iHelef

No all deenen Joeren wou et den iHelef Gehais gëtt, an ee gudde success huet, presenteieren ech iech elo den nächsten produkt! 🤗

Momentan ass et schwéier RAM Kaarten ze kréien also hunn ech zesumme mat Micron zu Taiwan dei iHelef RAM hierstellen geloos! 🥳

Dei kritt een am Wäissen esuwei am schwaarzen an als kit vun 2x 16GB DDR5 mat 6000 MHz. Leider net mei weder manner well soss gett Produktioun ze deier also hunn ech déi geholl wat oft verbaut gëtt.

Déi RAM Kaarten kënnt dir elo bei mir ufroen an gëtt op Ufro bestallt. 😊

Moien alleguer 👋🏻
Ech wollt iech informéieren dass ech eng hallef Paus maachen.

Et leeft wierklech super, ech si frou an hëllefen iech immens gär awer duerch déi aktuell Problemer mat Amazon an déi verréckt Präisserhéichungen bei de Komponenter, hunn ech geduecht, et wier besser fir eng kleng Paus ze maachen. Ech hunn och verschidde Saachen, op déi ech mech muss konzentréieren. 🥲

Ech sinn net komplett fort.
Ech kucken ärt Noriichten weiderhin awer et ass ganz méiglech dass ech iech recommandéieren fir irgendwou aanescht hëllef ze sichen. Wann dir eng gutt Erfarung mat engem aneren Techniker oder Geschäft gemaach hudd, kënnt dir mir dat gär mellen, esou kann ech déi Persoun / dat Geschäft och weiderempfeelen. 👌🏻

PC Opbauen maachen ech nach, esou laang bis ech näischt op Stock hunn. Awer mat de Präisser elo... ass leider net méiglech een professionelle PC oder Gaming PC ënner 1000€ ze maachen an dat ass ouni eng Grafikkart. 😕

🇬🇧: I won't be able to accept every request and with these crazy prices, I want to avoid unnecessary stress so I will do a semi break.

🇫🇷: Je ne pourrai pas accepter toutes les demandes et avec ces prix complètement fous, je préfère éviter du stress inutile. Je fais donc une semi-pause.

🇩🇪: Ich kann nicht jede Anfrage annehmen und bei diesen verrückten Preisen möchte ich unnötigen Stress vermeiden. Deshalb mache ich eine kleine Pause.

🇵🇹: Não vou conseguir aceitar todos os pedidos e com estes preços malucos, quero evitar stress desnecessário. Por isso, vou fazer uma pausa parcial.

Ech wollt iech kuerz informéieren dass et momentan bëssen chaotesch ass an ech net wierklech eng Méiglechkeet hunn dat alles fléissend ze laafen. 🙃

📦 Mäin Amazon komplett geblockt
Ech hunn aktuell ee grousst Problem mat mengem Amazon Kont. Deen ass gespaart doduerch schnell liwwerungen an genaue Datumer fir bestellungen wäerten ongenau ginn wat meng orientatioun duerchaneen mëscht. Verspéidungen wäerten geschéien.

💸 RAM Präisser explodéieren!
Nach Ufanks November hunn 32GB RAM 80€ kascht... Elo tëschend 200€ - 300€. Dat hëlleft mir net een iwwerbleck ze hunn vun den Stécker wann ech ee PC ufro kreien wat doduerch och nach méi Zäit ewech fëllt. De grond wisou et esou déier ass? Wéinst dem ganzen KI bzw. AI, US Politik an Data Zenteren déi alles opkaafen. Dobäi gesäit net esou aus wéi wann dat geschwënn erof geet...

Edit 29. November:
No zwou Wochen sinn se elo ab 300€ (wann een se iwwerhaapt kritt)

🖥️ Komponenter séier ausverkaaft
Vill Deeler ginn momentan direkt destockéiert. Dat heescht ech muss oft Alternativen sichen well eppes owes nach do ass an moies op eemol net méi.
Dat hëllt Zäit wat fir mech net ëmmer einfach den Iwwerbléck ze halen an hin an hier ze schreiwen.

😕 Wichteg fir déi nächst Wochen / Méint
Et kënne Situatioune kommen, wou ech net 100% kann garantéieren, dass et wei geplangt oder dass et esou séier geet wéi gewinnt. Mee ech versiichen mäin bëscht un Iech ze wenden. Ërem, ech maachen dëst gäeren an bieden just fir bësse gedolt awer ech gesinn, et gëtt net einfach.

