Beauty Tips Official

ලිපි අංක 103 💜
🥰 Solo Date එකක් යන එක වැදගත් වෙන්නෙ ඇයි🥰

ගෑනු ලමයෙකු ලෙස, තවත් කෙනෙකුගේ ආරක්ශාවක් නොමැතිව,නිදහස් ලෙස තමන්ටම කාලය* යෙදවීම විශේෂයි.
Solo Date එකක් යනවා කියන්නේ තනියම ඉන්න එකම නොවෙයි — *තමන්ටම ආදරය කරන එකයි* 💕

✨ *Solo Date එකක් යන්න කැමතිද? එහෙනම් මෙන්න එය සැලසුම් කරන හැටි:*

📍 ඔබට ලග පාරිසරික උද්‍යානයක් හෝ කැෆේ එකක්
තෝරන්න. නිදහස් ලස්සන තැනක් නම් වඩාත් හොදයි.
📖 ඔබේ කැමති පොතක් හෝ නව චිත්‍රපටයක් රැගෙන යන්න.
නැත්නම් Colour Book එකක්
🍰 රසවත් කෑමක් රසවිඳින්න.
🎶 සන්සුන් music එකක් අහල අවකාශය විදින්න
📸 ඔබේම මතකවලට ෆොටෝ එකක් තියාගන්න
✔️ඔබගේ ආරක්ෂාව ගැන හිතන්න. අනිවාර්යයෙන්ම
දුරකතනය චාජ් කරගන්න.
✔️ ඔයා කැමතිම දෙයක් මිලදී ගන්නත් අමතක කරන්න එපා.

💗 *Solo Dates මගින් ඔබට ලැබෙන්නා වූ වාසි:*

✅ ආතතියෙන් මිදෙන්න. Stress Release
✅ තමන්ව හොඳින් තේරුම් ගන්න
✅ ආත්ම විශ්වාසය වැඩි කරගන්න
✅ තමන්ටම ආදරය කරගන්න පුළුවන් බව හැමදාම සිහියෙන් තබාගන්න
✅සන්සුන්ව කල්පනා කිරීම

🌷 *ඔබේ සන්සුන් කාලය වෙනුවෙන් අදම Solo Date එකක් Plan කරලා බලන්න...* දැනටමත් Solo Date යන ලමයි අදහස් බෙදාගෙන යන්න.
💕

ලිපි අංක 102 🥰
💜 කොරල සහිත සමට (Scaly Skin) සමුදෙමු 💜

මෙන්න නිවැරදි Body Care Routine එක ✨

ඔබේ සමත් වියළිලා, කොරල වගේ පොතු යනවාද? මොනවා කළත් සමේ රළු බව යන්නේ නැද්ද? එහෙනම් මේ පෝස්ට් එක ඔයාටමයි! සමේ තෙතමනය රඳවාගෙන, මෘදු සමක් ලබාගන්න අනුගමනය කළ යුතු පියවර මෙන්න. 👇

🧴 1. නෑමේදී සැලකිලිමත් වන්න (Shower Routine)
• රස්නය අධික වතුර එපා: උණු වතුරෙන් නෑම නිසා සම තවත් වියළී යයි. මද උණුසුම් හෝ සාමාන්‍ය වතුර භාවිතා කරන්න.

• Mild Cleansers පමණයි: තද සබන් වර්ග වෙනුවට Moisturizing Body Wash එකක් හෝ Glycerin අඩංගු සබන් වර්ගයක් තෝරාගන්න.

• වැඩි වෙලාවක් නාන්න එපා: විනාඩි 10කට වඩා නෑමෙන් සමේ ස්වභාවික තෙල් ගතිය ඉවත් වේ.

✨ 2. මැරුණු සම ඉවත් කිරීම (Exfoliation)
සතියකට 1-2 වතාවක් සම Exfoliate කිරීම අත්‍යවශ්‍යයි.

• රසායනික සත්කාර: Lactic Acid හෝ Urea අඩංගු නිෂ්පාදන කොරල සහිත සමට ඉතා ගුණදායකයි.

• ස්වභාවික සත්කාර: සීනි සහ පොල්තෙල් මිශ්‍ර කර මෘදු ලෙස සම මත ස්ක්‍රබ් කරන්න.

💦 3. තෙතමනය රැකගන්න (Moisturizing)
නෑමෙන් පසු විනාඩි 3ක් ඇතුළත ලෝෂන් එකක් ආලේප කිරීම රහසයි!

• Heavy Moisturizers: කොරල සහිත සමකට සාමාන්‍ය ලෝෂන් එකකට වඩා Body Butter හෝ Body Cream එකක් වඩාත් සුදුසුයි.

