Life Beautiful
Share
Learn Live and Love
17/01/2026
💛මාසයක් සැලසුම් කිරීම වැදගත් වන්නේ ඇයි?💛
මාසයක් කියන්නේ අවුරුද්දක් ඇතුළත දොළොස් වතාවක් අලුත් වෙන කාල පරිච්ඡේදයක්. මාසික සැලසුම්වල ආකාර දෙකක් තියෙනවා.
1. අපේ දිගුකාලීන අරමුණුවලට අදාළ මාසික සැලසුම්
2. අපේ දෛනික කටයතුවලට අදාළ මාසික සැලසුම්
මේ ලිපියේ අවධානය දෙවන ආකාරයටයි.එහිදී, අපේ දෛනික කටයුතු මාසයකට අදාළව සැලසුම් කරගන්න අපිට පුළුවන්. අප අතරින් බහුතරයක්ම මාසිකව වැටුප් ලබන අය නිසා බොහෝවිට මාසික සැලසුම් ගොඩ නැගෙන්නේ අපේ වියදම් අංශය මූලික කරගෙනයි. ඒ කියන්නේ මාසිකව පරිභෝජන භාණ්ඩ මිලදී ගැනීම්, මාසික බිල්පත් ගෙවීම්, මාසික ඉතිරිකිරීම් ආදිය ඇතුළත් කරගත් මාසික මූල්ය සැලසුම් සකස් කරගන්නට බොහෝ අය පුරුදු වෙලා ඉන්නවා. මීට අමතරව අපේ දෛනික කටයුතු පහසුකර ගැනීමට වගේම ඒවා අතපසු නොවී කර ගන්නත් උපකාරී වන ආකාරයට අපිට මාසිකව සැලසුම් කර ගන්න පුළුවන් දේවල් බොහොමයක් තියෙනවා. පහත දක්වලා තියෙන්නේ ඒ වගේ අපේ දෛනික කටයුතු පහසු කරමින් අපිට මාසිකව සැලසුම් කරගන්න පුළුවන් අංශ කිහිපයක්.
1. මූල්ය සැලසුම – ආදායම, වියදම්, ඉතුරුම් සහ ආයෝජන සැලසුම
2. පරිභෝජන හා මිලදී ගැනීම් – මාසිකව අවශ්ය දේවල් මිලදී ගැනීමේ සැලසුම
3. නඩත්තු සහ පිරිසිදු කිරීම – නිවසේ නඩත්තු සහ පිරිසිදු කිරීම් කටයුතුවල සැලසුම
4. සෞඛ්යය සහ සනීපාරක්ෂාව – කායික හා මානසික සෞඛ්යය සම්බන්ධ සැලසුම
5. පවුල්, මිත්ර සම්බන්ධතා සහ විනෝදාස්වාදය –සම්බන්ධතා පවත්වා ගැනීම සහ විනෝද කටයුතු සැලසුම
6. වෘත්තිය හා අධ්යාපන දියුණුව – හැකියාවන් වර්ධනය සහ නව දැනුම ලබා ගැනීමේ සැලසුම
7. තමාටම වෙන් වූ කාලය – තමන්ට ම වෙන් වුණු, තමන් කැමති දේ කරන්නට කාලය වෙන් කර ගැනීමේ සැලසුම
මේ අංශ හත නිවැරදි ව සැලසුම් කර ගන්න අපිට පුළුවන් නම් අපේ ජීවිත ගොඩක් පහසු වේවී, අප අතින් වැදගත් දේ අතපසුවීම් සිදු නොවේවි, අපේ කාලය ගොඩක් ඉතිරි වේවි. ඒ වගේම අපේ දිගු කාලීන අරමුණු වෙත ළංවීමට උපකාරයක් වේවි.
11/01/2026
❤️සැලසුම්වලින් වෙහෙසට පත් නොවෙමු❤️
අලුත් වසරක් ආරම්භයේ දී අප අලුතින් දකින සිහින, අපේක්ෂාවන්, අරමුණු වෙත සැබැවින්ම ළඟා වෙන්න පුළුවන් වන විදියට සැලසුම් සකස් කර ගන්නේ කොහොමද?
අපේ සැලසුම්වලින් ම අප වෙහෙසට පත් නොවී, අනපේක්ෂිත කරදර බාධාවලින් වේදනාවට පත් නොවී, වසර පුරාම සෙමින් නමුත් ස්ථාවරව පියවරින් පියවර ඉදිරියට යෑමට පහත කරුණු ඔබට උපකාරී වේවි. 💛
1. එකවර සියල්ල නොව, එක පැහැදිලි දිශාවක් තෝරන්න
වසරේ මුල සිට අවසානය දක්වාම ඉලක්ක ගොන්නක් ඉටු කරගැනීමට උත්සාහ කිරීම අසීරු කාර්යයක්. ඒ වෙනුවට, මේ වසරේ ඔබට වැදගත්ම වෙනස්කම කුමක්ද කියලා හඳුනාගෙන, එම දිශාව ඔස්සේ පියවරින් පියවර ළඟා වීමට උත්සහ කරන්න.
