Christian Study Center Colombo

📿අල්ටාග්‍රාසියා දේවමෑණියෝ 📿

📿අල්ටාග්‍රාසියා දේවමෑණියෝ 📿 අල්ටාග්‍රාසියා දේවමෑණියෝ කතෝලික මරිය බැතියතුළ , " ඩොමිනිකානු ජනතාවගේ ආරක්ෂක සහ ආධ්‍යාත්මික මාතාව" ලෙස ගෞරවයට පාත...

📿අල්ටාග්‍රාසියා දේවමෑණියෝ 📿
අල්ටාග්‍රාසියා දේවමෑණියෝ කතෝලික මරිය බැතියතුළ, "ඩොමිනිකානු ජනතාවගේ ආරක්ෂක සහ ආධ්‍යාත්මික මාතාව" ලෙස ගෞරවයට පාත්‍ර වී තිබෙන කන්‍යා මරියතුමියගේ නාමයකි. ඇගේ මංගල්‍යය දිනය ජනවාරි 21 වන අතර, එය ඩොමිනිකන් ජනරජයේ නිවාඩු දිනයකි. මෙදින ඩොමිනිකන් දේශය පුරා සිටින කතෝලික භක්තිකයින් බොහෝ දෙනෙකු ලා අල්ටාග්‍රාසියා පළාතේ පිහිටි දේවමාතා වහන්සේගේ බැසිලිකාව වෙත පැමිණෙති.
මංගල දිනය 1692 දී රදගුරුවරයෙකු විසින් නිල වශයෙන් පිහිටුවන ලද නමුත්, මෙම භක්තිය සියවස් එකක් හෝ දෙකක පමණ කාලයකට පෙර ආරම්භ වූ බවට සැකයක් නැත. මුඛ පරම්පරා සම්ප්‍රදායට අනුව ගෞරවයට පාත්‍ර වූ රූපය ස්පාඤ්ඤයේ තරුණ ගැහැණු දරුවෙකුට මරියා තුමිය පෙනී සිට ලබා දී ඇති බවත්, ස්පාඤ්ඤ ජාතිකයන් හිස්පැනියෝලා දූපතේ යටත් විජිතයක් පිහිටුවමින් සිටි අවස්ථාවේ සහෝදරයින් දෙදෙනෙකු විසින් එම චිත්‍රය එම දූපතට ගෙන එන ලද බවත්ය; තවත් සම්ප්‍රදායකට අනුව දූපතේ සිටි ගැහැණු දරුවෙකුට "අල්ටාග්‍රාසියා දේවමාතාව" පිළිබඳ සිහිනයක් දැක ඇති බවත්, එය ඇගේ පියාට එම රූපය සොයා ගෙන වර්ෂ 1500 සැල්වලියොන් ද හිගුයේ ගම්මානයට ගෙන ඒමට පෙළඹවූ බවත්ය. 1691 දී ප්‍රංශ හමුදාවකට එරෙහිව ස්පාඤ්ඤ-ඩොමිනිකානු හමුදාවක ජයග්‍රහණය සඳහා දේවමෑණියන්ගේ මැදිහත්වීම මත මෙතුමිය පිළිබඳ විශ්වාසය වඩා වර්ධනය වී ඇත.
අල්ටාග්‍රාසියා දේවමාතා රූපය රෙදි මත කරන ලද චිත්‍රයක් වන අතර, එය අඟල් දහතුනක් පමණ පළල සහ අඟල් දහඅටක් පමණ දිගය. එය දහහතරවන සියවසේ මුල් කාලයේ නොදන්නා ස්පාඤ්ඤ කලාකරුවෙකු විසින් චිත්‍රනය කර ඇති බව පෙනේ. එම චිත්‍රය රන්, එනමල් සහ වටිනා ගල් වලින් සාදන ලද විසිතුරු රාමුවක සවි කර ඇත. රාමුව නොදන්නා දහඅටවන සියවසේ විසූ ශිල්පියෙකු විසින් නිර්මාණය කර ඇති අතර, එය ඩොමිනිකානු රන් කර්මාන්තයේ හොඳම නිදසුන් වලින් එකක් ලෙස සැලකේ. සියවස් ගණනාවක් ඉටිපන්දම් දුම් සහ හැසිරවීම් වලට නිරාවරණය වීමෙන් පසු 1978 දී මෙය ස්පාඤ්ඤයේදී ප්‍රතිසංස්කරණ කටයුතු සිදු කරන ලදී.
