NPP Matara

“ප්‍රජා ශක්ති” දිළිඳු බව තුරන් කිරීමේ ජාතික ව්‍යාපාරයට සමගාමීව ක්‍රියාත්මක කෙරෙන “ගම් දහසක වැඩ දහසක් ව්‍යාපෘතිය” යටතේ මාතර දිස්ත්‍රික්යේ ප්‍රාදේශිය ලේකම් කාර්යාල 16 ම ආවරණය වන පරිදි වැඩසටහන් රැසක් අද (02) ආරම්භ කෙරිණි.
ප්‍රජා සංවර්ධන සභා මගින් හඳුනාගත් නිෂ්පාදන ආර්ථිකය, ආහාර සුරක්ෂිතතාව සහ ජීවනෝපාය සංවර්ධනයට සෘජුවම දායක වන ව්‍යාපෘති සඳහා රුපියල් මිලියන 948.26 ක ප්‍රතිපාදන වෙන්කර ඇති අතර, එම ගින් මාතර දිස්ත්‍රික්කයේ ව්‍යාපෘති 65ක් ක්‍රියාත්මක නියමිතය.
“ප්‍රජා ශක්ති – ගම් දහසක වැඩ දහසක්” වැඩසටහනේ මාතර දිස්ත්‍රික් සමාරම්භක උත්සවය අද (02) පෙරවරු 9.00ට අකුරැස්ස ප්‍රාදේශීය ලේකම් කොට්ඨාසයට අයත් මාරඹ, ඉදිකටුදෙනිය ප්‍රදේශයේ දි පැවැත්විය.
ඒහි දි ඉදිකටුදෙණිය ප්‍රදේශයේ ගොවි කාන්තා සමිතියේ ව්‍යසායකයින් වෙනුවෙන් හෙල ‌බොජුන් හලක් සඳහා මුල් ගල් තැබීය. එම ව්‍යාපෘතිය වෙනුවෙන් “ප්‍රජා ශක්ති – ගම් දහසක වැඩ දහසක්” වැඩසටහනෙන් රුපියල් 2,500,000ක් වෙන් කර ඇත.
එම අවස්ථාව සඳහා මාතර දිස්ත්‍රික් සම්බන්ධීකරණ කමිටු සභාපති, කර්මාන්ත හා ව්‍යාසායකත්ව සංවර්ධණ අමාත්‍ය සුනිල් හඳුන්නෙත්ති මහතා, මාතර දිස්ත්‍රිත් ලේකම් චන්දන තිලකරත්න මහතා, අකුරැස්ස ප්‍රාදේශිය සභාවේ සභාපති සමන් කුමාර සුරවීර මහතා, අකුරැස්ස ප්‍රාදේශිය ලේකම් කේ.ජී.ඩී.අනෝජා මහත්මිය ඇතුළු පිරිසක් සම්බන්ධ වී සිටියහ.

දික්වැල්ල ප්‍රාදේශීය සභාව මගින් සංවිධානය කරන ලද "වෙසක් බැති ගී මිය මියැසිය" රදම්පොළ නගරයේදී වෙසක් පොහෝ දින පැවැත්විණි.

ඌරුගමුව හා ඒ අවට ප්‍රදේශවල දහම් පාසල් හා පාසල් දූදරුවන් විසින් බක්ති ගීත ඉදිරිපත් කළ අතර විශාල පිරිසක් වෙසක් දිනයේ බක්ති ගීත ශ්‍රවණය කිරීමට පැමිණ සිටින ලදී

"ලවණ බාධකය'' හේතුවෙන් වගා හානියට ලක්වු නිල්වලා නිම්නයේ ගොවීන් වෙත වන්දි ප්‍රදානය කිරිම

අභාවප්‍රාප්ත වූ වැලිගම නගර සභා මන්ත්‍රී මනෝජ් උදයකර මහතාට පිං පිණිස මහා බත් දන්සලක් සහ සාංඝික දානයක්

හදිසියේ අප අතරින් සමුගත් වැලිගම නගර සභාවේ ගරු මන්ත්‍රී මනෝජ් උදයකර මහතාට පිං පැමිණවීම පිණිස සංවිධානය කරන ලද මහා සාංඝික දානමය පින්කමක් සහ බත් දන්සලක් වැලිගම නගරයේදී අතිසාර්ථක අන්දමින් පසුගිය (31) වනදා පැවැත්විණි.

