ARTScope

එක්තරා දරුවෙක් විදුලි බිල ගෙවන්න බැංකුවට ගිය අවස්ථාවක ..එහි සේවකයෙකු කියනවා..
"දැන් වැඩ කරන වෙලාව අවසන්, එ නිසා යන්ත්‍ර ක්‍රියා විරහිත කර තියෙනවා ..අද බිල ගෙවීමට නොහැකියි..ගිහින් හෙට එන්න" කියලා....

ඒ දරුවා ඔහුට කියනවා...
" ඔබ මගේ පියා කවුදැයි දන්නවාද?" ඔයා හිතනවද මම මගේ තාත්තව මෙතනට ගෙනාවොත් ඔයා ඒකම කියයි කියලා?

එසේ ,ගාම්බීර බැල්මක් ඔහු වෙත හෙළා
දරුවා වහා පිටව ගොස් මිනිත්තු කීපයකට පසු, දරුවා දුප්පත් ,අසරණ පෙනුමැති මිනිසෙකු සමඟ ආපසු පැමිණෙයි..

ඒ පිරිමි ළමයාගේ පියා බව බැංකු සේවකයා පලමු බැල්මෙන්ම දැන ගනී

ඔහු මිනිසාට ආචාර කිරීමට නැඟිට,
"මම දැන් ඔබේ ගනුදෙනුව සම්පූර්ණ කරන්නම්" කියා දරුවාට කියනවා..

"ඔයාට පේනවානෙ... මම ඔයාට කිව්වා ඔයාට මගේ තාත්තා ආවම බෑ කියන්න බැහැ කියලා." දරුවා උජාරුවට කියයි..

පියා බැංකු සේවකයා දෙස බලා ඔහුට ගැඹුරින් ස්තූති කර ඔහුට කියනවා...

"මගේ පුතා ඉදිරියේ මගේ තත්වය ඉහළ නැංවීම ගැන ඔබට ස්තූතියි." කියලා..

දරුවන් තම පියා දෙස බලන්නේ ගැටලු විසඳීමට සමත් පුද්ගලයන් ලෙසය...කොටින්ම ඔහුගෙ ලෝකයේ වීරයෙකු ලෙසය...

පුද්ගලයෙකු සමඟ ඔබේ තත්වය හෝ ගැටලුව කුමක් වුවත්, ඔහුගේ දරුවන් ඉදිරියේ ඔහුගේ තත්වය ඉහළ නංවන දේ කරන්න.....

එකතුවෙන්න whatsapp
channel එකට 👇
https://whatsapp.com/channel/0029VbBz8OPChq6UimTJhG1C

🩷🩷🫡🫡

උපුටා ගැනීමක් share කරන්න

පිංකම් සියයක් 100ක්..🙏

🔶1) බුදු ගුණ මෙනෙහි කිරීම
🔶2) දම් ගුණ මෙනෙහි කිරීම
🔶3) සඟ ගුණ මෙනෙහි කිරීම
🔶4)අනුන් කළ මහා පින්කම් අනුමෝදන් වීම.
🔶5) නිති පන්සිල් සමාදම් වීම
🔶6) පන්සිල් කඩ නොකොට රැකීම
🔶7) උදේ සවස බුදුන් වැදීම
🔶8) අට සිල් සමාදන් වී රැකීම
🔶9) නවංග සීලය සමාදන් වීම
🔶10) දස සිල් සමාදම් වීම
🔶11) පසලොස්වක පෝයට සිල් සමාදම් වීම සහ හතර පෝයට සිල් ගැනීම.
🔶12) භාවනා කිරීම හා අනෙකුත් අය ද ඒ සඳහා යොමු කිරීම.
🔶13) ධර්ම දානය ( මුහුණු පොතේ, වෙබ් අඩවියේ ආදියේ ධර්මය බෙදා හැරීම)
🔶14) ධර්මය මුද්‍රණය කර බෙදා හැරීම
🔶15) ධර්මය කියවීම
🔶16) වතාවත් කිරීම ( පන්සලේ ශ්‍රමදානයක් කිරීම ආදිය )
🔶17) දුගීව සිටද, හැකි පමණින් බුදුරජාණන්වහන්සේ ට දානපති දානයක් පූජා කිරීම (තමා පරිභෝජන කරනවාට වඩා උසස් දෙයක් පූජා කිරීම )
🔶18) දුගීව සිටද , හැකි පමණින් මහා සංඝරත්නයට දානපති දානයක් පූජා කිරීම (තමා පරිභෝජන කරනවාට වඩා උසස් දෙයක් පූජා කිරීම )
🔶19) පින් දීම
🔶20) සත්‍ය කථා කිරීම
🔶21) දෙලොවටම වැඩ ඇති වචන කථා කිරීම
🔶22) හිස් වචන කතා නොකිරීම
🔶23) සත්පුරුෂයන් කරනා පින්කම් ප්‍රචාරය කර දීම
🔶24) ගිලානෝපස්ථානය
🔶25) පහන් සිතින් යුතුව මල් ආසන සෝදා සුද්ධ පවිත්‍ර කිරීම
🔶26) මල් පූජා කිරීම
🔶27) ලෝක සත්වයා හට මොහොතක් හෝ මෙත් වැඩීම සහ මෙත් පැතිරවීම
🔶28)ඇවිදින හැම පියවරක් පාසා සුවපත් වෙත්වා යැයි මෙත් වැඩීම සහ පැතිරවීම
🔶29) දවසකට එක ධර්ම ලිපියක් ලිවීම හෝ කියවීම හෝ අනිත් අයට කියවීමට අවස්ථාව ලබා දීම
🔶30) ධර්මය හැදෑරීම
🔶31) අනිත් අයගේ ධර්ම ගැටලු වලට ත්‍රිපිටක, අටුවාව, ටීකාව ඇසුරින් පිලිතුරු සෙවීම සහ පිලිතුරු ලබාදීම
🔶32) අභිධර්මය හැදෑරීම
🔶33) ධර්මය දැනගැනීමට තියෙන උවමනාව උනන්දුව වැඩි කරගැනීම
🔶34) ධර්මය වන පොත් කිරීම වන පොත් කල ධර්මය අර්ථය මෙනෙහි කරමින් සජ්ඣායනය කිරීමට පුරුදු වීම
🔶35) නෙක්කඛම්මය
🔶36) සෑම ආහාර වේලකදීම, එක් ආහාර පිඩක් අනුභයෙන් අවසන්ව යම් ජීවියෙකුට ආහාර වේවායැයි පතා පසෙකින් තබන්න. පලමු පිඩ තැබීමෙන් වලකින්න .ඒ අවස්ථාවේදී ආනිශංස 200 ක් සිදුවෙන බව ධර්මයේ සදහන් . එම ක්‍රියාව වේල් 3 ම කිරීමෙන් දිනකට කරගත හැකි පින, සුළුපටු නොවේ.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