චිත්‍රයෙහි ජේසු බිළින්දා, මරියතුමාය සහ ජුසේතුමා නිරූපණය කර තිබේ. බෙත්ලෙහෙමේ ගවමඩුවේ ගව ඔරුව තුළ ජේසු බිළින්දා තබා තිබෙන ආකාරය දක්වා ඇති නිසා එයින් ජේසුස් වහන්සේගේ උත්පත්ති දර්ශනය ඉදිරිපත් කරයි. එමෙන්ම කන්‍යා මරියාවන්ගේ මාතෘත්වය ද මින් අවධාරණය කර ඇත. චිත්‍රයේ බෙත්ලෙහෙම් තරුව ඇත. එයට තුඩු අටක් ඇති අතර ස්වර්ගය සංකේතවත් කරන අතර ගව ඔරුව දෙසට දිස්වන කිරණ දෙකක් ඇත. දේවමාතාවට ඉහළින් තරු දොළහක් ඇත. ඒවා ඊශ්‍රායෙල්හි ගෝත්‍ර දොළොස නියෝජනය කරන අතර එමෙන්ම නව ගිවිසුමේ අපෝස්තුළුවරුන් ද නියෝජනය කරයි. මරියතුමිය වටා දීප්තියක් ඇති අතර එය එළිදරව් 12:1 හි විස්තරයට අදාළව නිරූපණය කර ඇත..
අල්ටග්‍රාසියා දේවමාතාවගේ හිසේ කිරුළක් පළඳින්නේ ඇය ස්වර්ගයේ රැජින වන බැවිනි. ඇය රතු, සුදු සහ නිල් පැහැයෙන් වර්ණවත් වී සිටියි. විශේෂඥයින්ට අනුව, ඇය අලංකාර මිනිස් පුද්ගලයෙකු වන බැවින් රතු පැහැයෙන් හැඳ සිටින අතර; ඇය පාපයෙන් තොරව පිළිසිඳ ගත් කාන්තාවක් බැවින් සුදු පැහැයෙන් ද; නිල් සළුවක් ඇඳ සිටින්නේ "මහෝත්තමයාගේ බලය ඔබ වෙත පැමිණෙනු ඇත" (ලූක් 1:35 බලන්න) සහ ඇය ස්වර්ගයේ රැජින වන බැවිනි. දේව්මවුන්ගේ ඉදිරිපස ජේසු බිළින්දා නිරුවත්ව, පිදුරු මත නිදා සිටී. පිටුපසින් ශුද්ධවූ ජුසේතුමා සිටින අතර, රතු සළුවකින් සැරසී සිට වම් අතේ ඉටිපන්දමක් දරයි. මරියාවන්ගේ රූපය නමස්කාර ඉරියව්වෙන් නිරූපිත අතර, ඇගේ අත් චාප හැඩයට එකතු කර ඇත. ඇගේ පපුවේ ත්‍රිකෝණාකාර හැඩයේ සුදු පැහැති විදුලි කෙටීමක් වැනි දෙයක් ඇත -
මරියා තුමියගේ මුහුණ සැහැල්ලුවෙන් නිරූපණය කර ඇති අතර, ඇගේ ඇස් පහතට නැඹුරුවී තිබේ. එතුමිය තුළින් බැරෑරුම්කම හෝ දුක පෙන්නුම් නොකරන නමුත් සතුට සහ සාමය, භාවනාවක් වැනි ඉරියව්වක් පෙන්වයි. ඇගේ හිස ඇගේ උරහිස් දක්වා ළඟා වන තද නිල් පැහැති සළුවකින් සහ මුතු කිරුළකින් ආවරණය කර ඇත, එය ස්වර්ගීය රැජිනගේ තත්ත්වයේ සංකේත කරන්නකි. ඇගේ සළුව කුඩා තරු දහසයකින් පිරී ඇත.
20 වන සියවසේදී, මෙම භක්තිය ප්‍රවර්ධනය සඳහා ඩොමිනිකන් කොංග්‍රසය විසින් මෙතුමියගේ මංගල්‍ය දිනය නිල නිවාඩු දිනයක් බවට ප්‍රකාශයට පත් කරන ලදි. XI පයස් පාප්තුමාගේ ප්‍රකාශනයක් සහ 1979 සංචාරය අතරතුර ශුද්ධෝත්තම දෙවන ජුවාම් පාවුළු පාප්තුමා සිද්ධස්ථානයට පැමිණ මෙතුමිය වන්දනාමානයට පත් කිරීම සිදු කර ඇත.ෆ්‍රැන්සිස් පාප්තුමා ද වර්ෂ 2022 දී ඇයට ගෞරව කිරීම සඳහා රන් රෝසමලක් එවන ලදී.

