Utube

අද සමාජ මාධ්‍ය කියන්නේ හරිම පුදුම තැනක්. ඒක ඇතුළේ කෙනෙක්ව වීරයෙක් කරන්නත්, තවත් කෙනෙක්ව අළු කරලා දාන්නත් ගතවෙන්නේ තත්පර කිහිපයයි. මේ දවස්වල මාධ්‍ය කරළිය උණුසුම් කරලා තියෙන Dilka Samanmali සහ සුදත්ත තිලකසිරි අතර ගැටුම, අපිට හුදු "වලියකට" එහා ගිය ලොකු පාඩමක් කියලා දෙනවා.

යම් කිසි දෙයක් අපි විවේචනය කිරීමට ඇති අයිතිය සහ එහි සීමාව ගැන කතා කරොත් මුලින්ම එක දෙයක් පැහැදිලිව කියන්න ඕනේ මචං. ඕනෑම මාධ්‍යවේදියෙකුට හෝ සමාජ මාධ්‍ය ක්‍රියාකාරියෙකුට තවත් කෙනෙක්ව විවේචනය කරන්න පරම අයිතියක් තියෙනවා. ඩිල්කා සමන්මලී කියන්නේ දශක දෙකක් තිස්සේ දේශපාලන බලවතුන්ව ප්‍රශ්න කරපු, මහජන මතයට බලපෑම් කරපු ප්‍රබල චරිතයක්. ඒ නිසා ඇයගේ වෘත්තීය භාවිතය, ඇය ගත් ස්ථාවරයන් සහ ඇයගේ දේශපාලන නැඹුරුව ගැන ඕනෑම කෙනෙක්ට ප්‍රශ්න කරන්න පුළුවන්. ඒක තමයි ප්‍රජාතන්ත්‍රවාදය. හැබැයි මචං, ඒ විවේචනය 'චරිත ඝාතනයක්' දක්වා දික් ගැස්සෙනවා නම් අන්න එතැනයි ප්‍රශ්නය තියෙන්නේ.

ඕපෙරා හවුස් කතාව විවේචනයද? මඩ ගැසීමක්ද? කියලා බැලූ බැල්මට පේනවා ඕනේම ඔලුවක් තියන කෙනෙක්ට,
සුදා ඔහුගේ YouTube නාලිකාව හරහා කරපු එක ප්‍රකාශයක් මේ ගැටුමට ලොකු ගින්නක් එකතු කළා. සිඩ්නි නුවර ඔපෙරා හවුස් පඩිපෙළ උඩදී ඩිල්කාට "කෙළවනවා" වැනි අදහසක් එන පරිදි ඔහු කළ ප්‍රකාශය ඇත්තටම ඉතාමත් 'කැත' වැඩක්. මචං, විවේචනයක් කරනවා නම් ඒක කරන්න ඕනේ තර්කානුකූලව. ඒත් තවත් කෙනෙක්ගේ පෞද්ගලික ජීවිතය ඉලක්ක කරගෙන, අනවශ්‍ය බිය ගැන්වීම් හෝ අපහාස කිරීම් කරන එක මාධ්‍ය සදාචාරයට සම්පූර්ණයෙන්ම පටහැනි දෙයක්. ඩිල්කා CID එකට යන්න තීරණය කළේ මෙන්න මේ වගේ පහත් පෙළේ ප්‍රහාර ඉවසගෙන ඉන්න බැරි තැන වෙන්න ඇති කියලා මේ ප්‍රශ්ණය දිහා බලන් ඉන්න මට හිතෙනවා ,

තමන්ගේ දියණියට එරෙහිව ලෝකයම ඉදිරියේ මෙවැනි අවමන් සහගත ප්‍රකාශ සිද්ධ වෙද්දී, පියෙක් විදිහට ඇගේ තාත්තා නිහඬව හිටියේ නැහැ. ඔහු අපරාධ පරීක්ෂණ දෙපාර්තමේන්තුවට ගිහින් නිල වශයෙන් පැමිණිල්ලක් කළේ තමන්ගේ දරුවාගේ ගෞරවය වෙනුවෙන්. ඒ වගේම මචං, මේ සටන දැන් ලංකාවට විතරක් සීමා වෙලා නැහැ. ඩිල්කා මේ වන විට ඕස්ට්‍රේලියාවේ පදිංචිව ඉන්න නිසා, ඇයට එරෙහිව එල්ල වන සයිබර් පීඩාවන් ගැන ඕස්ට්‍රේලියානු පොලිසියත් දැන් ක්‍රියාත්මක වෙනවා. තාක්ෂණය දියුණු ලෝකයේ මඩ ගහලා හැංගෙන්න ලේසි වෙන්නේ නැහැ කියන පණිවිඩය මේකෙන් පැහැදිලිවම දෙනවා.

ඩිල්කා ඇගේ Live වීඩියෝවෙන් අහපු මේ ප්‍රශ්නය අපේ හෘද සාක්ෂියට තට්ටු කරනවා. ඇය අහනවා, "මං වෙනුවෙන් පෙනී ඉන්න එක මාධ්‍යවේදියෙක්වත් නැත්තේ මම කාන්තාවක් නිසාද? කියලා. ඇත්තටම මචං, පිරිමි මාධ්‍යවේදීන් එකිනෙකාට ප්‍රශ්නයක් වුණාම පෙළ ගැහෙන විදිහට, කාන්තාවකට ප්‍රශ්නයක් වුණාම ක්ෂේත්‍රය නිහඬ වෙන්නේ ඇයි ? කාන්තාවකට විරුද්ධව කාන්තාවක්ම කතා කරන එක කොයි තරම් සදාචාරාත්මකද ? මේවා අපේ සමාජය ගැඹුරින් හිතන්න ඕනේ දේවල්.