🔶37) ක්‍රෝධ, වෛර සිතුවිලි සිතට ඒමට නොදී යම් වේලාවක් සිත ආරක්ෂා කර ටිකින් ටික ඒ වේලාව වැඩි කරගැනීමෙන්ද සිත පිරිසිදු කර, මහා කුසලයක් අත්පත් කරගත හැක. පුරා වස් කාලයක්ම, ආශ්‍රවයන්ගෙන් තොරව වැඩ සිටි බවක් වරක්, අතිපූජ්‍ය නාඋයනේ අරියධම්ම මාහිමිපාණන් ලියා තිබූ බව කියවේ
🔶38) පොදු කටයුතුවලට සහාය වීම සහ අනුමෝදන් වීම. (ශ්‍රමදාන වැනි)
🔶39) ප්‍රත්‍යවේක්ෂා කිරීම
උදාහරණයක් ලෙස
අම්බලට්ඨික රාහුලෝවාද සූත්‍රය බලන්න.
ඊට අමතරව ප්‍රත්‍යවේක්ෂාව විවිධ විදිහට තියෙනවා. මරණය ආදිය තමාට එන බව සිහි කිරිමත් ප්‍රත්‍යවේක්ෂාව වෙනවා. සිව් පසයත්
ප්‍ර‍ත්‍යවේක්ෂාවෙන් (අවශ්‍යතා සිහි කරමින්) වැලඳිය යුතුයි. නිවන් පසක් කල පසු ප්‍රත්‍යවේක්ෂා කරනවා. සමාධියට සම වැදීමෙන් පසුත් ප්‍රත්‍යවේක්ෂා කරනවා.
🔶40) සෑම ගමනක්ම යෑමට පෙර බුදුන් වහන්සේට එක් මලක් හෝ පූජා කිරීම.
🔶41) තමාට කළ නොහැකි පිංකම් අනුන් ලවා හෝ සිදු කරවීම.
🔶42) අනුන් සිදු කරන පිංකම් දැක බලා සතුටු සිතින් අනුමෝදන් වීම.
🔶43) මකුලු දැල් ආදියට හසුවූ සතුන් මකලුවාටත් හිරිහැර නොවන ලෙස නිදහස් කර හැරීම.
🔶44) දියට වැටී සිටින සතුන් බේරා ගැනීම.
🔶45) සින්ක් එකට උණු වතුර ආදිය දමන විට ඒවායින් පණුවන් ආදී සතුන්ට හිරිහැර නොවීමට ඇල් ජලය මිශ්‍ර කර වත් කිරීම
🔶46) බුදුන් පිදූ පරවෙමින් යන මල් වලට පැන් ඉස පරවීම ප්‍රමාද කරවීම.
🔶47) අපිලිවෙලට පූජා කර ඇති මල් පිලිවෙලට සකස් කිරීම
🔶48) මල් ආසන කැඩී බිදී ඇත්නම් පිලිසකර කිරීම
🔶49) බිම වැටී ඇති බෝ කොළ, මල් ආදිය නොපෑගෙන තැනකට අහුලා දැමීම.
🔶50) පන්සල් පිරිසිදු කරදීම.
🔶51) අන්‍යයන් ලවා කුසල් දහම් සිදු කරවීම හා ඒවාට දායක වීම.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸

