Expressions- Transformational Conversations

Tsoha u lo hlola, moratuoa 💪
Hoa rona ke ho lumela le ho etsa sohle se matleng a rona. Molimo ke eena Mophethahatsi Oa litoro tsa rona. Molimo a ke a atlehise merero ea hau! 🌸🤍🌸

Litloaelo tsa Mme ea phelang semelong sa hae se bonolo-
1. O tseba ho amohela.

Re qalile ka ho fola hobane ha pelo e lokolohile, liketso tse ling tsa ho khutlela bosaling li ba bonolo. Kajeno re tlo sheba ho amohela.

Bo mme ba bangata ha ba tsebe ho amohela ho tsoa ho batho ba bang kapa hona ho kopa thuso. Le ha motho a khotsoa botle feela, o sitoa ho leboha. Mme ea seng bonolong ba hae ha batho ba leka ho mo thusa o lula a re o hantle, haa hloke thuso. Le haa imetsoe haa kope thuso. Ka lebaka lena le batho ba mo potileng ha ba sa leka le ho mo thusa hobane ba tseba o matla. Joale qetellong oa khathala, a be a koate, ebe o bona eena a thusa batho empa batho ba sa mo thuse.

Aku ithute ho amohela thuso, limpho, chelete joalo joalo. Ha u ingoetsoe, kopa thuso. Ruta batho ba u potileng h**e u ka hloka thuso ho bona, u be u lebelle h**e ba u thuse. Haeba batho ba u potileng ha ba u thuse, feela uena u ba thusa, u potiloe ke batho ba fosahetseng, batla ba bacha, beo u ka ba tse’epang.

Hangata taba ena e bakoa ke ho phoqoa ke batho, empa kaha u folile, u motho ea fapaneng. Uena u somandla kapa u amohela thuso? Nna ke ntho eo ke ithutileng eona.

Bo mme le se le re ka March 2027 re ka sitoa ho tlatsa Manthabiseng Convention Center, Maseru? Re batleng mohlabolli a tlo bua le rona. Re batleng motho a tlo bua ka ho hola khoebong and in your career. Le motho a tlo bua le rona ka tsa lerato. Ke kopa u ngole na u ka eletsa ticket e be bokae u bo cho na e tsamae le lijo kapa che .

Ntho eo u e etsang ha u tsoha e laola h**e na letsatsi la hau le tlo ba joang. Hana ho ts’oara phone ha u bula mahlo. Hana! Ke tloaelo e mpe. Tsoha, rapela. Ha nako e le teng, bala Bible kapa u ngole merero ea hau fats’e. Reka buka e nyane eo u ngolang kahara eona pele u robala kapa ha u tsoha. Ngola litoro tsa hau, lithapelo kapa tsela eo u ikutloang ka eona.

U tla ikutloa kelello ea hau ha e phomola. U qala letsatsi u le ready. Ena ke e nngoe ea lintho tse u nolofatsang.
Tse ling tsa lintho tseo re tlo li etsa ekare li nyane feela li tlo re thusa haholo. Otoana la ngoana ngoanake! Hanyane hanyane!
🌸🤍🌸

Smile. Bonya. Ts’eha. Apara thabo le khotso.

Phuthulla sefahleho. Se ka sosobanya sefahleho seo sa hau. Tlamolla mokhakha. Mme, u motle ha u smiler moratuoa. Smile ke ntho e re etsang re be batle le hofeta make up. Se eketsa botle ba hau. Ho tloha tsatsing lena, ak’u be motho ea khanyang eo batho ba sa ts’abeng ho mo atamela.

Happy Friday bo Mme. 🌸❤️🌸

Tsatsing lena re folisa ngoana eo u neng u le eena bonyaneng ba hau. Lintho tse re etsahallang ha re le bana li bopa limelo tsa rona ebile maqeba a mangata a motho a tsoa bongoaneng.

Ha u le monyane ke eng eo u sa e fumanang feela eo u neng u lokela ho e fumana joaloka ngoana? Ana ke:
Ts’ireletso/ Ho ratoa/ Ho hlokomeloa/ Ho mameloa/ Ho tefisoa/ Ho babatsoa/ Ho khotsoa botle? Ke uena ea tsebang.

