Auto-Rox Automobiles

Wurth...🚘💘🔧⚙️👌

අද වනවිට වාහනයක් කියන්නේ අපේ ජිවිතයේ කොටසක් බවට පත් වෙලා හමාරයි. මේ මොහොතේත් කෙනෙක් වාහනයක් ගන්න සිහින මවමින් ඉන්නවා වෙන්න පුළුවන්. එහෙම නැත්නම් වාහනයක් භාවිතා කරන කෙනෙක්, තියෙන වාහනය විකුණලා දාල අලුත් වාහනයක්‌ ගන්න අදහස් කරනවා වෙන්නත් පුළුවන්. වාහන කියන්නෙත් හැදුනම හොඳ කරන්න අමාරු උණක් වගේ එකක්නේ...

මේ වෙනකොට වාහනවල මිල විශාල වශයෙන් ඉහල ගිහින් තියෙනවා. වසර ගණනාවකට කලින් මෙරටට ගෙනාපු පරණ වාහනයක මිල ගැන බැලුවත් ඉතාම ඉහලයි. ඉතින් මේ තත්වයත් එක්ක, අලුත් වාහන ගන්නවට වඩා ගොඩක් අය උත්සාහ කරන්නේ තරමක් මිලෙන් අඩු, පාවිච්චි කරපු වාහනයක් මිලදී ගන්න...

සාමාන්‍යයෙන් බොහෝ දෙනා අවධානය යොමු කරන්නේ මිල ගැන සහ වාහනයේ ඔප්ෂන්ස් ගැන විතරයි. අපට මුණගැහුණු සමහර අය කියන කතාවක් තමයි වාහනේ නම් හොඳයි, මිල අඩුයි, හැබැයි නඩත්තු වියදම නම් ගොඩක් වැඩියි සහ අමතර කොටස් හොයාගන්න ටිකක් අපහසුයි කියන දේ. යුරෝපීය සහ සමහර කොරියානු වාහන සම්බන්ධව මේ ගැටලුව නිතරම අහන්න ලැබෙනවා...

තමන්ගේ ආදායමත් එක්ක නඩත්තු කටයුතු කරගන්න අමාරු වාහන ගත්තු අය අපි දැකල තියෙනවා. ඒ අය තමන්ගේ ජීවිතෙන් අවුරුදු 4ක්, 5ක් ම දුක් විඳිනවා ලීසිං එක ඉවරකරගන්නකම්. රිපෙයර් එකක් ආවම, ණය වෙලා තමයි ඒ කටයුත්තට සල්ලි හොයාගන්නේ...

තව සමහරු, ආදායමේ හැටියට වාහනය තෝරාගත්තත්, එහෙන් මෙහෙන් අටවපු වාහනයක් අරගෙන, ඒකෙ අලුත්වැඩියා කටයුතු වලටත් ණය වෙලා අන්තිමේදී ලීසිං එක ගෙවාගන්න බැරුව, කාට හරි ගෙවාගෙන යන්න දීල, අතින් පාඩු අරගෙන රටට ලෝකෙට ණයකරුවෙක් වෙලා දුක් විඳිනවා...

අපි ජිවත් වෙන්නේ, පවුලේ කටයුතු පවා මගහැරගෙන ණය ගෙවන්නයි, දුක් විඳින්නයි නෙමෙයිනේ...

අපි මේ ලිපිය පල කරන්න අදහස් කලේ, භාවිතා කරපු වාහනයක් මිලදී ගන්න කෙනෙක් සැලකිලිමත් වෙන්න ඕන කරුණු මොනවද කියන එක ගැන ඔබේ අවධානය යොමුකරවන්න. අපි මෙතැනදී වාහන වර්ග ගැන සහ නැවත විකුණුම් මිළ ගැන නම් සාකච්ඡා කරන්නේ නැහැ...

මූලිකවම අපි බලන්න ඕනි අපිට අවශ්‍ය කරන වාහනය මොන වගේ එකක් වෙන්න ඕනද කියන එක...

