Travel

وصفة صحية ومغذية جدا سلو او سفوف بالشوفان ودقيق القمح الکامل 😋😋😋😋

سلو أو سفوف صحي بالشوفان ودقيق القمح الکامل بنييين 😋😋😋😋😋😋😋😋😋😋😋😋😋بزاااف 1kg زنجلان 1Kg کاوکاو 1kg کاوکاو بلدي احمر 1kg5 دقيق کامل1/2kg شوفان 1/2kg لوز 1/2زبدة مذابة2معالق کبار قرفة 2معالق کبار نافع بلري2معلق حبة حلاوة نصف حبة کوو...

وصفة صحية ومغذية 😋سلو او سفوف بالشوفان والدقيق الکاملhttps://youtu.be/LejdLLzmsrM

سلو أو سفوف صحي بالشوفان ودقيق القمح الکامل بنييين 😋😋😋😋😋😋😋😋😋😋😋😋😋بزاااف 1kg زنجلان 1Kg کاوکاو 1kg کاوکاو بلدي احمر 1kg5 دقيق کامل1/2kg شوفان 1/2kg لوز 1/2زبدة مذابة2معالق کبار قرفة 2معالق کبار نافع بلري2معلق حبة حلاوة نصف حبة کوو...

مؤهلات طبيعية هائلة تلك التي تزخر بها جماعة بورد بالريف، شلالات طبيعية ساحرة، مسارات جبلية مغرية لممارسة الرياضات الجبلية، قمم متعددة تصلح لغمار تحديات تسلق الجبال، منتزه طبيعي جميل، مجال غابوي غني...وغيرها من الخيرات التي تجعل كل من زار هذه المنطقة يعبر عن ارتياحه وسعادته منذ الوهلة الأولى...
للأسف، هذه المؤهلات عوض أن يتم استثمارها في برامج التنمية المحلية من طرف من يتحمل مسؤولية تدبير الشأن المحلي(المجلس الجماعي) منذ سنوات، عوض ذلك نراها يوميا تتعرض للاستنزاف والإهمال...بل هناك من المسؤولين في المجلس الجماعي من يرى بعينه استنزاف هذه الثروات على مقربة من منزله ولا يحرك ساكنا...
أما شباب الفايسبوك فلا يسعه إلا القيام بمثل هذه المبادرات على مواقع التواصل الاجتماعي، ليساهم في التعريف بهذه المؤهلات الطبيعية...
أتمنى صادقا من المجتمع المدني بجماعة بورد أن يساهم على الأقل في الحفاظ على هذه الثروات الطبيعية، أما مسألة استثمارها محليا لتحريك عجلة التنمية هنا بالهامش المهمش فتلك قضية أخرى تحتاج إل الكثير من العمل والتفكير...

السلام عليكم، موضوع البرتغال :

ملحوظة مهمة : البرتغال من أفقر دول الإتحاد الأوروپي، وبذلك المعيشة فيه رخيصة بالمزيان، خصوصا في الأكل ، ( زايدين علينا شويا في السكن )


الڤيزا : ڤيزا شنڭن بطبيعة الحال ، ولكن بما أنه بلد يشجع السياحة فالتسهيلات عندهم أكثر من فرنسا والدول الغنية، وحسب ما عرفت من الطلبة لي مشاو على حسابهم، طلبو ليهم على الأقل 550 يورو لكل شهر سيقضونه في البرتغال وهو ما يعادل أقل صالير في البرتغال

من الأحسن طلب الڤيزا من البرتغال مباشرة ، اسهل من انك تطلبها من فرنسا وعاد تمشي للبرتغال


الڤيزا من عند ( vfs global ) في الرباط قرب شارع فرنسا، ( ممكن كاينة حتى في الدار البيضاء ولكن لا علم لي بذلك )


التذكرة من الدار البيضاء لپورطو ذهابا إيابا بين 2100 و 3000 درهم فالخطوط الملكية المغربية ولكن تقدر تشوف مع ريانير دير إيسكال في فرنسا وتولي تمشي لپورطو تقام عليك ارخص ولكن راك عارف ديريكت راه غير ساعة و 40 دقيقة هانتا فپورطو ،


ملحوظة : تقدر تسكن في پورطو وتسافر حتى لفرنسا وإسپانيا وتبقا ترجع لپورطو ( يعني تكون هي المرجع ديالك يلا كنتي غادي تضرب شهر ولا 20 يوم ) وتقام ليك القضية ارخص. لحقاش السفر بين البرتغال وفرنسا في الطيارة انا مشيت ب 24 يورو ذهابا إيابا، ولإسپانيا مشيت ب 20 يورو.


