Red Eye

......පරණ විදිහට ඇහෙන QR කතාව ......

වර්තමානයේ මැදපෙරදිග කලාපය කේන්ද්‍ර කරගනිමින් ඇවිළී යන යුදමය තත්ත්වය භූ දේශපාලනික සීමාවන්ට පමණක් ලඝු කළ නොහැකි ගෝලීය ආර්ථික අර්බුධයක් දක්වා පැමිණ තිබෙනවා.
ලෝක බැංකුව, ජාත්‍යන්තර මූල්‍ය අරමුදල (IMF) සහ බ්ලූම්බර්ග් (Bloomberg) වැනි ප්‍රමුඛ ආයතනවල විමර්ශන වාර්තාවලට අනුව, සහ ලෝක ආර්ථික විශ්ලේෂකයන්ට අනුව මෙම ගැටුම මේ වන විට මිනිස් ජීවිත විනාශයෙන් ඔබ්බට ගොස් දශක ගණනාවකින් ගොඩනැගූ දැවැන්ත ආර්ථිකයන් සුනු විසුනු කරන ආර්ථික බිඳවැටීමක් නිර්මාණය කර තිබෙන බවයි පෙන්වා දෙන්නේ .
තවද මෙය සමස්ත ලෝක ආර්ථිකයටම එකවර දැනෙන දැවැන්ත ආර්ථික අවපාතයක අදුරු සෙවනැලි පතිත කාල පරිචිඡේදයක් වනු ඇතැයි ආර්ථික විශේෂඥයෝ පෙන්වා දෙනවා.

මෙම මැදපෙරදිග යුද්ධයේ මීළඟ සහ දරුණුතම ආර්ථික බලපෑම එල්ල වී ඇත්තේ බලශක්ති යටිතල පහසුකම් වෙතයි. විශේෂයෙන්ම ඇමරිකාව සහ ඉරානය විසින් එකිනෙකාගේ තෙල් පිරිපහදු මධ්‍යස්ථාන ඉලක්ක කරමින් එල්ල කරන ලද ප්‍රහාර හේතුවෙන් සිදුව ඇති මූල්‍ය හානිය ඩොලර් ට්‍රිලියන ගණනින් බවයි ආර්ථික විශ්ලේෂණ දත්ත පෙන්වා දෙන්නේ. මේ වනවිට ඉරානයේ ප්‍රධාන තෙල් පිරිපහදු සහ අපනයන පර්යන්ත විනාශ වීමත් සමඟ, එරට ජාතික ආදායමේ ප්‍රධානතම ජීවනාලිය සම්පූර්ණයෙන්ම අඩපණ වී තිබෙනවා.

ඩොලර් බිලියන ගණනක් ආයෝජනය කර ගොඩනැගූ මෙම අතිදැවැන්ත පිරිපහදු මධ්‍යස්ථාන යළි ගොඩනැගීම සඳහා වසර ගණනාවක කාලයක් සහ අතිවිශාල ප්‍රාග්ධනයක් අවශ්‍ය වනු ඇති බව මූල්‍ය දත්ත විශ්ලේෂකයෝ අවධාරණය කරනවා.තෙල් ගබඩා සහ පිරිපහදු විනාශ වීම හුදෙක් එක් රටකට පමණක් නොව, හෝමූස් සමුද්‍ර සන්ධිය හරහා සිදුවන ගෝලීය බලශක්ති සැපයුම් දාමය මුළුමනින්ම අඩාල කිරීමට සමත් වී තිබෙනවා .මෙහි ඛේදනීය තත්ත්වය නම් තෙල් අපනයනය මත රදා පවතින ලංකාව වැනි රටටකට මෙවැනි ගෝලිීය අර්බුදයකදී දැනෙන ආර්ථික අවපාතයන අදුරු සෙවනැල්ලේ ප්‍රමාණයයි.

මෙම සමස්ත මූල්‍ය අර්බුදයේ ප්‍රතිඵල ඊළඟ අදියරේදී ගෝලීය ආර්ථිකය වෙත දැඩිව දැනෙනු ඇත්තේ එකතැන පල්වන ආර්ථික උද්ධමනයක් ලෙසින් බව මේ වන විටත් ලෝක ආර්ථික දත්ත පෙන්වා දෙනවා.ලෝක ආර්ථිකය, රටවල්වල ආර්ථික තත්ත්වය, වෙළඳපොළ ප්‍රවණතා සහ ව්‍යාපාරික පරිසරය පිළිබඳ දත්ත විශ්ලේෂණ, අනාවැකි (forecasts) සහ පර්යේෂණ වාර්තා සකස් කරන, රටවල් 200කට ආසන්න සංඛ්‍යාවක් සඳහා ආර්ථික දත්ත, GDP වර්ධන අනාවැකි, උද්ධමනය, වෙළඳපොළ තත්ත්වය වැනි කරුණු විශ්ලේෂණය සපයන ඔක්ස්ෆර්ඩ් ඉකොනොමික්ස් (Oxford Economics) වැනි ආයතනවල විශ්ලේෂණවලට අනුව, කලාපයේ තෙල් සහ ද්‍රවීකෘත ස්වභාවික වායු (LNG) සැපයුම අවහිර වීමත්, යටිතල පහසුකම් විනාශ වීමත් නිසා බලශක්ති මිල ගණන් මේ වන විට අසාමාන්‍ය ලෙස ඉහළ යමින් පවතින බවයි පෙන්වා දෙන්නේ.
මෙවැනි තත්ත්වයක් තුළ ලෝක ආර්ථික වර්ධනය මන්දගාමී වන අතර, ශ්‍රී ලංකාව වැනි සංවර්ධනය වෙමින් පවතින රටවල ආනයන පිරිවැය දරාගත නොහැකි මට්ටමකට පත්වනු ඇත.
ලොකයේ මෙවැනි ආර්ථික අවපාතයක සෙවනැලි පතිත වෙමින් පවතින මොහොතක, යුදමය තත්ත්වය තව තවත් උනුසුම් කරමින් ඉරානයේ නව උත්තරීතර නායක මොජ්ටාබා කමේනි සහ එරට ඉස්ලාමීය විප්ලවවාදී ආරක්ෂක බළකායේ ඉහළ පෙළේ නායකයින් ගැන තොරතුරු සපයන්නෙකුට අමෙරිකානු ඩොලර් මිලියන 10 දක්වා වූ මුල්‍ය ත්‍යාගයක් ලබාදීමට අමෙරිකානු රාජ්‍ය දෙපාර්තමේන්තුව තීරණය කර තිබෙනවා.එමෙන්ම අමෙරිකාව හා ඊශ්‍රායලය ඒකාබද්ධව ඉරානයට එරෙහිව සිදුකරන යුද්ධය වෙනුවෙන් මැදපෙරදිගට අමතර භට පිරිස්, මැරීන් භටයින් සහ නාවික නෞකා යෙදවීමටත් ඩොනල්ඩ් ට්‍රම්ප් පාලනය තීරණය කර තිබෙනවා.මේ අතර විදෙස් වාර්තා පවසන්නේ හෝමූස් සමුද්‍ර සන්ධිය අසල කාර්ග් දූපතේ හමුදා ස්ථාන කිහිපයකටම අමෙරිකාව විසින් බෝම්බ හෙළා ඇති බවයි.
මේ අතර ඉරානයේ නව උත්තරීතර නායක මොජ්තාබා කමේනි සිදු කළ ප්‍රකාශයට අනුව, ලොව කාර්යබහුල ම තෙල් ප්‍රවාහන මාර්ගය වන හොමූස් සමුද්‍ර සන්ධිය අඛණ්ඩව අවහිර කිරීමට ඉරානය පියවර ගනු ඇති බවට විදෙස් මාධ්‍ය උපුටා දක්වමින් සදහන් කරනවා.
ඉරානයේ නව උත්තරීතර නායක මොජ්තාබා කමේනි සිදු කළ ඔහුගේ පණිවිඩය ඉරාන රාජ්‍ය රූපවාහිනිය ඔස්සේ විකාශය වූ නමුත් කමේනි පෞද්ගලිකව එහි පෙනී සිටියේ නැත. ඒ වෙනුවට ඔහුගේ පණිවිඩය ප්‍රවෘත්ති නිවේදකයෙකු විසින් කියවන ලදී.එක්සත් ජනපදය හා ඊශ්‍රායලය සමග යුද්ධයේදී මියගිය ඉරාන ජාතිකයින් වෙනුවෙන් ඉරානය පළිගන්නා බව කමේනි පැවසූ අතර, ඇමෙරිකානු හමුදා කඳවුරු සඳහා සත්කාරකත්වය සැපයීම නවත්වන ලෙස අසල්වැසි රටවලට ඔහු අනතුරු ඇඟවා තිබෙනවා.