ගොඩක් අය වාහනයක් මිලදී ගන්නේ සුළු මුදලක් අතින් ගෙවල, ඉතුරු මුදල ලීසිං එකක් දාලා. එතකොට පාවිච්චි කරපු වාහනයක තියෙන අඩුපාඩු හදාගෙන, නඩත්තු කටයුතුත් හරියට වෙලාවට කරගන්න නම්, ලීසිං වාරිකයත් ගෙවලා ඉවරවෙද්දි අතේ සල්ලි ටිකක් ඉතිරි වෙන්නත් ඕනිනේ...

එතකොට, අපිට ගෙවන්න තියන ලීසිං වාරිකය අපේ ආදායම සහ වියදම් අනුව දරාගන්න පුළුවන් වෙන්නත් ඕනෑකම තියෙනවා...

අපි බලමු ඉතාම සාමාන්‍ය ආදායමක් ලබන කුඩා පවුලකට මෝටර් රථයක් මිලදී ගන්න ඕන නම්, තත්වය කොහොමද කියලා...

එහෙම නම්, ඒකෙ මුලිකම සාධක තමයි,

+ අපට දැරිය හැකි මිලකට ගන්න පුළුවන් වෙන එක...

මොකද, අපි වාහනයක් ගන්නේ වැඩිපුර සල්ලි තියෙන නිසා ඒවාට කරන්න දෙයක් නැතුව නෙමෙයිනේ. වාහනයක් ගෙදර තියාගෙන, ඕ.ටී. කරලා, තව මොනවහරි කරලා අවුරුදු 05ක් ලීසිං ගෙවා ගෙවා ඉන්න ගියොත් වෙන්නෙ ජිවිතේ විඳින්න තියෙන කාලය අපට අහිමි වෙන එක...

ඒ නිසා, වාහනයක් ගනිද්දි, ලෝක සෝබනේට ගන්නවද එහෙම නැත්නම් තමන්ගේ ජිවිතේ සතුටින් විඳින්න හවුල් වෙන්න පුළුවන් වෙන විදිහේ වාහනයකට යනවද කියන එක තීරණය කරගන්න වෙනවා...

+ ඉන්ධන සඳහා කල යුතු වියදම අවම වෙන එක...

වාහනයක් ගෙදර නැතිකොට වගේ නෙමෙයි තියෙනකොට. ගමන් බිමන් එහෙමත් ටිකක් වැඩි වෙන්න ඉඩ තියෙනවා. සමහර අයගේ වයිෆ්ල එහෙම ඉන්නව වාහනෙන් නොගියාම හිතට හරි නැති වෙන. සමහර විට දිනපතා වැඩට යන්නත් හිතෙන්න පුළුවන්...

එතකොට, සාමාන්‍ය රැකියාවක් කරන කෙනෙක් පෙට්‍රල් ලීටරයට කිලෝමීටර් හතක් අටක් වගේ වැඩ කරන වාහනයක් ගත්තම හරි සනීපයි...

+ නඩත්තු වියදම්, ඒ කියන්නේ ඔයිල් මාරු කිරීම්, සේවා කටයුතු, වගේ දේවල් වලට යන වියදම අඩු වෙන්නත් ඕනි...

ඔන්න දැන්, වාහනේ අරගෙන මාස දෙක තුනක්. සර්විස් එක කිට්ටු වෙලා. සර්විස් දවසට බිල ගෙවල අනිත් පැත්ත හැරුනම, ලීසිං වාරිකය දාන්න රත්තරන් බඩු ටික උගස් තියන්න වෙනවනම් අනාතයිනේ...

+ අලුත්වැඩියාවකදී යොදන අමතර කොටස් වල මිල අධික වෙන්න බැහැ වගේම අමතර කොටස් සුලභ වෙන්නත් ඕනි...