2. විවේකයත් සැලසුමේ කොටසක් කරගන්න
අපි බොහෝවිට විවේකය කියන දේ අපේ සැලසුම්, කාල සටහන් තුළට ඇතුළු කර ගන්නේ නැහැ. නමුත් දිගු කාලීනව, ස්ථාවරව ඉදිරියට යන්න නම්, ජීවිතයට විවේකය අත්යවශ්යයි. විවේකය කියන්නේ අපේ දියුණුවට බාධාවක් ලෙස නොව, හති වැටෙන්නේ නැතිව දිගු ගමනක් යෑමට අත්යවශ්ය දෙයක් ලෙස දකින්න.
3. වේගවත් බව වෙනුවට අඛණ්ඩතාවය පවත්වා ගන්න
ඉක්මනින් ඉදිරියට යාමට උත්සාහ කිරීමෙන්, බොහෝ දෙනා වසරෙන් අඩක් ගෙවී යාමටත් පෙර වෙහෙසට පත්ව නවතිනවා. මන්දගාමීව වුවත්, අඛණ්ඩව හා නිරන්තරයෙන් තබන කෙටි පියවරවලිනුත්, ඔබට වසර අවසානය වන විට බොහෝ දුර යන්නට පුළුවන්.
4. ජීවිතයේ වෙනස් වීම් ගැන සිහි තබාගන්න
සැලසුම් කළ සියල්ලම ඒ විදිහටම සිදු නොවීම සාමාන්යයි.
අනපේක්ෂිත සිදුවීම්, කාලය, ශක්තිය, වගකීම් — මේ සියල්ල වෙනස් වෙන්න පුළුවන්.
එවැනි වෙනස්කම් අසාර්ථකත්වයක් ලෙස නොව, ජීවිතයේ ස්වභාවයක් ලෙස පිළිගන්නා විට, ඔබට නැවත සකස් වීමට පහසු වේ.
5. අත්හැර දමනවා වෙනුවට නැවතුණු තැනින් නැවත පටන් ගන්න
කොයි වෙලාවක හරි ඔබේ සැලසුම් වලින් ටිකක් ඈත් වුණා නම්, එයින් අධෛර්යයට පත් වීමට අවශ්ය නැහැ. නව ආරම්භයක් හැමවිටම ජනවාරි 1ට විතරක් සීමා විය යුතු නැහැ.
ඕනෑම මාසයක, සතියක, දිනයක සිට නැවත ඔබේ ගමන ආරම්භ කරන්න.
ජීවිතය අලුත් කර ගැනීම සහ සිහින සැබෑ කර ගැනීම, වෙහෙසකාරී විය යුතු නැහැ. එය සෑම කෙනෙක්ම එකම ආකාරයකින් කළ යුතුත් නැහැ. ඔබේම වේගයෙන්, ඔබේ අරමුණුවලට ඉඩ දෙමින්, ඔබට ගැලපෙන ආකාරයෙන් එය ඉටු කර ගන්න ඔබට පුළුවන්. 🌱
-Life Beautiful- 11.01.2026
09/01/2026
❤️අලුත් මාසයක්, අලුත් සතියක්, අලුත් දවසක් ❤️
2026 නව වසරේ දින 9ක් දැනටමත් ගෙවී ගොස් අවසන්.
සෑම නව වසරක්ම ආරම්භ වෙන්නේ අපේක්ෂාවන් රැසක් සමගයි.
නව වසර උදාවන විට බොහෝ දෙනා තමන්ගේ ජීවිතය අලුත් කරගන්න අදිටන් කරගන්නවා.
අයහපත් පුරුදු අත්හැරලා,
නව යහපත් පුරුදු එකතු කරගෙන,
නව සැලසුම්, දින චර්යා, කාල සටහන් සකස් කරගෙන
ජනවාරි පළමු දින සිට ඒවා අනුව ජීවිතය හැඩ ගස්වා ගැනීමට අපි උත්සාහ කරනවා.
නමුත් වසර පුරාම මේ උනන්දුව පවත්වාගෙන යන්නේ
ඒ අතරින් ඉතාම අතලොස්සක් පමණයි.