اهم إحتفالات البرتغال فين المدينة كاتدير الپلان ، راس العام وساو جواو ( كايكون نهار 23 يونيو ) ذكرته خصيصا لاصحاب الحيحة.

السكن : شخصيا كنت ساكن في إقامة للطلبة 250 يورو للشهر للكراء وكاين لي دوبل روم ب 200 يورو، وماكاتخلص لا ماء لا كهرباء لا أنترنت لا والو كلشي مجهز من فراشك لمعدات التصبين والمطبخ، ماكايزيدو عليك والو.
هادشي في مدينة پورطو، وهي ثاني اكبر مدينة في البرتغال، يعني الكراء نسبيا غالي مقارنة مع المدن الاخرى.
وكاين إقامات غير ب 170 يورو للشهر، مفرشة ومجهزة.

منازل ديال ماليها : غالبا تتراوح بين 260 و 300 يورو للشهر بكلشي ديالها ومجهزة حتى هي، رخيصة ولكن يلا كنتي غادي تضرب شهر كلو في البرتغال يعني حسن ليك من الاوتيلات

الهوستل وهو الحل الانجع لترافلر حقيقي، في مدينة پورطو كيتراوح الثمن ديالهم من 6 ل 25 يورو لليلة حسب الموقع في المدينة وجودة الخدمات، ديال 25 يورو كاتلقا البيت فيه غير 4 ديال الناس والفطور في الصباح فابور والدوش المشترك نقي وفيه بزاف ديال البلايص ، وهادوك الرخاص نقيين وداكشي ولكن كاين لي 8 ولا 6 في البيت وراك عارف نتا ومعامن طلاقيتي،

الانستاغرام ماكايعطينيش نكتب بزاف نكمل ليكم في مرة اخرى
#ترافل

in 🇲🇦 Wanna visit it ?
Follow us -> .
#🐾 🇵🇹 #❤ @ Merzouga - Sahara Desert

السلام عليكم، موضوع البرتغال :

ملحوظة مهمة : البرتغال من أفقر دول الإتحاد الأوروپي، وبذلك المعيشة فيه رخيصة بالمزيان، خصوصا في الأكل ، ( زايدين علينا شويا في السكن )


الڤيزا : ڤيزا شنڭن بطبيعة الحال ، ولكن بما أنه بلد يشجع السياحة فالتسهيلات عندهم أكثر من فرنسا والدول الغنية، وحسب ما عرفت من الطلبة لي مشاو على حسابهم، طلبو ليهم على الأقل 550 يورو لكل شهر سيقضونه في البرتغال وهو ما يعادل أقل صالير في البرتغال

من الأحسن طلب الڤيزا من البرتغال مباشرة ، اسهل من انك تطلبها من فرنسا وعاد تمشي للبرتغال


الڤيزا من عند ( vfs global ) في الرباط قرب شارع فرنسا، ( ممكن كاينة حتى في الدار البيضاء ولكن لا علم لي بذلك )


التذكرة من الدار البيضاء لپورطو ذهابا إيابا بين 2100 و 3000 درهم فالخطوط الملكية المغربية ولكن تقدر تشوف مع ريانير دير إيسكال في فرنسا وتولي تمشي لپورطو تقام عليك ارخص ولكن راك عارف ديريكت راه غير ساعة و 40 دقيقة هانتا فپورطو ،


ملحوظة : تقدر تسكن في پورطو وتسافر حتى لفرنسا وإسپانيا وتبقا ترجع لپورطو ( يعني تكون هي المرجع ديالك يلا كنتي غادي تضرب شهر ولا 20 يوم ) وتقام ليك القضية ارخص. لحقاش السفر بين البرتغال وفرنسا في الطيارة انا مشيت ب 24 يورو ذهابا إيابا، ولإسپانيا مشيت ب 20 يورو.