🔶52) නින්දට පෙර පන්සිල් සමාදන් වීම.
🔶53) නිවී ගිය නැවත දැල්විය හැකි පහන් හෝ හඳුන් කූරු දල්වා පූජා කිරීම.
🔶54)පිනක් අහන දකින හැම වෙලාවෙම සිතින් හෝ සාදුකාර නැගීම.
🔶55)අන්‍යයන් ට දැනගැනීම පිණිස තමන් සිදු කරනු ලබන හා සිදු කරගත හැකි පිං කම් ගැන ලිපි ආදිය පළකිරීම.
🔶56)සිදු කළ පිං කම් නිතර නිතර සිහිපත් කිරීම.
🔶57) තමන් සිදු කරනු ලද පිං අනුන්ටද අනුමෝදන් කිරීම.
🔶58) ඉතිපිසො ගාථාව සෑම දිනකම 7, 21, 54, හෝ 108 වරක් ආදී කැමති ප්‍රමාණයක් සඣ්ඣායනා කිරීම
🔶59) තෙරුවන් උදෙසා ජීවිතය පූජා කිරීම
🔶60) දෙමව්පියන් ලවා උපක්‍රමශීලීව පිං කුසල් සිදු කරවීම.
🔶61) ත්‍රිපිටකය අටුවා ටීකා ධර්ම ග්‍රන්ථ ආදිය අඩංගු මෘදුකාංග ස්ථාපනය කර දීම
🔶62) ධර්ම මෘදුකාංග, වෙබ්අඩවි භාවිතා කරන අයුරු ඉගැන්වීම
🔶63) ධර්මය නොදන්නා අයට පැහැදිලි කරදීම/ නිර්වචනය කරදීම.
🔶64) සැමවිටම මනා සිහියෙන් ගත කිරීම.
🔶65) ගස්වල ඇති මල් බුදු රදුන්ට පූජා කිරීම
🔶66) ගස්වල ඇති මල් කැකුළු බුදුරදුන්ට පූජා කිරීම.
🔶67) ගස්වල ඇති මල් ධර්ම රත්නයට පූජා කිරීම.
🔶68) ගස්වල ඇති මල් කැකුළු ධර්ම රත්නයට පූජා කිරීම.
🔶70 ගස්වල ඇති මල් සංඝ රත්නයට පූජා කිරීම.
🔶71 ගස්වල ඇති මල් කැකුළු සංඝ රත්නයට පූජා කිරීම.
🔶72) පරිසර සහ සතා සිව්පාවුන්ට ප්‍රයෝජනවත් තුරුලතා රෝපනය කිරීම
🔶73) පරිසර සහ සතා සිව්පාවුන්ට ප්‍රයෝජනවත් තුරුලතා පැල පැල කර අවශ්‍ය අයට නොමිලේ බෙදා දීම.
🔶74) එම සිටවූ තුරුලතා පෝෂණය කර රැක බලා ගැනීම.
🔶75) පරිසරයේ ඇති වටිනා තුරුලතා රැක බලා ගැනීම සහ ආරක්ෂා කිරීමට ඉදිරිපත් වීම
🔶76) තමන්ගේ ගෙවත්තේ ඇති පලතුරු ගස්වල පලවැල නෙලෙන විට සියලුම පලවැල කඩා නොගෙන ගෙඩි කිහිපයක් සතා සිව්පාවුන් වෙනුවෙන් ඉතිරි කිරීම.
🔶77) අහිංසක සතුන් ගෙවත්තට පැමිණි විට හිංසා නොකිරීම
🔶78) අහිංසක සතුන් වෙනුවෙන් කෑම දැමීම සදහා කෑම ලෑල්ලක් පිලියෙල කිරීම.
🔶79) අහිංසක සතුන්ට ජලය බීමට ජලය රැස් කර ගත හැකි ස්තානයක් තම ගෙවත්තේ පිලියෙල කිරීම.
🔶80) තම ගෙවත්තේ පිලියෙල කරගත් ස්ථානයේ සෑම දිනකම ආහාර තැබීම.
🔶81) තම ගෙවත්තේ පිලියෙල කරගත් ස්ථානයේ සෑම දිනකම සතුන් වෙනුවෙන් ජලය තැබීම.
🔶82) තම ගෙවත්තේ සතුන්ට කෑම සහ ජලය තැබීමට වෙන්කල ස්ථාන පිරිසිදු කිරීම සහ පිරිසිදුව තබා ගැනීම.
🔶83) සැමට ප්‍රිය උපදවන ලෙස තම නිවස සහ ගෙවත්ත පිරිසිදුව සහ පිලිවෙලකට තබා ගැනීම.
🔶84) තම මා දෙමාපියන්ව රැක බලා ගැනීම සහ සතර සංග්‍රහ වස්තුවලින් සංග්‍රහ කිරීම.
🔶85) මා දෙමාපියන් හැර තම පවුලේ වැඩිහිටි වයසක ඇත්තන් රැක බලා ගැනීම සහ සතර සංග්‍රහ වලින් සංග්‍රහ සහ අනුග්‍රහය දැක්වීම.
🔶86) අසල්වාසීන්ට/ නෑදායින්ට තම හැකි පමණින් උදව් පදව් කිරීම
🔶87) ගම්වාසීන්ට තම හැකි පමණින් උදව් සංග්‍රහ කිරීම.
🔶88) ගමේ සිදුවන පොදු කටයුතුවලට සම්බන්ධ වීම
🔶89) ගමේ පොදු ස්ථාන ගමේ සිටින පිරිස සමග එකතු වී සුද්ධ පවිත්‍ර කිරීම
🔶90) ගමේ පොදු ස්ථාන ගමේ සිටින පිරිස සමග එකතු වී මතු පරපුර වෙනුවෙන් ආරක්ෂා කිරීම
🔶91) ගමේ යම් කිසි අයෙකුට කරදරයක් වූ විට හැකි පමණින් උදව් උපකාර කිරීම .
🔶92) තමා එම දිනයේ කල පිංකම් දිනය අවසානයේ මෙනෙහි කර සතුටු සිතින් නින්දට යෑම.
🔶93) නිදා ගැනීමට ප්‍රථම පංසිල් සමාදම් වී විනාඩි පහක් පමණ ලෝකයා වෙනුවෙන් මෛත්‍රීය වැඩීම.
🔶94) තමා කළ සෑම පිංකමක් ම සටහන් කර තබා පිං පොතක් පවත්ව ගෙන යාම. (මේ කරුණ ජීවිතයේ ඉතාම වටිනා දෙයක් සේ සලකා අනුගමනය කරන්න)
🔶95) දිනය, මාසය,අවුරුද්ද අවසානයේ පිංපොත බලා නැවත නැවතත් මෙනෙහි කර තමන් කළ පිංකම් ගැන සතුටුවන්න.
🔶96) පිං කිරීම,සිල් රැකීම, ධර්මයේ හැසිරීම යන කරුණු තමන්ගේ ජීවිතයේ තරුණ කල සිටම ආරම්භ කරන්න .
🔶97) සැමවිටම ධර්මයේ සදහන් දස කුසල්ම වඩන්න. දස අකුසල් වලින් හැකි පමන ඈත් වන්න.
🔶98) ජීවිතයේ සැදෑ සමය සැමට කරදරයක් නොවන සේ ගත කරන්න.
🔶99) සැදෑ සමයේදී ධර්මය ගැන, තමා පෙර කල පිංකම්, පිං පොත නිතරම මෙනෙහි කරන්න.
🔶100) අවසානයේ ඉතාමත් සතුටු සිතින් තම කළ පිංකම් ගැන මෙනෙහි කරමින් කැමති ස්ථානයක තම සිත පිහිටවා නිවන අරමුණු කරගෙන මෙලොව සැමගෙන් මෙන්ම තව ජීවිතයේනුත් සමු ගන්න.

මේ පිංකම් කිරිමෙන් මට ඔබට අපි හැමෝටම නිවන් අවබෝධය ලබාගැනීමට හැකි වෙත්වා..🙏

තෙරුවන් සරණයි..🙏

සුමනදාස සමරසිංහ තුමාගේ වටිනා ලිපි

1 ජීවිතය යනු තිත්ත කසායක් නොවේ
උසස් මනසක් ඇතිව උපන් මිනිසාට ඕනෑම ගැටළුවක් විසඳා ගැනීමේ සහජ හැකියාව ඇත.