Joale ke kopa u koale mahlo, u bue le ngoana eo ea sa tholang seo a se hlokang ha a le monyane. U ntse a le teng kahare ho uena. Mo bitse ka lebitso kapa u mo reneketse. E re,’Ke ne ke ts’ohile. Ke ne ke sena mang oe! Ke ne ka sa utluisise na ho etsahala eng. Ke ne ke hloka motho sa moholo a nthusang. Ke ne ke Leka ka matla. Ke ne batla feela ba mpone.’

E be joale oa mo araba ngoanenoa a kahare ho uena. E re, ‘Nana, kea u utloa. Nthoena e etsahetse. U no sa sokolise. U no se likhathatso. U no le ngoana. E ne sa ts’oanela h**e e etsahetse nthoena.’

Ebe ho tloha kajeno, u its’oara ka tsela eo u neng u lakatsa e be u holisitsoe ka eona. Ipitse nnono. Ipitse nana. Ipitse baby girl. Ha u qeta ho hlapa u icheba ka seipone u re ‘Baby girl, u motle’. Ipehe pele. Ithate.

Molimo a ke a u folise moratuoa 🌸🤍🌸

Lefats’e le u nyefola ho lekana! Se ka ikahlola Kapa Oa inyefola le uena. Hoseng ho hong le ho hong, ipuise ka lerato. Bua bophelo o ikhopotse matla a hau. Hoseng hona e re:
• ‘Ke lokeloa ke lerato le tsohle tse ntle.’
• ‘Kea ithata. Ke ikatamela ka mosa le bonolo.’
• ‘Ke phela ka khotso le lerato.’

Ke lipolelo li fe tseo u itjoetsang tsona letsatsi le letsatsi ho ipha matla le ho bua bophelo bophelong ba hau?

Re hatela pele leetong la rona la ho fola mme kajeno re tlo sheba ho fola ka ho ikelelloa (self awareness). Ho ikelelloa ke ho icheba ka nnete. Sheba menahano, liketso, moo u leng matla le lintho tseo u lulang u li pheta hangata. Ha u ikelelloa, u se ke oa ikahlola. U se ke oa ikoatela empa u elelloe h**e o motho ea its’oarang joang. U ka se folise boemo boo u hanang h**e bo teng.

Ke lakatsa u ke u bue nnete feela. Ichebe e be Oa amohela h**e:
•Ke rata ho laola kapa
•Ha ke rate ho bua ka litaba tse thata kapa
•Ke rata ho rorisoa ke batho kapa
•Ke lula ke ipapisa le batho ba bang kapa
•Ke reka sekhotsi kapa
•Ha ke khone ho lula ke se kahara relationship kapa boits’oaro boo u tsebang ha boa nepahala feela u lula u bo etsa.

Joale ipotse h**e ‘Hobaneng ke etsa tje?’ Hangata ke ka lebaka la ntho tse sa etsahalang kapa tse etsahetseng. Mohlala: motho ea hotseng moo ho loanoang o ts’aba ho hanana le batho ka maikutlo. O bona eka e tlo ba ntoa. Motho ea babatsoang feela haa entse ntho e itseng, o utloa ekare o tlamehile ho Lula a thabisa batho h**e a bonoe. Ke motho ea rekang lerato. Mohlomong batsoali ba hau ba ne ba u joetsa h**e ngoana mohaisane oa u feta ka bohlale joale le ha u holile oa ipapisa. Ka nako e nngoe motho haa fumana lerato bonyaneng ba hae joale haa kholoe h**e motho a ka mo rata feela tjena. Oa ipotsa Motho enoa enoa ebe o batlang.

Ikelelloe ebe oa sheba ebe boits’oaro boo bo tsoa kae. E ka ba taba tsa ha u le monyane kapa u so ntso le moholo.

Hosane re tlo sheba na ha u qeta ho ikelelloa u ipholisa joang?

Let’s go out there and win, ladies! 🌸🤍🌸