ඒ අතලොස්ස තමයි
වසරින් වසර තමන්ගේ ඉලක්ක හඹා යමින්, බලාපොරොත්තු සපුරා ගනිමින්, නව සිහින දකිමින් තමන් අපේක්ෂා කරන සාර්ථකත්වයට හා සතුටට ළඟා වෙන්නේ.
නමුත් බහුතරයක් දෙනාට, වාර්ෂික සැලසුම්, නැවුම් කරගත් ජීවන චර්යාවන් වසර පුරා පවත්වාගෙන යාමට නොහැකි වෙනවා.
නව වසර උදා වී මුල් මාස කිහිපය ගතවෙද්දී ඉලක්ක අතහැරී යනවා, නැවතත් පරණ පුරුදු ජීවිතයට හුරු වෙනවා.
ආපසු සැලසුම් ගැන හිතන්න පටන් ගන්නේ ඊළඟ නව වසර උදාව ළඟාවෙන විට.
ඒත් ඇත්තටම ජීවිතය අලුත් කරගන්න නව වසරක්ම අවශ්යද?
සමරහ විට ඒකට හේතුව, අපේ ජීවිතයේ වයස කියන ඉලක්කම,
මේ ගෙවිලා යන වසර සංඛ්යාව හා බද්ධ වී ඇති නිසා වෙන්න පුළුවන්.
අපි බොහෝ විට අමතක කරන වැදගත් කරුණක් තියෙනවා.
එනම්, වසරින් වසරට පමණක් නෙවෙයි, වසරක් ඇතුළත ගෙවෙන,
හැම මාසයක්ම,
හැම සතියක්ම,
හැම දිනක්ම
අපගේ ජීවිතයේ අලුත් කොටසක් විදියට ගෙවී යන බව.
එසේ නම් ජීවිතය අලුත් කරගැනීම නව වසරකට පමණක් සීමා කරන්නෙ ඇයි?
සෑම අලුත් මාසයක්ම,
සෑම අලුත් සතියක්ම,
සෑම අලුත් දිනයක්ම
ජීවිතය අලුත් කරගන්න ලැබුණු
තවත් අවස්ථාවක් ලෙස දැකිය යුතු නැද්ද?
ජනවාරි පළමු දින ආරම්භ කිරීමට හිටපු දෙයක්
එදින ආරම්භ කරන්න බැරි වුණා නම්, එය දෙවන දිනයෙන් ආරම්භ කරන්න පුළුවන්.
මන්ද, දෙවන දිනයත්
ජනවාරි පළමු දිනය වගේම
තවත් අලුත් දිනයක්.
පළමු සතිය තුළ අඩාල වුණා නම්,
දෙවන සතියෙන් නැවත අරඹන්න පුළුවන්.
මන්ද, දෙවන සතියත්
පළමු සතිය වගේම
තවත් අලුත් සතියක්.
ජනවාරි මාසය තුළ අඩාල වුණා නම්,
පෙබරවාරි මාසයෙන් නැවත ඇරඹිය හැකිය.
මන්ද,
එයත් තවත් අලුත් මාසයක්.
අලුත් සති 4ක එකතුවක්.
අලුත් දින 30ක එකතුවක්.
ජීවිතය අලුත් කරගැනීම, නව වසර උදාවකට පමණක් සීමා නොකර,
සෑම නව මාසයක්ම,
නව සතියක්ම,
නව දිනයක්ම
ජීවිතය අලුත් කරගැනීමේ අවස්ථාවක් ලෙස දැකිය යුතුයි.
වසරක් අවසානයේ ඉදිරි වසර වෙනුවෙන්
සැලසුම් සකස් කරනවා වගේම, දිනයක් අවසානයේදීත් එළඹෙන දිනය සාර්ථක කරගන්න කුඩා සැලසුමක් හරි සකස් කරගන්න පුළුවන් නම්, සැලසුම්, ඉලක්ක, සිහින අතහැරී යනවා වෙනුවට,
නොදැනීම, ඒවා සැබෑ වෙමින්, ජීවිතයේ ඉබේ ගෙවී යනවා වෙනුවට ඇත්තටම අපි ජීවත් වෙනවා කියන හැඟීම අපට දැනෙන්න පටන් ගනීවි. ❤️
-Life Beautiful- 09.01.2026
26/11/2025
19/11/2025
03/11/2025
03/10/2025
At the beginning of another year..... with bundles of hopes & dreams, wishing you all the joy, good health & courage to keep going through this brand new year 2024!!!!
10/11/2023
Tranquility is bliss ❤️
Click here to claim your Sponsored Listing.
Website
Address
Argyle Road,
Hatton
22000