ජීවිතය ගැන විවිධ දෘශ්ටි කෝණ වලින් බලන මනෝවිද්‍යාඥයන්, චින්තකයන්, ආගමික නායකයන්, විද්‍යාඥයන් එදත් අදත් ලොව පහළ වී ඇත. සමහර අයට ජීවිතය එකම එක රස ගුලාවකි. මී විතකි. සුර ලොවකි. සමහර අයට එම ජීවිතයම තිත්ත කසායකි. මෙලොව අපායකි. එකම පුද්ගලයා වුව ද ජීවිතය ගැන දරන මතය වරින් වර වෙනස්කර ගනියි. උගත්කම, ධනවත්කම, රූමත්කම ආදී කරුණු වලින් එක සමාන ලෙස අපට පෙනෙන දෙදෙනෙකු වුව ද ජීවිතය පිළිබඳව දරන මත එකිනෙකට වෙනස්ය.

ජීවත්වීම මහා කරදරයක් ලෙස, බරක් ලෙස, සිතන පුද්ගලයන් අප සමාජයේ බහුලය. එකම ජීවිතය කෙනෙකුට මහා කරදරයක් ලෙස දැනෙන්නේත් එයම තව කෙනෙකුට සැහැල්ලු සැනසිලිදායක තත්වයක් ලෙස දැනෙන්නේත් ඇයි? මේ වෙනස ඇත්තේ කොතැනක ද? එයට හේතුව කුමක් ද? යනු විමසා බැලිය යුතුයි. මහා චින්තකයන්, දාර්ශනිකයන්, බුද්ධිමතුන් ඉතා පුදුම සහගත අගනා දේ ලෝකයාට ලබා දුන්නේ කුමන බලයක් නිසා ද? අන් කිසිවක් නොව විශ්වාසයේ ඇති මහා බලය වන අසීමිත චිත්ත බලයේ හාස්කම නිසයි.

ජීවත්වීම මහා කරදරයක් සේ ඒ අය සිතුවා නම් ඔවුන්ගේ ප්‍රයත්නයන් සාර්ථක නොවේ. තම දස්කම් ලොවට පෙන්වීම සඳහා ඉදිරියට යාමේ දී ඔවුන්ට කොතරම් බාධක හමුවන්න ඇති ද? “රේඩියම්” සොයා ගත් මාරි කියුරි නම් විද්‍යාඥවරිය ගැන ඔබ අසා ඇති. ඇය පරීක්ෂණය කරගෙන ගියේ කොතරම් දුෂ්කරතා මධ්‍යයේ ද? ඉන්න හිටින්න තැනක්, කෑමට පෝෂ්‍යදායක ආහාරයක්, අඳින්න සුදුසු ඇඳුමක් නැතිව දින ගණන් එක දිගට නිදි වර්ජිතව පරීක්ෂණ කරන්නට ඇයට සිදුවිය. ඒ කිසිවක් කරදරයක් යැයි ඇය සිතුවේ නැත. ඇයට ජීවත්වීම කරදරයක් වූයේ නැත.

ජීවිතය කරදරයක් ලෙස සිතන අයට ජීවත්වීම සඳහා කරන හැම දෙයක්ම දැනෙන්නේ කරදර ලෙසය. ධනවත් පවුලක ඉපදී සියළු සැප පහසුකම් මැද අතට පයට මෙහෙකරුවන් ලවා කිසිම දෙයකින් අඩුපාඩුවක් නැතිව ජීවත්වන්නට ඇත්නම් කොතරම් වාසනාවක් දැයි සිතන පතන අය අප සමාජයේ හිඟ නොවේ. අප ඔවුන්ගේ ජීවිත අගය කරන්නේ අපට පිටතින් පෙනෙන හැටියටයි. නමුත් ඒ සැප සම්පත් විඳින අය සමඟ කතාකර බැලුවොත් ඔවුන්ගෙන් වැඩි දෙනෙකු කියන්නේ තම තමන්ට ඇති නොයෙකුත් කරදර ගැනයි.

උපන් නිසා කෙසේ හෝ ජීවත් වී මැරී යාම ජීවිතය නොවේ. අප ජීවත්වන කාලය තුල අප ලැබූ මිනිසත් බවෙන් ගතහැකි උපරිම ප්‍රයෝජනය ගැනීමට සිතට ගතහොත් මන උසස්කමේ නියම ඵලය ලැබිය හැකියි. මිනිසාට නොකළ හැකි දෙයක් ඔහුගේ බුද්ධියට ගෝචර නොවෙන දෙයක් මේ විශ්වයේ නැත. එහෙත් අපට පහසුවෙන් කළ හැකි දෙයක් ගැන වුවත් අප සිතන්නේ අපට නොකළ හැකි කරදරකාරී වැඩක් ලෙසටය.

එදිනෙදා ජීවිතයේ දී මඟතොටේ දී කාර්යාලයේ දී අපට හමුවන අයගේ අදහස් ගැන මඳක් සිත් යොමු කරමු. සියේට අනූ නවයක් දෙනා කතා කරන්නේ තම තමන්ට ඇති නොයෙකුත් කරදර ගැනය. වැඩිදෙනා තම රැකියාව මහා කරදරයක් සේ සිතන බව පෙනේ. රැකියාව ඉතා කරදරකාරී බවට නොයෙක් හේතු දක්වති. වැඩ වැඩිවීම, කාර්යාලයේ හෝ ආයතනයේ සැප පහසුකම් මදිවීම, වැටුප් මදිකම, පාලකයාගේ නීති රීති වැඩිවීම, උසස්වීම් නොලැබීම, අනෙක් සේවකයන් තමන්ගේ සිත් නොගැනීම, ආදී නොයෙකුත් හේතූන් නිසා “මේ රක්ෂාව මහා කරදරයක්, කොහොම හරි වෙන රක්ෂාවක් සොයාගන්න ඕනෑ,” කියා සිතමින් වරින් වර රැකියා මාරු කරමින් යන පුද්ගලයා කිසි දිනෙක කිසිම රැකියාවකින් සතටු නොවන්නෙකි. ඔහුගේ රැකියාවෙන් ඔහුට වත් වෙන කෙනෙකුටවත් සේවයක් සිදු නොවේ. හැම කෙනෙකුටම හැම සැප පහසුකමක්ම ලබාගෙන රැකියාවක් කිරීමට අවස්ථාවක් නොලැබේ. බොහෝ විට තමන් ආසා කරන හෝ බලාපොරොත්තු වූ රැකියා නොලැබෙන්න පුළුවනි. නමුත් ලැබුන රැකියාව කුමක් හෝ වේවා එයට ආදරයෙන් තම හදවතට එකඟව අවංකව සේවය කළොත් කිසි දිනෙක රැකියාව කරදරයක් ලෙස නොසිතේ. ඇත්තෙන්ම ඔබ යම් රැකියාවකින් ඉවත් වූවත් ඔබේ අඩුව පිරවීමට තවත් අය ඕනෑ තරම් සිටින නිසා එම ආයතනයට අඩුපාඩුවක් සිද්ධ නොවේ.