ඔන්න ඕක තමයි ලොකුම ප්‍රශ්නේ. හොඳට මතක තියාගන්න ඕනි අපි ගන්න යන්නේ අවුරුදු ගානක් පැදපු වාහනයක්. ගන්න වෙලාවේදී අතට පයට දැනෙන දෝෂ නොතිබුනත්, ටික දවසක් දුවද්දී එක එක සද්ද බද්ද, ලෙඩ රෝග එන්න බැරිකමක් නැහැ. එතකොට, අපිට සිද්ධ වෙනවනේ ඒ ලෙඩ ටික හදාගන්න. මෝටර් රථ අලුත්වැඩියා කරන තැනකට ගෙනිච්චම ඒ අය රථය පරික්ෂා කරලා කියනවා මෙන්න මේ කොටස් මාරු කරන්න වෙනවා කියල...

වාහනේ යන්තම් අටවගෙන දුවන්න ගිහින් මග ඉන්න සිද්ද වෙලා කට්ට කන්න බෑ වගේම බ්රේක් වගේ වැදගත් පද්ධතියක් ෂුවර් නැතිව තියාගෙන ගමන් යන්න ගිහින් පාරේ මිනීමරන්න බෑනේ. අපිට සිද්ධ වෙනවා වාහනේ නිවැරදිව අලුත්වැඩියා කරවාගන්න...

ඔන්න දැන් පරණ කෑලි ටිකත් පෝර උරයක දාගෙන පංචිකාවත්තේ බඩගාන්න වෙනවා නම්, එක්කෝ එහෙත් ඒ කෑලි හොයාගන්න අමාරුනම් වාහනේ ආසාව එතැනින්ම ඉවරවෙනවා...

සමහර වාහන වල කොටස් ගන්න තියෙන්නේ ඒක ගෙනාපු සමාගමේ විතරයි. එතකොට ගාන කොහොමටත් සැර වෙනවනේ...

සමහර වාහන ගෙන්නපු සමාගම් තියා, හදපු සමාගම් වත් නෑ...

සමහර වාහන වල අමතර කොටස් අලුතින්ම ගන්න නැති උනත්, ඕන තරම් යුස්ඩ් පාර්ට්ස් තියෙනවා. ඕවට තමයි කස්ටිය කියන්නේ රීකන්ඩිෂන් බඩු කියලා...

සමහර වාහන වල යූස්ඩ් පාර්ට්ස් නැතත්, බොහොම පහසුවෙන් අලුත් ජෙනුයින් පාර්ට්ස් ගන්න තියෙනවා අඩු මිලට...

ඒ වගේම සමහර වාහන වල ආවේනික තැන් තියෙනවා දිරුම්කඩ එන.ඒ ගැනත් සැලකිලිමත් වෙන්න ඕනි...

කාර්මික දැනුමක් නැති කෙනෙක්ට අන්න එතැනදී තමයි වාහනයක් ගන්න යද්දී පළපුරුදු කාර්මික මහතෙක් එක්ක කතාබහ කරලා අදහස් ලබාගන්න එක වටින්නේ...

ඉතින්, අපි ඒ පුංචි පැහැදිලි කිරිම කලේ වාහනයක් ගැන හීන මවන, වාහනයක් හෙට අනිද්දට ගන්න බලාපොරොත්තුවෙන් ඉන්න අයව අධෛර්යමත් කරන්න නම් නෙමෙයි, අපි ක්ෂේත්‍රයේ වැඩ කරද්දී අහන්න දකින්න සිද්ධ වෙන දේවල් නිසාවෙන්...

ඔබ මිලදී ගන්න සිහින මවමින් ඉන්න වාහනයත් ඉහත සඳහන් කරපු කාරණා වලට අනුකුලයිද කියලා පොඩ්ඩක් කල්පනා කරලා බලන්න...

ඒ වගේම ඉහත කි කරුණු අනුව සොයා බලලා, ඔබේ වාහන සිහිනය සැබෑ කරගන්න ඔබට උදව් කරන්නත් අපි සුදානම්...කතා කරන්න අපට...

බොහොම ස්තුතියි...

නුහුරු නමක්...