• Body Oil: සම මතුපිට තෙතමනය "Lock" කරන්න පොල්තෙල්, ආමන්ඩ් ඔයිල් හෝ බේබි ඔයිල් ස්වල්පයක් භාවිතා කරන්න.

🛒 නිෂ්පාදන තෝරාගැනීමේදී මේවා ගැන බලන්න:
• Urea: කොරල සහිත සමකට තිබිය යුතුම ද්‍රව්‍යයකි.
• Ceramides: සමේ ස්වභාවික පටලය ආරක්ෂා කරයි.
• Hyaluronic Acid: සම ඇතුළතටම තෙතමනය ලබා දෙයි.
• Aloe Vera: සමේ කැසීම සහ දැවිල්ල අඩු කරයි.

🍏 අමතර උපදෙස්:
✅ දිනකට වතුර ලීටර් 3ක්වත් පානය කරන්න.
✅ කපු ඇඳුම් (Cotton clothes) ඇඳීමට උත්සාහ කරන්න.
✅ කොරල සහිත තැන් අතින් කැසීමෙන් හෝ ගැලවීමෙන් වළකින්න.
ඔබත් ඔබේ සමට ආදරය කරන්න පටන් ගන්න.

ලිපි අංක 101 💜Saffron Golden Milk 💜
🥰 ශරීරයට ගුණදෙන දිව්‍යමය පානයක්! ✨

රාත්‍රියේ සුවබර නින්දකට සහ ප්‍රතිශක්තිකරණය වර්ධනය කරගන්න කදිම රහසක් මෙන්න. නිවසේදීම ඉතා පහසුවෙන් මේ ගුණදායක Saffron Golden Milk එක හදාගන්නේ මෙහෙමයි. 👇

🛒 අවශ්‍ය ද්‍රව්‍ය:
• කිරි (එළකිරි, ආමන්ඩ් කිරි හෝ සෝයා කිරි) - කෝප්ප 1ක්
• කුංකුම (Saffron) - රේණු 4-5ක්
• කහ කුඩු - තේ හැඳි 1/4ක්
• කුරුඳු පොතු - කුඩා කැබැල්ලක් (හෝ කුඩු ස්වල්පයක්)
• ගම්මිරිස් කුඩු - ස්වල්පයක් (කහ වල ගුණය සිරුරට උරා ගැනීමට මෙය අත්‍යවශ්‍යයි)
• මී පැණි හෝ සීනි - රස අනුව

👩‍🍳 සාදාගන්නා ආකාරය:
1. කිරි රත් කරන්න: මුලින්ම භාජනයක් ගෙන කිරි කෝප්පය මද ගින්දරේ රත් කරන්න.
2. කුංකුම එකතු කරන්න: කිරි රත් වේගෙන එන විට කුංකුම රේණු ටික එකතු කර විනාඩි 2-3ක් හොඳින් හැඳි ගාන්න. එවිට කිරි වලට ලස්සන රන්වන් පැහැයක් ලැබේවි.
3. අනෙක් ද්‍රව්‍ය එක් කරන්න: දැන් මෙයට කහ කුඩු, කුරුඳු සහ ගම්මිරිස් කුඩු එකතු කර හොඳින් මිශ්‍ර කරන්න.
4. නිවා ගන්න: කිරි එක නටන පදමට එන විට ලිපෙන් බාගෙන මදක් නිවෙන්න හරින්න.
5. පැණි රස එක් කරන්න: අවසානයේ මී පැණි හෝ සීනි එකතු කර උණුසුම්ව පානය කරන්න.

💡 මෙහි ඇති ප්‍රයෝජන:
✅ සුවබර නින්දක් ලබාදෙයි.
✅ සම පැහැපත් කර රන්වන් පැහැයක් ලබා දෙයි.
✅ ප්‍රතිශක්තිකරණ පද්ධතිය ශක්තිමත් කරයි.
✅ මානසික පීඩනය අඩු කරයි.
අදම හදලා බලලා රස කොහොමද කියලා අපිට කියන්න! 😍☕

කෝ බලන්න Choco Lovers ලා ටික ❤️❤️

😁😁

මේ සේරම එක පාර කලොත් බත් කාඩ් එක කැන්සල් වෙයිද ඇත්තටම 🤔🤔

Elegance Fancy Outlet
Your Cosmetics Store....

