Women For Rights - Dambulla

ප‍්‍රජාතන්ත‍්‍රවාදය, මූලික මිනිස් අයිතිවාසිකම් ආරක්ෂා වෙනවානම් මේ සමාජය ශිෂ්ඨ සමාජයක් නම් දියණියන්, මව්වරුන් දූෂණය වන සමාජයක් බවට අපේ සමාජය පත්වෙන්නේ කොහොමද? අද කාන්තාවන් මුදලට විකිණෙන, මිලක් නියම කරන ලද වෙළෙඳ භාණ්ඩයක් බවට පත්වෙලා. ඔවුන් ආමන්ත‍්‍රණය කරන අන්වර්ත නම් සමාජගත වෙලා තිබෙනවා. මෙවැනි වටපිටාවක් තුළ කාන්තාවන්ගේ මූලික අයිතිවාසිකම්, සමාජ නිදහස තහවුරු වන්නේ නැහැ.
අප ශ්‍රී ලංකාව නීතිය මත පාලනය වන, ආර්ථික සමෘද්ධිය සහ ජාතික සමගිය සහිත, නිදහස්, ලෝකය සමග උරෙනුර ගැටෙන, ප්‍රබල හා තිරසර දේශයක් කිරීමේ සිහිනය දකින්නන් වෙමු. ඒ සිහිනය පොළොව මත යථාර්ථයක් කර ගනු පිණිස කැපවන්නන් වෙමු. එම සිහිනය දකින, එය සැබෑවක් කර ගනු රිසි සියලු දෙනාට අප සමග එක්විය හැකිය.
එන්න, දඹුල්ල අයිතීන් උදෙසා කාන්තාවෝ සමග එක්වී ටික දෙනෙකුට ටික කලක් සතුටින් සිටිය හැකි සමාජයක් වෙනුවට සැම දෙනාට සැමදාම සතුටින් සිටිය හැකි සමාජයක් ගොඩ නැගීම සදහා අපගේ දායකත්වය ලබාදෙමු.