මැද පෙරදිග කලාපයේ යුදමය තත්ත්වය මාස දෙක තුනක් පැවැතියහොත් මෙරටට මාසයකට දළ වශයෙන් එක්සත් ජනපද ඩොලර් මිලියන 80 ත්, 90 ත් අතර ආදායමක් අහිමි වීමේ අවදානමක් පවතින බව අපනයන සංවර්ධන මණ්ඩලය සදහන් කරනවා. යුදමය තත්ත්වය හේතුවෙන් මෙරට අපනයන ක්ෂේත්‍රයට සියයට අටක පමණ බලපෑමක් පවතින බවද අපනයන සංවර්ධන මණ්ඩලය උපුටා දක්වමින් වාර්තා කර ති‌බෙනවා. මෙරට සමස්ත අපනයනවලින් 6% ත්, 8% ත් අතර ප්‍රමාණයක් අපනයනය කෙරෙන්නේ මැද පෙරදිග රටවල් සදහායි. ඉකුත් 2025 වසරේදී මැද පෙරදිග රටවලට මෙරටින් එක්සත් ජනපද ඩොලර් මිලියන 1084 ක අපනයනයන් කර ඇති බව ආර්ථික දත්ත පෙන්වා දෙනවා . ඉන් එක්සත් ජනපද ඩොලර් මිලියන 562 කම අපනයනය කර ඇත්තේ ඇඟලුම්, පොල් ආශ්‍රිත නිෂ්පාදන, ආහාරපාන වර්ග, කුළුබඩු හා අනෙකුත් අපනයනයන්ය.
.....2022 ශ්‍රී ලංකාවේ ආර්ථික අර්බුදය සහ 2026 QR ප්‍රවේශය.......

වර්තමාන යේ සිදු වී තිබෙන මෙම ගෝලීය ආර්ථික අර්බුදයක ප්‍රවේශය සහ මීට පෙර පැවති තත්ත්වය පිළිබද විපක්ෂය ගෙන යන සංසංධනාත්මක විග්‍රහය ජුගුස්වා ජනකය.
පසුගිය කාලයේ මෙරට පැවති ආර්ථික අර්බුදය හා මේ වන විට පවතින අර්බුදය පිළිබද ආර්ථිකමය හා දේශපාලන සාධනීය විග්‍රහයක් කර ගැනීම ඉතා වැදගත්ය.
2022 වසරේ ශ්‍රී ලංකාව නිදහසෙන් පසු මුහුණ දුන් දැඩිම ආර්ථික අර්බුදයකට ලක්විය. විදේශ ණය බර ඉහළ යාම, විදේශ විනිමය හිඟය, උද්ධමනය සහ ආනයන සීමා වැනි කරුණු එකට එකතු වීම මෙම අර්බුදයට ප්‍රධාන බව ආර්ථික විශ්ලේෂණ දත්ත පෙන්වා දෙන්නේ . මෙම තත්ත්වය හේතුවෙන් රටේ ආර්ථික ක්‍රියාකාරකම් බොහෝමයක් බාධා වූ අතර ජන ජීවිතය දැඩි ලෙස බලපෑමට ලක් විය.පළමුව, විදේශ විනිමය සංචිත දැඩි ලෙස පහළ වැටීම මෙම අර්බුදයේ ප්‍රධාන කරුණක් විය. 2020 වසරේදී ශ්‍රී ලංකාවට බිලියන ගණනක විදේශ විනිමය සංචිත තිබුණද 2022 වන විට එය ඩොලර් බිලියන 2ටත් අඩු මට්ටමකට පහළ වැටුණි. එය රටට මාසයකට පමණ ආනයන ගෙවීමට පමණක් ප්‍රමාණවත් වූ තත්ත්වයක් විය.
දෙවැනි කරුණ වන්නේ රාජ්‍ය ණය ගැටලුවයි. 2022 අප්‍රේල් මාසයේදී ශ්‍රී ලංකාව විදේශ ණය ගෙවීම් අත්හිටුවමින් බංකොලොත් තත්ත්වයක් (default) ප්‍රකාශ කළේය. එම අවස්ථාවේදී රටට ගෙවිය යුතු සමස්ත විදේශ ණය ප්‍රමාණය ඩොලර් බිලියන 50කට අධික වූ අතර, එය රටේ දළ දේශීය නිෂ්පාදනයට (GDP) සාපේක්ෂව සම්මතව 128% පමණ විය.
එමෙන්ම 2022 වසරේ උද්ධමනය ඉතා ඉහළ මට්ටමකට පැමිණියේය. සාමාන්‍ය උද්ධමනය 46% සිට 70% අතර මට්ටම්වලට ඉහළ ගොස් ආහාර, ඉන්ධන, ගෑස් සහ අනෙකුත් දෛනික භාණ්ඩ මිල දැඩි ලෙස ඉහළ ගියේය. මෙය ජනතාවගේ ජීවන වියදම අතිශයින් වැඩි කළේය.
ආර්ථික වර්ධනයද දැඩි ලෙස පහළ ගියේය. 2022 වසරේදී ශ්‍රී ලංකාවේ GDP සම්මතව 7%–8% අතර ප්‍රමාණයකින් අඩු වූ අතර කර්මාන්ත, කෘෂිකර්ම සහ සේවා අංශ සියල්ලම පහත වැටීමක් පෙන්නුම් කළේය.මෙම තත්ත්වය හේතුවෙන් ඉන්ධන, විදුලි සහ අත්‍යවශ්‍ය භාණ්ඩ හිඟයක්ද ඇති විය. විදේශ විනිමය නොමැතිවීම නිසා ඉන්ධන සහ ඖෂධ ආනයනය කිරීම අපහසු විය. එහි ප්‍රතිඵලයක් ලෙස දිගු ඉන්ධන පෝලිම්, විදුලි කප්පාදු සහ භාණ්ඩ හිඟය රට පුරා දැකගත හැකි විය.
සාරාංශයෙන් බලන විට, විදේශ ණය බර, විදේශ විනිමය හිඟය, උද්ධමනය සහ ආර්ථික වර්ධනය කඩා වැටීම යන කරුණු එකට එකතු වීමෙන් 2022 වසරේ ශ්‍රී ලංකාව දැඩි ආර්ථික අර්බුදයකට සහ බංකොලොත් තත්ත්වයකට මුහුණ දුන්නේය.
දශක කිහිපයක් පුරා මෙරට අදූරදර්ශී දේශපාලන හා ආර්ථික මුලපායන්ගේ ක්‍රියාවලියක ප්‍රතිපලයක කූටප්ප්‍රප්තිය බවට පත් වූයේ 2022 අප්‍රේල් මාසයේදී ශ්‍රී ලංකාව විදේශ ණය ගෙවීම් අත්හිටුවමින් බංකොලොත් තත්ත්වයක් (default) බවට ප්‍රකාශයට පත් වීමයි.
එම අවස්ථාවේදී ඉන්ධන බෙදාහැරීම ක්‍රමවත් කිරීම සඳහා හඳුන්වා දුන් National Fuel Pass (QR) ක්‍රමය තෙල් බෙදාහැරීම පාලනය කිරීමට සහ අධික භාවිතය වැළැක්වීමට වැදගත් මෙවලමක් විය. මෙම ක්‍රමය මඟින් වාහන ලියාපදිංචි කර සතිපතා ඉන්ධන ප්‍රමාණයක් සීමා කිරීම සිදු කළ අතර, ඉන්ධන පෝලිම් සහ කළු වෙළඳාම යම් තරමකට පාලනය කිරීමට හැකි විය.

