TV Ruhuna

පසුගිය මාස පහට ගාල්ලේඩෙංගු රෝගින් 2098ක්

ගාල්ල දිස්ත්‍රික්කය තුල 2026 වර්ෂයේ ජනවාරි මස සිට මැයි මස දක්වා කාලය තුල ඩෙංගු රෝගින් 2098ක් වාර්තා වි ඇති බැව් ගාල්ල දිස්ත්‍රික් සෞඛ්‍ය සේවා අධ්‍යක්ෂක කාර්යාලය පවසයි.
මාර්තු මාසය වනවිට ඩෙංගු ව්‍යාප්තිය අතින් ගාල්ල දිස්ත්‍රික්කය 03 වැනි ස්ථානයේ පසුවු බවත් මැයි මාසය වන විට පස්වන ස්ථානයේ පසුවන බවද දිස්ත්‍රික් සෞඛ්‍ය සේවා අධ්‍යක්ෂක කාර්යාලය පෙන්වාදෙයි. ඒ අනුව ඩෙංගු ව්‍යාප්තියේ අඩුවිමක් දක්නට ඇති බව සදහන් කරණ දිස්ත්‍රික් සෞඛ්‍ය සේවා අධ්‍යක්ෂක කාර්යාලය බෝපේ පොද්දල සෞඛ්‍ය වෛද්‍ය නිලධාරි කාර්යාලයට අයත් කුරුදුවත්ත 02 ග්‍රාම නිලධාරි වසමේ ඩෙංගු රෝගින් 93 පොකුරක් වාර්තා වි ඇති බවද පවසයි.
කුරුදුවත්ත ග්‍රාම නිලධාරිවසමේ ඩෙංගු ව්‍යාප්තියට මුලික හේතුව එම ප්‍ර දේශයේ අබලි ද්‍රව්‍ය එක්රැස්කරණ ස්ථාන අවිධිමත් ලෙස පවත්වාගෙන යාම බව ක්ෂේත්‍ර පරික්ෂණ වලදි අනාවරණය වි ඇත.මෙවැනි අබලි ද්‍රව්‍ය එක්රැස්කරණ ස්ථාන වැඩි වශයෙන් ගාල්ල මහනගරසභා බල ප්‍ර දේශය, බෝපේ පොද්දල, අක්මිමන යන ප්‍රා දේශිය ලේකම් කොට්ඨාශවල පවතින බවත් එම අබලි ද්‍රව්‍ය ස්ථාන විදිමත් ලෙස සකස්කිරිමට එම පුද්ගලයින්ට ආර්ථික ශක්තියක් නොමැති නිසා රජය මැදිහත්වි යම් නියාමන ක්‍රම වේදයක් සකස් කළයුතු බව දිස්ත්‍රික් සෞඛ්‍ය සේවා අධ්‍යක්ෂක කාර්යාලය පෙන්වාදෙයි.
එමෙන්ම ගාල්ල මහනගරසභා කලාපය, තවලම, යක්කලමුල්ල, ඇල්පිටිය, ප්‍ර ාදේශිය ලේකම් බල ප්‍ර දේශ තුල ඩෙංගු රොගින්ගේ වැඩිවිමක් දක්නට ඇති බවද දිස්ත්‍රික් සෞඛ්‍ය සේවා අධ්‍යක්ෂක කාර්යාලය පවසයි. මෙම තත්ත්වය පාලනය කිරිම සදහා ප්‍රා දේශිය ලේකම් කාර්යාල, පළාත් පාලන ආයතන සහ දිස්ත්‍රික් ලේකම් කාර්යාලයේ සහයෝගය අපේක්ෂාකරණ බවද දිස්ත්‍රික් සෞඛ්‍ය සේවා අධ්‍යක්ෂක කාර්යාලය පෙන්වාදෙයි.

පොහොර වල ප්‍රමිතිය පරික්ෂා කිරිමට පහසුකම් නැහැ.

