Ranjith Munasinghe Media Unit

🔴 හැම මාධ්‍යවේදීයෙකුම ඔවුන්⁣ගෙන් අසනු ලැබුවේ එක පොදු ප්‍රශ්නයකි.

"ඔබට හිතෙන විදිහට කවුද ක්‍රිකට් සභාපති තනතුරට සුදුසු?"

🗣️ මුත්තයියා මුරලිදරන්-: "රොෂාන් මහනාම"
🗣️ චමින්ද වාස්-: "රොෂාන් මහනාම අව්‍යාජ මනුස්සයෙක්. මේ ක්‍රිකට් එක හදනවා"
🗣️ හෂාන් තිලකරත්න-: "මට අනිත් අය ගැන සහතික දෙන්න බැ මම දන්නේ එක්කෙනයි ඒ රොෂාන් මහානාම"
🗣️ මහේල ජයවර්ධන-: "මම කැමතියි රොෂාන් මහනාම සභාපති වෙනවා නම්"
🗣️ කුමාර් සංගක්කාර-: "දැනට සුදුසුම පුද්ගලයා ක්‍රිකට් වලට සම්බන්ධයක් නෑ. නමුත් ඔහු ආරාධනාවක් කළොතින් පිළිගනීවි ඒ රොෂාන් මහනාම"
🗣️ කුමාර් ධර්මසේන-: "මං හිතන්නේ සුදුසුම පුද්ගලයා මහානාම කතා දෙකක් නෑ"
🗣️ අරවින්ද ද සිල්වා-: "මගේ කැමැත්ත රොෂාන් මහනාම"
🗣️ රසල්ඩ් ආර්නල්ඩ්-: "ඉන්නේ එක්කෙනයි ඒ රොෂාන් මහානාම"
🗣️ මාවන් අතපත්තු-: "වෙන කවුද රොෂාන් මහානාම"
🗣️ අසංක ගුරුසිංහ-: "මං හිතන්නේ රොෂාන් මහානාම එය හොඳින් කළමනාකරණය කරාවී"
🗣️ උපුල් චන්දන-: "මං හිතන්නේ මහානාම"

ඉතින් තවත් කතා කුමකටද? මේ අන් කිසිවකු නොව, ක්‍රිකට් ක්‍රීඩාවේ සැබෑ ජීවගුණය සහ විනය රැකගත් ඒ අසහාය ක්‍රීඩක රොෂාන් මහනාමයි. ශ්‍රී ලාංකීය ක්‍රිකට් ක්‍රීඩාව යළිත් ගෞරවනීය මාවතකට ඔසවා තැබීමට නම්, මෙවන් යුග පුරුෂයෙකු කඩිනමින් ක්‍රිකට් සභාපති ධුරයට පත් කර ගැනීම කාලීන අවශ්‍යතාවකි!

ඔයාලා මොනාද හිතන්නේ

ගංවතුරෙන් නැත්තටම නැති උනු හලාවත සිරි සුජාතා පාසල අළුත් පාසලක් කල අපි ❤😍
ගංවතුරෙන් සම්පූර්ණයෙන්ම විනාශයට පත්වුන හලාවත කාකපල්ලිය සිරිසුමන විදුහල අපි නැවත අලුත්ම ආකර්ශනීය පාසලක් කලා.බලාපොරොත්තු සුන්වුන දරුවන්ට දෙමාපියන්ට ඇදුරු මඩුල්ලට නැවුම් බලාපොරොත්තු ඇතිකලා.ස්තූතියි යටියන විදුහලේ ගරු විදුහල්පති ඉන්දික මහානාම මහතා ඇතුලු සමස්ථ ඇදුරු මඩුල්ලට.අතිශය වෙහෙසකර කැපකිරීමක් කල අපේ සහෘර්ද ඔබ සැමට ජාති ජාතිත් පිං.දයාබර දරුවනි ඔබට නැතිවූ හැමදෙයක්ම ලබාදිය නොහැකි වුවද.අලුත්ම පාසලක් ලබාදෙන්නට හැකිවීම අප ලැබූ භාග්‍යයකි.

සුනාමියෙන් මියගිය සියලු දෙනා සිහිපත් කරමි....
ඔබ සැමට නිවන් සුව ලැබේවා 🙏...

මනුස්සකම ඔබේ දේශපාලන මතයට වඩා ඉහලින් තබා ගන්න. නැත්නම් ඔබ ගැන ඇතිවෙන්නේ අප්‍රසන්න හැගීමක් පමණි.

පුලුවන්නම් ලොකු උදවුවක්. බවුසර් තියෙන අය පුලුවන් තරම් වතුර අරගෙන හලාවතට එන්න.❤
Location ටික පලවෙනි comment එකේ.