2025 පසු වෙද්දී රජයේ ආර්ථික ස්ථායීකරණ වැඩ පිළිවෙල යටතේ රාජ්‍ය ආදායම් ඉලක්කයට යෑමට වත්මන් ආණ්ඩුවට හැකියාව ලැබී තිබෙනවා. ඒ වගේම, සමස්ත රාජ්‍ය ආදායම අනුපාතයක් ලෙස ඊට වඩා 1.5%කට ආසන්න මට්ටමකින් වැඩි වී තිබෙනවා.මේ මොහොතේ රජය සහ මහ බැංකුව ප්‍රශ්නයේ ගැඹුර නිවැරදිව අවබෝධ කරගෙන තිබෙන බවයි ආර්ථික දත්ත පෙන්වා දෙන්නේ. ඒ වගේම, ප්‍රශ්නයට මුහුණ දීම සඳහා කළ යුතු දේවල් කරමින් සිටින බවත් ආර්ථික විශ්ලේශන දත්ත පෙන්වා දෙනවා. මැදපෙරදිග යුද්ධයේ බලපෑම බොහෝ දුරට එන්නේ රටේ සමස්ත ආර්ථික පද්ධතියට. දිත්වා නිසා පසුගිය දෙසැම්බර් මාසය තුළ සංචාරක කර්මාන්තයේ යම් පසුබෑමක් විශ්වාස කරත් ආණ්ඩුවේ ආර්ථික ස්ථායිකරනය සහ දේශපාලන මැදිහත් වීම මත එය නැවත කලමණාකරණය කරගැනීමට හැකි විය. ඉරාන යුදමය තත්ත්වය පටන් ගනිද්දී ඒ තත්ත්වයේ විශාල වෙනසක් සිදු කර ගැනීමට ආණ්ඩුවට හැකි විය. ජනවාරි සහ පෙබරවාරි දෙමස තුළ, පෙර වසරට සාපේක්ෂව, සංචාරක පැමිණීම් වල 12.9%ක වර්ධනයක් රදවා ගැනීමට ආණ්ඩුවට හැකි විය.දළ ඇස්තමේන්තුවක් විදිහට යුද්ධය හේතුවෙන් රටට පැමිණෙන සංචාරකයින් ප්‍රමාණය අඩු විය හැකි වුවත් මේ වන විට එම තත්ත්වය පාලනයකට රදවා ගැනීමට ආණ්ඩුව සමත් වී තිබෙන බවයි පෙන්වා තිබෙන්නේ.

මේ අනුව පැහැදිලි වන පරිදි, තව දුරටත් ආයෝජන වලින් කොටසක් සිදු වන්නේ ණය ගැනීම් හරහා වුවත්, මේ තත්ත්වය යටතේ පොලී වියදම්ද ඇතුළුව, පරිභෝජනය සඳහා ණය ගැනීමක් සිදු වන්නේ නැහැ. ඒ නිසා, රජය විසින් ණය එකතු කරගන්නවාට වඩා වැඩියෙන් වත්කම් එකතු වීමක් සිදු වෙනවා. තිරසාර ආර්ථික වර්ධනයක් සඳහා අවශ්‍ය වන්නේ මෙවැනි ප්‍රවේශයක්. ඉදිරිපත් වන ආර්ථික දත්ත හා විශ්ලේශන වලට අනුව ලෝකය ආර්ථික අර්බුදයක ඒලිපත්තේ සිටින මොහොතක ආණ්ඩුවේ ආර්ථික කළමණාකරනය සාධනීය ප්‍රවේශයක් ගෙන තිබෙනවා.

පසුගියදා අමාත්‍ය මණ්ඩල තීරණ දැනුම් දීමේ මාධ්‍ය හමුවේ දී කැබිනට් මාධ්‍ය ප්‍රකාශවරයා සදහන් කළේ
" සාමාන්‍යයෙන් අපිට දවසකට පරිභෝජනය තිබුණේ පෙට්‍රල් මෙට්‍ර්ක් ටෝන් 4,000ට වඩා අඩුවෙන්, ඩීසල් නම් මෙට්‍ර්ක් ටොන් 4,000 - 4,400 අතර. මාර්තු 01 වෙනිදා ඉඳලා මාර්තු 09 දක්වා අපේ ඩීසල් පරිභෝජනය මෙට්‍රික් ටොන් 59,200යි. පෙට්‍රල් පරිභෝජනය මෙට්‍රික් ටොන් 47,500යි. ඒ කියන්නේ දළ වශයෙන් පෙට්‍රල් මෙට්‍ර්ක් ටොන් 13,000ක් පමණ, ඩීසල් මෙට්‍රික් ටොන් 23,000ක් පමණ වැඩිපුර පරිභෝජනය කරලා තිබෙනවා පසුගිය දවස් කීපය ඇතුළත."
"ලෝක වෙළඳපොළේ බොර තෙල් සහ පිරිපහදු තෙල් වැඩි වීම, අපේ පරිභෝජනය විසින් අපේ තෙල් සංචිත අඩු වීම සහ අලුතින් තෙල් ගෙන ඒම කියන කාරණා පදනම් කරගෙන මේ මිල වැඩි කරන්න සිද්ධ වුණා. මීට වඩා වැඩි කළ යුතු මිල වැඩියි, නමුත් විශාල මිල වැඩි කිරීමක් එකවර අපේ ආර්ථිකයට දරා ගන්න බැරි නිසා තමයි මේ ප්‍රමාණයට වැඩි කිරීම සිදුවුණේ. අනිත් පැත්තෙන් අපි බලාපොරොත්තු වෙනවා තෙල් පරිභෝජනය සීමා කිරීමට ජනතාව මේ අවස්ථාවේ කටයුතු කරයි කියලා."
අමාත්‍යවරයා මෙහිදී සදහන් කරන දෙය තුල සත්‍ය පදනමක් ඇත.
මැදපෙරදිග අර්බුදයට පෙර වාහන, කර්මාන්ත, කෘෂිකර්ම සහ ජනමාධ්‍ය අවශ්‍යතා සඳහා දිනපතා විශාල ප්‍රමාණයේ ඉන්ධන භාවිතා විය. ලෝක ආර්ථික අර්බුදයක් මතුවීමේ අවධානමක් පවතින මේ මොහොතේ අධික පරිභෝජනය ඉන්ධන සැපයුම කෙටි කාලයකදී ඉවර කර දමන අවදානමක් ඇති කර තිබෙනවා.
ලෝක ආර්ථික අර්බුදයක් සහ ඉන්ධන හිඟය පිළිබඳ ජනතාව අතර බිය සහ අවදානමක් පවතින විට, ඉන්ධන තොග රැස් කිරීම සිදු විය. සමහර වාහන හිමියන් සහ ව්‍යාපාරිකයන් තම වාහන සහ කාර්මික අවශ්‍යතා සපුරාලීමට තෙල් තොග තබා ගැනීමට ආරම්භ කළහ. මෙය වෙළඳපොළේ සැපයුම අඩු කළ අතර, දිගු පෝලිම් වැනි ප්‍රතිඵල ඇති කළේය.
මෙම හේතු එකට බැඳීමෙන් තෙල් සැපයුම සුරක්ෂිතව බෙදා හැරීම සඳහා පාලන ක්‍රමයක් අවශ්‍ය නිසා රජය QR Fuel Pass ක්‍රමය මත, එක් එක් වාහනයට සතියකට ලබා දෙන ඉන්ධන ප්‍රමාණය සීමා කිරීමෙන් අධික පරිභෝජනය සහ අධික තෙල් තොග රැස් කිරීම වැළැක්විය හැකිය.
මේ අනුව මාර්තු 15 වන දා උදෑසන 06.00 සිට බලපැවැත්වෙන පරිදි ඉන්ධන මිල දී ගැනීමේදී QR ක්‍රමය බලපැවැත්වෙන බව බලශක්ති අමාත්‍යංශය නිවේදනය කර තිබෙනවා.
2022 වසරේ ශ්‍රී ලංකාවේ ඉන්ධන අර්බුදය ඉතා දැඩි මට්ටමකට පැමිණියේ විදේශ විනිමය හිඟය හේතුවෙන් ඉන්ධන ආනයනය සීමා වීම නිසාය. නමුත් අද තත්ත්වය ඊට හාත් පසින්ම වෙනස්ය . ආණ්ඩුවේ මූල්‍ය කළමණාකරනය මත ආණ්ඩුවට මුදල් තිබුනද මැදපෙරදිග කලාපය කේන්ද්‍ර කරගනිමින් ඇවිළී යන යුදමය තත්ත්වය මත ඉන්ධන සැපයුමට සීමා පැනවී තිබෙනවා. පළමුව, මෙම ක්‍රමය මඟින් වාහන ලියාපදිංචි අංකය අනුව QR කේතයක් ලබාදී සතියකට ලබාගත හැකි ඉන්ධන ප්‍රමාණය සීමා කරන ලදී. මේ හේතුවෙන් අධික පරිභෝජනය පාලනය කර සමානව බෙදාහැරීම සිදු කළ හැකිය. 2022 අග භාගයේදී වාහන මිලියන 6කට අධික සංඛ්‍යාවක් මෙම පද්ධතිය යටතේ ලියාපදිංචි වී ඇති බවයි වාර්තා වන්නේ .
දෙවැනි කරුණ වන්නේ ඉන්ධන පරිභෝජනය අඩු කිරීමයි. දිනකට ඉන්ධන භාවිතය ලීටර් මිලියන 7–8 අතර පැවති අතර QR Fuel Pass ක්‍රමය හඳුන්වා දීමෙන් පසු එය ලීටර් මිලියන 4–5 අතර මට්ටමකට පහළ යෑමට හැකිය. මෙය ඉන්ධන සංචිත වැඩි කාලයක් පවත්වා ගැනීමට උපකාරී වෙයි .
තවද කළු වෙළඳාම සහ අසමබර බෙදාහැරීම අඩු වීම සඳහන් කළ හැක. QR පද්ධතිය මඟින් එක් වාහනයකට ලබාදෙන ඉන්ධන ප්‍රමාණය පාලනය වූ බැවින් අනීතික ලෙස ඉන්ධන එකතු කිරීම හෝ අධික ලෙස මිලදී ගැනීම අවම කර ගැනීමට හැකියාව ලැබෙනු ඇත.