اهم إحتفالات البرتغال فين المدينة كاتدير الپلان ، راس العام وساو جواو ( كايكون نهار 23 يونيو ) ذكرته خصيصا لاصحاب الحيحة.


السكن : شخصيا كنت ساكن في إقامة للطلبة 250 يورو للشهر للكراء وكاين لي دوبل روم ب 200 يورو، وماكاتخلص لا ماء لا كهرباء لا أنترنت لا والو كلشي مجهز من فراشك لمعدات التصبين والمطبخ، ماكايزيدو عليك والو.
هادشي في مدينة پورطو، وهي ثاني اكبر مدينة في البرتغال، يعني الكراء نسبيا غالي مقارنة مع المدن الاخرى


وكاين إقامات غير ب 170 يورو للشهر، مفرشة ومجهزة.

منازل ديال ماليها : غالبا تتراوح بين 260 و 300 يورو للشهر بكلشي ديالها ومجهزة حتى هي، رخيصة ولكن يلا كنتي غادي تضرب شهر كلو في البرتغال يعني حسن ليك من الاوتيلات

الهوستل وهو الحل الانجع لترافلر حقيقي، في مدينة پورطو كيتراوح الثمن ديالهم من 6 ل 25 يورو لليلة حسب الموقع في المدينة وجودة الخدمات، ديال 25 يورو كاتلقا البيت فيه غير 4 ديال الناس والفطور في الصباح فابور والدوش المشترك نقي وفيه بزاف ديال البلايص ، وهادوك الرخاص نقيين وداكشي ولكن كاين لي 8 ولا 6 في البيت وراك عارف نتا ومعامن طلاقيتي،

ملحوظة مهمة وبزاف : هاد الهوستيل المختلط راه يقدرو يجيو معاك بنات ودراري مخلطين، ولكن يلا كنتي بنت وطلبتي تجي غير مع البنات غادي يديروك فبيت غير ديال البنات ولا يقولك ما عدناش شوفي هوستيل آخور . ( راه تمشي شي وحدة غير تقطع وتلقا غا الدراري في البيت هههههههههه.


كاين نوع آخر ولكن قليل : شقق مفرشة مجهزة كايكريوها ماليها بالنهار، كاتبدا من 25 حتى ل 40 يورو للنهار، ولكن باش مزيانة كل شقة كايكونو فيها 3 ولا 4 ديال الناس، يعني لي مسافر مع عشرانو صالحالو اكثر من الهوستيل.


سالينا من السكنى، ندوزو للمعيشة :

صدقني صديقي، اغلبية المواد الغذائية ثمنها كثمن المغرب، عندهم 3 ديال السوپيرمارشيات هازين الهم تاع البرتغال كاملة وهم ؛ ( foiz, pingo doce, mini preço ) ، امثلة للأثمنة ( علبة طون 70 سنت ، لتر حليب 65 سنت، لتر زيت 1 يورو ......... يلا كتبت كلشي هنا بقينا + الحوت ثمنه معقول ورخيص.


وكاتبقى القهوة اهم شي، في المقاهي العادية بين 65 و 70 سنت ، وفي قلب مدينة پورطو ب 1.2 حتى 1.5 يورو


غايبقا ليك مشكل ديال اللحم، فعليك ان تعلم ان البرتغال وخصوصا مدينة پورطو فيها المسلمين قلآآآآال وبالتالي تجارة اللحوم الحلال قليلة بزاف، پورطو فيها 2 ديال الناس لي كايبيعو اللحم حلال واحد هندي والثاني پاكيستاني ( لي عول يمشي مرحبا نشرحلو فين يلقاهم في الپريڤي ) . ولكن تقدر تهني راسك وتضرب الحوت بزاف كيف قلنا رخيص وكاين شي انواع ماتلقاهمش في المغرب.


اراك دابا للسفر : أولا كانصحكم تسكنو المدة كاملة فپورطو، علاش ؟ لحقاش في 2017 أعتبرت أحسن وجهة أوروپية، والسياح كايمشيو ليها على ما تزخر به من طبيعة ومآثر تاريخية وجمال العمران، مدينة الجمال بإمتياز، غي بوحدها خاصك شي يومين على الاقل باش تكمل منها هادشي يلا كنتي معلم وكاتمشي ببرنامج محكم.