අපේ නම ඔබට නුපුරුදු බවට කිසිම සැකයක් නැහැ. අපි අපේ කටයුතු ආරම්භ කරලා දැනට වසර 5කට ආසන්න කාලයක් වෙනවා...නමුත් මේ නම අපි භාවිතා කලේ ඉතාම අඩුවෙන්...ඒ නිසයි මේ නුහුරු ගතිය ඔබට දැනෙන්නේ...
ඉතින්, අපි මෙතැන් සිට මේ නම අපේ කටයුතු වලදී දිගින් දිගටම භාවිතා කරනවා...මින් පසුවට එය ඔබට නුහුරු වෙන එකක් නැහැ...

අපි කවුරුද..?

අපි මෝටර් වාහන අලුත්වැඩියා කිරීම සඳහා ලියාපදිංචි ආයතනයක් ලෙස වසර කිහිපයක සිට ක්‍රියාත්මක වෙනවා...මේ වන විට, ආරම්භයේ සිට අපෙන් සේවා ලබාගන්නා වාහන හිමි සේවාදායක මහත්වරුන් බොහොමයක් අදටත් අප සමග ඉතාම සුහදව කටයුතු කරමින් ඉන්නවා...
ඒ වගේම, සම්ප්‍රදායික ඩිසල්/පෙට්‍රල් වාහන වල සිට, ඉලෙක්ට්‍රොනික් පාලන පද්ධති මගින් පාලනය වන EFI/Common Rail Diesel Injection සහිත වාහන දක්වා වන පරාසය තුල අප අපේ කටයුතු සිදු කරමින් ඉන්නවා...

අද වන විට මෝටර් වාහන ක්ෂේත්‍රය ඉතාම දියුණු මට්ටමකට පත් වෙලා තිබෙන බව අප කවුරුත් මේ වන විට හොඳින් දන්නා කරුණක්. ඒ වගේම එය තව තවත් සංවර්ධනය වෙමින් පවතිනවා මෙන්ම වාහන නිෂ්පාදකයින් විසින් විවිධ වූ සංකීර්ණ පරිඝනක පාලන පද්ධති පවා යොදාගනිමින් මෝටර් වාහන වල කාර්යක්ෂමතාවය, සැප පහසුව, ආරක්ෂාව ඇතුළු නොයෙක් කාරනා කෙරෙහි අවධානය යොමු කරමින්, වඩා දියුණු රථයක් වෙළඳපොළට නිකුත් කිරීමට උත්සහ ගනිමින් ඉන්නවා...

ඒ අතරේ, අපි මොකද කරන්නේ...

ඔටෝ-රොක්ස් ඔටෝමොබයිල්ස් විදියට අපේ මුලික කාර්යය වෙන්නේ මෝටර් වාහන අලුත්වැඩියා කිරීම...ඊට අමතරව, ඔබේ රථයට අදාල සියලුම කරුණු ගැන ඔබව දැනුවත් කරමින්, ඒ සඳහා ඔබට දරන්න වෙන වගකීමෙන් කොටසකුත් අපි භාරගන්නවා...

අපි එතනින් නතරවෙන්නේ නැහැ...

ඔබට වාහනයක් මිලදී ගන්න අවශ්‍ය නම්, ඔබේ අවශ්‍යතාවය සහ ඒ සඳහා වියදම් කිරීමට හිතාගෙන ඉන්න මුදලත් එක්ක ගැලපෙන වාහන මාදිලි මොනවද කියන දේ සම්බන්ධව සාකච්ඡා කරලා ඔබේ අවශ්‍යතාවයට සහ අතේ ඇති මුදලට හරියටම ගැලපෙන වාහන මාදිලිය තෝරාගන්න කිසිදු අයකිරීමකින් තොරව ඔබට උදව් කරන්න අපි සුදානම්...