අවිවාහකව සිටින සමහර අය සහකරුවෙකු හෝ සහකාරියක නැතිකම කරදරයක් සේ සිතති. එම අයම විවාහ වී ටික කලකින් සිතන්නේ විවාහය යනු මහා කරදර ගොඩක් ළං කරගැනීමක් බවයි.

තම අසල්වැසියන්ගෙන් තමනට කරදර ඇති බව කියන අය තමා ඔවුන්ට කරදරයක් බව සිතන්නේ නැත.

කළ යුතු වැඩ රාශිය දිහා බලා “මේවා කවදා ඉවර කරන්න ද? කොහොම කරන්නද? හරිම කරදරයි,” කියා සිත සිතා ඉන්න එපා. සැහැල්ලු සන්සුන් සිතින් හැම දෙයම හැකි තරමින් කරන්න. ඔබ නොදැනුවත්වම සියළු වැඩ සාර්ථකව කෙරෙනු ඇත. උදාසීනව ජීවත්වීමෙන් ඇති ඵලය කුමක් ද? වේගයෙන් ඉදිරියට ඇදෙන ලෝකයක අප එතැනම නොසෙල්වී සිටින්නේ මේ උදාසීන බව නිසාම නොවේද?

ඔබ නොදැන සිටිය ද ඔබට කරදර සේ සිතෙන ඕනෑම බරපතල කරුණක් සුළු මොහොතකින් අමතක කරදමා බාධක තුලින් ජය මාවත කරා යාමේ බලවත් ශක්තියක් ඔබේ යටි සිතේ ඇතිබව අමතක නොකරන්න. “මට පුළුවන්,” කියා මතක් කරගෙන කොතැනකින් හෝ පටන් ගන්න.

-සුමනදාස සමරසිංහ

October 24, 2013
2 දුක් විඳීම යනු සැප ලැබීමට අවශ්‍ය සුදුසුකමක් නොවේ
දුක් විඳීමේ පරමාර්ථයක් තිබිය යුතුය. පරමාර්ථයක් නැත්නම් පරමාර්ථයක් ඇතිකර ගත යුතුය. නොකා නොබී ඉතිරි කළාට කම් නැත. ඉතිරි කළ දෙයින් පසු කලෙක ප්‍රයෝජනයක් ගත යුතුය.

හරියට කන්න අඳින්නවත් නැතිව දුක් විඳිමින් ඉස්කෝලේ ගිය පමණින් විභාග වලින් සමත්වෙනවා ද? අනෙකුත් සෑම දුක් විඳීමක් ලෙසින්ම විභාගයෙන් සමත් වීම අරමුණු කරගෙන ඊට සූදානම් විය යුතුය.

අප බොහෝ දෙනාගේ නිගමනය වී ඇත්තේ දුක් විඳීම යනු සැප විඳීමට සුදුසුකමක් ලෙසයි. දුක් විඳිමින් අහම්බෙන් සිදුවන සැප සම්පතක් බලාපොරොත්තු වූවාට එවැනි දෙයක් සිදුවිය හැකිද? චිත්ත ධර්ම විද්‍යාව අනුව එසේ සැප සම්පත් ලැබුන ද ඒවා ලැබෙනුයේ ඔබ දුක් වින්ඳාට ලැබෙන ත්‍යාග ලෙසින් නොවේ. සැකයෙන් තොරව බලාපොරොත්තු වීමෙන් ලැබෙන ස්වයං යෝජනාවක ප්‍රතිඵලයක් වශයෙනි.

අරමුණක් ඇතිව දුක් විඳි අය පසු කලෙක සැප විඳින්නේ දුක්විඳි කාලයේ ලද අත්දැකීම් ජිවිතය සාර්ථක කරගැනීම සඳහා යොදා ගැනීමෙනි. දුක් මහන්සි වී මුදල් ඉපැයූ අයෙකු වියදම් කරන්නේ ඉතා ප්‍රයෝජනවත් දෙයට පමණි. දුක්විඳි කාලයේ ඔහු මුදල් පාලනයට හුරු වී තිබුණ නිසා අමුතුවෙන් පාලනයක් ඔහුට අවශ්‍ය නොවේ.

දුක් විඳීමෙන් මම සියළු දුකින් මිදෙමි යන දැඩි අධිෂ්ඨානය සිතෙහි තැන්පත් වෙයි. එම අධිෂ්ඨානය පෙරටුකොට ජයග්‍රහණය කරා නොසැලී ඉදිරියට ගියවුන් ධනවතුන් බවට පත්වෙති. එසේ නොමැතිව දුක් විඳපු නිසා සැපත කවදා හෝ ලැබේවි කියා කිසිම උත්සාහයක් නොගෙන සිටියහොත් කිසිවක් නොලැබී යයි. මෙහි දී ප්‍රධාන වන්නේ අධිෂ්ඨානය සහ හිතේ විශ්වාසයයි.

ඔබ ගමන් ගන්නේ දුක නැමති මාර්ගයයේ නම් එහි කොතෙක් දුරට ගියත් සම්පතක් ඔබට ලබාගත හැකියාව ඇත්තේ අධිෂ්ඨානය සහ අත්නොහරින ධෛර්යය නොසැලී පවතිනවා නම් පමණයි.

ධෛර්යය නතර කරන එකම බලය මිථ්‍යා විශ්වාසයයි. ධෛර්යෙන් යුතුව යන ගමනේ දී යම් අදෘශ්‍යමාන බලවේගයක් විසින් ඔබව නතර කරන බැව් හෝ නතර කිරීමට හැකි යැයි ඔබ විශ්වාස කළහොත් එම ගමන අවසානය තෙක් යා ගත නොහැක. ඔබව නතර කිරීමට හැකි එකම බල වේගය ඔබේම චෛතසික බලවේගයයි. අදෘශ්‍යමාන බලවේගයක් වශයෙන් නොයෙක් වර අප වෙත ළඟා වෙන බාධකයන් සියල්ල චෛතසික ස්වභාවයන්ය. යම් කාර්යයක් වැරදී ගියේ පෙර කර්මය හෝ ග්‍රහ අපලයක් නිසා යයි ඔබ සිතා සිටින තුරු ඔබ පසුපස එම බලවේගයන් දෙක ලුහුබඳී. එසේ සිද්ධ වනුයේ එවැනි දේ ඇති නිසා නොව එවැනි දෙයක් ඇතැයි ඔබ විශ්වාස කරන නිසාය. එවිට ඇත්ත වශයෙන්ම කිව යුත්තේ බාධකයන් සිදූවවා කියා නොව සිදුකරගත්තා කියාය.