පොහොර තත්ත්ව පරික්ෂණ කටයුතු සදහා ප්‍රමාණවත් පහසුකම් සහිත පරික්ෂණාගාර නොමැතිවිම් හේතුවෙන් වාර්තා ලබා ගැනිමේ ප්‍රමාදයක් පවතින බව ගාල්ල දිස්ත්‍රික් සැලසුම් කමිටු රැස්විමේ දි අනාවරණය විය.
එම කටයුතු කඩිනමින් සිදුකිරිමට අවශ්‍ය ක්‍රම වේදයක් දිස්ත්‍රික් මට්ටමින් ස්ථාපිත කිරිමට අවශ්‍ය කටයුතු සම්පාදනය කරදෙන ලෙස ජාතික පොහොර ලේකම් කාර්යාලයේ ගාල්ල දිස්ත්‍රික් සහකාර අධ්‍යක්ෂකවරයා මෙහිදි ඉල්ලම් කළේය.
මේවනවිට වෙළදපොළේ අලෙවිය සදහා පවතින පොහොර සදහා ඇමෝනියම් සල්පේට් රසායන ද්‍රව්‍ය මිශ්‍රකර අලෙවි කරණ බවට වාර්තා වි ඇති බවත් ඒ පිළිබද අවධානය යොමුකරණ ලෙස ගාල්ල දිස්ත්‍රික් ලේකම් කේ.යු චන්ද්‍රලාල් මහතා මෙම රැස්විමේ දි සදහන් කළේය. ගාල්ල දිස්ත්‍රික්කය තුල වි වගාව සදහා ප්‍රමාණවත් පොහොර සංචිතයක් ගොවිජන සංවර්ධන ඹධ්‍යස්ථාන සතුව පවතින බව මෙහිදි ගාල්ල දිස්ත්‍රික් ගොවිජන සංවර්ධන නියෝජ්‍ය කොමසාරිස්වරයා සදහන් කළේය. ගාල්ල දිස්ත්‍රික් සැලසුම් කමිටුව වෘත්තිය අධ්‍යාපන නියෝජ්‍ය ඇමති නලින් හේවගේ මහතාගේ ප්‍රධානත්වයෙන් ගාල්ල දිස්ත්‍රික් ලේකම් කාර්යාලිය ශ්‍රවනාගාරයේ දි පැවැත්විණි.

අධිකරණ ඇමති එක්සත් ජාතීන්ගේ ළමා අරමුදලේ විධායක මණ්ඩලයේ සභාපති ඇතුළු ජ්‍යෙෂ්ඨ නියෝජිතයින් හමු වෙයි.

අධිකරණ සහ ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර මහතා මෙරට සංචාරයක නිතර එක්සත් ජාතීන්ගේ ළමා අරමුදලේ විධායක මණ්ඩලයේ සභාපති Rein Tammsaar (Estonia) මහතා ඇතුළු එම අරමුදලේ විධායක මණ්ඩලයේ ජ්‍යෙෂ්ඨ නියෝජිතයින් අතර විශේෂ සාකච්ඡාවක් අද (02) පස්වරුවේ අධිකරණ අමාත්‍යාංශයේදී පැවැත්විණි.

ළමුන් සම්බන්ධයෙන් පවතින නීති, වීඩියෝ තාක්ෂණ ඔස්සේ ළමුන්ට සාක්ෂි ලබාදීමේ පහසුකම්, ළමා සහ යෞවන ආඥා පනත, ළමුන් සම්බන්ධයෙන් පවතින නඩු කඩින්ම කිරීම ඇතුළු කරුණු සම්බන්ධයෙන් මෙහිදී අවධානය යොමු විය.

අධිකරණයේ විභාගවන නඩු කටයුතු වලදී දරුවන්ගෙන් සාක්ෂි ළබා ගැනීමේදී විඩියෝ තාක්ෂණය ඔස්සේ සාක්ෂි ලබා දීමේ හැකියාව අපරාධ නීති විධිවිධාන සංග්‍රහයේ සංශෝධනය අනුව සකස් කර ඇති අතර එම ක්‍රියාවලිය පිළිබඳ ද විනිසුරුවරුන් දැනුවත් කිරීම් සිදු කර ඒ සඳහා අවශ්‍ය කටයුතු සිදු කරමින් පවතින බව මෙහිදි අමාත්‍යවරයා කියා සිටියේය.

ළමුන් සම්බන්ධයෙන් පවතින නීති පිළිබඳව විනිසුරු පුහුණු ආයතනය දැනුවත් කිරීම සහ ශ්‍රි ලංකා නීති විද්‍යාලයේ විෂය මාලාව සඳහා ළමුන් සම්බන්ධ නීති ඇතුළත් කිරීමට කටයුතු කළ යුතු බව අමාත්‍යතුමා මෙහිදී සදහන් කළේය.

වීඩියෝ තාක්ෂණ ඔස්සේ ළමුන්ට සාක්ෂි ලබාදීමේ කාමර පහසුකම් මේ වන විට මහනුවර අධිකරණයේ ස්ථාපිත කර ඇති අතර අනෙකුත් අධිකරණ සඳහා එම පහසුකම් ලබාදීමේ අවශ්‍යතාවය පිළිබඳව සාකච්ඡාවේදී අවධානය යොමු විණි.

නඩු ප්‍රමාදය සම්බන්ධයෙන් සාකච්ඡාවේදී අවධානය යොමු වු අතර නීතිපති දෙපාර්තමේන්තුව ඇතුළු අධිකරණ පද්ධතියට අදාළ ආයතනවල පවතින පුරප්පාඩු ඒ සඳහා ප්‍රධාන හේතුවක් බවත් ඊට විසඳුම් ලබාදීමට කටයුතු කරන බව අමාත්‍යවරයා වැඩිදුරටත් කියා සිටියේය.