🔔 Wichteg Informatioun: D’Ënnerstëtzung fir Windows 10 ass eriwwer! ⚠️

Microsoft wäert kee Sécherheetsupdate méi fir Windows 10 erausbréngen. Dat heescht awer net, dass äere Computer direkt net méi funktionéiert oder ufälleg fir Virussen gëtt. 😌

Dir kënnt weiderhinn den Windows 10 benotzen an dat ouni Problemer. Wann wäere Computer awer Windows 11 ënnerstëtzt, da wier et net schlecht ze upgraden, esou bleift alles aktuell a geschützt.

💡 Tipp: Wann äere Computer net offiziell kompatibel ass mat Windows 11, muss Dir keen neie kafen!! Et ginn Tricker fir Windows 11 trotzdem ze installéieren.

ℹ️ Am Private verbrauch hutt Dir d'Méiglechkeet den Windows 10 fir nach ee Joer Sécherheetsupdate ze kréien. Fir dat musst Dir an den Windows Update goen dann den link drécken fir den "ESU".

Fir méi Informatiounen a wéi ech dir dobäi hëllefe kann, kucks du einfach op meng Websäit:
🌐 www.ihelef.lu/windows-10-support/

Apple huet dëst Joer eng Rei grouss Neiegkeeten ugekënnegt: nei iPhone-Modeller, nei AirPods Pro an déi frësch Generatioun vun den Apple Watches.

- iPhone 17
Et kennt a 5 Faarwen an huet elo 6.3 Zoll. ProMotion bis 120Hz, Always-On Display geet erof bis 1Hz an eng Hellegkeet vun 3000nits. Dat hellst iPhone bis elo. Start elo direkt bei 256GB Späicher. Den Ceramic Shield ass elo 3x méi staark géint Kratzer. Bannendran den A19 Chip fir méi staark Grafikleeschtung, besser CPU Effizienz an däitlech méi séier Apple Intelligence Resultater. Mat dem schnelle Lueder kritt een 50% Akku a just 20 Minutten. D’Kamera kritt déi nei Dual Fusion 48MP Haaptkamera, an och d’Ultra Wide Lens huet elo Fusion. D’Selfie Kamera kritt Center Stage, e 2x méi grousse quadratesche Sensor fir souwuel Portrait wéi och Landscape Fotoen.

Den idealen allgemenge iPhone fir all méigleche Gebrauch.
Ab 936,97€ https://www.apple.com/lu/iphone-air/

- iPhone Air (net iPhone 17 Air!)
E Bildschierm vun 6.5 Zoll mat ProMotion an och hei 3000nits Hellegkeet. Just 5.6mm dënn. 80% recycléierten Titan, ultra liicht an stabil, mat Ceramic Shield op béide Säiten. Den A19 Pro Chip mécht den iPhone Air net nëmmen méi staark wéi den iPhone 17, mee och extrem effizient. D’Neural Engine ass nach eng Kéier verbessert. Apple setzt fir d’éischt op eng eege Wireless Antenn mam N1 Chip fir besser Wi-Fi, Bluetooth an Thread Verbindung. Dobäi den C1X Modem fir en nach méi effiziente Mobilnetz. Hei gëtt et just nach eSIM. Dank deene Komponente soll den iPhone Air mam iOS 26 an senger AI de ganzen Dag duerchhalen. Kamera: 48MP Fusion Haaptkamera an Center Stage Selfie.

Fir déi, déi wëllen ee mei flotten iPhone.
Ab 1188,37€ https://www.apple.com/lu/iphone-17/

- iPhone 17 Pro
E ganz neie Design a faarweg Varianten (Orange, Blo, Wäiss). Et huet den gréissten Akku jeemools an engem iPhone an eng nei Dampkammer, fir d’Hëtzt besser ze verdeelen. Den A19 Pro Chip fir professionell Video a Foto, esou wéi High-End Gaming. Nei Ceramic Shield 2 fir nach méi Stabilitéit. Selfie Kamera elo 18MP mat Center Stage. Déi aner Kamerae sinn elo 48% méi grouss, all mat 48MP Sensor a Fusion. 8x opteschen Zoom, digital bis 80x mam 200mm Sensor. Fir Video: ProRAW, Genlock Support.

Den iPhone fir professionell zwecker.
Ab 1285,07€ https://www.apple.com/lu/iphone-17-pro/

- AirPods Pro (3. Generatioun)
ANC elo 2x méi genau. Nei agebaut Iwwersetzungsfunktioun duerch Apple Intelligence. Liicht verännert Design fir besser Passform an IP57 Waasser- a Stëpsresistenz. Elo och Fitness Features: Pulsmessung a Kalorien direkt iwwer d’AirPods. Den Akku: 8 Stonnen mat ANC, bis zu 10 Stonnen am Hearing Aid Modus.

