Sanjeewa Ranasinghe

ශ්‍රී ලංකාවට අයත් පෞරාණික වටිනාකම් සහිත පෘතුගාලයේ තිබෙන දෑ නැවත ලබාදීමට මූලික අධ්‍යයනයක් සිදුකිරීම සඳහා ඒකාබද්ධ කමිටුවක් පිහිටුවීමට පෘතුගාල විදේශ අමාත්‍ය Paulo Rangel මහතා එකඟතාව පළ කර තිබෙනවා.

ඒ විදේශ කටයුතු අමාත්‍ය විජිත හේරත් මහතා සමග විදේශ කටයුතු අමාත්‍යංශයේ දී පැවැති නිළ සාච්ඡාවකදී.

පෘතුගීසි පාලනය සමය තුළ ශ්‍රී ලංකාවෙන් ගෙන ගිය පෞරාණික වටිනාකම් සහිත දෑ නැවත ලබාදීම පිළිබඳව අමාත්‍ය විජිත හේරත් මහතා කළ යෝජනාවට එකඟතාව පළ කරමින් Paulo Rangel මහතා ප්‍රකාශ කළේ මෙය පිළිගත යුතු යෝජනාවක් බවත් මේ සම්බන්ධයෙන් මූලික අධ්‍යයනයක් සිදු කිරීම සඳහා ඒකාබද්ධ කමිටුවක් පිහිටුවීමට එකඟතාව පළ කරන බවයි.

දැනට ශ්‍රී ලංකාව සහ පෘතුගාලය අතර අත්සන් කර ඇති සංස්කෘතික ගිවිසුම බලාත්මක කර මීට අදාළ සාකච්ඡා ආරම්භ කිරීමට ද විදේශ අමාත්‍යවරුන්ගේ අවධානය යොමුවුණා.

එමෙන් ම පෘතුගාලය සඳහා වීසා ලබාගැනීමේ දී ශ්‍රී ලාංකිකයන් නවදිල්ලයට යාමට සිදුවීම හේතුවෙන් මතුව ඇති අපහසුතා මගහරවා ගැනීමට පහසු යාන්ත්‍රණයක් සකස් කරන ලෙස ද අමාත්‍ය විජිත හේරත් යෝජනා කළා.

මේ සම්බන්ධයෙන් කරුණු සොයා බැලීමට Paulo Rangel මහතා පොරොන්දු වී තිබෙනවා.

දෙරටේ ඓතිහාසික සම්බන්ධතා සැලකිල්ලට ගනිමින් සංස්කෘතික හා මානව සබඳතා වර්ධනය කිරීමටත් විදේශ අමාත්‍යවරු දෙපළ අතර පැවැති මෙම නිළ හමුවේ දී සාකච්ඡා කෙරුණා.

පුනර්ජනනීය බලශක්තිය ඇතුළු ආයෝජන, වෙළඳ, හා සංචාරක ක්ෂේත්‍රෙය් සබඳතා තවදුරටත් වර්ධනය කරගැනීමටත් දෙරට අතර වැඩපිළිවෙලක් සකස් කිරීමට එකඟවීමත් මෙම සාකච්ඡාවේදී තීරණය වී තිබෙනවා.

තවදුරටත් මෙම සාකච්ඡාව අතරතුර දිට්වා සුළිකුණාටුවෙන් පසු හදිසි ආපදා සහන සැලසීම සඳහා පෘතුගාලය සිදුකළ උපකාර වෙනුවෙන් ද අමාත්‍ය විජිත හේරත් මහතා ස්තූතිය පළකළ සිටියා.

එමෙන් ම නැවත ගොඩනැගීමේ කාර්යයට තවදුරටත් පෘතුගාලයේ සහාය ශ්‍රී ලංකා රජය බලාපොරොත්තු වන බව ද අමාත්‍ය විජිත හේරත් මහතා අවධාරණය කළා.

ශ්‍රී ලංකා - ජපාන ආර්ථික සබඳතා නව මාවතකට යොමු කෙරෙන යෝජිත ශ්‍රී ලංකා–ජපාන අපනයන කාර්මික කොරිඩෝව (Export-Industrial Corridor) ස්ථාපිත කිරීමේ සැලසුම් ඉදිරියට ක්‍රියාත්මක කිරීම පිළිබඳ සාකච්ඡා කිරීමට ජපානයේ ඉහළ පෙළේ නියෝජිත පිරිසක් අද (17) පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වුණා.

