Ceylon Post

ප්‍රතිසංස්කරණය කළ ස්නායු රෝග විද්‍යා ආයතනය අද ජනතා අයිතියට...

ප්‍රතිසංස්කරණය කළ ස්නායු රෝග විද්‍යා ආයතනය අද (01) ජනතා අයිතියට පත් කෙරෙනවා.

ශ්‍රී ලංකාවේ ස්නායු රෝගී ප්‍රතිකාර සේවාවන් අතිශය පුළුල් හා කාර්යක්ෂම කිරීමේ අරමුණින් ජාතික රෝහලේ ස්ථාපිත කර ඇති මෙම ආයතනය රුපියල් මිලියන 99ක් වැය කර ප්‍රතිසංස්කරණය කර ඇති බවයි සෞඛ්‍ය අමාත්‍යාංශය නිවේදනය කළේ.

ස්නායු රෝගී ප්‍රතිකාර සේවාවන් මගින් මොළය, සුෂුම්නාව, ස්නායු සහ පේශි පද්ධතිය ආශ්‍රිතව ඇතිවන රෝගී තත්ත්වයන් හඳුනා ගැනීම සහ ප්‍රතිකාර කිරීම සිදු කරනු ලබන අතර මෙම ප්‍රතිසංස්කරණ ව්‍යාපෘතිය හරහා ශ්‍රී ලංකාවේ ස්නායු රෝගී ප්‍රතිකාර සේවාවන් අතිශය පුළුල් හා කාර්යක්ෂම වනු ඇති.

මෙම ඒකකය එක් වාට්ටුවකට රෝගී ඇඳන් 22 බැගින් වන කාන්තා හා පිරිමි වාට්ටු 2කින් ද සමන්විත වනවා.

මෙහි බිම් මහලෙහි භෞත චිකිත්සකත ඒකකයකින්ද, තෙවෙනි මහලෙහි භාෂා, වෘත්තීය චිකිත්සක ඒකක සහ ශ්‍රවණාගාරයකින්ද සමන්විතයි.

මෙම ආයතනය විවෘත කිරීමෙන් පසු දැනට 16 වාට්ටුවේ වසර සියයකට වඩා පැරණි ගොඩනැගිල්ලක පවත්වාගෙනු යනු ලබන ස්නායු ඒකක වඩාත් පහසුකම් සහිතව තදබදයකින් තොරව රෝගීන්ට සහ කාර්ය මණ්ඩලට අවශ්‍ය පහසුකම් සැලසෙනවා.

2026.06.01
join our whatsapp group >> https://chat.whatsapp.com/L3JCyoPqaQl1ALC9KgucT

මීගොඩ දන්සලක් අසල අනතුර - 06 ක් ජීවිතක්ෂයට
07ක් රෝහලට

මීගොඩ ප්‍රදේශයේ දන්සැලක පෝලිමක සිටි පිරිසක් දෙසට කැබ්රථයක් ධාවනය වීම හේතුවෙන් සිදු වූ රිය අනතුරකින් පුද්ගලයින් 6දෙනෙකු මියගොස් තිබෙනවා.

අනතුරින් තුවාල ලැබූ තවත් කුඩා දරුවෙකු ඇතුළු 7දෙනෙකු හෝමාගම මූලික රෝහලට ඇතුළත් කර ඇති බවයි පොලිසිය පැවසුවේ.

අවිස්සාවේල්ල දෙස සිට කොළඹ දෙසට ධාවනය වූ කැබ් රථයක් මීගොඩ මංසන්ධියේ පැවති දන්සැලක පෝලිමක සිටි පිරිසක් දෙසට ධාවනය වී ඇති බව වාර්තා වනවා.

එම අවස්ථාවේදී අදාළ දන්සැල් පෝලිමේ සිටි වයස අවුරුදු 15, 32, සහ 56 හැවිරිදි කාන්තාවන් තිදෙනෙකු, වයස අවුරුදු 35 සහ 38 වයස්වල පසු වන පිරිමි පුද්ගලයින් තිදෙනෙකුයි මෙලෙස මියගොස් ඇත්තේ.

මියගිය පිරිස අතර පාදුක්ක ප්‍රදේශයේ එකම පවුලේ සහෝදරයින් දෙදෙනෙකු සහ පිළියන්දල ප්‍රදේශයේ අඹුසැමි යුවලක් ද සිටින බව සඳහන්.

