The Left

https://m.facebook.com/story.php?story_fbid=257362896943217&id=100080085251491&mibextid=Nif5oz

මාතර දිස්ත්‍රික්කයෙන්
ලංකාවේ පාර්ලිමේන්තුවට
තේරී පත්වූ ප්‍රථම විදේශ කාන්තාව

මේ ලංකාවේ පාර්ලිමේන්තුවට තේරී පත්වූ ප්‍රථම විදේශ කාන්තාවගේ විස්තරයෙන් බිඳක් පමණකි. එදා පරිප්පු මහත්තයා යයි හැඳින්වූ ඇන්. ඇම්. ගේ බිරිය වූ සෙලීනා පෙරේරා පිළිබඳ වැඩි විස්තර හෝ ඇයගේ චරිතාපදානය ප්‍රචලිත නොවූවත් මේ කියන ‘සුදු නෝනා’ පැරැන්නන් අතර ඉතා ප්‍රසිද්ධ නමකි.

ඇය ඩොරීන් වික්‍රමසිංහය. 1907 පෙබරවාරි 15 වැනිදා බි්‍රතාන්‍යයේ හෙවත් එංගලන්තයේ ඉපදී, 93 හැවිරිදි වියේදී එනම් 2000 මැයි 29 වැනිදා ලංකාවේදී මියගිය මේ සුදු කත ලංකාවට සිදුකළ අමරණීය සේවය අතිමහත්ය. තම උපන් භූමිය වූ හිරු නොබසින අධිරාජ්‍යයට නොව කලක් සුද්දන් අල්ලාගෙන සිටි භූමියේ මුළු ජීවිත කාලයම ගත කරමින් එම භූමියට ඇය උදාර සේවයක් ඉටු කළාය. දොස්තර සුගීශ්වර අබේවර්ධන වික්‍රමසිංහ හෙවත් දොස්තර ඇස්. ඒ. වික්‍රමසිංහ ලංකාවේ කොමියුනිස්ට් පක්ෂය ආරම්භ කිරීමේ පුරෝගාමියාය. දකුණේ අකුරැස්සේ අතුරලියේ නස්නාරන්කැටිය වලව්වේ ඉපදී ගාල්ලේ මහින්ද හා කොළඹ ආනන්ද විදුහල්වලින් අධ්‍යාපනය ලබා වෛද්‍ය විද්‍යාලයට ඇතුළත් වී වෛද්‍යවරයකු බවට පත්වී ලන්ඩනයට ගිය ඔහුගේ ජීවිතය පරිවර්තනයවූ හැටි අරුම පුදුමය.

ඇන්. ඇම්., කොල්වින් හා ලෙස්ලි ඔහුට ලන්ඩනයේදී හමුවූයේ ඔවුන්ද ඒ වනවිට එහි වැඩිදුර අධ්‍යාපනය ලබමින් සිටියදීය. එහිදී ඔහුට ඩොරීන් හමුවිය. ඩොරීන් හා සුගීස්වර ආදර අන්දරයට මුල පිරුණේය. ඇස්. ඒ. වික්‍රමසිංහ හෙවත් සුගීස්වර තම අධ්‍යාපනය නිමවා ලංකාවට පැමිණියේ විශේෂඥ වෛද්‍යවරයෙකු වශයෙනි. ඔහුගේ පෙම්වතිය වූ ඩොරීන්ද ලංකාවට පැමිණියාය. දෙදෙනා අතර විවාහය සිදුවිය.

ඩොරීන් යන්ග්, ඩොරීන් වික්‍රමසිංහ බවට පත්වුණේ මෙසේය. ඇන්. ඇම්. ලා ලංකා සමසමාජ පක්ෂය ඇරඹුවේය. ඇස්. ඒ. වික්‍රමසිංහ ලංකා කොමියුනිස්ට් පක්ෂය ඇරඹුවේය. මේ සමසමාජය සහ කොමියුනිස්ට් පක්ෂය එක කාසියක දෙපැත්ත වගේ යයි කිවහොත් එහි අසත්‍යයක් නැත. 1931 දී වමේ ව්‍යාපාරයෙන් රාජ්‍ය මන්ත්‍රණ සභාවට තේරී පත්වූ ප්‍රථම පුද්ගලයා මේ දොස්තර වික්‍රමසිංහය. 1900 අප්‍රේල් 13 වැනිදා ඉපදී 1981 අගෝස්තු 25 වැනිදා එනම් 81 හැවිරිදි වියේදී ඔහු මියගියේය.