එක්සත් ජාතීන්ගේ ළමා අරමුදලේ විධායක මණ්ඩලයේ උප සභාපතිවරුන් වන , Sophia Tesfamariam (Eritrea), Anna Jóhannsdóttir (Iceland), Alejandra Hernandez Gonzalez (Dominican Republic), Claudio Silvio Nardi (Liechtenstein), විධායක ලේකම් කාර්යාලයේ ලේකම්, Andres Franco, විධායක මණ්ඩල ලේකම් කාර්යාලයේ කර්තෘ සහ උපාය මාර්ගික විශේෂඥ Natalie Leston යන මහත්ම මහත්මීන් මෙම සාකච්ඡාව සඳහා එක්ව සිටියහ.

දිවයින වටා මුහුදු තීරය ඉතා රළු වෙයි: ධීවර කටයුතුවල නිරත වීමෙන් වළකින්න – ධීවර දෙපාර්තමේන්තුවෙන් හදිසි දැනුම්දීමක්

කාලගුණ විද්‍යා දෙපාර්තමේන්තුව විසින් අද (02) පෙරවරු 10.30ට නිකුත් කරන ලද විශේෂ කාලගුණ නිවේදනයට අනුව, ඉදිරි පැය 24 ක කාලය තුළ දිවයින වටා වන වෙරළ ආසන්න මුහුදු කලාපය රළු හෝ ඉතා රළු විය හැකි බැවින් ධීවර කටයුතුවල නිරත වීම අතිශය අවදානම් සහගත බව ධීවර හා ජලජ සම්පත් දෙපාර්තමේන්තුව නිවේදනය කරයි.

විශේෂයෙන් මුලතිව් සිට කන්තකසන්තුරය, මන්තනාරම, පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළඟේ වේගය විටින් විට පැයට කිලෝමීටර් 50-60 දක්වා ඉහළ යා හැකි බැවින් එම ප්‍රදේශ ධීවර රැකියාව සඳහා ඉතා අනතුරුදායක මට්ටමක පවතින බව දන්වා සිටියි.

මේ සම්බන්ධයෙන් ධීවර හා ජලජ සම්පත් දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මෙසේ අවධාරණය කරයි:

"ඉදිරි පැය 24 තුළ ඉහත සඳහන් කළ මුහුදු කලාපවල ධීවර රැකියාවේ නිරත වීමෙන් වළකින ලෙස මම සියලුම ධීවරයින්ගෙන් කාරුණිකව ඉල්ලා සිටිනවා. මේ වන විටත් මුහුදු කලාපවල රැකියාවේ නිරත වන ධීවර යාත්‍රා ඇත්නම් වහාම ක්‍රියාත්මක වන පරිදි ආරක්ෂිතව ගොඩබිම කරා පැමිණිය යුතුයි. එමෙන්ම, ඕනෑම ධීවර කටයුත්තකදී ජීවිතාරක්ෂක කබා (Life Jackets) පැළඳ සිටීම අනිවාර්ය බව මම විශේෂයෙන් මතක් කර සිටිනවා."

පවතින මෙම අවදානම් කාලගුණ තත්ත්වය පිළිබඳව නිරන්තර අවධානයෙන් පසුවන ලෙසත්, තම ජීවිත හා දේපළ ආරක්ෂා කර ගැනීම වෙනුවෙන් බලධාරීන් ලබාදෙන උපදෙස් අකුරටම පිළිපදින ලෙසත් ධීවර හා ජලජ සම්පත් දෙපාර්තමේන්තුව සමස්ත ධීවර ප්‍රජාවට දැනුම් දෙයි.

ගාල්ලේ ගම් දහසක වැඩ දහසක් ආරම්භ කිරීම අක්මීමනින් ආරම්භ කෙරේ.



ගම්දහසක වැඩ දහසක් ආරම්භ කිරිමේ ගාල්ල දිස්ත්‍රික් උත්සවය වෘත්තිය අධ්‍යාපන නියෝජ්‍ය අමාත්‍ය නලින් හේවගේ මහතාගේ ප්‍රධානත්වයෙන් අක්මිමන ප්‍රා දේශිය ලේකම් කාර්යාලිය ශ්‍රවනාගාරයේ දි පැවැත්විණි.