ඔබ භාවිතා කළ වාහනයක් මිළදී ගන්න යනවානම්, ඔබට එම රථයේ කාර්මික පැත්ත පිළිබඳව සොයා බලන්න තරම් තාක්ෂණික දැනුමක් නැති වෙන්නට පුළුවන්...ඒ වගේ අවස්ථාවන් වලදී ඔබට හැකියාව තිබෙනවා අපව සම්බන්ධ කරගෙන, ඔබ මිලදී ගන්න යන වාහනයේ මේ වන විටත් තිබෙන සහ ඉදිරියේදී ඇති වෙන්න පුළුවන් කාර්මික දෝෂ සහ අඩුපාඩු මොනවද කියලා සඳහන් වෙන තත්ත්ව වාර්තාවක් අපෙන් ලබාගන්න. ඒකට, OBD ස්කෑන් ටූල් එකක් මගින් කරන ස්කෑන් පරික්ෂාවක් සහ රථය ඔසවා කරනු ලබන පරික්ෂාවක් ද ඇතුලත් වෙනවා. ඒ මගින් ඔබට තත්වයෙන් ඉහල වාහනයක් මිලදී ගැනීමට අවස්ථාව ලැබෙනවා වගේම, නිකරුනේ ඔබ දුක් මහන්සියෙන් උපයාගත් මුදල් අනවශ්‍ය ලෙස අපතේ යාමත් වැළකෙනවා...

ඒ වගේම, ඔබ සතුව මේ වනවිට තිබෙන වාහනය විකිනීමට ඔබ අදහස් කරනවා නම්, අප ආයතනය විසින් ඔබේ රථයේ සිදු කරන ලද අලුත්වැඩියාවන් සම්බන්ධව සම්පුර්ණ වාර්තාවක් ලබා දෙන්නත් අපට පුළුවන්...එමගින්, ඔබේ රථය මිලදී ගැනීමට අදහස් කරන කෙනාට ඔබේ රථයේ තත්වය පිළිබඳව දැනගැනීමට හැකියාව ලැබෙනවා...

ඔබේ මෝටර් වාහනය අප වෙත අලුත්වැඩියා කිරීම සඳහා යොමුකිරීමෙන් ඔබට සැලසෙන වාසි මොනවද..?

ඔබ අපට අලුත්වැඩියා කටයුතු සඳහා රථය භාර දුන් මොහොතේ ඉඳන්, ඔබ රථය රැගෙන යන මොහොත දක්වා රථයේ වගකීම අපි භාරගන්නවා...

ඔබේ රථය අප වෙත ලැබුණු වහාම, අපි මුලින්ම පරීක්ෂණ ධාවනයක යෙදෙනවා...එතැනදී, ඔබේ රථයේ තිබෙන දෝෂ මොනවද කියලා ඔබව දැනුවත් කරනවා...

ඉන් පස්සේ, අලුත්වැඩියා කටයුතු වලට අවශ්‍ය අමතර කොටස් ඔබේ කැමැත්ත පරිදි අපට ගෙනත් සවි කරන්න හෝ ඔබම ගිහින් ගෙනත් දෙන්නත් හැකියාව තිබෙනවා...ඔබ කාර්යබහුල අයෙක් නම්, අමතර කොටස් ගේන්න යන එක ගැන තව දුරටත් වද වෙන්න අවශ්‍ය වෙන්නේ නැහැ...යොදන අමතර කොටස් සම්බන්ධව සම්පුර්ණ විස්තර සහිත බිල්පතක් ඔබට ලැබෙනවා...

ඒ වගේම ඔබේ රථයේ සම්මත තත්ත්ව යටතේ සිදු කරන ලද අලුත්වැඩියාවන් සම්බන්ධ වගකීම අපි භාරගන්නවා...

අලුත්වැඩියා කිරීමේදී රථයේ ආසන ඇතුළු කොටස් වල සිදුවිය හැකි අපවිත්රවීම් කිසිවක් සිදු නොවන්නට අපි වග බලාගන්නවා...ඇතුලත සිදු කරන අලුත්වැඩියාවකින් අනතුරුව, රථයේ ඉන්ටිරියර් පිරිසිදු කිරීම අප විසින් සිදුකරනු ලබනවා...

