Story wold

*°නිමක් නැති ආදරය💐🤍°*

°°|සීමාවන්ගෙන් තොර අවසානයක් නොමැති ආදර අන්දරය...|°°

⍤⍤━━━━━━━━━━━━━⍤⍤

~හැදින්වීම👉~

පුංචි කාලේ ඉදන්ම එකට සෙල්ලම් කරපු ගහ බැනගත්තු එකටම කාලේ ගෙවපු දෙන්නෙක් ටිකෙන් ටික ලොකු වෙද්දි ඈත් උනත් ධෛවයේ තියේනවනම් ඒ දෙන්නා එක්ක වෙනවා කියලා ඒ දේ වෙනවාමයි. ඉතින් මේ කතාවත් එහෙම එකක්.

නෙතුමි සෙහස්නා බන්ඩාර කියන්නෙ කැම්පස් යන ලස්සන ගෑණු ළමයෙක්.

නිම්න කනිශ්ක ලියනගේ කියන්නෙ පිස්සු හැදෙන රූපෙකට හිමිකම් කියපු බිස්නස් පැත්තට බර කඩවසම් පිරිමි ළමයෙක්.

වගීෂා කියන්නෙ නෙතුමි ගෙ හොදම යාලුවා.

⍤⍤━━━━━━━━━━━━⍤⍤

~පළමුවන පරිච්ඡේදය~

හිරු නැගෙද්දි මඳ හුළගත් එක්ක එන සීතල හැමදාම වගේ අපිව කම්මැලි කරනවා. ඒත් එළියට ගියාම තියෙන සැහැල්ලුව නිදහස මාරයි. කුරුල්ලන්ගෙ කිචිබිචිය උදේ පාන්දරම මනසට මාරම සැහැල්ලුවක් එක් කරනවා.

මේ හැම දේශගුණයක්ම එකම තැනකින් විදින්න හැම පැත්තකින්ම බෑ. නුවර කියන්නෙ නම් ඒකට කියාපුම තැනක්. නුවර එළිය පැති ගත්තොත් සීතලම විතරයි. පුත්තලම,කුරුණෑගල වගෙ පැති ගත්තොත් කට්ට අව්ව රස්නෙ විතරයි. ඒත් ඒ හැම එකක්ම එකම නගරෙකින් විදින්න නම් නුවර කියාපුම තැනක්.

ලස්සන කඳු වැටියකින් වටවුනු මාරම ලස්සන පරිසරයක් තියෙන, ඒ විතරක් නෙවේ දළදා වහන්සේගේ සෙවණත් තියෙන මේ පුංචි නගරයට සෙංකඩගල කියලා කියනවා. වැව රවුමේ ඇවිදිනකොට තියෙන නිදහසත් මාරයි. ඉතින් මං ජීවත් වෙන්නෙත් මේ පුංචිම පුංචි නගරේ තමා.

" ඒයි නැගිටපන් බන්..අඩො ගෑණියෙ..උබ තාම නිදිද..යකෝ හොදටම වෙලා ගිහින්..."
අම්මෝ ඒ ඝාන්ටාරේ සද්දෙ. හැමදාම ඉතින් ඒ ඝාන්ටාරේ සද්දෙට තමා මම ඇහැරෙන්නෙ.

" මොකද වදේ..නිදාගන්න දීපන්කො.."
මම ආපහු සීට් එකත් පොරවගෙන අනිත් පැත්ත හැරුනා.

" නැගිටපිය අඩි.."
දුන්නා නේද පස්ස රත්වෙන්න. ආව් ගෑණියෙ රිදෙනවා. මාත් මනුස්සයෙක්.

" ආව්..මෝඩි රිදෙනවා යකො.."
මං ගැස්සිලා ඇහැරුනා.

ඒ කවුද කියලා කිව්වොත් ඉතින් මගෙ වදකබාර හොදම යාලුවා වගීෂා. අර බෙට්ටි කියන්නෙ අන්න එයා. හිහී.. මෙ මිහිරි සුකුමාල ඝාන්ටාරෙට තමා හැමදාම මම ඇහැරෙන්නෙ. අපි දෙන්නම එකටම තමා ඉස්කෝලේ ගියෙත් ක්ලාස් ගියෙත්. කොහොම හරි ඉතින් කැම්පස් සිලෙක්ට් උනා.

එයා ඇවිත් ඉන්නෙ දැන් කැම්පස් යන්න ලෑස්ති වෙන්න කියන්න. එයා නම් ලෑස්ති වෙලා ඇවිත් තියෙන්නෙ. හැමදාම ඉතින් ඔහොම තමා මං නිසා පරක්කු වෙනවා.

" ආව් නෙවේ බලපන් ගිහින් වෙලාව කීයද කියලා..ඉක්මනට ලැහැස්ති වෙයන් නෙතුවෝ.."

" අඩෙහ් හොදටම පරක්කුයිනෙ.. ඇයි ඕයි කලින් ඇහැරුවේ නැත්තෙ.."
මහෙ වැරැද්ද තියාගෙන හැමදාම එයාට වැරැද්ද පටවනවා කියලා දන්න නිසාම වගීෂා කටවහන් හිටියා.

