليم السياقة