Divaina

මහජනයාට දැනෙන ආර්ථික ස්ථාවරත්වයක් !

ශ්‍රී ලංකාවේ ආර්ථිකය පිළිබඳ සංවාදය තුළ මුදල් අමාත්‍යාංශය ඇතුළුව පොදුවේ ආණ්ඩුව සහ මහ බැංකුව කියන දේ සහ මේ රටේ පොදුජනයා බිම් මට්ටමේ මුහුණ දෙන ආර්ථික යථාර්ථය අතර පරස්පරයක් තිබේ. ආර්ථිකය පිළිබඳ කථිකාව තුළ විදේශ සංචිත, උද්ධමනය, දුප්පත්කම සහ ජාත්‍යන්තර මූල්‍ය අරමුදලේ වැඩසටහන පිළිබඳව බොහෝ අදහස් හුවමාරු වෙමින් තිබේ. රටේ ආර්ථික ස්ථාවරත්වය ගැන බලධාරීන් කවරක් කීවත්, බිම් මට්ටමේ ආර්ථික යථාර්ථය සහ අතිමහත් බහුතර පොදු ජනතාව මුහුණ දෙන අභියෝගයන් ගැන බොහෝ අදහස් සාමාන්‍ය මහජනයා සමග කතාබස් කිරීමෙන් වටහාගත හැකිය.

වැඩි විස්තර 👉https://tinyurl.com/ytjf6t7n

පෑන් පැන්සල් කඩදාසි නැති නඩු විභාග - ආණ්ඩුක්‍රම ව්‍යවස්ථා ප්‍රතිසංස්කරණ සහ අධිකරණ විකාශය

වැඩි විස්තර 👉https://tinyurl.com/5jrrfhzk

ඒක තමයි ලෙඩේ

වැඩි විස්තර 👉https://tinyurl.com/2jdxtwhp

යුද්දෙ දිගටම තිබුණොත් තේ වලට හතේ හත…මුල් මාස හතට තේ ආදායම ඇමරිකානු ඩොලර් මිලියන 67කින් පහළට

කොළඹ වරායෙන් හැල්මේ පටවන තේ පෙට්ටි රැගත් බහාලුම් දැන් පටවන්නේ ඉඳහිටය. තේ සඳහා පැවති ඉල්ලුම පහත වැටී ඇත. ඒ මෙම වසර ආරම්භයත් සමග මැද පෙරදිග ඇවිලී ගිය යුද්ධය හේතුවෙනි. මැදපෙරදිග යුද උණුසුම තවමත් සම්පූර්ණයෙන් පහව ගොස් නැත. අළු යට ඇති ගිනි පුපුරු මෙන් විටින් විට ගිනි දැල් මතු වේ.

එහි උණුසුම මැදපෙරදිගටත් වඩා දැනෙන්නේ අපටය. එක් පසෙකින් ඉන්ධන මිල ගණන් අහස උසට වැඩිවන අතරේ තවත් පසෙකින් මෙරට තේ කර්මාන්තයට එල්ලකොට ඇත්තේ මරු පහරකි. අපේ ප්‍රධාන තේ ගැනුම්කරුවන් වන තුර්කිය, ඉරාකය, සවුදි අරාබිය, සිරියාව වැනි රටවල් මේ දිනවල සිටින්නේ නිවි නිවී පත්තු වෙන යුදමය වාතාවරණයකය. ඔවුන් සෘජුවම යුද්ධයට සම්බන්ධ නොවුණත් ඇමරිකා – ඉරාන යුද්දයේ බලපෑම හේතුවෙන් අකැමැත්තෙන් වුවත් එහි පාර්ශ්වකරුවන් වී හමාරය.

වැඩි විස්තර 👉https://tinyurl.com/msdfr587

දුම්රිය ලෙඩ වෙයි…වැඩ වර්ජනයකුත් අත ළඟ

දිනපතා කොළඹ නගරයට පැමිණෙන ලක්‍ෂ පහකට අධික රජයේ හා පෞද්ගලික අංශයේ සේවකයන් වැඩි දෙනා පැමිණෙන්නේ දුම්රියෙනි. ඒ ගමනේ අවදානම, අපහසුතාවය දුම්රිය මගීහු හොඳින් දැන සිටිති. එමෙන්ම මෙරට බස් හෝ දුම්රිය වර්ජන පවතින දිනවලදී උදේට මහමඟ කඩි ගුලක් ඇවිසුණු ගාන ය. ඇතැමුන් බස්වලට දිව යන්නේ 2004 වසරේ සුනාමියෙන් බේරීමට දිව ගිය ආකාරයට ය.