දුක් විඳීම නිසා අපේ දියුණුව නතරකර සිටින ප්‍රධාන සතුරාගෙන් ජය ගැනීමට ද අපට අවස්ථාව සැලසේ. මිනිසාගේ දියුණුව අවුරා සිටින ප්‍රධාන සතුරා අලසකමයි. අලස බව හඳුනාගැනීම ඉතා අපහසුය. එයට හේතුව ඔහු වෙස්වලාගෙන පැමිණෙන්නෙකු බැවිනි. අලස බව බොහෝ විට පෙර කරුමය හා ග්‍රහ අපල යන දෙදෙනාගේ වෙස්වලා ගනී.

-1979 පෙබරවාරි 15, චිත්ත ධර්ම විද්‍යා පත්‍රය

October 13, 2013
3 බිත්තරයක් කතා කරයි
මම බිත්තරයක් වෙමි. කවුරුත් එය රකිනවාට මම කැමති නොවෙමි. අනිත් බිත්තර වලින් නම් පුළුන් ගුලි වැනි පැටවුන් එළියට එති. උන්ට තැනින් තැන යෑමට ද හැකිය.

මට ඕනෑ දිගටම බිත්තරයක් මෙන් සිටීමටය. ගිය අවුරුද්දේ පටන් එක තැනක ලැග සිටි බිත්තරයක් තිබුණි. එය රවුමට සිනිඳුවට තිබුනා. පසුව එයින් ගඳක් ආවා. එය ඇතුලේ මරණයක් වෙන්න ඇති.

මට බියක් දැනේ. මේ කටුව තුලින් එළියට යන්නට මා කැමති නැත. එවිට අන් හැමෝම මා දෙස අමුතු විදයකට බලනු ඇත. ඒ වුනත් කටුව ඇතුලේ මැරෙන්නට ද මම කැමති නොවෙමි. මේ කටුවෙන් එළියට ගියොත් මට කුමක් වෙයි ද? කුකුල් කරියක් බවට පත්වේ ද?

අනේ! කවුරු හරි මට උදව් කරන්න. මාව මැරෙන්න පුළුවනි. මේ කටුව ඇතුලේ මම ඉන්න තරම් සැප පහසුවට මට කටුවෙන් පිටත දී ඉන්නට ලැබෙන එකක් නැත. මටත් අර තරබාරු කිකිළිය වගේ ඝෝෂා කරන පැටවුන් රංචුවක් බලාගෙන ඉන්න සිදුවේවි ද? ඒක මහ වැඩ රාජකාරි අධික තත්වයක්.

ඒ වුනත් එතකොට මටත් අර කුකුලන් වගේ දුවන්න පනින්න නිදහස ලැබේවි. අර වැටේ කණුවට නැඟලා ලොක්කෙක් වගේ කොක්! කොක්! ගාන්නට මටත් පුළුවනි. ඒ වගේ ආඩම්බර කුකුලෙක් වෙන්න මමත් ආසයි. එයා බය කුකුල් කොටුව අයිතිකාරයට විතරයි.

අයිතිකාරයා අපි ඔක්කොගෙම අයිතිකාරයා. මෙහෙ හැම දෙයක්ම කෙරෙන්නෙ එයාගේ ඕනෑකමටයි. කුකුළන් කොටා ගන්න කොට එයා උන් පන්නා දානවා. උන්ට ඒකෙන් රිදෙන්නෙ නැහැ. උන්ගෙ අහංකාරකමට පහර වදිනවා. මේ කුකුලෝ හරිම අහංකාරයි.

මොනවා! අහංකාරයි. මමත් අහංකාරකම නිසා නොවේද මේ කටුව තුලට වෙලා ඉන්නෙ? මෙහෙම හිටියොත් මට වෙන්නෙත් පරණ කුණු බිත්තරයක් වෙන්නයි.

නැහැ! මම කටුවෙන් එළියට එනවා. තමුසෙලා ඒකට අකමැති නම් ඕන කුදයක් ගහගන්නවා. මම ඉපදිලා ඉන්නෙ කටුවක් ඇතුලට වෙලා හැමදාම අකුලාගෙන ඉන්න නොවේ.

ඕන් මම එළියට ආවා!

-සුමනදාස සමරසිංහ, 1979 පෙබරවාරි 1, චිත්ත ධර්ම විද්‍යා පත්‍රය

October 5, 2013
4 මා අනුගමනය කර හරි මාවතේ යන්න
මම රියැදුරෙක්මි. මා පදවන වාහනය පණ ගන්වා ඉදිරියට තල්ලුවන විට මගේ සිත ඉදිරිපසින් ඇති මහා මාර්ගය දෙසටම එල්ල වී තිබේ.

මට යන්නට ඇති මාර්ගය පුරා රෝස මල් අතුරා නැත. තැනින් තැන ගල්මුල්ය. ඇතැම් විට මාරක වංගු හමුවේ. කඳු මෙන්ම පල්ලම් ද එමටය. ගලක හැපෙන සුක්කානම පසෙකට හැරේ. දුක් කරදර නැමති ගල්මුල් හා වල ගොඩැලි වලට රෝද වැටෙන විට මම මහා මහ පාරට රථය යොමු කරමි. ගල්මුල් වලට යොමුකර හැරියොත් වාහනය මා සමඟම පාරෙන් පිටත විසි වී ගොස් දුකින් දුකටම පත්වෙනු නිසැකය.

හිටි අඩියේ පාර හරහා බාධක වැටේ. එවිට මම කෙඳිරි ගාන්නේ නැත. බාධක ඉවත්වන තුරු නිසොල්මන්ව රථය නවතාගෙන සිට නැවත මගේ ගමන යමි.