Fri 240,70€
https://www.apple.com/lu/airpods-pro

⌚️Dei nei Apple Watch Series 11 an Ultra 3 kréien ee neit Glas, 2x méi kratzerfest an och elo 5G Konnektivitéit. Se kann Hypertension erkennen an elo den Sleep Score méi präzis wou den ënnerscheet tëscht schlofen a just am Bett leien erkennt. Den Akku vum Apple Watch Series 11 geet elo 24 Stonnen an den Ultra 3 bis 42 Stonnnen!

Den Apple Watch Series 11 ass ab 434,15€
https://www.apple.com/lu/apple-watch-series-11/

Den Apple Watch SE (3. Generatioun) kënnt mat S10 Chip, Always-On Display, Double Tap a Gesten. Et huet elo dei selwecht Fallen- an Ovulatiounserkennung an Schlooferkennung & Sleep Score. D'Lautspriecher kann elo Musek direkt ouni iPhone ofspillen a kritt 18 Stonnen Akku + Schnelllueden + 5G.

Dat fir 260,10€
https://www.apple.com/lu/apple-watch-se-3/

Wat den Apple Watch Ultra 3 nach besser kritt ass den méi hellen an gréisseren Display mat mindestens 1Hz fir een spuersamen akku bis zu 42 Stonnen. Esou ee klenge Apparat kritt och Satellitte-Verbindung an komplett aus recycléierten Titan.

Deen ass fir 869,29€
https://www.apple.com/lu/apple-watch-ultra-3/

Äddi alleguer! 👋🏻
Ech sinn ab dem 10. September an der Vakanz ✈️.

Wann är Computer Problemer mëscht, da mellt iech am beschten nach elo, well ech net genee wees, wéini ech zeréck sinn. Wahrscheinlech eréischt géint Enn September.

Heiansdo beäntweren ech meng Messagen och an der Vakanz, mee erwaard net direkt eng Äntwert. Merci fir är Gedold! 😌

An keng Suergen, et ginn nach genuch aner Techniker hei zu Lëtzebuerg, déi iech och gären hëllefen. ✌🏻

🇫🇷: En vacances a partir du 10 septembre
🇬🇧 : In holidays starting 10th september
🇩🇪: In den ferien ab den 10. September
🇵🇹: Em ferias a partir do 10 septembro.

Mat iOS 26 huet Apple eng vun de gréisste Verännerungen zënter iOS 7 ugekënnegt eng nei, frësch Design-Philosophie mam Numm Liquid Glass. Alles gesäit elo méi gläzend, dynamesch a glaskloer aus: d’Interface passt sech un d’Beweegung un, Icons ginn animéiert, a verschidde System-Astellen hu ganz nei Layouten.

Dat ass awer nëmmen de visuelle Start. Mat dësem Update kënnt och Apple Intelligence, Apple seng nei AI-Plattform, déi vill Funktiounen op dem iPhone méi schlau a perséinlech mécht a virun allem privat, well vill dovunner direkt um Gerät geschitt an net iwwert d’Cloud. Hei sinn déi wichtegst Neiegkeeten:

🧊 Liquid Glass Design
D’Interface gouf visuell nei opgebaut: vum Home-Screen iwwer d’Notifikatiounen bis bei d’Kontrollzenter. Elementer hu méi Duerchsiicht, Kante si ronderëm, an déi adaptiv Navigatioun passt sech un d’App-Notzung un. Beim Scrollen an Safari oder Fotoe rutscht d’Tabbar intelligent mat.

🧠 Apple Intelligence
Mat Apple Intelligence kommen Live Iwwersetzungen direkt an der Phone App, FaceTime oder Messages ouni dass een eng extra App brauch oder mat Serveren verbënnt. Alles leeft um iPhone selwer, fir maximal Privatsphär. Visual Intelligence mécht Screenshoten méi notzvoll: Wann’s de eng Foto vun enger Reservation, Uuerzäit oder Affiche hues, erkennt iOS d’Informatioun automatesch a proposéiert z.B. eng Erënnerung oder en Event an de Kalenner.

📱 Kompatibilitéit & Verfügbaarkeet
iOS 26 leeft op iPhone 11 a méi nei. Den iPhone XR, XS a XS Max ginn net méi ënnerstëtzt an deen kënnt offiziell am Hierscht eraus.

🤖: Dëse Text ass a menge Wieder geschriwwe ginn dunn mat AI Korrigéiert ginn.