🌹Girls Fashion and trendy Dress....🌹🌹

Beauty Tips Official

🥳🥳ලිපි අංක 100 🥳🥳
🌹ඔබගේ සමට සුදුසු රූපලාවණ්‍ය නිශ්පාදන තෝරාගමු🌹

ඔන්න අපේ Beauty Tips Official සමූහයේ 100 වෙනි පෝස්ට් එක අද පල කරන්න සූදානම්. එහෙනම් යමු අද අපේ මාතෘකාවට. කෙල්ලො කොල්ලො භේදයකින් තොරව ලස්සන වෙන්න කියලා බලාපොරොත්තුවෙන් විවිධ රූපලාවණ්‍ය නිශ්පාදනයන් එදිනෙදා ජීවිතේ දී භාවිතා කරනවා. අද මම මේ ලිපියෙන් ඔයාලට කියලා දෙන්නේ අපට සුදුසුම ආලේපන තෝරා ගන්නේ කොහොමද යන්න පිළිබදවයි.

👉 ඇයි අපි රූපලාවණ්‍ය නිශ්පාදන තෝරා ගැනීමේදී සැලකිලිමත් විය යුත්තේ?
�යම් ආලේපයක් තෝරා ගැනීමේදී තමන්ගේ සමෙහි ස්වභාවය ගැන අවබෝදයක් තිබීම අනිවාර්යයි. ඒ වගේම තමන්ට කිසියම් ආලේපයක් අවශ්‍ය වන්නේ ඇයි කියලත් ඔබ දැන ගන්න ඕනා. ඒ වගේම ඔබ භාවිතා කරන්න බලාපොරොත්තු වෙන නිශ්පාදන වල ගුණාත්මක භාවය ගැන මනා අවබෝධයක් තියෙන්න ඕනි. නැත්නම් ලැබෙන ප්‍රතිපලය නරක වන්නට පුලුවන්.

👉 මොනාද ආලේපන වල අන්තර්ගත වෙලා තියෙන්නෙ?
�ආලේපන බොහොමයක්ම කෘතිමව නිශ්පාදනය කරන නිසා රසායනික ද්‍රව්‍ය වලින් පිරිලා තියෙන්නෙ. එහෙත් බොහෝ දෙනෙක් ඒ ගැන සැලකිලිමත් නැහැ. මේ ද්‍රව්‍ය අතර ලැනොලින්, පෙට්ට්‍රෝලියම් ජෙලි, පැරෆින් ඉටි, ඛණිජ වර්ග, සල්ෆේට්, phynoxiethanol , රසදිය, විවිධ රසායනික දව්‍ය සහ විටමින් වර්ගද භාවිතා වනවා. ඒ වගේම සමහර ශාක කොටස් ද භාවිතා වෙනවා. ඇරෝමා කියන්නෙ ඒ වගේ සම්පූර්නයෙන්ම ශාක සාර වලින් නිශ්පාදනය වන ආලේපනයක්. මේ නිසා මින් තමන්ගේ සමට ඇතිවන හිතකර අහිතකර තත්වයන් ගැන ආලේපනයක් මිලදී ගැනීමට පෙර සැලකිලිමත් විය යුතුයි.

අපි ලස්සන වෙන්න කියලා බලාපොරොත්තුවෙන් විවිධ රූපලාවණ්‍ය නිශ්පාදනයන් එදිනෙදා ජීවිතේ දී භාවිතා කරනවා. අද අප මෙම ලිපියෙන් ඔබ වෙත ගෙන එන්නේ අපට සුදුසුම ආලේපය තෝරා ගන්නේ කොහොමද යන්න පිළිබදවයි.
ඇයි අපි රූපලාවණ්‍ය නිශ්පාදන තෝරා ගැනීමේදී සැලකිලිමත් විය යුත්තේ?�යම් ආලේපයක් තෝරා ගැනීමේදී තමන්ගේ සමෙහි ස්වභාවය ගැන අවබෝදයක් තිබීම අනිවාර්යයි. ඒ වගේම තමන්ට කිසියම් ආලේපයක් අවශ්‍ය වන්නේ ඇයි කියලත් ඔබ දැන ගන්න ඕනා. ඒ වගේම ඔබ භාවිතා කරන්න බලාපොරොත්තු වෙන නිශ්පාදන වල ගුණාත්මක භාවය ගැන මනා අවබෝධයක් තියෙන්න ඕනි. නැත්නම් ලැබෙන ප්‍රතිපලය නරක වන්නට පුලුවන්.