ගංවතුර බැහැලා ගිහින් දවස් දෙකයි. ගෙදර තාම මඩ ගඳයි. අම්මයි තාත්තයි හරි හරියට ගේ ඇතුළේ පිරුණු මඩ හෝදනවා. බඩු මුට්ටු එළියට අදිනවා.
මේ කලබලේ අස්සේ කාටවත් දරුවා ගැන බලන්න සිහියක් නෑ. දරුවාටත් හරිම මහන්සියි, රස්නෙයි. "අම්මේ... ෆෑන් එක දාන්නද?" පුංචි පුතා අහනවා.

අම්මා මඩ හෝදන ගමන්ම, "හා හා.. දාගන්න පුතේ, පරිස්සමින්" කියලා උත්තර දෙනවා.

අම්මා හිතුවේ, "දැන් වතුර බැහැලනේ තියෙන්නේ, කරන්ට් එකත් ඇවිල්ලා, ඉතින් ප්‍රශ්නයක් නෑනේ" කියලා.

පුතා දුවගෙන යනවා බිත්තියේ තියෙන ස්විච් එක ළඟට. බැලූ බැල්මට බිත්තිය වේලිලා වගේ පේනවා. ස්විච් එකෙත් වතුර නෑ. පුතා එයාගේ පුංචි ඇඟිල්ල ස්විච් එකට තිබ්බා විතරයි...

"දඩස්!"

මහා හයියෙන් යමක් බිම වැටෙන සද්දයක් ඇහුණා. අම්මා දුවගෙන එනකොට දැක්කේ, තමන්ගේ රත්තරන් පුතා, ෆෑන් එකේ ස්විච් එකට අඩි ගාණක් එහායින්, ඇස් උඩ දාගෙන බිම වැටිලා ඉන්නවා.

"අනේ දෙවියනේ... වතුර බැහැලනේ තිබුණේ!"
මේක තමයි හැමෝම අහන ප්‍රශ්නය. "ගේ ඇතුළේ වතුර තිබුණේ නෑනේ, බිත්තියත් වේලිලා වගේනේ පෙනුනේ... එහෙනම් කොහොමද කරන්ට් එක වැදුණේ?"

මේක තමයි අපි නොදන්න "තෙත බිත්තියේ විද්‍යාව".

ඔබ හිතන් ඉන්නේ ගංවතුර බැස්ස ගමන් බිත්ති වේලෙනවා කියලාද? නෑ. අපේ ගෙවල්වල ගඩොල් සහ සිමෙන්ති කියන්නේ හරියට "ස්පොන්ජ්" (Sponge) එකක් වගේ දෙයක්.

ඇතුළ තාම තෙතයි: පිටතින් පාට වේලිලා වගේ පෙනුනට, බිත්තිය ඇතුළේ (ගඩොල් මැද) වතුර ලීටර් ගාණක් රැඳිලා තියෙනවා. මේ වතුර වේලෙන්න සති ගාණක්, සමහරවිට මාසයක් යනවා.

වයර් එකේ පරිවරණය (Insulation) ඉවරයි: වතුර පිරුණාම, බිත්තිය ඇතුළේ තියෙන වයර්වල ආරක්ෂිත ආවරණ (PVC) බාල වෙනවා.

ස්විච් එක ඕන නෑ: හොඳට මතක තියාගන්න. බිත්තිය තෙත නම්, ඔබට කරන්ට් එක වදින්න ස්විච් එකේ හිලට ඇඟිල්ල දාන්නම ඕන නෑ. ස්විච් එක වටේ තියෙන බිත්තිය ඇල්ලුවත්, තෙතමනය හරහා විදුලිය කාන්දු වෙලා (Leakage Current) දරුවාට වදිනවා.

දරුවෙක්ගේ සම හරිම සියුම්. ඒ වගේම එයාලා බිම (පොළව) උඩ පාවහන් නැතුව හිටගෙන ඉන්න නිසා, මේ විදුලි සැර වැදීම මාරාන්තික වෙන්න පුළුවන්.

අදම මේ දේ කරන්න (ප්‍රමාද වෙන්න එපා)
ගෙදර සුද්ද කරන එක හොඳයි. ඒත් ජීවිතේ ඊට වඩා වටිනවා.

මේන් ස්විච් (Main Switch) එක ගැන හිතන්න: ගෙදර වතුර යට වුණා නම්, වතුර බැස්ස පලියට මේන් ස්විච් එක ඔන් කරන්න එපා. අඩුම තරමේ දවස් කිහිපයක්වත් යනකල් විදුලිය පාවිච්චි නොකර ඉන්න.

