Sacred Heart RCC / Pelo-e-Tlotlehang RCM

Liphoso tse hlano tse tloaelehileng nakong ea ‘Misa. 🛐

Credit: Catholicum

❤️ 𝐏𝐡𝐮𝐩𝐭𝐣𝐚𝐧𝐞 𝐤𝐞 𝐊𝐡𝐨𝐞𝐥𝐢 𝐞𝐚 𝐏𝐞𝐥𝐨 𝐞 𝐓𝐥𝐨𝐭𝐥𝐞𝐡𝐚𝐧𝐠 𝐞𝐚 𝐉𝐞𝐬𝐮.

Khoeli ena e khethehile ka har’a Kereke ea K’hatholike. Ke khoeli e ts'oaetsoeng borapeli le hlompho ho Pelo E Tlotlehang ea Jesu.

Kereke e re memela ho teba leratong le se nang moeli leo Morena Jesu Kriste a re ratang ka lona. Pelo e Tlotlehang ea Jesu ke letšoao la lerato la Hae ho rona, mohau oa Hae, kutloelo-bohloko ea Hae le boitelo boo a ileng a bo etsa bakeng sa poloko ea batho bohle.

Ha re sheba Pelo e Tlotlehang ea Jesu, re hopotsoa h**e Molimo o'a re rata, oa re tšoarela, ebile o lula a re memela ho khutlela ho Eena leha re ka re khelohile. Ke pelo e bulehileng ho amohela bohle, ho folisa ba mahlomoleng le ho matlafatsa ba fokolang.

Joaloka Parish e reheletsoeng le ho bitsoa ka Pelo-e-Tlotlehang*, khoeli ena e na le moelelo o khethehileng ho rona. Ke nako ea ho nchafatsa tumelo ea rona, ho hola leratong la Molimo, bonngoeng le ho etsisa mohlala oa Morena Jesu Kriste ka ho bontša lerato, mohau le tšebeletso ho ba bang.

🙏 “𝗣𝗲𝗹𝗼 𝗘 𝗧𝗹𝗼𝘁𝗹𝗲𝗵𝗮𝗻𝗴 𝗲𝗮 𝗝𝗲𝘀𝘂, 𝗿𝗲 𝗯𝗲𝗵𝗮 𝘁š𝗲𝗽𝗼 𝗲𝗮 𝗿𝗼𝗻𝗮 𝗵𝗼 𝗨𝗲𝗻𝗮.” ❤️

Lintlha tsa bohlokoa tsa ea Pelo-e-Tlotlehang RCM. Bakeng sa litšebeletso, linako tsa Missa le tse ling.

Khopotso ho Bakreste ba khabane ba Pelo-e-Tlotlehang mabapi le litsebiso tsa bohlokoa.

Hlatsuong ke ne ke itlame, ka ikhethela 'Moloki.

Joaloka ha re tseba h**e Hlatsuo ke Sacrament ea pele e re etsang bakriste, ho bile joalo ka sontaha sa la 17 Mots’eanong 2026.
Moo teng bana ba neng ba amohela Sacrament ea Hlatsuo ka Moprista e mocha-cha, Fr. Tšehla Francis Maanela, ea sa tsoa tlotsetsoa Boprista bo Halalelang ka la 11 'Mesa 2026, Mishoneng oa Loretto.

'Me hona ho bolela h**e e se e le ha leeto la bona le Morena Molimo le qalile ka ha e se e le bakriste, ho tlotlisoe Molimo ke hona.

Ha re ba rapelleng, h**e ba hole 'me batiisetse tumelong.

☁️✝️ 𝐊𝐚𝐣𝐞𝐧𝐨 𝐫𝐞 𝐤𝐞𝐭𝐞𝐤𝐚 𝐌𝐨𝐤𝐞𝐭𝐞 𝐨𝐚 𝐍𝐲𝐨𝐥𝐨𝐡𝐞𝐥𝐨 𝐞𝐚 𝐌𝐨𝐫𝐞𝐧𝐚 𝐉𝐞𝐬𝐮 𝐋𝐞𝐡𝐨𝐥𝐢𝐦𝐨𝐧𝐠 (𝐀𝐬𝐜𝐞𝐧𝐬𝐢𝐨𝐧 𝐃𝐚𝐲).