මෙම වැඩසටහනට සමගාමිව ඉහළගොඩ දකුණ ගම්මානයේ මැස්මකින් දිවියට සවියක්, ව්‍යවසාය සංවර්ධන ව්‍යාපෘතිය, පින්නදුව පට්ටන් කට්ටිය අමුණේ ඉදිකිරිම් ආරම්භ කිරිම, බිම්මල් අගය එකතුකළ නිෂ්පාදන ව්‍යාපෘතිය සහ කෘෂි ආර්ථිකයට හා සංචාරක කර්මාන්තයට සෘජුව බලපාන මාර්ග දෙකක සංවර්ධන කටයුතු ආරම්භ කිරිම සිදුකරණු ලැබිය.

පින්නදුව පට්ටන් කට්ටිය අමුණ ඉදිකිරිම තුලින් එම යායේ කුඹුරු අක්කර 16, රුඩි 02ක් සහ පර්චස් 37 නැවත වගා කිරිමට සැලසුම්කොට ඇත.

මෙම අවස්ථාවට ගාල්ල දිසත්‍රික් පාර්ලිමේන්තු මන්ත්‍රි කෝප් කමිටුවේ සභාපති වෛද්‍ය නිශාන්ත සමරවිර, අක්මිමන ප්‍රා දේශිය සභාවේ සභාපති සුගත් ආනන්ද, උප සභාපති ඹ්ෂාන් රන්දික පෙරේරා .ගාල්ල දිස්ත්‍රික් ලේකම් කේ.යු චන්ද්‍රලාල්, යන මහත්වරු සහ අක්මිමන ප්‍රා දේශිය ලේකම් එස්.ටි.සජිවනි, සහකාර ප්‍රා දේශිය ලේකම් නයනතාරා ගුරුගේ යන මහත්මින් ඇතුළු රාජ්‍ය නිලධාරින්, ප්‍රජාශක්ති කමිටු සභාපතිවරු ඇතුළු පිරිසක් එක්ව සිටියහ.

ගාල්ල දිස්ත්‍රික් ලේකම් කාර්යාලය දිස්ත්‍රික් සමෘද්ධි කාර්යාලය එක්ව සංවිධානය කරනු ලැබූ ලේ දන්දීමේ වැඩසටහනක් අද පෙරවරුවේ ගාල්ල දිස්ත්‍රික් ලේකම් කාර්යාල පරිශ්‍රයේදී පැවැත්වුණා. මෙම ලේ දන්දීමේ පුණ්‍ය කර්මයට විශාල පිරිසක් එක්ව සිටිනු දක්නට ලැබුණා.

ගාල්ල දිස්ත්‍රික් පාපන්දු සංගමය මගින් සංවිධානය කරනු ලබන වයස අවුරුදු 18න් පහල අන්තර් පාසල් ආරාධිත පාපන්දු තරගාවලිය අද පෙරවරුවේ ගාල්ල පාපන්දු ක්‍රීඩාංගණයේදී ආරම්භ කෙරුණා.
දකුණු පළාතේ පාසල් දහසයක කණ්ඩායම් දහසයක් මෙම පාපන්දු තරගාවලියේ තරග වැඩීමට නියමිතයි. තරඟාවලියේ අවසාන තරගය ජුනි මස පස් වැනි දින පස්වරුවේ ගාල්ල පාපන්දු ක්‍රීඩාංගණයේ දී පැවැත්වීමට නියමිතයි.

කලක් තිස්සේ අපද්‍රව්‍ය වලින් පිරී දුර්ගන්ධය හමමින් පවතින ගාල්ල කළුවැල්ල කැපූ ඇල පිරිසිදු කිරීමේ ව්‍යාපෘතියක් අද පෙරවරුවේ ආරම්භ කෙරුණා.
ක්ලීන් ශ්‍රී ලංකා වැඩසටහන ගාල්ල මහ නගර සභාව ඇතුළු ආයතන කිහිපයකගේ සහභාගිත්වයෙන් අප ද්‍රව්‍යවලින් පිරීී පවතින කැපූ ඇලේ අපද්‍රව්‍ය ඉවත් කිරීමේ කටයුතු සිදුකිරීමට නියමිතයි.
මෙම අවස්ථාවට පාර්ලිමේන්තු මන්ත්‍රී වෛද්‍ය නිශාන්ත සමරවීර, ගාල්ල මහ නගරාධිපති සුනිල් ගමගේ, දකුණු පළාත් නියෝජ්‍ය ප්‍රධාන ලේකම් සමන් ජයසේකර ක්ලීන් ශ්‍රී ලංකා වැඩසටහනේ ගාල්ල දිස්ත්‍රික් සම්බන්ධීකාරක සංජය ධනුෂ්ක මහතා ඇතුළු පිරිසක් එක්ව සිටියා.

අක්මිමන අමු කොටුව ප්‍රජා සංවර්ධන සභාව විසින් සංවිධානය කරණු ලැබු වෙසක් බැතිගි සරණිය.