ADAM CHOUP

تقهويت مع واحد النتوة تعرفت عليها فالفايسبوك ، ختارينا قهيوة فالمعاريف من دوك اللي كيجي السرباي هاز بلاطو دييا حلوة لاكريم باش يزرفك ولكن خاص تكون نزق و تقوليه براسك : لا

المهم جلسنا و بقات كتعاود ليا المسار العلمي ديالها كيفاش انها قرات و خدات الباك بميزة حسن جدا و دارت عاماين ديال الاقسام التحضيرية من بعد دخلات لمدرسة المهندسين و تخرجات مهندسة دولة و خدمات فبوسط بصالير فايت المليون

خلات دارهوم فمدينة صغيرة و جات سكنات فالدار البيضاء كارية معا صاحبتها لمدة 7 سنوات و كتتشكا ليا زعما من الروتين و الملل و العيشة بوحدها سيليباطير

قالت ليا راه سافرات و دارت شلا رياضات و دخلات مؤخرا كتقرا اللغة الصينية فواحد المعهد ، و قاتليا ان الحلم ديالها هو تزور الصين حقاش مغرمة بالثقافة ديالهم

هي كتهضر و انا كنقول ليها غي مزيان اه براسي و كدا تباركلاه عليك ، و فنفس الوقت كنقول فراسي واش هادي بنت صالحة للزواج و تكوين اسرة و الاستقرار ؟

كنشوف ضفرانها و يديها بحال الراجل و كنشوف طريقة الهضرة ديالها بحال الزوفري : كتقول الساط الساطة مابلانش ، اواه ، ناريييي ، عرفتزيي ، مخلطة مع فرونسي ديال سيتوبلي ڤازي ڤوالا ضاكوغ l'équipe nationale ..

كنسول راسي واش هادي غادي تسمع هضرة الراجل ؟ واش غادي تعجن ليه مسمن الشحمة ؟ شنو الاضافة اللي غادي تضيفها لراجل واصل و خدام بصالير محترم و عندو دارو و طوموبيلتو يدخل لدارو بحال هاد العاقصة ، علاش غادي يتزوج بهاد النوع دالبنات ؟ بنت غادي تشحفو على الصغيرة و الكبيرة ، بنت غادي ديما تقوليه انا ماشي خدامة عندك

انا عييت انا كنحس بطاقة négative من جيهتك، واش غادي تصايب ليه طاجين بالجلبانة ؟ واش غادي تنقي الكرشة فالعيد الكبير ؟ واش ايلا جات مو و ختو ب عائلتو غادي تنوض تخدمهم و توجد اتاي ضاحكة ناشطة ؟

شحال تصاحبات من مرة مع الدراري شحال تبرتشات ؟ شحال من اوديو و شحال من ميساج واتساب سيفطات ؟ كرشها شحال سرطات من طاكوس و بيتزا و ماكلة الزنقة

واش باقي فيها الطيبوبة اولا قلبها مات ؟ عندها 29 عام شحال من بويضة مزال ليها فديك الكرش ؟ اينا نوع ديال الصباغة و الديكاباج باش كتغطي الشيب اللي شعل ليها فراسها ؟

اسئلة الجواب ديالهوم غادي يكون بمثابة انذار لاي راجل كيفكر يقرب من هاد النوع دالبنات

هاد النوع اللي ماكيعرفش شنو هو معنا الاسرة و الوليدات و الصبر و التضحية و الشهيوات ، لا ، هاد النوع كيعرف حاجة وحدة : هو قصوحية الراس و الطلاق و محكمة الاسرة و كلمة نرجسي و ماحتارمتينيش..

فكر مزيان صديقي الشلغومي قبل متفكر تدمر حياتك بالارتباط بهاد النوع د النتوات و تدخل موشكيل كبير لدارك سميتو بنت قارية

منقول