කොපමණ හදිසි වුවත් මම මගේ ගමන යන්නේ ඊට අවශ්‍ය වේගය අනුවයි. ඉතා හෙමින් හෝ ඉතා අධික වේගයකින් හෝ මා රථය පදවන්නේ නැත.

මගේ සිත වෙනත් දේවලට දුවයි. එහෙත් මගේ මූලික චේතනාව ඒ නිසා වෙනස් නොවේ. මා යන ගමන වෙනස් කළ හැක්කේ මටයි. අතරමග දී වෙහෙස බව දැනුන හොත් මම නතර වී ගිමන් හරිමි. රත් වූ ඇන්ජිමට වතුර දමා සිසිල්කරගෙන නැවත ගමන අරඹමි.

හරවන්නට ඕනෑ තැන දී හරවමි. නතර වන්නට ඕනෑ කළවිට නතර වෙමි. ශබ්ද කළ යුතු තැන දී නළාව හඬවමි. මේ මොනවා කළත් මගේ ඉලක්කය වෙත යෑම නතර නොකරමි.

මා සමඟ පැමිණි සමහරු දුර තියා කඳු දැක ආපසු හැරී ගියහ. ඇතැම් අය පල්ලම් දැක බියට පත්වූහ. සමහරු දුක් කරදර නැමති වලක රෝද වැටුනු ගමන් රථය ඉන් ඉවතට නොගෙන වලේම වැටී සිටියහ. සමහරුන්ගේ හුළං බැස තිබුණි.

මගේ මිතුරෙක් ගමන පිටත් වූයේ හතරවෙනි ගියරයෙනි. ගියර් දැමිය යුත්තේ එකින් එක හෙමිහිට කී නමුත් ඔහු පිළිගත්තේ නැත. “ටොප් ගියර්” එකේ රථයක් මුලින්ම ධාවනය කිරීම පහසු නැත. එය වැරදි ක්‍රමයයි. මා කුමක් කීවත් ඔහු ඇසුවේ නැත. එක පාරටම වේගයෙන් යන්නට බැරි නම් “මෝටර් රථයෙන්” වැඩක් නැතිලු.

දුම්රිය හෝ අහස්යානය හෝ එක පාරටම වේගයෙන් ධාවනය කළ නොහැකි බව මා පෙන්වා දුන් නමුත් මගේ මිත්‍රයා මහාචාර්යවරයෙක් වන නිසා මා වැනි රියැදුරෙක් කියන උපදෙස් පිළිපදින්නේ නැත. දැන් ඔහු රථය කොට උඩ තබා බුම්මාගෙන සිටියි.

මගේ තව මිතුරෙකුට තවම රථය පණගන්වා ගැනීමට බැරිව සිටී. තවත් කෙනෙකු හිත එක ඉලක්කයක නැති හෙයින් පාර පුරා යයි. තවම කෙළින් යෑමට බැරිය.

මේ කවුරුත් පාරේ වරද හා රථයේ වරද ගැන කියමින් කාලය ගෙවති. සමහරු රිවස් ගියර් එක දාගෙන ඉස්සහරට යන්න හදති. එවිට රථය ඉදිරියට නොයන්නේ බාල පැට්‍රෝල් දැමීම නිසා යැයි කියති. ඉස්සහරට යෑමට නම් ඉස්තරම් පැට්‍රෝල් දැමිය යුතුලු.

දක්ෂ රියැදුරෙක් වීමට ඉවසීම ඕනෑය. යන ගමන ගැන දැනීමක් තිබීම ද අවශ්‍යය. පාර ගැන සැකයෙන් මුසුව හැම හන්දියක් ගානේම දකින දකින අයගෙන් ප්‍රශ්න අසමින් යන්නේ පාර ගැන සැක ඇති අයයි. සැක නැතිව පාර හරි බව නිගමනය කර කෙළින්ම යන්න. වටපිට බලන්නට යෑමෙන් ඉලක්කයෙන් පිට හිත ඇදී යන්නට හැකියි.

නුවරට යන්නට ගිය අයෙකු කුරුණෑගල දී පාරෙන් පිට ඇති දේවල් නරඹන්නට විය. ඔහුගේ නෙතට ලස්සෙන කෙල්ලෙක් හසුවිය. ඔහු ගමන නතර කොට ඇය සමඟ දැන් පැල්පතක් අටවාගෙන සිටියි. වැඩිය වටපිට බලන්නට ගියොත් ගමන කෙළවර වන්නට පෙර ඔබටත් අතරමග පැල්පතක් අටවා ගන්නට සිදුවිය හැකිය. ගමන කෙළවර වෙනතෙක් ඍජුව ගියොත් පැල්පත වෙනුවට මාලිගයක පදිංචි වීමට ලැබෙන බව සිතන්න.

හෝව්! පොඩ්ඩක්! බ්‍රේක් පාගාගෙන යන්න අමාරුයි. බිය නොවී බ්‍රේක් අත්හැර ඉදිරියටම යන්න. ඔබ සමඟ යෑමට ඔබේ සිත ද එක්වෙන නිසා ඔබට තනියක් දැනෙනු නැත.

සුමනදාස_සමරසිංහ, 1979 පෙබරවාරි 15, චිත්ත ධර්ම විද්‍යා පත්‍රය

එකතුවෙන්න whatsapp
channel එකට 👇
https://whatsapp.com/channel/0029VbBz8OPChq6UimTJhG1C

"ජෝතිපාලයන් එංගලන්තයට ගිය
වෙලාවේ හම්බවුන දරුවනේ ..!
( ශ්‍රී ලංකාවේ එල්විස් ප්‍රෙස්ලි )