- 2026.03.11 –

නව ආර්ථික අවස්ථාවලින් උපරිම ප්‍රයෝජන ගනිමින් ජාතික ආර්ථිකය
ශක්තිමත් කිරීමට එක් වන්න

ඒ වෙනුවෙන් අවශ්‍ය සියලු පහසුකම් සැලසීමට රජය සූදානම්

ලාංකේය ව්‍යවසායකයන්ගේ මණ්ඩලයේ (COYLE) 2026 වාර්ෂික
මහා සභා රැස්වීමට එක්වෙමින් ජනපති පවසයි

තනි තනිව නොව සාමුහිකව කටයුතු කරමින් මැදපෙරදිග යුද තත්ත්වය හමුවේ ආර්ථිකයට එල්ල වී ඇති බාහිර අභියෝගය ජය ගනිමු

විද්‍යාවේ සහ තාක්ෂණයේ දියුණුව විසින් මේ යුගයේ අත්පත් කරගෙන තිබෙන ආර්ථිකය ශ්‍රී ලංකාව තුළ ගොඩනැගීම වත්මන් රජයේ අරමුණ බවත් එම නව ආර්ථික අවස්ථාවලින් උපරිම ප්‍රයෝජන ගනිමින් ජාතික ආර්ථිකය ශක්තිමත් කිරීමට එක්වන ලෙස සියලු ව්‍යාපාරික ප්‍රජාවට ඇරයුම් කරන බවත් ජනාධිපති අනුර කුමාර දිසානායක මහතා පැවසීය.

ඒ වෙනුවෙන් අවශ්‍ය සියලු පහසුකම් සලසා දීමට රජය සූදානම් බව අවධාරණය කළ ජනාධිපතිවරයා නවීන ලෝකයත් සමඟ ඉදිරියට යාමට අසමත් වීම හේතුවෙන් ජාතියක් ලෙස අපට මඟහැරී ගිය ආර්ථික අවස්ථා රටට කැඳවාගෙන ඒම වත්මන් රජයේ අරමුණ බවද පැවසීය.

ඒ වෙනුවෙන් රජය පුළුල් සැලැස්මක් සකස් කර තිබෙන බවත්, ඩිජිටල්කරණය එහි ප්‍රධාන අංගයක් බවත් පෙන්වා දුන් ජනාධිපතිවරයා කෘත්‍රීම බුද්ධිය, දත්ත මධ්‍යස්ථාන වැනි ආර්ථික අවස්ථා පිළිබඳ එහිදී අවධානය යොමු කර තිබෙන බවද සඳහන් කළේය. එමෙන්ම, ඩිජිටල්කරණය සඳහා රජය මෙවර අයවැයෙන් රුපියල් බිලියන 6.5කට ආසන්න මුදලක් වෙන් කර ඇති බවත්, මේ වසර අවසානයට පෙර කෙසේ හෝ ඩිජිටල් හැදුනුම්පත නිකුත් කිරීමට අපේක්ෂා කරන බවත් ජනාධිපතිවරයා පැවසීය.

ජනාධිපති අනුර කුමාර දිසානායක මහතා මේ බව සඳහන් කළේ ඊයේ (10) පස්වරුවේ කොළඹදී පැවති ලාංකේය ව්‍යවසායකයන්ගේ මණ්ඩලයේ (COYLE) 2026 වාර්ෂික මහා සභා රැස්වීමට එක් වෙමිනි.
‘පරපුරෙන් පරපුරට ශක්තිමත් හෙටක් හදන අදක්’ තේමාව යටතේ මෙවර වාර්ෂික මහා සභා රුස්වීම පැවැත්විණි.

ඕනෑම ආර්ථිකයක් ඉදිරියට යන්නේ ඒ කෙරෙහි ඇති විශ්වාසය මත බවත්, ව්‍යාපාරිකයන්, මූල්‍ය ක්ෂේත්‍රයේ කටයුතු කරන අය සහ සමාන්‍ය ජනතාව තුළ ආර්ථිකය පිළිබඳ විශ්වාසයක් තිබිය යුතු බවත් මෙහිදී පෙන්වා දුන් ජනාධිපතිවරයා සෑම විමට අවිශ්වාසය විසින් ආර්ථිකයන් බිඳ වට්ටනු ලබන බවද සඳහන් කළේය.

අද රටක් ලෙස අපිට අවශ්‍ය නොසෙල්වෙන මෙන්ම බාහිර සහ අභ්‍යන්තර කම්පනයන්ට ඔරොත්තු දෙන ආර්ථිකයක් බවත්, අද ගොඩනඟමින් සිටින්නේ එවන් ආර්ථිකයක් බවත් ජනාධිපතිවරයා පැවසීය.