ඒ වගේම අවුරුදු 18 අඩු අයට විවිධ ආලේපන අවශ්‍ය වන්නේ නැහැ. ඒ අයට හොද ෆේස් වොශ් එකක් හෝ ක්ලෙන්සර් එකක්, සමේ ස්වභාවය අනුව මොයිස්චරයිසර් එකක්, සන්ක්‍රීම් එකක් හා ලිප්බාම් එකක් පමණක් භාවිතා කැමතිනම් භාවිතා කිරීම ප්‍රමාණවත්. අනවශ්‍ය පරිදි ආලේපන භාවිතය නිසා සම එල්ලා වැටීම, අව පැහැ වීම, ආසාදන මතුවීම වැනි තත්වයන් ඇති වීමට හැකියි.

🌸සමට අනුව ආලේපන තෝරා ගැනීමේදී🌸
* වියලි සමට�වියලි සමක් ඇති අයෙක් නිරතුරුවම තෝරාගත යුතු වන්නේ ක්‍රීම් බේස් නිශ්පාදන වර්ගයි. ඒ වගේම මෙයාලට Normal To Dry සම සදහා නිර්දේශ කරන ලද නිශ්පාදන භාවිතා කිරීමට පුලුවන්.

* සාමන්‍ය හෝ මිශ්‍ර සමට�ලික්විඩ් හෝ ක්‍රීම් බේස් ආලේපන මෙවැනි සමක් ඇති අයට වඩාත්ම සුදුසුයි. මෙයාලට Normal To Combination Skin එකට එන නිශ්පාදන භාවිතා කරන්න පුලුවන්.

* තෙල් සහිත සමට�මෙවැනි සමක් අයට සුදුසු වන්නේ වෝටර් බේස් සහ ජෙල් ෆේස් ආලේපන වර්ගයි. ඒ වගේම Normal To Oily ස්කින් ලෙස ඇති නිශ්පාදන භාවිතා කිරීම වඩාත් සුදුසු වෙන්නෙ.

* කුරුලෑ හෝ වෙනත් රෝග ඇති සමට�මෙවැනි ආසාදන තිබෙන අය වෛද්‍ය හෝ රූපලාවන්‍ය ශිල්පී උපදෙස් මත ආලේපන තෝරාගැනීම තමා වඩාත්ම සුදුසු වෙනවා.ඒ වගේම ඒවා අඩුකර ගැනීමට සහ පාලනය කිරීමට අවශ්‍ය නිශ්පාදන භාවිතය වැදගත් වෙනවා.

විශේෂයෙන් ම සම සුදු කර ගැනිම සදහා භාවිතා කරන රූපලාවණ්‍ය නිශ්පාදන බ්ලීචින් ක්‍රීම් සහ home made නිශ්පාදන භාවිතයෙන් වැලකී හොද සන්නාම නාමයක් යටතේ ඇති නිශ්පාදන භාවිතයට හුරු වෙන්න.

‼️ උපදෙස් පිලිපදින්න.�සෑම නිශ්පාදනයක් සමගම නිශ්පාදකයා උපදෙස් මාලාවක් නිකුත් කරනවා. ඉතින් ඒත් බොහෝ දෙනෙක් එම උපදෙස් මාලාව කියවන්නේ නැහැ. ඒම නිසා මුලින්ම කලයුත්තේ ඒ උපදෙස් මාලාව කියවීමයි. නොමැතිනම් එම ආලේපනයෙන් ඔබ අපේක්ශා කරන උසස් ප්‍රතිඵල ලබා ගන්නට නොහැකි වේවි. ඒ වගේම ඔබ භාවිතා කරන රූපලාවණ්‍ය නිශ්පාදන නිසි පරිදි ගබඩා කර තැබීමත්, කල් ඉකුත් වෙන දිනයක් ගැන කල්පනාවෙන් සිටීමත්, කාමර උශ්ණත්වයේ තැබීමත් ගොඩක් වැදගත් වෙනවා. ඒ වගේම රූපලාවණ්‍ය නිශ්පාදන භාවිතයට කලින් ඔබගේ දෑත් පිරිසිදු කර ගැනීම වඩාත් වැදගත් වෙනවා.

Beauty Tips Official
Suba Dissanayake
කතෘ අයිතිය සුරකින්න.