ජපානයේ ආර්ථික, වෙළෙඳ සහ කර්මාන්ත අමාත්‍යාංශයේ ජාත්‍යන්තර කටයුතු පිළිබඳ උප අමාත්‍ය Takehiko Matsuo, ශ්‍රී ලංකාවේ ජපන් තානාපති Akio Isomata සහ ජපන්-ශ්‍රී ලංකා ව්‍යාපාරික සහයෝගීතා කමිටුවේ සභාපති Fumihiko Kobayashi යන මහත්වරු සහ ජපාන රජයේ සහ එරට කර්මාන්ත ක්ෂේත්‍රයේ ජ්‍යෙෂ්ඨ නියෝජිත පිරිසක් මෙම පිරිසට ඇතුළත් වුණා.

ජනාධිපති අනුර කුමාර දිසානායක මහතා පසුගිය සැප්තැම්බර් මාසයේදී ජපානයේ සිදු කළ රාජ්‍ය සංචාරයේදි පවත්වන ලද සාකච්ඡා අනුව මෙම යෝජිත ශ්‍රී ලංකා–ජපාන අපනයන කාර්මික කොරිඩෝව (Export-Industrial Corridor) ස්ථාපිත කිරීමේ සැලසුම් පිළිබඳ වැඩිදුරටත් සාකච්ඡා කිරීමට මෙරටට පැමිණෙන ලෙස කරන ලද ආරාධනය අනුව මෙම විශේෂ නියෝජිත පිරිස මෙරට සංචාරයක නිරත වනවා.

යෝජිත ශ්‍රී ලංකා–ජපාන අපනයන කාර්මික කොරිඩෝව (Export-Industrial Corridor) මගින් මූලිකවම අපනයන වෙළෙඳපොළ, ඉලක්ක කර ගත් නිෂ්පාදන සඳහා වන ආයෝජන ශ්‍රී ලංකාවට ආකර්ෂණය කර ගැනීමට අපේක්ෂා කෙරේ. මෙම වැඩපිළිවෙළ තුළින් දෙරට අතර ද්විපාර්ශ්වික සබඳතා තවදුරටත් ශක්තිමත් වනු ඇති බවත්, කලාපීය නිෂ්පාදන සහ අපනයන මධ්‍යස්ථානයක් ලෙස ශ්‍රී ලංකාවට ඇති පිළිගැනීම ඉහළ යනු ඇති බවත් මෙහිදී සඳහන් කළා.

ආයෝජන සම්බන්ධයෙන් ශ්‍රී ලංකාව කෙරෙහි ජපාන රජය සහ ව්‍යාපාරික ප්‍රජාව තුළ පැවති උනන්දුව දශකයකට ආසන්න කාලයකට පසු ජනාධිපති අනුර කුමාර දිසානායක මහතාගේ ජපාන සංචාරයෙන් අනතුරුව යළි පණ ගැන්වී තිබෙන බවද මෙහිදී අවධාරණය කෙරුණා.

වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍යාංශයේ ලේකම් කේ.ඒ. විමලේන්ද්‍රරාජා, ශ්‍රී ලංකා අපනයන සංවර්ධන මණ්ඩලයේ (EDB) සභාපති මංගල විජේසිංහ යන මහත්වරු ඇතුළු පිරිසක්ද මෙම අවස්ථාවට සහභාගී වී සිටියා.

ඉන්දීය අග්‍රාමාත්‍ය නරේන්ද්‍ර මෝදි මහතාගේ විශේෂ ආරාධනය අනුව 'AI Impact Summit 2026' සඳහා සහභාගිවීමට නවදිල්ලි නුවරට පැමිණ සිටින අතරතුර අද (18) පෙරවරුවේ ඇමරිකා එක්සත් ජනපද ජනාධිපති ඩොනල්ඩ් ට්‍රම්ප් මහතාගේ දකුණු සහ මධ්‍යම ආසියාව සඳහා විශේෂ නියෝජිත, ඉන්දියාවේ එක්සත් ජනපද තානාපති Sergio Gor මහතා හමු වීමි.

இந்தியப் பிரதமர் நரேந்திர மோடியின் விசேட அழைப்பிற்கு இணங்க, 'AI Impact Summit 2026' மாநாட்டில் பங்கேற்பதற்காக புதுடெல்லிக்கு விஜயம் செய்துள்ள நிலையில், இன்று (18) முற்பகல் அமெரிக்க ஜனாதிபதி டொனால்ட் ட்ரம்பின் தெற்கு மற்றும் மத்திய ஆசியாவிற்கான விசேட பிரதிநிதியும், இந்தியாவுக்கான அமெரிக்கத் தூதுவருமான செர்ஜியோ கோரை (Sergio Gor) சந்தித்தேன்.

While in New Delhi to attend the 'AI Impact Summit 2026', at the special invitation of Indian Prime Minister Narendra Modi, I met with US President Donald Trump's Special Representative for South and Central Asia and US Ambassador to India Sergio Gor this morning (18).