කැබ් රථයේ රියදුරු මේ වන විට පොලිසිය විසින් අත්අඩංගුවට ගෙන තිබෙනවා.

සැකකරු හෝමාගම මහේස්ත්‍රාත් අධිකරණය වෙත ඉදිරිපත් කිරීමට නියමිතයි.

2026.06.01
join our whatsapp group >> https://chat.whatsapp.com/L3JCyoPqaQl1ALC9KgucT

කළමැටිය වෙරළේ දිය නෑමට ගොස්
අතුරුදන් වූ සිසුන් තිදෙනාගේ
සිරුරු සොයා ගැනේ

හුංගම, කලමැටිය මුහුදේ ඊයේ (30) සවස දිය නෑමට ගොස් සිටියදී අතුරුදන් වූ පාසල් සිසුන් තිදෙනාගේම සිරුරු සොයා ගෙන තිබෙනවා.

මෙම අවාසනාවන්ත සිදුවීමෙන් ජීවිතක්ෂයට පත්ව ඇත්තේ වයස අවුරුදු 12, 17 සහ 18 වයස්වල පසුවන පාසල් සිසුන් තිදෙනෙක්.

මෙම තිදෙනා හුංගම ප්‍රදේශයේම පදිංචිකරුවන් වන බවද පොලීසිය පැවසුවා.

2026.05.31

join our whatsapp group >> https://chat.whatsapp.com/L3JCyoPqaQl1ALC9KgucT

බෙලාවියා ගුවන් සේවය
මෙරට යළි
ගුවන් ගමන් අරඹයි

බෙලරුස් රාජ්‍යයට අයත් බෙලාවියා ගුවන් සේවය ඔක්තෝබර් 27වනදා සිට නැවතත් ශ්‍රී ලංකාව බලා ගුවන් ගමන් ආරම්භ කරන බව නිවේදනය කරනවා.

මෙම ගුවන් සේවය එයාර්බස් ඒ330-200 ගුවන් යානා යොදාගනිමින් අඟහරුවාදා දිනවලදී ක්‍රියාත්මක කිරීමට නියමිතයි.

ඒ අනුව මින්ස්ක් නුවරින් පෙ.ව 12:50ට පිටත්වන එම ගුවන් යානය පස්වරු 12.40 වන විට මත්තල ගුවන් තොටුපළ වෙත ළඟාවීමට නියමිත බව සඳහන්.

එමෙන්ම මත්තලින් පස්වරු 2:40ට පිටත් වන ගුවන් යානය රාත්‍රී 10:10ට මින්ස්ක් නුවරට ළඟා වනු ඇති.

ගුවන් ගමන සඳහා ගතවන කාලය දළ වශයෙන් පැය 9ත් 10ත් අතර වන බව වාර්තා වේ.

2026.05.31

join our whatsapp group >> https://chat.whatsapp.com/L3JCyoPqaQl1ALC9KgucT

බස් ගාස්තු මිලට
මොකද වෙන්නේ?
NTC නිවේදනයක්

ඩීසල් මිල ඉහළ දැමීමට රජය පියවර ගෙන තිබුණ ද ඉදිරියේදී බස් ගාස්තු ඉහළ දැමීමක් සිදු නොකරන බව ජාතික ගමනාගමන කොමිෂන් සභාව (NTC) අවධාරණය කරනවා.

එම කොමිෂන් සභාව සඳහන් කරන්නේ වත්මන් ඩීසල් මිල සංශෝධනය හමුවේ වුවද, පවතින බස් ගාස්තු සූත්‍රයට අනුව වහාම බස් ගාස්තු වැඩි කිරීමේ අවශ්‍යතාවක් පැන නොනගින බවයි.

මේ හේතුවෙන් පොදු ප්‍රවාහන සේවා භාවිත කරන මගී ජනතාවට අමතර බරක් පැටවීමට ඉඩ නොදෙන බවයි එම කොමිෂන් සභාව වැඩිදුරටත් පැවසුවේ.

2026.05.31

join our whatsapp group >> https://chat.whatsapp.com/L3JCyoPqaQl1ALC9KgucT