ලිපි අංක 99 🌹🌹
🌷නිවැරදි සනීපාරක්ෂක පෑඩ් තෝරා ගන්නේ කොහොමද 🌷

හායි ලමයි අද ලිපිය ඔයාලා මගෙන් ඉල්ලපු ලිපියක්.
එහෙනම් යමු මාතෘකාවට.ඔබට ඔසප් වීම ඇති වූ විට, ඔබේ සනීපාරක්ෂක පෑඩය කාන්දු වීමකින් තොරව පැවතීම ගොඩක් වැදගත්. ඇත්ත වශයෙන්ම ඔබේ සුවපහසුව ඉතා වැදගත් වේ, ඉතින් අපි බලමු තමන්ට ගැලපෙන නිවරැදි සුවපහසු සනීපරක්ශක තුවායක් තෝරාගන්නේ කොහොමද කියලා ඒ වගේම තෝරා ගැනීමේදී අවධානය යොමු කළ යුතු වැදගත් කරුණු මොනාද කියලා.

🌹 හොඳ අවශෝෂණය
හොඳ සනීපාරක්ෂක පෑඩ් එකක ඇති වැදගත්ම අංගයක් වන්නේ කෙටි කාලයක් තුළ විශාල රුධිර පරිමාවක් අවශෝෂණය කර ගැනීමේ හැකියාවයි.පෑඩයට පීඩනය යොදන විට (උදාහරණයක් ලෙස වාඩි වී සිටින විට) ආපසු ගලා යාමේ අවස්ථාවක් ලබා නොදිය යුතුයි.

පිටවන රුධිරය පෑඩය මැදට අවශෝෂණය වේදැයි පරීක්ශා කිරීමට එක් ක්‍රමයක් නම් පෑඩ් මතුපිට ඇති රුධිරයේ වර්ණය නිරීක්ෂණය කිරීමයි.දීප්තිමත් හෝ නැවුම් වර්ණයක් ඇති අතර රුධිරය පෑඩයේ මතුපිටට සමීප වන අතර, ආපසු ගලායාමට හා තෙතමනය පැවතීමට හේතුවෙන්න පුලුවන් .අනෙක් අතට, වර්ණය අඳුරු රතු පැහැයක් ගනී නම්, මෙයින් අදහස් කරන්නේ රුධිරය කාර්යක්ෂමව පෑඩය ට උරාගැනීම සිදු වී ඇති බවයි. පෑඩ් මිලදී ගැනීමේදී cotton pads සහ Drytex pads නම් කොටස් දෙකකින් මිලදී ගන්න පුලුවන්. මගේ අත්දැකීම අනුව ඔයා දහවල් කාලයේ වැඩ කටයුතු වලට එලියට යන කෙනෙක් නම් Drytex Pads වඩාත් හොදයි. මක් නිසාද යත් cotton pads වලට වඩා හොද උරාගැනීමක් Drytex pads සතුයි.

🌹දිග සහ ප්‍රමාණය
ඔබේ ඔසප් වීම ආරම්භයේදී සාමාන්‍යයෙන් රුධිර පිටවීමකදීට වඩා වඩා බරයි, එබැවින් ඔබේ ප්‍රවාහය ඉක්මනින් හා කාර්යක්ෂමව අවශෝෂණය කර ගත හැකි පෑඩ් එකක් තෝරා ගැනීම අත්‍යවශ්‍ය වේ.

සනීපාරක්ෂක පෑඩ් දිවා හෝ රාත්‍රී ලෙස වර්ග කර ඇත. ඒ වගේම දිවා රාත්‍රී දෙකටම භාවිතා කල හැකි පෑඩ් ද ඇත. ඩේ පෑඩ්කෙටි වීම (12cm සිට 25cm දක්වා) සහරාත්රී පෑඩ්35cm හෝ ඊට වැඩි දුරක් දක්වා ගමන් කරයි. දිවා රාත්‍රී පෑඩ් බොහො විට 28 Cm වගේ වෙනවා. මෙම පෑඩ් වල දිග, මගින් එයට වැඩි තරල ප්‍රමාණයක් අවශෝෂණය කළ ගත හැකිය. රාත්‍රී පෑඩ් ඔබ නිදාගෙන සිටින විට පිටුපස කාන්දු වීම ඵලදායි ලෙස වැළැක්වීම සඳහා පුළුල් උකුල් ආරක්ෂක වැනි අමතර විශේෂාංග සමඟ පැමිණේ.සමහර පෑඩ් වලට ගැළපෙන පරිදි පැති එකතු කිරීම් ( Wings) සමඟද පැමිණේ.මෙය රාත්‍රිය පුරාම පැති කාන්දු වීම් වලක්වයි. මගේ අදහස අනුව දිවා සහා රාත්‍රී කාලයේ Wings සහිත පෑඩ් භාවිතයෙන් කාන්දුවීම් වලක්වා ඔබගේ යට ඇදුමට පෑඩය හොදින් ඇලවී තැබීමට උපකාරී වේ.