​මෙම උදාර පුණ්‍යකර්මය මනෝජ් උදයකර මහතාගේ ඥාති හිතමිත්‍රාදීන්, වැලිගම නගර සභාවේ නගරාධිපති මොහොමඩ් අෆ්රාස් මහතා සහ නගර සභාවේ මන්ත්‍රී මණ්ඩලය ඒකාබද්ධව සංවිධානය කර තිබුණි. වෙසක් උත්සවයට සමගාමීව "දක්ෂිණා ප්‍රභා" රාජ්‍ය වෙසක් කලාපය යටතේ වැලිගම නගර සභාව විසින් පවත්වනු ලබන වෙසක් කලාපයට පැමිණි සැදැහැවතුන් උදෙසා මෙම මහා බත් දන්සල විවෘත කෙරුණි.
​
මහා සංඝරත්නය විෂයෙහි පැවැත්වුණු දානමය පින්කම සහ බැතිමතුන් වෙනුවෙන් පැවැත්වූ බත් දන්සල සඳහා බලශක්ති නියෝජ්‍ය අමාත්‍ය අර්කම් ඉල්ලාස් මහතා ද විශේෂ ආරාධිතයකු ලෙස සහභාගී වී සිටිනු දැකගත හැකි විය.
​
ප්‍රමුඛ පෙළේ සංචාරක පුරවරයක් වන වැලිගම නගරයේ පැවැති මෙම පින්කමේ තවත් සුවිශේෂී ලක්ෂණයක් වූයේ, ප්‍රදේශයට පැමිණ සිටි විදේශීය සංචාරකයන් ද මෙම ආගමික වතාවත් සහ දන්සල් කටයුතු සඳහා සහභාගී කරවා ගැනීමට සංවිධායක මණ්ඩලය කටයුතු කර තිබීමයි. ශ්‍රී ලාංකීය වෙසක් සංස්කෘතිය සහ දන්සල් සම්ප්‍රදාය අත්විඳීමට විදේශීය සංචාරකයන්ට මෙහිදී මහඟු අවස්ථාවක් හිමි වූ අතර, ඔවුන් ද ඉතා කැමැත්තෙන් යුතුව මෙම පින්කමට දායකත්වය දක්වන ලදී.

පිටබැද්දර ප්‍රාදේශීය ලේකම් කාර්යාලය, පිටබැද්දර ප්‍රාදේශීය සභාව, ශාසනාරක්ෂක බලමණ්ඩලය ඇතුළු ප්‍රදේශයේ සමස්ත රාජ්‍ය හා පෞද්ගලික ආයතන, වෙළඳ සංගම් සහ බැතිමතුන්ගේ දායකත්වයෙන් සංවිධානය කර ඇති "ශ්‍රී සදහම් උරුමය" මොරවක වෙසක් කලාපය විවෘත කිරීමේ මහෝත්සවයට සහ බැති ගී සරණිය වැඩසටහනට පිටබැද්දර ප්‍රාදේශීය සභාවේ සහභාගීත්වය පෙරදැරිව ඊයේ රාත්‍රියේදී පාර්ලිමේන්තු මන්ත්‍රි ල‍ාල් ප්‍රේමනාත්, පිටබැද්දර ප්‍රාදේශිය සභාවේ සභාපති කීර්ති වීරසිංහ සහභාගිත්වයෙන් සිදු වීය.
මොරවක නගර බෝ සමිඳුන් අභියසින් ඇරඹි මේ මහා පින්කම, ප්‍රදේශයේ සමස්ත ජනතාව තුළම නව බෞද්ධ ප්‍රබෝධයක් සහ ආත්මීය සංවේදනයක් ඇති කිරීමට සමත්ව තිබේ.
විශේෂයෙන්ම, මෙවර ‘’දක්ෂිණා ප්‍රභා’’ රාජ්‍ය වෙසක් මහෝත්සවය ඓතිහාසික මාතර පුරවරය කේන්ද්‍ර කරගනිමින් ජාතික මට්ටමින් උත්කර්ෂවත් අන්දමින් පැවැත්වෙන අතර, එයට සමගාමීව මොරවක නගරයේ සංවිධානය කර ඇති මෙම වෙසක් කලාපය ද රට තුළ නව ආගමික ප්‍රබෝධයක් ඇති කිරීමට මහඟු පිටුවහලක් සපයයි.
අපේ සංස්කෘතික හා ආගමික උරුමයන් මතු පරපුර වෙනුවෙන් සුරක්ෂිත කරන්නට කැපවන මොරවක නගර සණස බැංකුව, ත්‍රීරෝද රථ සංගමය, වෙළඳ සංගමය ඇතුළු සංවිධායක මණ්ඩලයටත්, පූර්ණ අනුග්‍රහය දැක්වූ නිල්වලා තේ කර්මාන්ත ශාලාව ඇතුළු සැමටත් මගේ හෘදයාංගම ස්තූතිය.!