මං දඩිබිඩි ගාලා ඇදෙන් බැහැලා සොනික් වගෙ දිව්වේ බාතෲම් එකට. කොච්චර පරක්කු උනත් ඇඟේම ඉන්න අර ගායිකාවට ඉඩදීලා සිංදුවකුත් කියාගෙන ඇඟ සෝදගෙන ඇදුමක් දාන් පහළට ආවා. හදිස්සියට ඉතින් අහුවෙන එක ඇදන් දුවන සයිස් එකෙ මම හිටියෙ. බත් කන්නෙත් නැතුවම හන්දියටම අපි දෙන්නා එක්කම බස් එක අල්ල ගන්න ඔනි නිසා දිව්වා.

*මං ගැන කියන්න අමතක උනානේ. මම තමයි නෙතුමි සෙහස්නා බණ්ඩාර. වයස 23යි. කැම්පස් එකේ තර්ඩ් ඉයර් එකෙ ඉන්නෙ. ඒ ලෙවල් වලට A3ක්ම තියෙනවා. කොමස් නෙ කලේ. අයිලන්ඩ් රෑන්ක් 15. මං ඉතින් ආස මගේම කියලා. බිස්නස් එකක් පටන් ගන්න.

මහෙ කොන්ඩෙට නම් ගොඩක් අය ආසයි. දණහිස ලගටම තියෙනවා. මං කළුත් නෑ සුදුත් නැ. තලෙළුයි හොදද. ලස්සනයි කියලා නම් ගොඩක් අය කියනවා. අනේ මංදා ඒක දන්නෙ එයාලා තමා. මට නම් ඉතින් විශේෂයක් නැ. මොක්ද උදේ හවාම දකිනවනෙ මම මගෙ රූපේ කණ්ණාඩියෙන්.

" ඒ බන් නෙතූ.."
" ඇයි බන් කියපන්.."
මොනා කියන්න තටබනවද දන්නෑ මේකි.

" අදත් අර පොර ඉදී ද බන්.."
" මොන පොරද.."
" අර බස් එකේ එන්නෙ හැමදාම උඹෙ පස්සෙන්.."
" අනේ මංදා බන්..මළ ඇණයක් ඌ නම් දැන්.."

" අද එහෙම කරදර කරන්න ආවොත් අපි කොන්දට කියමු..ඌත් උබට ලයින් නෙ.."
වගීෂා හිනා වෙවී කියනවා. තෝ ඉතින් හිනාවෙයන් රිලවි.

" අනේ වගියෝ මේ කටවහගනින්..ඒකා ඔක්කොටම හපන්.."

" ඔතින් බන් ඔච්චර දුක්විදින්න ඕනද අච්චර වාහන කැටියක් ගෙදර තියෙද්දි..ඩ්‍රයිවර්ස්ලත් ඉද්දි. මොකට මේ බස් වල දුක් විදි විද යනවද මංදා උබ නම්..අනික ආන්ටි කැමතිත් නෑනේද බස් එකේ යනවට.."

" වාහන තිබ්බා කියලා ඒවගේ යන්න ඕන කියලා නියමයක් නෑනෙ..මට ඕන මහෙ නිදහස විදින්න..කාර් එකේ ගිහින් කාර් එකේම ඇවිත් කිසිම නිවහසක් තියෙනවද..පරිසරයවත් විදින්න පුළුවන් ද බෑනේ.."
" හරි ඉතින් උබ කියන ක්තාව ඇත්ත තමා..ඒත් බන් කැම්පස් එකේ උන් හිතනවා ඇති උබට සල්ලි නෑ කියලා.. ඔය වාහන වල එන එවුන් එහෙම.."
" ඉතින් හිතපුදෙන්..මම කාටවත් ඕන විදිහය ජීවත් වෙලා හරියන්නෙ නෑනෙ. ඇයි මම හැමෝටම පෙන්න පෙන්න යන්නෙ මට සල්ලි තියෙනවා කියලා..මොකටද..කාගවත් ප්‍රසිද්ධ කරන්න ඕන නෑනෙ ඒක.. එහෙම නෙද..?"
" හරි හරි මැඩම්..ඔය ඇති..උබ හරි..අන්න බස් එක එනවා.."
අපි දෙන්නම බස් එකට නැග්ගා.

ඉතින් මම වටපිට බැලුවෙ අර මනුස්සයා අදත් ඉන්නවද කියලා.

අප්පද බොල..?

මතු සම්බන්ධයි!
━━━━━━━━━━━━━━
ඒ පොර බස් එකෙ ඉන්නවද දන්නැනෙ😒💔 ඔන්න ගායිස් තව කතාවක් ගෙනාවා😫 මුල් කොටසෙ විතරයි හෑලි දිග ඡේද තියෙන්නෙ හොදෙ😁 අනිත් ඒවාට එච්චර නොදා ඉන්නම්😪 ලස්සනයි ද කියලා කියන්න කියවලා🥺💗 ආදරෙයි හැමෝටම බායි❤️‍🩹

කලින්ම කියන්නම් කොටස් විස්සයි කතාව😫♥