🌹ද්රව්යමය සුවපහසුව
සනීපාරක්ෂක පෑඩ් කපු හෝ ප්ලාස්ටික් දැල් වලින් සාදා ඇත.සෑම කෙනෙකුගේම සම වෙනස් වේ, එබැවින් ඇතැම් දේවල් සමඟ සුවපහසු තත්වය ද වෙනස් වේ.සමහර ගැහැණු ළමයින් මෘදු ස්පර්ශයකට කැමති අතර අනෙක් අය දැල් සහිත ඉහළ තට්ටුවකට කැමති විය හැකිය.

සමහර දෙපාර්තමේන්තුව විසින් කරන ලද සමීක්ෂණයකට අනුව, ඔබ සනීපාරක්ෂක තුවායක් පැළඳ සිටින විට, ඔබේ ශරීරයේ එම ප්‍රදේශයේ ආර්ද්‍රතා මට්ටම 85% හෝ ඊට වැඩි වේ.මෙම වෙනස සම තෙත්, වියලි සහ ඉතා සංවේදී බවට පත් කළ හැකිය. එමෙන්ම ඔබගේ පෑඩය පැය 4-5 කට වතාවක් අනිවාර්යයෙන්ම මාරු කිරීමට වග බලාගන්න. නිවරැදි ලෙස බැහැර කිරීමටද වගබලාගන්න.

මාසික ඔසප්වීම ඔබේ අපහසුතාවයට හේතු විය හැක. අනෙක් දිනවලදී තෙතමනය අඩු වන නමුත් ඔසප් දිනවලදී ඔබහේ ලිංගාශ්‍රිත ප්‍රදේශය නිතරම තෙතමනය සහිත විය හැකිය.ඔබ භාවිතා කරන සනීපාරක්ෂක පෑඩ් වෙත ඔබේ සම නිරන්තරයෙන් ඇතිල්ලීම නිසා ඔබේ සම රතු වී කැසීම ඇති කරන්න පුලුවන්. කාන්තාවන් අතර පවතින පොදු වැරදි මතයක් නම්, තම ලිංගික ප්‍රදේශයේ කුෂ්ඨ ඇතිවීම, කැසීම ඇතිවීම ඔසප් වීමේදී සියලුම කාන්තාවන්ට අත්විඳිය යුතු දෙයක් බවයි.සත්‍යය නම්, කපු ආකාරයේ සනීපාරක්ෂක පෑඩ් වලට මාරු වීමෙන් ගැටළුව ඉතා පහසුවෙන් සමනය කරගන්න පුලුවන්. නමුත් ඔබේ අවශ්‍යතාව මත Drytex Pads භාවිතයෙන් කාන්දුවීම් වලක්වාගැනීමට හැකිය. එයට පිලියමක් ලෙස නිවසේ සිටින සෑම විටම Cotton Pads භාවිතා කරන්න.

Beauty Tips official
(Suba Dissanayake )
කතෘ අයිතිය සුරකින්න

ලිපි අංක 98 🌹
රේසරය භාවිතයෙන් අනවශ්‍ය රෝම ඉවත් කිරීම නුසුදුසු වන්නේ ඇයි ?

හායි ලමායි...ඔන්න අද ගෙනාවෙ ගොඩක් වැදගත් මාතෘකාවක්. ඔයාලා සිරුරේ අනවශ්‍ය රෝම ඉවත් කිරීම සදහා බොහෝ විට විශේෂ උනන්දුවක් දක්වනවා .ඒ වගේම ඒ සඳහා විවිධ ක්‍රම උපයෝගී කරගන්නවා. බොහෝ දෙනෙක් රේසරය භාවිතයෙන් අනවශ්‍ය රෝම ඉවත් කිරීමට පෙලඹී සිටිනවා.ඉතින් ඒ පිළිබඳවයි මේ කතාව.

පාවිච්චියට පහසු මෙන්ම අඩු වියදමක්ද සහිත වීම නිසා අනවශ්‍ය රෝම ඉවත් කිරීමේදී බහුලව රේසරය තෝරා ගත්තත් එමගින් ඇතිවන අහිතකර ප්‍රතිඵල අප දැනෙගෙන සිටිය යුතු වෙනවා.ඒ වගේම රේසර් භාවිතා කිරීමෙන් වැලකෙන්න ඕනි.

1.කෙටිකාලීන වීම

රෝම වල මූලය ඉවත් නොවන නිසා නැවතත් ඉතා ඉක්මනින් රෝම මතුවීමේ හැකියාව තිබෙනවා.රේසරයෙන් කපා දැමෙන්නේ මතුපිට රෝම පමණයි.