අභ්‍යන්තර කම්පන ජය ගත්තද, මේ මොහොතේ මැද පෙරදිග යුදමය තත්ත්වය හේතුවෙන් බාහිර කම්පනයක් එල්ල වී ඇති බවත්, මාර්තු මස මුල සිට මේ වන විට බොරතෙල් බැරලයක මිල 42% කින් පමණ ඉහළ යාමත් සමඟ ලෝක වෙළඳපොළේ දැඩි අවිනිශ්චිතතාවයක් නිර්මාණය වී ඇති බවත්, මෙරට පාරිභෝගික හැසිරීම් වලද අවිනිශ්චිතතාවයක් දක්නට ලැබෙන අතර, මාර්තු 1 වනදා කිලෝලීටර 4500 ක් වූ ඩීසල් අලෙවිය මාර්තු 3 වනදා වන විට කිලෝලීටර 10,500 දක්වා ඉහළ යාම ඊට උදාහරණයක් බවත් ජනාධිපතිවරයා සඳහන් කළේය.

2022 වසරේ ඇතිවූයේ ඩොලර් හිඟය නිසා ඇති වූ අර්බුදයක් වුවත්, මෙවර පවතින්නේ සැපයුම් මාර්ග අවහිර වීම නිසා ඇති වූ සැපයුම් අර්බුදයක් බවත් පෙන්වා දෙමින්, තනි තනිව නොව සියලුදෙනා සාමුහිකව සිටිමින් ඊට මුහුණදී අභියෝගය ජයගත හැකි බවද ජනාධිපති අනුර කුමාර දිසානායක මහතා සඳහන් කළේය. අර්බුදයට මුහුණ දීම වෙනුවෙන් රජය 'ආර්ථික ආවේක්ෂණ කමිටුවක්' පිහිටුවා ඇති අතර සැපයුම් පවත්වාගෙන යාම වෙනුවෙන් මිත්‍ර රාජ්‍යයන් සමඟ සාකච්ඡා කරමින් සිටින බවද ජනාධිපතිවරයා වැඩිදුරටත් සඳහන් කළේය.

ශ්‍රී ලංකාවේ නැගී එන ව්‍යවසායක නායකත්වය නියෝජනය කරන තරුණ ලාංකිකයන්ගේ ව්‍යවසායකයන්ගේ මණ්ඩලය මෙරට ආර්ථිකයේ සුවිශේෂී පංගුකරුවෙක් ලෙස ඉටු කරන මෙහෙවරද මෙහිදී ජනාධිපතිවරයාගේ ඇගයීමට ලක් වූ අතර එහි නව සභාපතිවරයා ඇතුළු සියලු සාමාජිකයන් වෙත සිය සුබපැතුම් එක් කළේය.

ලාංකේය ව්‍යවසායකයන්ගේ මණ්ඩලයේ නව සභාපති සුරේන් චන්ද්‍රරත්න මහතා සහ හිටපු සභාපති මංජුල විජේසුන්දර, ජ්‍යෙෂ්ඨ උප සභාපති ඩෑන් ද සිල්වා යන මහත්වරුද මෙහිදී අදහස් දැක්වූහ.

නව සභාපති සුරේන් චන්ද්‍රරත්න මහතා මෙහිදී සඳහන් කළේ නව ව්‍යවසායකයන්ට අලුත් හෙටක් නිර්මාණය කර දීම තම අපේක්ෂාව බවයි.

මෙහිදී වැඩිදුරටත් අදහස් දැක්වූ ජනාධිපති අනුර කුමාර දිසානායක මහතා

මෙම COYLE සංසදය සහ පෞද්ගලිකව මා අතර දිගුකාලීන සබඳතාවක් තිබෙනවා. ඔබ අපගේ ප්‍රතිපත්ති පිළිබද සහ අප අනුගමනය කරන උපායමාර්ග පිළිබද එදා මා වෙත ප්‍රශ්න මාලාවක් ඉදිරිපත් කළා. අපි බලය ලබා ගෙන දැන් වසරකට වැඩි කාලයක් ගත වී තිබෙනවා. ඔබට එදා තිබු ප්‍රශ්න තවත් තිබෙනවද, අපේ ආර්ථික ප්‍රතිපත්ති පිළිබද යම් සැකයක් පැවතියා නම් මම හිතන්නේ අද එම සැකය අවසන් වී තිබෙනවා. දැන් තිබෙන්නේ මේ ඇති වී තිබෙන අර්බුදයන්ට සාර්ථකව මුහුණ දී අපේ මාතෘභූමිය ජයග්‍රාහී රාජ්‍යයක් බවට පත් කිරීමයි. ඒ වෙනුවෙන් අපි ගනු ලබන ක්‍රියාමාර්ග මොනවද යන්න තමයි දැන් ඔබට තිබෙන සංවාදය කියා මම විශ්වාස කරනවා.

අපි කවුරුත් දන්නවා අපේ රට මීට වසර කිහිපයකට පෙර ඉතා විශාල බිඳ වැටීමකට ලක් වුණා. ආර්ථික බිඳ වැටීමකින් පසු කිසිදු දෙයක් ඉතිරි වන්නේ නැහැ. සියල්ල ඇණ හිටිනවා. ඒ නිසා ආර්ථිකයක් බිඳ වැටීම සමාජ දේහයට මොනතරම් විනාශයක් ගෙන එනවාද යන්න පිළිබදව අපි කාටත් ඉතා අමිහිරි අත්දැකීමක් මෑත කාලයේ තිබෙනවා. එසේ නම් රජයක් ලෙස අපිට පැවරුණු පළමු වගකීම වූයේ ආර්ථිකය පිළිබඳ යළි විශ්වසය කැටුව ඒමයි. ආර්ථිකයක් ඉදිරියට ගෙන යාමට නම් ඒ ආර්ථික චලනය පිළිබද ඔබ විශ්වාස කළ යුතුයි. ව්‍යාපාරිකයන්, කර්මාන්තකරුවන් තුළ ආර්ථිකය කෙරෙහි විශ්වාසය ගොඩනැගිය යුතුයි.

අපි බලය ලබා ගන්නා විටත් ජාත්‍යන්තර මූල්‍ය අරමුදල සමඟ විස්තීරණ ණය වැඩසටහනකට ඇතුළත් වී තිබුණා. එම විස්තීරණ ණය වැඩසටහන තුළ අපිට ඉලක්ක සහ යම් පරාමිතීන් හඳුන්වා දී තිබුණා. ඒ පරාමිතින් පසෙක තැබුවත් ආර්ථිකයක් පිළිබඳ විශ්වාසය තහවුරු කළ හැකි සාධක කිහිපයක් තිබෙනවා. මා හිතනවා ඒ සාධක කිහිපයෙන්ම ජාත්‍යන්තර මුල්‍ය අරමුදල සමඟ තිබෙන බැඳීමේ පරාමිතීන් සහ අපි අපේක්ෂා කරන ලද පරාමිතීන් සියල්ල අභිබවා ඉතා සාර්ථක පරාමිතීන් ප්‍රමාණයක් අපි අත්පත් කරගෙන තිබෙනවා.

ලංකා ඉතිහාසයේ අඩුම අයවැය හිඟය 2025 වසරේදී වාර්තා කිරීම, ජංගම ගිණුමේ ශේෂය ධන අතිරික්තයකට ගෙන ඒම, දශක ගණනාවකට පසු 2025 වසරේදී 17.2%ක ආදායමක් වාර්තා කිරීම සහ ලංකාවේ වැඩිම විදෙස් ප්‍රේෂණ ලැබුණු වසර බවට 2025 වසර පත් කර ගැනීම එම සුවිශේෂ ජයග්‍රහණ වෙනවා. ඒ නිසා දැන් රටේ ආර්ථිකය ස්ථාවරයි. හැබැයි අපිට අවශ්‍ය නොසෙල්වෙන ආර්ථිකයක්. ඒ වගේම බාහිර සහ අභ්‍යන්තර කම්පනයන්ට ඔරොත්තු දෙන ආර්ථිකයක් අපි ඇති කළ යුතුයි. බාහිර සහ අභ්‍යන්තර කම්පන හමුවේ ආර්ථිකය කඩා වැටෙනවා නම් ආර්ථිකයක් ස්ථාවර වන්නේ නැහැ. ඒ නිසා අද අපි ගොඩනඟමින් සිටින්නේ එවැනි අභ්‍යන්තර කම්පනයන්ට ඔරොත්තු දිය හැකි ආර්ථිකයක්.