දුම්රිය වර්ජන යනු මගී ජනතාව දැඩි පීඩාවකට පත් වන ගැටලුවක් බැවින් දිවයින කාර්යාලයට ගිය සැණින් දුම්රිය ස්ථානාධිපති සංගමයේ ප්‍රධාන ලේකම් කසුන් චාමර ජයසේකර මහතාට දුරකථන ඇමැතුමක් ලබාගෙන ඒ ගැන විමසා බැලුවෙමි. “දුම්රිය වෘත්තිය සමිති 24ක් ඒකාබද්ධව පැය 28ක වෘත්තීය ක්‍රියාමාර්ගයක් සිද්ධ කරනවා.

තවත් වෘත්තීය සමිති කිහිපයක් අප සමග එක්වීමට නියමිතයි. මේ දැනුත් ඒ සම්බන්ධයෙන් මාධ්‍ය සාකච්ඡාවක් කරමින් ඉන්නේ…” දුම්රිය සාමාන්‍යාධිකාරිවරයා එම තනතුරෙන් ඉවත් කරන්න කියන්නෙ ඇයි…? දුම්රිය ස්ථානාධිපති සංගමයේ ප්‍රධාන ලේකම්වරයාට පෙරළා මම පැනයක් යොමු කළෙමි.

“වත්මන් දුම්රිය සාමාන්‍යාධිකාරිවරයා වසරකට අධික කාලයක් දුම්රිය දෙපාර්තමේන්තුවේ සේවය කරල තියෙනවා. එම කාලය තුළ දුම්රිය ගමනාගමන කටයුතු සම්බන්ධයෙන් ඔහු අතින් සිදු විය යුතු සහ දුම්රිය දෙපාර්තමේන්තුවේ යම්, යම් අඩුපාඩු තිබේ නම් ඒ සම්බන්ධයෙන් දුම්රිය සාමාන්‍යාධිකාරිවරයා සොයාබැලිය යුතුයි.

යම් අඩුපාඩු ඇති නම් ඒ සම්බන්ධයෙන් ඍජුව වගකීම් භාරගත යුත්තේ දුම්රිය සාමාන්‍යාධිකාරිවරයා. ඒත් වත්මන් දුම්රිය සාමාන්‍යාධිකාරිවරයාගේ කාල වපසරිය තුළ සංචිතයෙන්ම එන්ජින් සහ බලවේග කට්ටල යම් ප්‍රමාණයක් අඩුවෙලා තියෙනවා. ඒ සම්බන්ධයෙන්වත් සාමාන්‍යාධිකාරිවරයා දැනුවත් වෙලා නෑ.

වැඩි විස්තර 👉https://tinyurl.com/3mk64xe8

ඒ බස් මේ බස් වගේ ද එයාර් බස්…නාමලුත් ඇතුළට ඊළඟට?

ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්‍ෂ පසුගිය 04 දා පෙරවරුවේ ගියේ අල්ලස් හෝ දූෂණ චෝදනා විමර්ශන කොමිෂන් සභාව වෙත ය. ඒ ශ්‍රීලන්කන් ගුවන් සමාගමට පුළුල් බඳ සහිත ගුවන් යානා බලඇණියක් ලබාගැනීමේදී සිදුවූවා යැයි කියන අල්ලස් ගැනීමේ සිද්ධියට අදාළව ප්‍රකාශයක් ලබාදීමට ය.

එහිදී කොමිසම හමුවේ පැය කිහිපයක් ප්‍රකාශ ලබාදීමෙන් අනතුරුව එකී විමර්ශනයට අදාළව ඔහුව අත්අඩංගුවට ගෙන තිබුණේ ය. ඉන් පසුව කොළඹ ප්‍රධාන මහෙස්ත්‍රාත් අධිකරණය වෙත ඉදිරිපත් කිරීමෙන් පසු සැප්තැම්බර් 18 වැනිදා දක්වා රක්‍ෂිත බන්ධනාගාරගත කිරීමට නියෝග කර තිබුණි.

නාමල්ට ඇති චෝදනාව වසර 2013 දී ශ්‍රී ලංකන් ගුවන් සමාගමට එයාර් බස් A330 ගුවන් යානා හයක් සහ A350 ගුවන් යානා 8ක් මිලදී ගැනීමේ ගනුදෙනුව සම්බන්ධයෙන් අල්ලස් ලබාගැනීමේ චෝදනාවට අදාළ විමර්ශන මේ වන විටත් ක්‍රියාත්මක වෙමින් තිබේ.

එහි නාමල් රාජපක්‍ෂට ඇති චෝදනාව 2013 වසරේදී ශ්‍රීලන්කන් ගුවන් සමාගම වෙනුවෙන් එයාර් බස් ගුවන් යානා මිලදී ගැනීමේ ගනුදෙනුවේදී, යුරෝ මිලියන 1.454ක සමස්ත අල්ලස් මුදලෙන් ඇමෙරිකානු ඩොලර් 800,000ක මුදලක් අල්ලස් වශයෙන් ලබාගැනීමය.