ලංකාව පුරා රෝහල් රාශියක සේවය කරමින් මැලේරියා රෝගය වැලඳුන රෝගීන් සුවපත් කිරීම, මැලේරියාව රටින් තුරන් කිරීමට මෙන්ම නොදියුණු ගම් රාශියකට අධ්‍යාපන සෞඛ්‍ය ගමනාගමන කෘෂිකර්ම වාරිමාර්ග ආදී පහසුකම් ලබාදීමට මේ යුවළ ඉටුකළ සේවය අතිමහත්ය. අද දකුණේ මෙන්ම ලංකාවේද බොහෝදෙනාට මේ යුවළ රට දැය සමයට කළ සේවය අමතකය.

මාතර සුජාතා
ආනන්ද බාලිකා විද්‍යාලයේත් විදුහල්පතිනිය වශයෙන් ඩොරීන් ශ්‍රී ලංකාවේ අධ්‍යාපන ක්ෂේත්‍රයට කළ සේවය අපමණය. ඇයට කොළඹ විශාඛා විදුහලේද විදුහල්පතිනි තනතුර හිමිවූ නමුත් ඇය කොමියුනිස්ට් නායකයෙකු සමග විවාහවී සිටි නිසා එය අහිමි වී ගිය අයුරු ප්‍රකටය.

රටපුරා සිංහල බෞද්ධ පාසල්වල ඉංග්‍රීසි භාෂාව ඉගැන්වීම සඳහා ගුරුවර ගුරුවරියන් පුහුණු කිරීම ඉතා සාර්ථකව ඇය ඉටු කළාය. හැම රටකම පොපි මල් පිපෙන්නේ නැත යන කියමනට මුල්තැන දුන්නේ ඇයයි.1 වැනි ලෝක මහා යුද්ධයෙන් මියගිය සොල්දාදුවන්ගේ පවුල්වලට හා ආබාධිතවූවන්ට සහන සැලසීම සඳහා සුද්දන්
ඇරඹූ පොපි මල් ව්‍යාපාරයට එරෙහිව සූරියමල් ව්‍යාපාරයට මුල්තැන දුන්නේ මේ ඩොරීන්ය.

ඇය සුගීශ්වර සමග විවාහ වීමෙන් පසු ජනිත කළ දුවට සූරියා යන නම යෙදීමට මූලික හේතුව මේ සූරියමල් ව්‍යාපාරය විය හැක. පුතාගේ නම සුරේන්ය.

මෙහිදී තවත් විශේෂ යමක් සඳහන් කළ යුතුමය. 1952 මහ මැතිවරණයේදී දොස්තර ඇස්. ඒ. වික්‍රමසිංහ අකුරැස්ස ආසනය තම බිරිඳවූ ඩොරීන්ට බාරදී ඔහු හක්මන ආසනයට තරග කළේය. හක්මනදී සී. ඒ. ධර්මපාලට ඡන්ද 3162 කින් ඔහු පරාජයට පත්විය. සී. ඒ. ධර්මපාල ඡන්ද 15,762 ක් ලබාගනිද්දී ඔහු ලබාගත්තේ ඡන්ද 12,601 කි.

ඩොරීන් වික්‍රමසිංහ එම මැතිවරණයේදී තම පුරුෂයාවූ දොස්තර වික්‍රමසිංහගේ කිට්ටුම ඥාතියෙකු සමග තරග කොට අකුරැස්ස ආසනයේ මන්ත්‍රීවරිය වශයෙන් පත්වුණේ වැඩි ඡන්ද 1001 කිනි. ඇය ඡන්ද 16,626 ක් ලබාගනිද්දී සරත් විජේසිංහ ලබාගත් ඡන්ද සංඛ්‍යාව 15,625 කි.

දොස්තර ඇස්. ඒ. වික්‍රමසිංහ පරාදවී ගෙදර ගියේය. ඔහුගේ බිරිඳ ඩොරීන් ජයග්‍රහණය කොට පාර්ලිමේන්තුවට ගියේය. දොස්තර ඇස්. ඒ. වික්‍රමසිංහ තම ආසනය (අකුරැස්ස) තම බිරිඳට පූජා කළේ මෙසේය.


සිරී හීන්පැල්ල
ඡායාරූප අන්තර්ජාලය

https://m.facebook.com/story.php?story_fbid=256451250367715&id=100080085251491&mibextid=Nif5oz

අද දින නුගේගොඩ පැවති ශ්‍රී ලංකා පොදුජන වෘත්තීය සමිති මැයි දින රැළිය.

මේ සතියේ ඇත්ත.

පොම්පියෝ එක්ක එන MCC, SOFA රට මත පටවන්න එපා!