2.ගොරෝසු බව දැනීම.

දිගින් දිගටම රේසර් කිරීමේදී සම ගොරෝසු වීමට තිබෙන හැකියාව වැඩියි.ඒ වගේම රෝම නැවත එසේ වෙද්දී කටු ඇනෙන ස්වභාවයක් ගන්නවා .ඉන් සමේ ගොරෝසු බව වැඩිවී පෙනෙනවා.

3.සම මත ඇතිවන වෙනස්කම්

දිගින් දිගටම රේසර් කිරීම නිසාවෙන් සම වියලී යෑමට තිබෙන ඉඩකඩ ඉතාමත් වැඩියි.
සම මත තද පැල්ලම් ඇති වීමට පුළුවන්.
සම සියුම් නිසා කැපී යාමේ මේ ඉඩකඩ ද ඉතාමත් වැඩියි.ස්ටෝබෙරි මාක්ස් ඇති වීමද සිදු වෙනවා.

රෝම ඉවත් කිරීමෙන් පසු ආසාදන තත්ව හා ආසාත්මිකතා බහුලව ඇතිවීම
කැසීම,රතුවීම ඇතිවීම නිසා බොහෝ වේදනාකාරී තත්වයන් ට මුහුණ දෙන්න වෙනව, ඒ තත්වය වර්ධනය වී දද (shaving rashes) වැනි තත්වයන් පවා සමේ ඇතිවීමට ඉඩකඩ තියනව. මීට අමතරව අසාත්මිකතාවන් ඇතිවීමේ හැකියාවක්ද තියනව.ඒ වගේම තුවාල වීම් පවා සිදු වෙන්න පුලුවන්.

සිරුරේ අනවශ්‍ය රෝම ඉවත් කිරීම සඳහා ඇති වෙනත් ක්‍රම මොනවාද ?

1.වැක්ස් භාවිතා කිරීම. https://www.facebook.com/105613561049708/posts/124276799183384/?extid=0&d=n වැක්ස් කිරීම ගැන මෙම ලිපියේ තියෙනවා.
2.රෝම ඉවත් කිරීම සඳහා ලේසර් ට්‍රීට්මන්ට් භාවිතා කිරීම.
3.රෝම ඉවත් කිරීමේ ක්‍රීම් වර්ග භාවිතය
4.නූල් භාවිතයෙන් ඉවත් කිරීම
5. ටුවිසර් කිරීම

( Beauty Tipa Official )
Suba Dissanayake

ලිපි අංක 97 🌷🌷
❤️ ඔසප් දිනයන් වල ඔබ සැලකිය යුතු කරුණු ❤️
හායි කෙල්ලනේ ඔන්න ගොඩ දවසකට පස්සේ තමා ඔයාලා වෙනුවෙන් ලිපියක් ගේන්න පුලුවන් උනේ. කාන්තාවන් විසින් අනුගමනය කළ යුතු ඔසප් සනීපාරක්ෂක පිළිවෙත් වල වැදගත්කම හා අවශ්‍යතාවය ගැන තමා අද කතා බහ. එහෙනම් යමු මාතෘකාවට.

ඔසප් වීම කියන්නේ නව යොවුන් වියට එළඹෙන විට තරුණියන් තුළ සිදුවන සාමාන්‍ය ජීව විද්‍යාත්මක ක්‍රියාවලියක්. ඒකෙන් කියවෙන්නේ ගැහැණු දරුවෙක් වැඩිහිටි තරුණියක් බවට වර්ධනය වීම ආරම්භ වෙනවා කියන එකයි. ඒ නිසාම ඒ අවස්ථාව විවිධ සංස්කෘතීන් ඇතුළේ, සමරනු ලබනවා. ඒත් තාමත් සාම්ප්‍රදායික මති මතාන්තර වල ගිලිලා ඉන්න සමහර අය හිතන්නේ මෙම ක්‍රියාවලිය ගැන කතා කිරීම ලැජ්ජාවට කරුණක් කියලායි. ඇත්තටම ඒක වැරදියි. ඒ වගේම ගැහැණු ළමයෙකුට ඔසප් දිනවලදී පුලුවන් තරම් විවේක ගන්නට ඉඩ දිය යුතු අතර ඇයව වෙහෙසට පත් නොකළ යුතුයි.