වැඩි විස්තර 👉https://tinyurl.com/yybpf7bc

පන්තියේ WhatsApp Group නමින් ළමුන්ට වින කරන සයිබර් උගුල්…!

කොතැනක බැලුවද ජංගම දුරකථනයක් අතැති දරුවෙක් දකින්න ලැබීම දැන් සුලබ දසුනකි. වයස් මට්ටමක් පිළිබඳ සැලකිල්ලක් නොකොට ළදරුවාගේ සිට සෑම තරුණ වැඩිහිටි මහළු කා අතත් ජංගම දුරකථනයක් රැඳී තිබීමත් නිරන්තරයෙන්ම එහි රැඳී සිටීමත් මත ක් කරන්න සෑම සියලු දෙනාම අවදානම් තත්ත්වයකට ලක්වීම ද දැන් සුලභය. එය අනාගතයේ අභාග්‍යසම්පන්න ඉරණමක් බව නොකියා බැරි තැනටම දැන් පත්ව තිබේ.

පාසල් දරුවන් මේ තත්ත්වයට නතුවූයේ අන්තර්ජාලය හරහා පාඩම් ආවරණය කිරීමට යොමු කිරීම හරහාය. පාසල් පන්තියේ නමින් පවත්වාගෙන යන බව පෙන්වන ව්‍යාජ WhatsApp Groups හරහා බාලවයස්කාර දරුවන් සමඟ සම්බන්ධ වන නාඳුනන පුද්ගලයන් පිළිබඳව කවුරුන් හෝ වැඩි සැලකිල්ලක් දක්වන්නේ නැත.

දරුවන් ජංගම දුරකථනය හරහා අවදානම් තත්ත්වයට ලක්වන බව වැඩිහිටියන් නොදන්නේ ඒ නිසාය. මව්පියන් ජංගම දුරකථනය අතැති දරුවන් පිළිබඳව දැඩි අවධානය යොමු කළ යුතු බවට අනතුරු ඇඟවීමක් කිරීමට කාලය එළඹ ඇත.

වැඩි විස්තර 👉https://tinyurl.com/2s4wwfwv

ඛනිජ තෙල් කරුමයක් නොවිය යුතු උරුමය

ශ්‍රී ලංකාවේ ඛනිජ තෙල් ගවේෂණ කටයුතු පිළිබඳ කතිකාව යළි ඇරඹී තිබේ. ඒ අන් කවරදාටත් වඩා බලාපොරොත්තුසහගත සහ විශ්වාසදායී ලෙසිනි. 2026 අගෝස්තු 25 වැනි දා, World Oil වෙබ් අඩවිය පළ කළ වාර්තාවේ මෙසේ දැක්වේ. “ශ්‍රී ලංකාව සිය 2026 සමුද්‍ර ඛනිජ තෙල් ගවේෂණ බලපත්‍ර වටය දියත් කර ඇත.

මෙහිදී මන්නාරම් ද්‍රෝණියේ වර්ග කිලෝමීටර 34,000 කට ආසන්න ප්‍රමාණයක් ආවරණය වන පරිදි, ගවේෂණ කලාප හතරක් ජාත්‍යන්තර තෙල් හා ගෑස් සමාගම් වෙත පිරිනමයි. ශ්‍රී ලංකා ඛනිජ තෙල් සංවර්ධන අධිකාරිය විසින් අගෝස්තු 25 වන දින දියත් කරන ලද 2026 ශ්‍රී ලංකා බලපත්‍ර වටය අනුව, 2026-MB-01, 2026-MB-02, 2026-MB-03 සහ 2026-MB-04 යන කලාප හරහා ඒකාබද්ධව වර්ග කිලෝමීටර 33,964 ක් ආවරණය කෙරේ. (මෙහි MB යනුවෙන් දැක්වෙන්නේ Mannar basin – මන්නාරම් ද්‍රෝණිය යන්නය.)

මෙම භූමි කොටස් හතරේ ප්‍රමාණය ආසන්න වශයෙන් වර්ග කිලෝමීටර 5,689 සිට වර්ග කිලෝමීටර 11,728 දක්වා පරාසයක පවතී. භූමි ප්‍රමාණය ආසන්න වශයෙන් මීටර් 100 සිට මීටර් 3,000 දක්වා වන ගැඹුරු ජලය හරහා විහිදේ.

මන්නාරම් ද්‍රෝණියේ පෙර සිදු කර ඇති ගවේෂණ, සක්‍රීය ඛනිජ තෙල් පද්ධතියක් ඇති බව තහවුරු කර ඇත. කෙසේ වුවද, ද්‍රෝණියේ සැලකිය යුතු කොටස් තවමත් ගවේෂණය කර නොමැති බව ශ්‍රී ලංකා ඛනිජ තෙල් සංවර්ධන අධිකාරිය පවසයි.