හැබැයි මේ මොහොතේ අපිට බාහිර කම්පනයක් එල්ල වී තිබෙනවා. මැද පෙරදිග කලාපයේ යුදමය තත්ත්වය භාණ්ඩ හා සේවා සැපයුම්වලට බාධා එල්ල කරමින් තිබෙනවා. ලෝකය වෙළෙඳපොළින් ගැට ගැසී තිබෙනවා. එලෙස විවිධ ක්ෂේත්‍රයන්ගෙන් ගැට ගැසුණු ලෝකය තුළ ඇතිවන ඕනෑම කම්පනයක් අපිට බලපෑමක් ඇති කරනවා. එසේ නම් අපි එම බාහිර කම්පනයන්ට ඔරොත්තු දෙන්නේ කොහොමද කියන එක වැදගත්.

සාමාන්‍යයෙන් මාර්තු මාසයේ ආරම්භයේදී බොරතෙල් බැලර් එකක් ඩොලර් 70ක වගේ මිලකට තිබුණා. දැන් ඩොලර් 100ට ගොස් තිබෙනවා. ආසන්න වශයෙන් ගත්විට එය 42%ක වර්ධනයක්. බොර තෙල් මිල නිරන්තරයෙන් උච්ඡාවචනය වෙමින් තිබෙනවා. ඒ නිසා ලෝකයේ සියලු දෙනාම මේ අවිනිශ්චිත තත්ත්වයේ පැටලුණු පංගුකරුවන් වී තිබෙනවා. ඒ වගේම සමාජ හැසිරීමත් යම් අර්බුදකාරී තත්ත්වයක් නිර්මාණය කර තිබෙනවා. මම පුරවැසියන්ට කිසිසේත් චෝදනා කරන්නේ නැහැ. තෙල්, ගෑස් අහිමි වීමේ ප්‍රතිවිපාකවලට අපේ රටේ ජනතාව මුහුණ දුන්නා. ගිණි පෙල්ළෙන් බැට කෑ කෙනා කණාමැදිරි එළියටත් බයයි කියලා කියමනක් තිබෙනවා. ඒ නිසා ජනතාව ඉන්ධන පෝළිම්වල සිටිනවා. ඉන්ධන එක් රැස් කරන්න පටන් ගන්නවා. මාර්තු මාසයේ පළමුවෙනිදා අපේ ඩීසල් අළෙවිය කිලෝලීටර් 4500ක්. මාර්තු මාසයේ 03 වෙනිදා අපේ ඩීසල් අලෙවිය කිලෝලීටර් 10500යි.

පෙට්‍රල් අලෙවිය කිලෝලීටර් 4000ක වගේ සිට 9000 දක්වා ඉහළ ගියා. දැන් නැවත 6000ට අඩු වී තිබෙනවා. ඒ නිසා මම ජනතාවගෙන් ඉල්ලා සිටින්නේ කිසිවෙකුට තනි තිනව මෙයින් සුරක්ෂිත විය නොහැකියි. තනි තනිව අපි හැම කෙනාම මේ වෙනුවෙන් යමක් දරා ගනිමින් ඊට මුහුණ දිය හැකි නම් අපි සියලු දෙනාට මෙයින් ගොඩ ඒමට හැකියි.

මේ බාහිර කම්පනය අපිට යම් බලපෑමක් ඇති කරමින් තිබෙනවා. ඒ නිසා තමයි අපිට ඉන්ධන මිල ඉහළ දැමීමට සිදු වුණේ. අපේ ඉන්ධන වෙළෙඳපොළෙන් 47%ක් භාහිර ආයතන අතේ තිබෙන්නේ. ඒ නිසා අපි ඔවුන්ට විශ්වාසයක් ලබා දිය යුතුයි. ඒ වගේම ඉන්ධන සාමාන්‍ය පරිභෝජන තලයට ගෙන ආ යුතුයි. මා යෝජනා කරන්නේ අපි සියලුදෙනා එකතු වී එය තවත් ටිකක් පහළට ගෙන ආ යුතුයි.

2022 අර්බුදය මතු වුණේ මොකක් නිසාද, ලෝකයේ සැපයුම් මාර්ග අඩාල වී නොවයි, ඉන්ධන සංචිතවලට පහර දී නොවයි. අපිට ඉන්ධන ගෙන්වීම සඳහා ඩොලර් හිඟ වීම නිසයි. හැබැයි දැන් අපිට එහෙම ප්‍රශ්නයක් නැහැ. බිලියන 7.2ක විදෙස් සංචිත අපිට තිබෙනවා. ඒ නිසා අද අර්බුදයක් ආවොත් එය සිදු වන්නේ සැපයුම් මාර්ගවල අර්බුදයක් නිසා. ඒ නිසා අපි ඒ සඳහා අවශ්‍ය විකල්ප මාර්ග සියල්ල පිළිබඳ මිතුරු රාජ්‍යයන් සමඟ සාකච්ඡා කරමින් තිබෙනවා. අපේ වගකීම තමයි අඛණ්ඩ බලශක්ති සැපයුමක් ලබා දීම. එය බිඳ වැටීම අපි මේ ආර්ථිකයේ අත්පත් කරගෙන තිබෙන සුවිශේෂී ජයග්‍රහණ විශාල ප්‍රමාණයක් කෙටි කාලයකට නතර වීමට හේතු වෙනවා. ඒ නිසා රජයක් ලෙස අපේ පූර්ණ සැලැස්ම වන්නේ අඛණ්ඩ බලශක්ති සැපයුමක් සහතික කිරීමයි.

අපිට අඛණ්ඩ බලශක්ති සැපයුමක් දැන් සහතික කළ හැකියි. හැබැයි අපි සියලු දෙනාටම එය පුරෝකථනය කළ හැක්කේ උපරිම මාස දෙකක් සඳහා පමණයි. මාස 02කට වඩා මේ යුද්ධය පැවතියහොත් අපේ පුරෝකථනවලින් තේරුමක් නැහැ.

මේ යුගය තාක්ෂණය සහ විද්‍යාව විසින් යුද්ධයට මහා බලයක් නිර්මාණය කර දී තිබෙන යුගයක්. ඒ නිසා මෙම ප්‍රබල අවි මහෙයුම් විසින් කවර තත්ත්වයක් නිර්මාණය කරනු ඇත්දැයි අපිට පුරෝකථනය කරන්න බැහැ. අපිට කෙටි කාලයක් පුරෝකථනය කළ හැකියි. එහෙත් එම කාලය අභිබවා යුද්ධය ඉදිරියට පැවතියහොත් කිසිදු ජගතෙකුට එය පුරෝකථනය කරන්න බැහැ. ඒ නිසා අපි ඔබට සහතිකයක් දෙන්නම් මේ මාස දෙකේ බලශක්ති සැපයුම් ලබා දෙන බවට. හැබැයි මිල උච්ඡාවචනය විය හැකියි. මම තෙල් ළිඳක අයිතිකරුවෙක් හෝ තෙල් සමාගමක නියෝජිතයෙක් නිසා මට ලාභ ගන්න මේවා කරනවා නෙවෙයි. හැබැයි ආණ්ඩුවක් ලෙස අපිට වගකීමක් තිබෙනවා අඛණ්ඩ බලශක්ති සැපයුමක් ලබා දෙන්න.