පහළ ප්ලග් (Low Sockets) තහනම්: බිම ඉඳන් අඩි 2-3ක් උසින් තියෙන ප්ලග් පොයින්ට්ස් (TV, ෆ්‍රිජ් ගහන ඒවා) තමයි භයානකම. මේවා හොඳටම වේලෙනකල්, ඒවට "ටේප්" (Tape) අලවලා වහලා තියන්න. දරුවන්ට ඒවා අල්ලන්න දෙන්න එපා.

"ට්‍රිප් ස්විච්" (Trip Switch/RCD) එක විශ්වාසද?: වතුර ගැලුවට පස්සේ ට්‍රිප් ස්විච් එක ඇතුළේ මඩ පිරිලා හිරවෙලා තියෙන්න පුළුවන්. එතකොට කරන්ට් එක වැදුණත් ඒක ඕෆ් වෙන්නේ නෑ. ඒ නිසා, විදුලිය ගන්න කලින් දන්නා කෙනෙක් ලවා ට්‍රිප් ස්විච් එක වැඩද කියලා බලාගන්න.

රබර් සෙරෙප්පු: ගෙදර සුද්ද කරන මේ දවස් ටිකේ, ගේ ඇතුළේ වුණත් දරුවන්ට සහ ඔබට රබර් සෙරෙප්පු (Rubber Slippers) දාගෙන ඉන්න පුරුදු වෙන්න.

ඔබේ ගෙදර තාම තියෙන්නේ "අනතුරු කලාපයක". බිත්ති වේලෙනකල් ඉවසන්න. ඒ "ෆෑන් එකේ හුළඟ" නැති වුණාට කමක් නෑ, දරුවගේ හුස්ම ටික රැකගන්න.

මේ පණිවිඩය ගංවතුරෙන් පීඩා විඳින හැමෝම අතරේ බෙදාගන්න.

ස්තූතියි.
-හෙදියකගේ දිනපොත
උපුටා ගැනීමකි.

මේ ඉන්නේ වතුර නැතිව දවස් තුනකින් මුහුණවත් සෝදපු නැති දරුවො 🥺.
අපි ඊයෙ බෝතල්කල පානීය ජලයත් අරගෙන හලාවත ගියා.එක ලොරියක පොඩි ඉඩක් තිබුනා.අපේ කොල්ලො ටික එතෙන්ට ලීටර් 1000 ජල ටැංකියක් දාගත්තා.හරිම සන්තෝෂයි දවස් තුනකින් දත් මැදපු නැති මුහුණ සෝදපු නැති පොඩි දරුවො ටික නාවන්නත් හැමෝටම පුලුවන් විදියට මුහුණ සෝද ගන්නත් ඒ වතුර ටිකෙන් හැකිවුනා.ඒ ටැංකිය සදහා සදහා පිරිසිදු පානීය ජලය ලබාදුන් රත්කැකුලාව ප්‍රජා ජල ඒකකයේ සභාපතිතුමා ඇතුලු හැමෝටම පිං.දවස් ගානක් මහන්සි උන කොල්ලො ටිකට වගේම උපකාර කල හැමෝටම ගොඩක් පින් ❤🙏.

හක්මණ අපි අද පුත්තලම හා හලාවතට ❤💪.
අපිට පානිය ජලය නෑ පුලුවන් නම් ගෙනත් දෙන්න කියල හලාවත පුත්තලම ඉන්න අපේම ආදරණීය මිනිසුන් කල ඉල්ලීමකට දුර ගැන හිතන්නේ නැතිව අපි අද ගියා පුත්තලමට හා හලාවතට.
පානීය ජලය හා වියළි ආහාර පරිත්‍යාග කරන ඔබ සැමගෙන් කාරුණික ඉල්ලීමක් කරනව.පාරවල් අයිනේ මිනිස්සු වගේ ගම් ඇතුලට වෙන්න මිනිස්සු ඉතාමත් පීඩාවට පත්වෙලා ඉන්නවා.ඔවුන්ට පානීය ජලයවත් නෑ.පුලුවන් නම් ගම් ඇතුලට වෙන්න ඉන්න මිනිස්සුන්ටත් පුලුවන් තරම් උදවු කරන්න.
රටේ මිනිස්සු තනි වෙලා නෑ දකුණේ මිනිස්සු ඉන්නවා හයියට අල්ලගෙන.අදට විතරක් නෙමෙයි මේ ව්‍යසනෙන් රට ගොඩ එනකම්ම අපි ඉන්නවා හයියට අල්ලගෙන.පාට පක්ෂ කුළ මල ආගම් භේද නෑ මේ අපේම මිනිස්සු.වචනෙකින් හරි උදවු කරපු හක්මණ ,මුලටියන,පස්ගොඩ හැමෝටම ගොඩක් පිං ❤🙏.