නීල මැණික් දූපතේ අභිරහස
ඉන්දියන් සාගරය දෙවනත් කළ නමක් වූයේ කපිතාන් "හේන" බණ්ඩාර ය. ඔහුගේ නෞකාව, "කළු දිය රකුසා", සුළඟ පවා හසුරුවන්නට සමත් යැයි කියැවුණු, අකුණු වේගයෙන් යාත්‍රා කළ නැවකි. හේන යනු හුදෙක් කෑදර මුහුදු කොල්ලකරුවෙකු නොව, නිදහසට සහ වික්‍රමයට පෙම් බැඳි, තියුණු බුද්ධියක් ඇති කපටියෙකි.
දිනක්, පෘතුගීසි වෙළඳ නැවක් කොල්ලකෑමෙන් පසු, පැරණි, දිරාපත් වූ සිතියමක් හේන අතට පත් විය. එය, පුරාවෘත්තයක් පමණක් යැයි කවුරුත් සිතූ, "නීල මැණික් දූපතේ" සඟවා තිබූ රාවණා රජුගේ නැතිවූ නිධානයක් වෙත යන මග පෙන්වන්නක් විය.
"සගයිනි! අපේ ජීවිතේ ලොකුම වික්‍රමය පටන් ගන්නයි යන්නේ! අපි යන්නේ කිසිවෙක් නොගිය ගමනක්!" හේන තම කාර්ය මණ්ඩලය අමතා ගිගිරුවේය.
නමුත් මේ ගමන ලෙහෙසි එකක් නොවීය. හේනගේ පරම සතුරා, දරුණු පෘතුගීසි අද්මිරාල් ද සිල්වා, තම බලසම්පන්න "සැන්ටා මරියා" යුධ නෞකාවෙන් හේන පසුපස හඹා එමින් සිටියේය. ඊටත් වඩා, සිතියම පැවසුවේ නිධන් දූපත ආරක්ෂා කරන්නේ "මකර දළ" නම් මාරාන්තික ගල්පර වළල්ලකින් සහ මුහුදේ සැඟවී සිටින අභිරහස් සත්වයෙකුගෙන් බවය.
"කළු දිය රකුසා" දින ගණනක් කුණාටු මැදින්, යෝධ මුහුදු රළ පීරාගෙන ඉදිරියට ඇදුණි. එක් රාත්‍රියක, දැවැන්ත කුණාටුවක් මැද, අද්මිරාල් ද සිල්වාගේ නැව ඔවුන්ට ළඟා විය. කාලතුවක්කු හඬින් මුහුද ගිගුම් දුන්නේය.
"නැව හරවපල්ලා! ගල්පර පැත්තට! එතනින් ගියොත් විතරයි අපිට බේරෙන්න පුළුවන්!" හේන අණ දුන්නේය.
හේනගේ අති දක්ෂ නාවික කුසලතාවය නිසා "කළු දිය රකුසා", "මකර දළ" ගල්පර අතරින් නූලෙන් මෙන් රිංගා ගියද, දැවැන්ත "සැන්ටා මරියා" නෞකාවට එසේ කිරීමට නොහැකි විය. එය ගල්පරයක වැදී සුනුවිසුනු වී යන හඬ අඳුරේ දෝංකාර දුන්නේය.
කුණාටුව පහව ගිය පසු, මීදුම අතරින් ඔවුන් ඉදිරියේ ගිනි කන්දක් බඳු, අඳුරු දූපතක් මතු විය. එය නීල මැණික් දූපත විය.
ඔවුහු දූපතට ගොඩ බැස්සෝය. සිතියමට අනුව, නිධානය තිබුණේ දූපත මැද වූ පැරණි ගුහා පද්ධතියක් තුළය. ඒ ගුහා පද්ධතිය භයානක උගුල්වලින් පිරී තිබුණි. ඊතල විදින බිත්ති, කඩා වැටෙන පාලම් සහ විසකුරු සර්පයන්ගෙන් පිරුණු වළවල් මැදින් හේන සහ ඔහුගේ සගයන් ඉදිරියට ගියහ.
අවසානයේ, දිය ඇල්ලකින් වැසුණු රහස් දොරටුවක් විවෘත කරගත් ඔවුන්, නිධන් ගුහාවට ඇතුළු විය. එහි දුටු දෙයින් ඔවුන්ගේ දෑස් නිලංකාර විය. රන්, රිදී, මුතු, මැණික් කඳු ගණනින් ගොඩගසා තිබුණි. ඒ මැද, යෝධ නීල මැණිකක් බැබළෙමින් තිබිණි.
"අපි කළා! මුළු ලෝකෙම වස්තුව අපේ!" එක් සගයෙක් කෑගැසුවේය.
නමුත් ඒ සතුට පැවතියේ මොහොතකට පමණි.
"හොඳයි හේන, මම හිතුවා ඔයා මාව පරද්දයි කියලා," අඳුරෙන් මතු වූයේ තුවාල ලබා, කෝපයෙන් දැවෙන අද්මිරාල් ද සිල්වා ය. ඔහු සහ ඔහුගේ බේරුණු සෙබළු කිහිප දෙනෙක් ඔවුන් පසුපස පැමිණ තිබුණි.
ක්ෂණයකින් ගුහාව තුළ දරුණු කඩු සටනක් ඇවිල ගියේය. හේන සහ ද සිල්වා එකිනෙකාට මුහුණ දුන්හ. ඔවුන්ගේ කඩු එකිනෙක ගැටෙන හඬ ගුහාව පුරා පැතිර ගියේය.
"මේ නිධානය අයිති මට!" ද සිල්වා ගර්ජනා කළේය.
"නිධානය අයිති නිදහසට ආදරේ කරන අයටයි, අද්මිරාල්!" හේන පිළිතුරු දෙමින්, කපටි ලෙස පසෙකට පැන, ගුහාවේ තිබූ පැරණි ලීවරයක් ඇද්දේය.
ක්ෂණයකින්, ගුහාවේ එක් පසෙක තිබූ රහස් උමගක් විවෘත වූ අතර, ද සිල්වා සහ ඔහුගේ සෙබළුන් සිටි බිම කඩා වැටී, ඔවුන්ව පහළ අඳුරු ආගාධයකට ඇද දැමුවේය.
හේන සහ ඔහුගේ සගයන් හැකි තරම් වස්තුව "කළු දිය රකුසා" වෙත පටවා ගත්හ. ඔවුන් නැවට නැග, දූපතෙන් පිටත් වන විට, ගුහා පද්ධතිය කඩා වැටෙන්නට පටන් ගත්තේ, නීල මැණික් දූපතේ ඉතිරි රහස් සදහටම මුහුදු පත්ලේ සඟවමිනි.
"කළු දිය රකුසා" නැව, රනින් බරව, හිරු බැස යන ක්ෂිතිජය දෙසට යාත්‍රා කළේය. කපිතාන් හේන බණ්ඩාර, සුක්කානම අසල සිට, තම මීළඟ වික්‍රමය කුමක්දැයි සිතමින් සිනාසුණේය.