අලුත්වැඩියා කටයුතු අවසානයේදී ඔබේ රථය නැවත වතාවක් පරීක්ෂණ ධාවනයක යොදවලා, සියලු දෝෂ නිවාරණයිද කියලා පරික්ෂා කරලා තමයි ඔබේ අතට වාහනය ලබා දෙන්නේ...

ඔබට මේ සමගම අපි ෆයිල් කවරයක් නිකුත් කරනවා...ඒ, ඔබේ රථය සම්බන්ධ ලියකියවිලි ආරක්ෂිතව, පිළිවෙලට තියාගන්න කරන උදව්වක් විදියට...එය, ඔබේ රථයට අදාල ලිපිගොනුවක් ලෙස භාවිතා කල හැකියි...

අප විසින් ඔබට ලබා දෙන හැම බිල්පතකම, සිදු කල අලුත්වැඩියා කටයුතු සම්බන්ධව සහ යෙදූ අමතර කොටස් සම්බන්ධව වගේම ඉදිරි කාලයේදී කල යුතුව ඇති අලුත්වැඩියාවන් සම්බන්ධවත් විස්තරාත්මකව සඳහන් වෙනවා...ඒ නිසා අර ලිපිගොනුවට එම බිල්පත් ඇතුලත් කර තබා, නැවත අප ආයතනයට පැමිණෙන විටදී එම ලිපිගොනුව රැගෙන ඒමෙන් ඔබෙත්, අපෙත් කාර්යය පහසු වෙනු ඇති...

ඒ වගේම, අපෙන් කරගත් අලුත්වැඩියාවන් සම්බන්ධව ඔබට යම්කිසි ගැටළුවක් මතු වුවහොත්, ඒ සම්බන්ධව විමසීමට එම ලිපිගොනුව ඔබට ඉතාම ප්‍රයෝජනවත් වනු ඇති...

අපේ දුරකථනය පැය 24 පුරාවට ක්‍රියාත්මකයි...ඔබට රථය ධාවනයේදී මතුවන ගැටළු සම්බන්ධව කතා කිරීමට සහ රථය අතරමග ක්‍රියාවිරහිත වීමකදී අපේ සහය ලබාගන්නත් කොන්දේසි වලට අනුකුලව ඔබට පුලුවන් කම තිබෙනවා...

ඉතින් අපි දැන් ඔබට අපව හඳුන්වා දී අවසන්...

බොහෝ වාහන හිමියන්ට තියෙන තවත් ප්‍රශ්නයක් තමයි, තමන්ගේ රථය ගැන, එහි ක්‍රියාකාරිත්වය සම්බන්ධව දැනුම අඩු බව. ඒ තත්වය භාවිතා කරලා සමහර අයවලුන් විසින් විවිධ ආකාරයෙන් මුදල් ගරාගැනීමට දරන උත්සාහයන් ගැන ඔබටත් අත්දැකීම් ඇති...ඒ වෙනුවෙන්, අපි වාහන හිමියන් දැනුවත් කිරීම සඳහාම විශේෂ ලිපි පෙළක් නුදුරේදීම පල කරනවා...අපේ ෆේස්බුක් පිටුව හා සම්බන්ධ වීමෙන් ඔබට ඔබේ දැනුම යාවත්කාලින කරගැනීමට ඉඩ ලැබෙනවා...

ඔබේ රථයේ ඉදිරි අලුත්වැඩියා කටයුතු සඳහා අප වෙතට පැමිණෙන ලෙස අපි ඔබට ආරාධනා කරනවා...

එමෙන්ම, ඔබේ රථයේ දෝෂ රහිත වුවත්, අප ලවා පරික්ෂා කර, තත්ත්ව වාර්තාවක් ලබා ගැනීමට ඔබට අවස්ථාව තිබෙනවා...ඒ සඳහා කලින් අප අමතා වෙලාවක් වෙන්කර ගැනීම ඔබටත් අපටත් පහසු වේවි...

බොහොමත්ම ස්තුතියි...