المدينة القديمة تتمركز حول نهر ( ribeira douro porto) وڭاع داكشي القديم قريب ليه، وماكانصحكش تاخد طاكسي في أي حال من الاحوال حيت طالعين للسما، الميترو يدير ويجيبك من اي بلاصة في المدينة، وأغلى طراجي هو من قلب المدينة للمطار 2.40 يورو ولخرين الاغلبية ب 1.4 يورو.

كاينة مكتبة قديمة بزاف وهي المكتبة لي مثل فيها هاري پوطر الفيلم ديالهم وحتى لباس طلبة جامعات پورطو مقتبس من قصة هاري پوتر

+پورطو قريبة للمدن لي غادي نذكر ليكم
هاد المدينة خاصها موضوع بوحدها، لي بغا يسول عليها يجي للپريڤي

المدن لي كانصحكم تزوروها :

ڭيمارايش ( Guimarães ) : هي من اقدم المدن القديمة ، فيها بدات حضارة البرتغال على حسب ما كايقولو ، وفيها حائط كتب عليك ( هنا ولدت البرتغال ) يعني من تما بدات الحضارة، والمدينة عامرة متاحف قديمة وما إلى ذلك، ولكن اهم 2 حوايج هوما ( قصر الدق ديال براڭانسا ) و قلعة ڭيمارايس. جايين شي حدا شي، الدخلة ب اورو ونصف لكل واحد منهما ( كتاخد التيكي في الطبق السفلي للقصر ) ويلا كانت عندك كارط طالب عندك تخفيض 50 %. تمن التذكرة من پورطو لڭيمارايش 3.25 يورو


كويمبرا (coimbra ) : مدينة الجامعات، فيها إحدى اقدم الجامعات في العالم، وباش كاعجبتني، مثلا كلية العلوم فيها مستحاثات ومتحف للحيوانات وداكشي واعر يستاهل يتزار. وفيها كنائس قدام بزاف . تمن التذكرة من پورطو لكويمبرا بين 8 و 17 يورو حسب رفاهية القطار وتقويتيه



براغا ( Braga) : مدينة اليسوع بإمتياز، المدينة صغيرة وزوينة ، فيها شي كنائس الخيال العلمي،. لكن ابرز معلمة في البرتغال كايسميوها ( bom jesus) وهي واحد الدروج كاتبقى طالع فيهم وفكل مرة كاتلقى بيوت صغار فيهم تماثيل ديال عيسى عليه السلام وداك الناس لي قتلوه ، نتا طالع وهما كايزيدو يخططو ليه، من بداية النزاع لغاية التصليب، بحال يلا كايعاودو ليك القصة من قاع الدروج للقمة. وفي الراس ديال داك الدروج ( و راه شلآ دروج ) كاتلقى كنيسة وحداها المنبع ديال الماء لي كان نازل من حداك ونتا طالع ، ومن تماك كاين منظر رآآائع على مدينة براغا . ثمن التذكرة من براغا لپورطو 3.25 يورو

لشبونة : العاصمة من اجمل المدن ايضا ولكن ما لم ازرها لاني لا حب المدن المزدحمة، ولكن قالك فيها ما يدار، من پورطو للشبونة 20 يورو في الطيارة ذهابا و 20 إيابا،


الڭارڤ : باش نختاصرو هاد المدينة بحال الشمال ديال المغرب، يعني البحر ديالها هادن وزوين بحال الحسيمة وتطوان، وكن زايدين علينا بالنقاوة وكلها دايها فراسو والباراسولات موجودين ديال الإشهارات بالمجان مايوقف عليك حتى مشرمل، لي بغا يتبحر كايمشي لهاد البلاصة لحقاش البحر ديال پورطو بارد بزاف جاية في الشمال. يلا بغيتي تمشي ليها سير في الطيارة احسن لك من القطار غادي غي تهلك طريق وفلوس

هادو هما المدن لي مشيت ليها وزرتها بعيني، ولكن كاين واحدة سميتها سينترا زڭلتها مع الزيار ديال القراية كان عندي غير الويكاند لي خاوي،

راه وخا نبقا نكتب مانساليش لي بغا شي حاجة يسولني نجاوبو هنا ولا في الپريفي ماعنديش المشكل،

شكرا.....