SI ABDU

وفاة عبد الهادي بلخياط ، رحمه الله تعالى و أسكنه فسيح جناته

الحمد لله
ملي تحس باليأس و الخوف و ما تبقاش قادر على أنك تجتاهد نفسك و على أنك تزيد تسعى فمناكب الحياة، و تجتاهد فعلاقتك مع رب العالمين، لأنها أكيد كل ما غادي تكون قوية كل ما أتخليك ثيق فيه و بكلامو سبحانه و تعالى
آه حنا مسلمين، و كنآمنو بالله و لكن راه ماكنعرفوهش سبحانه حق المعرفة و واخا تكون كتمارس العبادات ديالك هادشي يلا ماكنتيش مقصر فيهوم، فهذا ماكيعنيش أنك قريب من الله، حيت القرب من الله كيضمان القلب واخا تكون فعز الأزمة مجرد حسن الظن به فيها طاقة تخليك تنوض برجل وحدة ماشي غير جوج ... حنا کنمارسو عبادات جسدية و كنغفلو على العبادات القلبية، بحال التوكل و اليقين و التقوى، محبة الله، حسن الظن به..

✍️🏻العبد الفقير الى رحمة ربه SI ABDU

" ألا بذكر الله تطمئن القلوب "
ما يمكنش ترد البال لشي حاجة لي أنت أصلا ماكتقلّبش عليها، و مايمكنش تقلّب على شي حاجة لي أنت أصلا ممآمنش بيها. إذا الحاجة لي بغيتيها تكون عندك، غيخسّك تآمن أولا بإمكانية وجودها فحياتك، و ثانيا باش تشوفها بعينك، غيخسّك تشوفها بعقلك هو اللول. داكشي لي ممكن يضّاف لحياتك، يقدر مايجيكش عن طريق الحظ أو الصدفة! و لكن ممكن تحصل عليه انطلاقا من الإختيارات لي كادير، زائد لحوايج لي أنت كتآمن بيهوم فحياتك ✅️🫡