👉 පිරිසිදු කිරීම සහ ස්නානය කිරීම
ගැහැණු දරුවන් වගේම සෑම කාන්තාවක්ම ඔසප් කාලය තුළ පිරිසිදුව ඉන්න එක අනිවාර්‍යයි. ඒ නිසා නොවරදවාම මේ දින වල ගැහැණු දරුවන් ස්නානය කරන්න ඕනේ. ඒක ආසාදන වළක්වා ගැනීමට සහ රෝග වළක්වා ගැනීමට උපකාරී වෙනවා. සනීපාරක්ෂක තුවා වලින් හට ගන්න විශබීජ ශරීරයට ඇලී ආසාදන ඇති කරන්න පුලුවන් නිසා පිරිසිදුකම අත්‍යවශ්‍යයි. ඒ වගේම ඔබේ ශරීරයේ ලිංගික ප්‍රදේශ නිසි ලෙස සේදිය යුතු අතර විශේෂයෙන් උණුසුම් කාලගුණයක් ඇති කාල වල නිතරම පිරිසිදුව ඉන්න ඕනේ.

👉 සනීපාරක්ෂක තුවා මාරු කිරීම
සෑම පැය 4-6 කට පසුවම කාන්තාවන් සනීපාරක්ෂක තුවා මාරු කරන්න ඕනේ. මොකද ඔසප් වීමේදී ක්ෂුද්‍ර ජීවීන් විශාල ප්‍රමාණයක් සනීපාරක්ෂක පෑඩ් වලට එකතු වන නිසා ඒවා නියමිත වේලාවට බැහැර කරන්න ඕනේ. අනික උණුසුම් කාලගුණය ක්ෂුද්‍ර ජීවීන් වේගයෙන් වැඩි වීමට හේතු වෙනවා. ඒ නිසයි ඔබේ යෝනි ප්‍රදේශය පිරිසිඳු කිරීම ද අත්‍යවශ්‍ය වෙන්නේ. සනීපාරක්ෂක තුවා නිසියාකාරව තෝරා ගන්න හැටි ඊලග පෝස්ට් එකෙන් කතා කරමු.

👉 සබන් හෝ යෝනි සනීපාරක්ෂක නිෂ්පාදන භාවිතා නොකරන්න
විශේෂයෙන් ම ඔසප් කාලය තුල මේ නිශ්පාදන භාවිතය නුවණට හුරු නෑ. කොහොම වුණත් ඔසප් වීමේදී ස්වාභාවිකවම යෝනි මාර්ගය පිරිසිදු කිරීමේ යාන්ත්‍රණයක් ශරීරයට ඇති බව ඔයා දැන සිටියාද? ඒ නිසා ජලය පමණක් භාවිතා කර සේදීම වුණත් ප්‍රමාණවත්.

👉ප්‍රදේශය වියළිව තබා ගන්න
කාන්තාවක් ස්නානය කිරීමෙන් හෝ සේදීමෙන් පසුව පෞද්ගලික ප්‍රදේශය හොඳින් පිස දැමිය යුතු අතර යෝනි ප්‍රදේශය වියළිව තබා ගන්නත් ඕනේ. ටිශූ හෝ වෙනම සිනිදු තුවායක් භාවිතා කරන්න.ඒ වගේම පිරිසිදු යට ඇඳුම් ඇඳීමෙන් ආසාදන වළක්වා ගන්න පුලුවන්. යට ඇඳුම් එදිනෙදා පිරිසිඳු කරන්න. යෝනි ප්‍රදේශය වියළිව තබා ගැනීමෙන් එම ප්‍රදේශයේ දිලීර වර්ධනය වැළැක්වීමට උපකාරී වෙනවා. ඒ වගේ දවස් වලට කම්මැලි බවක් දැනුනත් ඔයාගේ ඔසප් සනීපාරක්ෂාව මග හරින්න එපා.

👉තුවා නිසි ලෙස බැහැර කරන්න
තමන්ගේ ඔසප් දිනයක් තුළ එක් තුවායක් පමණක් භාවිතා කිරීම සුදුසු නැහැ. අධික රුධිර ප්‍රවාහයක් පවතින දිනවල ඔයා නිරන්තරයෙන් සනීපාරක්ෂක තුවා වෙනස් කරන්න ඕනේ. කාණු හෝ වැසිකිළි තුළට කෙලින්ම පෑඩ් එක විසික් කරන්න එපා. එමගින් කාණු හා කොමඩ් අවහිර වෙනවා. එය බෑගයකට දාලා ගැට ගහලා කුණු බඳුනකට දමන්න. ඒවගේම සනීපාරක්ෂක පෑඩ් මාරු කිරීමෙන් පස්සේ ඔබේ අත් දෙක සේදීම ද අනිවාර්යයෙන් කරන්න.

Beauty Tips Official
කතෘ අයිතිය සුරකින්න.