ඒ සඳහා අවශ්‍ය මූලෝපාය සියල්ල අපි සකස් කරනවා. අභ්‍යන්තර කම්පනයට මුහුණ දීමට අපිට හැකි වූණා. එහෙත් බාහිර කම්පනයට මුහුණ දෙන්න අපිට තව ටික කාලයක් යයි. අපි මේ ජයග්‍රාහී මාවතක ගමන් කරමින් සිටි අවස්ථාවක්. ඒ නිසා අපිට කම්පනයක් ඇති කර තිබෙනවා. හැබැයි අපි ඉතා හොඳින් එම කම්පනය කළමනාකරණය කරමින් එය සමනය කර ගැනීමට උත්සාහ දරමින් තිබෙනවා. ඒ නිසා අපි සියලු දෙනා එක්ව මෙම කම්පනයට මුහුණ දෙමු. මේ අපි සියලුදෙනා තමන් ගැන වගේම පොදුවේ සියලුදෙනා ගැන සිතමින් තීන්දු තීරණ සහ භාවිතාවන්වලට එළැබිය යුතු වෙලාවක් කියා මම විශ්වාස කරනවා. ඒ නිසා යම් ප්‍රමාණයකට පරිභෝජන රටාවේ යම් වෙනසක් අවශ්‍ය වෙයි. ලෝකයේ අර්බුදයට ලක් වූ රාජ්‍යයන් ගොඩගියේ සුපුරුදු පරිදි සිය පරිභෝජන රටා අනුවම නෙවෙයි. අර්බුදයක් තිබෙන අවස්ථාවක අපි සියලුදෙනා යම් සංයමයකට ආ යුතුව තිබෙනවා. ඒ නිසා යම් සංයමයක් සහ පරිස්සම්කාරී ආර්ථික ක්‍රියාකාරකමකට එක් වෙමුයි කියා මම සියලුදෙනාගෙන් ඉල්ලා සිටිනවා. එය අපි සියලුදෙනා එක්ව මේ අර්බුදයෙන් ගොඩඒමට තිබෙන මාවතයි.

ඒ වගේම අපි දිගු සැලැස්මක් සකස් කර තිබුණා. ඩිජිටල්කරණය එහි ප්‍රධාන කොටසක් වෙනවා. අපි විශාල අවස්ථාවන් අහිමි කරගත් ජාතියක්. ලෝකය සෑම විටම විද්‍යාවේ සහ තාක්ෂණයේ දියුණුව විසින් නව ආර්ථිකයක් නිර්මාණය කරනවා. පසුගිය සියවස ගත්විට ලෝකයේ විද්‍යාවේ හා තාක්ෂණයේ විවිධ ක්ෂේත්‍රවල අලුත් පිමි අපි දකිනවා. නමුත් ඊට සමාන්තර ලෙස අපේ තාක්ෂණය සහ විද්‍යාව පෙළ ගස්වා ගැනීමට අපි අසමත් වුණා. ඒ නිසා ලෝකය සමඟ ඉදිරියට යාමට අපි සමත් වුණේ නැහැ. ඩිජිටල්කරණය, කෘත්‍රීම බුද්ධිය, දත්ත මධ්‍යස්ථාන මේ යුගයේ නව තාක්ෂණය ආර්ථික අවස්ථා බවට පත්ව තිබෙනවා. ඒ නිසා මේ යුගයේ නව තාක්ෂණයේ ආර්ථික අවස්ථාවලින් අපි ප්‍රයෝජනගත යුතුයි. අපි රජයක් ලෙස උපරිම උත්සාහ ගනිමින් තිබෙන්නේ විද්‍යාව සහ තාක්ෂණයේ දියුණුව විසින් මේ යුගයේ අත්පත් කරගෙන තිබෙන ආර්ථිකය අපේ රටේ ගොඩනැගීමටයි.

ඒ වගේම ඩිජිටල්කරණයේ මහා පිම්මක් ගත යුතුයි. ඒ සඳහා අපි විශාල වෙහෙසක් දරමින් කටයුතු කරමින් සිටිනවා. මෙවර අයවැයෙන් රුපියල් බිලියන 6.5කට ආසන්න මුදලක් අපි ඩිජිටල්කරණය සඳහා වැය කර තිබෙනවා. මේ වසර අවසානයට පෙර කෙසේ හෝ ඩිජිටල් හැදුනුම්පත නිකුත් කිරීමට අපි අපේක්ෂා කරනවා. ඒ තුළින් අපේ රාජ්‍ය යාන්ත්‍රණය තුළ ඇති වී තිබෙන පසුගාමීත්වය සහ අකාර්යක්ෂමතාව සියල්ල අවම කරගත හැකි වනු ඇතියි.

ඒ වගේම සමස්ත රාජ්‍ය දේහයම පරිවර්තනයකට ලක් කිරීම වෙනුවෙන් අපි මේ වන විට වැඩ කරමින් සිටිනවා. මෙම කටයුතු අතර රටේ ආර්ථිකයේ විශාල පංගුවක් තිබෙන්නේ ඔබ අතයි. ඔබ ඔබගේ ව්‍යාපාරය දෙගුණයකින්, තෙගුණයකින් වර්ධනය කරන්න. ඒ සඳහා අපෙන් කෙරෙන්න ඕන මොනවද කියලා කියන්න. රජයක් ලෙස අපේ කාර්යභාරය ඔබට අවශ්‍ය ඒ සේවාවන් සැපයීමයි. ඔබ සෑම කෙනෙක්ම දැන් තිබෙන මේ ව්‍යාපාරය වසර දෙකක්, තුනක් ඇතුළත 100%කින් වර්ධනය කරමින් ඔබේ ව්‍යාපාරය රටේ ආර්ථිකයේ පංගුකරුවෙක් කරන ලෙස මම ඉල්ලා සිටිනවා.

බලශක්ති අමාත්‍ය කුමාර ජයකොඩි මහතා ඇතුළු පක්ෂ, විපක්ෂ මැති ඇමතිවරු පිරිසක්ද මෙම අවස්ථාවට එක්ව සිටියහ.

ජනාධිපති මාධ්‍ය අංශය

==================
Unlock New Economic Opportunities for a Stronger Nation

The government is ready to provide all necessary facilities for this purpose

- The President stated while attending the Chamber of Lankan Entrepreneurs (COYLE) 2026 Annual General Meeting.

Let us overcome external economic challenges arising from war in Middle East by acting collectively rather than individually


President Anura Kumara Dissanayake stated that the objective of the present government is to build in Sri Lanka an economy shaped by the advancements of science and technology in this era and invited the entire business community to join in strengthening the national economy by making the fullest use of these new economic opportunities.

Emphasising that the government is prepared to provide all necessary facilities for this purpose, the President also stated that it is the aim of the present government to bring back to the country the economic opportunities that the nation missed due to its failure to move forward in line with the modern world.

The President pointed out that the government has prepared a comprehensive plan for this purpose and that digitalisation is a key component of it. The President further noted that attention has been given to economic opportunities such as artificial intelligence and data centres. He also stated that nearly Rs. 6.5 billion has been allocated in this year’s budget for digitalisation and that it is expected to issue the Digital Identity Card before the end of this year.

President Anura Kumara Dissanayake made these remarks while attending the Chamber of Lankan Entrepreneurs (COYLE) 2026 Annual General Meeting held in Colombo yesterday afternoon (10).

This year’s Annual General Meeting was held under the theme “Bridging Generations, Building Futures”.

The President pointed out that any economy progresses on the basis of confidence in it and those entrepreneurs, those working in the financial sector and the general public must have confidence in the economy. The President also noted that distrust invariably leads to the collapse of economies.

The President stated that what the country needs today is a stable economy capable of withstanding both external and internal shocks and that such an economy is currently being built.

The President noted that although internal shocks have been overcome, the country is currently facing an external shock due to the war situation in the Middle East. Since the beginning of March, the price of a barrel of crude oil has increased by about 42 per cent, creating significant uncertainty in the global market. He added that uncertainty can also be observed in consumer behaviour in Sri Lanka, citing as an example the increase in diesel sales from 4,500 kilolitres on 1 March to 10,500 kilolitres by 3 March.

President Anura Kumara Dissanayake pointed out that while the crisis in 2022 arose due to a shortage of US dollars, the current situation is a supply crisis caused by disruptions in supply chains. He stated that this challenge can be overcome if everyone responds collectively rather than individually. He further noted that the government has established an “Economic Monitoring Committee” to address the crisis and is holding discussions with friendly countries to maintain supply chains.