✟✯🌷ශු. එලිසබෙත් ඈන් සිටන් මුනිවරිය 🌷✯ ✟ ශාන්ත එලිසබෙත් ඈන් සිටන් ඇමරිකා එක්සත් ජනපදයේ දයාවේ පැවිදි සහෝදරියන්ගේ නිකායේ නිර්මාතෘවරිය වේ. ඇය 1774 අගෝස්තු 28 වන...

✟✟ 𝟚𝟘𝟚5 ජනවාරි 4 ✟✟ දිනපතා සුපුවත පළමු වසර නත්තල් සමය 7 දෙවන සතිය ජනවාරි 4 නත්තල් සමයේ දෙවන සතිය පළමුවන දේව ප?කාශනය 1 ජොහාන් 3: 7-10 ජොහාන්ත`ම...

✟✯🌷ශු. ජෙනිවීව් මුනිවරිය 🌷✯ ✟ ජෙනීවිව් (Genevieve ක්‍රි ව. 419/422 AD - 502/512 දක්වා) යනු රෝමානු කතෝලික සහ නැගෙනහිර ඕතඩොක්ස් සම්ප්‍රදායන්හි පැරිසියේ නාම සාන්තුව....

✟✟ 𝟚𝟘𝟚5 ජනවාරි 3 ✟✟

✟✯ ශු. මහා බැසිල් මුනිතුමා ✯ ✟ සිසේරියාවේ බැසිල් මහා බැසිල් මහා බැසිල්, මහා බැසිල්, ⲡⲓⲁⲅⲓⲟⲥ; 330, 379), කපදෝසියාවෙහි සිසේරියාවේ ජීවත් වූ රදගුරුතුමෙකි...

✟✟ 𝟚𝟘𝟚5 ජනවාරි 2 ✟✟

✟✯🌷පාරිශුද්ධ දේවමාතා මංගල්‍යය🌷✯ ✟ මරියාවන් සඳහා භාවිත කරන "දෙවියන් වහන්සේගේ මව" යන ව්‍යවවහාරයේ ඉතිහාසය තුන්වන හෝ හතරවන සියවස දක්වා ඈතට දිව යයි, නමුත...

Grade 10 Lesson 1

ගීතාවලිය 2 1 ජාතීන් විප්ලවයට සැරසෙනුයේ මන් ද?ජනතාවන් නිස්සාර කුමන්ත්‍රණ කරනුයේ මන් ද?2සමිඳාණන්ට ද එතුමන්ගෙන් අබිසෙස් ලත් නි.....