Zu Portugal an gaangen déi lescht Pabeieren prëtt ze maachen fir ee Geschäft ze grënnen 🤗

Dir all wollt onbedenkt dass ech ee Geschäft opmaachen awer zu Lëtzebuerg ass dat alles ze komplex mat menger also kommen ech zu Portugal! 🇵🇹

Natierlech kann ech Iech och op Distanz hëllefen, meng trei Leit déi ech gehollef well ech nach - ëmmer fir iech do - sinn ❤️

D'Leit hu geschwaat an ass decidéiert.
Mëttwochs ass zou! ⛔️📵

Ech hunn ëmmer probéiert flexibel ze sinn, mä elo ass et kloer, egal wat geschitt, egal wéi eng Excuse gesot gëtt, egal wat de Grond ass – Mëttwoch ass meng Paus, a kee Rendez-vous gëtt ugeholl weder beäntfweren ech Noriichten.
Merci fir äert Versteesdemech! 😊

🇫🇷: Repos le mercredi – pas de rendez-vous & pas de réponses aux messages!
🇬🇧 :Wednesdays are my day off – no appointments & no message replies!
🇩🇪: Mittwochs frei – keine Termine & keine Nachrichten!
🇵🇹: Quartas são o meu dia livre – sem marcações & sem respostas a mensagens!

Ech brauch hëllef

An den leschten Joeren ass meng mental Gesondheet ëmmer méi schlëmm ginn dass ech mech ëmmer méi begrenzt fillen.

Als Kand haat ech ëmmer schwéiergkeeten gehat alleng ze sinn an op platzen ze goen an hunn dann mat da Zäit eppes entwéckelt wat sech Agoraphobia heescht. Ech kréien Panik Attacken wann ech op platzen sinn wou ech mech net wuel fannen. Dobäi hëlleft mäin Häerzproblem net wierklech.

Säit da Pandemie ass et däitlech méi schlëmm ginn dass ech souguer keng 10 Minutten eraus wäit trëppelen kann. Freck... Souguer keng 3 Minutten... Ech kann mol net op platzen goen wou ech fréier soss net konnt goen. Ech fillen mech begrenzt. Dobäi sinn ech kee Mënsch deen elo traureg ass. Dank äere Ënnerstëtzung an vun menger Famill konnt ech mech ganz wuel maachen, eventuell ze gutt doheem.

Ech wëll dat änneren, ech wëll kënnen ouni Gedanken nees am fräien sinn soudass ech kann d'Saache alleng maachen, dass ech kann méi mat den Leit ënnerhuelen an eventuell Iech och kënnen besichen falls Saachen net fonctionnéieren!

Een therapist, deen mir hëllefen kann nees main Aale liewen ze kréien. Ech wëll net Recommandatiounen, ech wëll een deen mir hëllefen kéint w.e.g.

Moien alleguer! 🤗

Mir sinn elo Mëtt Januar, an ech hunn an dëser kuerzer Zäit scho 41 Terminer gehat. Bis elo hunn ech 8 Computer gebaut, an 6 sinn aktuell an der Maach. 😁

An der Moyenne verbréngen ech ongeféier 1 Stonn pro Persoun, an fir ee Computer ze bauen ëm 2 Stonnen. Déi lescht 7 Deeg war ech dacks bis 4 Auer moies mat Äntwerte beschäftegt – all Owend kommen ongeféier 40 Messagen eran, an de Moien sinn da rëm 30 op mech waarden. 😮‍💨

Et deet mir leed, wann ech net direkt bannent e puer Minutten op all Noriicht äntweren kann. Verschidde Leit ginn ongedëlleg, wann se erwaarden, direkt eng zweet Äntwert ze kréien. Heiansdo muss ech awer bis den nächste Dag waarden, fir op all Fro richteg kënnen ze reagéieren. 😥

Ech wëll iech just weisen, wéi hektesch et de Moment ass. Ech opfere vill vun menger Zäit, fir iech ze hëllefen – ech stinn um 10:50 op, fir datt ech um 11:00 schonn déi éischt Persoun empfänken kann. Heiansdo verzichte ech op meng Iessenszäit oder verbréng se net mat menger Famill, an oft sinn ech bis 1 Auer moies nach drun, well et fir jiddereen ëmmer dringend ass. 😅

Ech wëll mech entschëllegen, wann ech verschidden Noriichten vergiess, verwiesselt oder duercheneen bruecht hunn. Et ass och fir mech schwéier, ëmmer de ganze Bléck ze behalen. Wann Dir also gäre wëllt laanschtkommen, fir ee Problem ze léisen, meldt Iech – awer denkt drun gedolt. 😊

Ech hoffen op äert Verständnis a sinn hei, fir iech weider ze hëllefen. Merci fir all d’Gedold an de Respekt géintiwwer menger Aarbecht! 🙏

Wann Dir gäer géift hëllefen, kënnt Dir perséinlech laanschtkommen! Dir kéint zum Beispill mat den Norichten äntweren, Computer bauen oder installéieren, oder och raumen an sortéieren, während ech mat Leit hëllefen oder selwer un engem Computer schaffen. 🙌 Ech si fir all Hëllef immens dankbar! 😊