වැඩි විස්තර 👉https://tinyurl.com/4kpvnrx3

ගම්පහ පාතාලය ඉවරද…?ලොක්කෝ අත්අඩංගුවේ..ඒත් ගමේ කුඩු හිඟ නැහැ

ශ්‍රී ලංකාවේ සංවිධානාත්මක අපරාධ සහ මත්ද්‍රව්‍ය ජාවාරමට එරෙහිව මෑත කාලයේ සිදු වූ අත්අඩංගුවට ගැනීම් සුළුපටු නැත. විදේශගතව සිටි ප්‍රධාන පෙළේ සැකකරුවන් ගණනාවක් අත්අඩංගුවට ගෙන රටට ගෙනැවිත් තිබේ. කෙහෙල්බද්දර පද්මේ ඇතුළු සැකකරුවන් ඉන්දුනීසියාවේදී අත්අඩංගුවට ගැනීම එහි කැපී පෙනෙන අවස්ථාවකි. ඔහුගේ කණ්ඩායමට සම්බන්ධ බවට චෝදනා ලැබූ තවත් පුද්ගලයන් ද පසුව අත්අඩංගුවට පත්විය.

ශිරාන් බාසික් රටට ගෙනත් ඇත. ඔහු මේ රටේ ප්‍රධානම මත්ද්‍රව්‍ය ජාවරම්කරුවන් පස් දෙනාගෙන් කෙනෙක් බව විමර්ශන අංශ හෙළි කළේය. හරක් කටා හෙවත් නදුන් චින්තක අනෙක් ප්‍රධාන කුප්‍රකට ජාවාරම්කරු බව පැවසිනි. හරක්කටා දැන් ඉන්නේත් අත්අඩංගුවේ ය. පොඩි ලැසියා ඉන්දියාවේ සිට කුදලාගෙන පැමිණ ඇත.

මෝදර චතුර, බ්ලූමෙන්ඩල් සංඛ, වැල්ලේ සාරංග, මත්ද්‍රව්‍ය ජාලය තුළ නම් කියැවෙන අපරාධකරුවන්ය. උන් ඉන්නේත් අත්අඩංගුවේ ය. දකුණේ සංවිධානාත්මක අපරාධ කල්ලිවල ම්ලේච්ඡත්වයෙන් ඉහළම කාලකණ්ණියා කරන්දෙණියේ සුද්දාය.

කරන්දෙණියේ පාතාල අපරාධවල ප්‍රධානම කොටස මෙහෙයවූ ඔහුගේ සොයුරු කරන්දෙණියේ රාජු හෙවත් එස්.එෆ් රාජුත් බන්ධනාගාරයේ ය. දකුණේ මේ වනවිට සිටින අනෙක් නින්දාසහගත මත්ද්‍රව්‍ය ජාවාරම්කරු වූ දෙහි බාලේ මල්ලිගේ සොයුරා කළුමල්ලී මේ වනවිට ඩුබායි අත්අඩංගුවේය.

වැඩි විස්තර 👉https://tinyurl.com/bdf456x9

එල් නිනෝ අක්කර 1500කට ගිනි තියලා

එල්-නිනෝ බලෑමෙන් වියැළුණු දිස්ත්‍රික්ක අටක (08ක) වනාන්තර, තෘණ බිම්, පතන් සහ ලඳු කැලෑ ගිනි තැබීම් දිනපතා වාර්තා වන බව වන සංරක්ෂණ දෙපාර්තමේන්තුව කියයි. පෙරේදා ( 11දා) වන විට අක්කර එක්දහස් පන්සියයකට ආසන්න ප්‍රමාණයක් ගිනි තබා විනාශ කර තිබෙන බව වාර්තා වී ඇත. පෑවිල්ල උග්‍රව බලපා ඇති මොනරාගල දිස්ත්‍රික්කයේ ගිනි තැබීම් වාර්තාවීම ඉහළ ගොස් ඇත.

නුවරඑළිය, මාතලේ, පොලොන්නරුව, අනුරාධපුරය, ත්‍රිකුණාමලය, බදුල්ල සහ මහනුවර දිස්ත්‍රික්කවල රක්ෂිත වනාන්තර, කෘත්‍රිම වන වගා ප්‍රදේශ ගිනි තැබීම ඉහළ ගොස් තිබෙන බව වන සංරක්ෂක ඩබ්.බී.එන්.ජී. ප්‍රසාද් මහතා පැවැසීය.

වැඩි විස්තර 👉https://tinyurl.com/vjr9zc4s