Letsatsi lena le re hopotsa ha Jesu Kreste a nyolohela leholimong kamora tsoho ea hae, a phethela thomo ea hae lefatsheng le ho bula tsela ea bophelo bo sa feleng bakeng sa rona.

Pele a nyoloha, Morena Jesu o ile a siea molaetsa oa tšepo le tumelo, a re:

“Ke tla ba le lona ka matsatsi ’ohle ho isa bofelong ba lefatše.” ✨

Kajeno re memeloa ho tsoela pele ho phela tumelong, ho ba lipaki tsa lerato la Molimo, le ho boloka tšepo ea bophelo bo sa feleng. 🙏

𝐋𝐢𝐭𝐡𝐨 𝐭𝐬𝐚 𝐊𝐨𝐩𝐚𝐧𝐨 𝐞𝐚 𝐉𝐨𝐬𝐞𝐟𝐚 𝐞𝐚 𝐇𝐚𝐥𝐚𝐥𝐞𝐥𝐚𝐧𝐠 𝐥𝐢𝐚 𝐚𝐦𝐨𝐡𝐞𝐥𝐨𝐚

Ebile thabo le monyaka Pelo e Tlotlehang, Ha Seleso, ka Sontaha sa la, 10/05/2026, ha litho tsa kopano ea Bara ba Josefa ea Halalelang li ne li hlahisoa kapele ho phutheho le amoheloa kamora ho khutla boikhutsong, Roma, Ha 'MaJesu.

Kananelo ena e etsahetse limiseng tsohle tsa Parish. Ke hona mona moo ba bileng ba thatoloha ho qhatsetsa bakriste ka kopanong ena; ho thehoa ha eona, sepheo, mebala ea seaporo, 'moho le seo mebala eo e se bolelang.

Ruri, ka Josefa ea Halalelang, re lokisetsa Molimo malapa a Sekriste.

Re le Pelo-e-Tlotlehang RCM, re motlotlo ruri ke Bo-ntate bao e leng litho tsa kopano ena e ncha.

🌸 𝐌𝐚𝐨𝐛𝐚𝐧𝐞, 𝐥𝐚 𝟏𝟎 𝐌𝐨𝐭š𝐞𝐚𝐧𝐨𝐧𝐠 𝟐𝟎𝟐𝟔, 𝐫𝐞 𝐤𝐞𝐭𝐞𝐤𝐢𝐥𝐞 𝐋𝐞𝐭𝐬𝐚𝐭𝐬𝐢 𝐥𝐚 𝐁𝐨-’𝐌’𝐞 𝐤𝐚 𝐭𝐡𝐚𝐛𝐨 𝐞 𝐤𝐡𝐨𝐥𝐨.

Maobane re bile le monyetla oa ho hlohonolofatsa bo-’m’e ba kereke, re leboha lerato, tlhokomelo le boitelo boo ba bo bontšang letsatsi le letsatsi malapeng le ka hare ho kereke.

Bo-’m’e ke mpho e kholo e tsoang ho Molimo — ke bona ba rutang lerato, tumelo le mamello. Re ba ananela le ho ba lakaletsa mahlohonolo le mohau o tsoang ho Molimo. ❤️🙏

𝗥𝗲 𝘁𝘀𝗼𝗲𝗹𝗮 𝗽𝗲𝗹𝗲 𝗿𝗲 𝗹𝗮𝗸𝗮𝗹𝗲𝘁𝘀𝗮 𝗯𝗼-’𝗺’𝗲 𝗯𝗼𝗵𝗹𝗲 𝗟𝗲𝘁𝘀𝗮𝘁𝘀𝗶 𝗹𝗲 𝗺𝗼𝗻𝗮𝘁𝗲! 🌷