The President also commended the role played by the Chamber of Lankan Entrepreneurs, which represents the emerging entrepreneurial leadership of Sri Lanka, as a significant contributor to the country’s economy and extended his congratulations to its new Chairman and all members.

The new Chairman of the Chamber of Young Lankan Entrepreneurs, Mr.Suren Chandraratne, as well as former Chairman Mr. Manjula Wijesundara and Senior Vice Chairman, Dan de Silva, also expressed their views at the event.

The new Chairman, Suren Chandraratne, stated that his expectation is to create a new tomorrow for emerging entrepreneurs.

Commenting further, President Anura Kumara Dissanayake stated:

There has been a long-standing relationship between this COYLE forum and myself personally. At that time, you presented me with a series of questions regarding our policies and the strategies we intended to follow. It has now been more than a year since we assumed power. If you had questions then, do you still have them today? If there were doubts regarding our economic policies, I believe those doubts have now been resolved. What remains now is to face the challenges before us successfully and transform our motherland into a victorious state. I believe that the discussion you are having now is about the measures we are taking to achieve that.

We all know that our country experienced a major collapse a few years ago. After an economic collapse, nothing remains intact; everything comes to a standstill. Therefore, we all have a bitter recent experience of how destructive the collapse of an economy can be to the social fabric. Accordingly, the first responsibility entrusted to us as a government was to restore confidence in the economy. In order to move an economy forward, people must believe in its momentum. Confidence in the economy must be built among businesspeople and industrialists.

Even when we assumed power, the country had already entered into an Extended Fund Facility programme with the International Monetary Fund. That programme introduced certain targets and parameters. Even aside from those parameters, there are several indicators that help build confidence in an economy. I believe that through these indicators we have achieved highly successful outcomes that exceed both the parameters linked to the IMF programme and the targets we ourselves expected.

Among these achievements are recording the lowest budget deficit in Sri Lanka’s history in 2025, bringing the current account balance into surplus, achieving government revenue of 17.2 per cent in 2025 after several decades and making 2025 the year with the highest foreign remittances received by Sri Lanka. Therefore, the country’s economy is now stable. However, what we need is a resilient economy. We must create an economy capable of withstanding both external and internal shocks. If an economy collapses in the face of such shocks, it cannot remain stable. Accordingly, we are now building an economy that can withstand such internal shocks.

However, at present we are facing an external shock. The war situation in the Middle East is disrupting the supply of goods and services. The world is interconnected through markets. In such an interconnected global system, any shock arising in one sector affects us as well. Therefore, the key question is how we withstand these external shocks.

At the beginning of March, a barrel of crude oil was priced at approximately USD 70. It has now risen to around USD 100, representing an increase of roughly 42%. Oil prices continue to fluctuate significantly, creating a climate of uncertainty worldwide. This situation has impacted all nations, generating economic pressures and in some cases, social strain. It is important to note that citizens are not to be blamed for these challenges. The consequences of fuel and gas shortages have been experienced directly by the population. In response, citizens have been lining up at fuel stations. Sales of diesel began with 4,500 litres on the first day of March and increased to 10,500 litres by 3 March.

Petrol sales initially rose from around 4,000 kilolitres to approximately 9,000 kilolitres, but have now fallen back below 6,000 kilo litres. Therefore, it is important to emphasise that no individual can remain safe or unaffected in isolation. If everyone collectively takes responsibility and acts together to address this challenge, it is only through such shared effort that we can overcome it for the benefit of all.

These external shocks are exerting a tangible impact on us, which has necessitated an increase in fuel prices. Approximately 47% of our fuel market is controlled by external entities, which makes it essential to establish trust with them. At the same time, it is important to bring fuel availability back to normal consumption levels. The recommendation is that, through collective effort, we should work together to reduce further for the benefit of all.

The 2022 crisis arose not because global supply routes were disrupted or fuel reserves were attacked, but due to a shortage of dollars to procure fuel. Today, however, that problem no longer exists, as we now have foreign reserves of USD 7.2 billion. Consequently, any future crisis would only occur as a result of disruptions in supply routes. In anticipation of such risks, discussions are underway with friendly nations to secure alternative channels. It is the government’s responsibility to ensure an uninterrupted supply of energy. Any disruption would cause the significant economic gains we have achieved in a short period to stall. Therefore, the government’s comprehensive plan focuses on guaranteeing continuous energy supply.

Continuous energy supply can now be assured. However, it is only possible to forecast and guarantee this reliably for a maximum period of two months. If the conflict persists beyond this two-month window, predictions based on current assessments will no longer hold.

This is an era in which technology and science have given unprecedented power to warfare. As a result, it is impossible to predict the impact of such advanced military operations over the long term. Short-term forecasts are possible, but if the conflict continues beyond that period, no one can reliably predict the outcomes. Therefore, assurance can be provided that energy supply will be maintained over the next two months, however, prices may fluctuate. I am neither an owner of an oil well nor a representative of any oil company. These actions are not undertaken for personal profit. However, as a government, there is a responsibility to ensure an uninterrupted supply of energy.

All necessary measures have been put in place to manage internal pressures effectively. We have been able to address these domestic challenges, but confronting external shocks will require additional time. We are currently navigating a path of recovery and progress, which naturally entails encountering certain pressures. However, these challenges are being carefully managed and efforts are on-going to mitigate their impact. It is essential that everyone collectively faces these pressures, acting with consideration not only for oneself but for the welfare of the entire community. Consequently, some adjustment to consumption patterns is necessary. Unlike stable economies, nations facing global crises cannot rely solely on habitual consumption practices. In times of crisis, restraint and prudent economic behaviour are indispensable. I urge everyone to adopt a degree of moderation and participate in careful economic practices. By doing so collectively, we can successfully navigate this crisis and emerge stronger.

A long-term plan has also been developed, with digitalisation forming a central component. Historically, our nation has missed significant opportunities. The world continuously generates new economic prospects through advancements in science and technology. Over the past century, we have witnessed remarkable innovations across various scientific and technological fields globally. However, parallel to this progress, our nation has struggled to keep pace with technological and scientific development. As a result, we have not been able to advance alongside the rest of the world. In the current era, digitalisation, artificial intelligence and data centres represent key technological platforms that create new economic opportunities. It is therefore essential that we capitalise on these opportunities. As a government, every effort is being made to harness advancements in science and technology to rebuild and strengthen the nation’s economy in this new era.

Digitalisation must be pursued on a large scale and significant effort is being invested to achieve this. Under the current budget, approximately LKR 6.5 billion has been allocated for digital initiatives. It is anticipated that, before the end of this year, digital identity cards will be issued. This will allow for the minimisation of inefficiencies and delays within the state mechanism, enhancing overall administrative effectiveness.

Work is currently underway to transform the entire state apparatus. In this endeavour, the significant driving force of the nation’s economy is in your hands. Expand your business twofold or threefold. The role of the government is to provide all the necessary services and support to enable this growth. Every individual is encouraged to grow their business by 100% over the next two to three years, thereby becoming a key contributor to the national economy.

The occasion was also attended by a delegation of Ministers from both the ruling and opposition parties, including the Minister of Energy, Mr. Kumara Jayakody, alongside members of the Chamber of Lankan Entrepreneurs, namely the newly appointed Chairman Suren Chandrarathne, outgoing Chairman Manjula Wijesundara and Senior Vice Chairman, Dan de Silva, among other Chamber members.

🔷 Subscribe Our Social Media Channels :
📌 Subscribe on YouTube : https://www.youtube.com/channel/UCdx49t9VoLVOfl-X3z-6lkg
📌 Like on Facebook : https://www.facebook.com/DepartmentOfGovernmentInformation
📌 Follow on Instagram : https://www.instagram.com/infodprtsl/
📌 Follow on TikTok : https://www.tiktok.com/
📌 Follow on X : https://x.com/infodprtsl
📌 Follow on Whatsapp : https://whatsapp.com/channel/0029Van4Rbu42DcgXSRh9t27
📌 Follow on Web : https://www.dgi.gov.lk/