මචං, ඩිල්කාට ඇගේ මතය දරන්න අයිතිය තියෙනවා වගේම සුදාට ඇයව විවේචනය කරන්නත් අයිතිය තියෙනවා. හැබැයි ඒ හැමදේම සිද්ධ වෙන්න ඕනේ මනුෂ්‍යත්වයේ සහ මාධ්‍ය සදාචාරයේ සීමාවන් ඇතුළේ කියලා මම විස්වාස කරනවා

අපහාසය සහ මඩ ප්‍රහාරය "ප්‍රකාශනයේ නිදහස" කියලා වරදවා වටහා නොගත යුතුයි. ඩිල්කා කරන්නේ තමන්ගේ ආත්මගෞරවය වෙනුවෙන් කරන අරගලයක්. ඒ අරගලයේදී ඇය තනිවෙලා නැහැ කියන එක මේ නීතිමය ක්‍රියාමාර්ග හරහා ඔප්පු වෙනවා. අවසානයේ සත්‍යය ජය ගනීවි. අපිට තියෙන්නේ මේ සිදුවීම් දිහා උපේක්ෂාවෙන් සහ බුද්ධිමත්ව බලන්නයි ,

සිරාවටම මචං, මේ වලිය දැකලා මන් අදුරන ගොඩක් අය කලකිරිලා හිටියා මට මැසේජ් කලා ලියන්න හිමාල් එකක් කියලා , ඔය කලකිරීම අද කාලේ ගොඩක් දෙනෙක්ට තියෙන පොදු හැඟීමක්. අපි පොඩි කාලේ ඉඳන් රූපවාහිනියෙන් දැකපු ඒ මාධ්‍ය භාවිතය සහ අද YouTube එකේ තියෙන "කුණුහරුප සංස්කෘතිය" අතර තියෙන්නේ අහසට පොළොව වගේ වෙනසක්.

මම කිව්වා වගේ '360' වගේ වැඩසටහන් බලලා අපි ඉගෙන ගත්තේ කොහොමද තර්කානුකූලව ප්‍රශ්න කරන්නේ, කොහොමද ප්‍රතිපක්ෂ මතයකට ගරු කරමින් තමන්ගේ මතය ඉදිරිපත් කරන්නේ කියලා. ඒත් අද බොහෝ දෙනෙක් හිතාගෙන ඉන්නේ "කැමරාවක් ඉස්සරහට ඇවිත් සද්දෙට කෑගහන එකයි, අනුන්ට අපහාස කරන එකයි" තමයි වීරකම කියලා.

ඕනෑම කෙනෙක්ට දක්ෂතා තියෙන්න පුළුවන්, හැබැයි ඒ දක්ෂතාවය අනුන්ව හෑල්ලු කරන්න හෝ පෞද්ගලික මඩ ගහන්න පාවිච්චි කරනවා නම් එතැන මාධ්‍යවේදියෙක් නෙවෙයි ඉන්නේ, හුදු අවස්ථාවාදියෙක් විතරයි.

මචං, ඉස්සර මාධ්‍ය ආයතනයක් ඇතුළේ Gatekeeping කියලා ක්‍රියාවලියක් තිබුණා. වැරදි දෙයක් සමාජගත වෙන්න කලින් ඒක පරීක්ෂා වුණා. අද YouTube එකේ ඒක නැති නිසා ඕනෑම කෙනෙක්ට තමන්ගේ "සක්කිලි කතා"ලෝකය පුරා යවන්න පුළුවන් වෙලා තියෙනවා.

සුදත්තගේ සමහර දේවල් වලට මිනිස්සු කැමති ඇති, ඒත් ඒකෙන් අදහස් වෙන්නේ නැහැ ඔහුට ඕනෑම ගැහැනියකට හෝ පිරිමියකට පහත් විදිහට කතා කරන්න බලපත්‍රයක් තියෙනවා කියලා. ඩිල්කා සමන්මලී වගේ ප්‍රබල චරිතයක් තමන්ගේ ආත්මගෞරවය වෙනුවෙන් මේ විදිහට පෙනී සිටීම ඇත්තටම අගය කළ යුතුයි. ඒකෙන් වෙන්නේ ඇය වගේ තවත් බොහෝ දෙනෙක්ට තමන්ට වෙන අසාධාරණයන් වලදී නිහඬ නොවී ඉන්න ධෛර්යය ලැබෙන එක..ෛති ඉතින් ගැහැණියක් විදියට ඔබ තනිවෙලා නැ, අඩුම ගානේ අපි හරි ඔබ වෙනුවෙන් ලියනවා ,අදින් පසු අනිත් හැමෝගෙම පෑන් ලියවෙයි කියලා මම විශ්වාස කරනවා , ස්තූතියි කියවපු ඔබට .

මම බයයි ,
ලියන්න කලින් මැරෙන්න ,
- හිමාල් හේරත්

මම ගොඩක් මුස්ලිම් මිතුරන් ආස්‍රය කරන නිසා , මම එයලාගේ සමහරු නොදකින සමහර කෝන දකිනවා ,සාම්ප්‍රදායික සහ සාම්ප්‍රදායික නොවන කියලා වරග දෙකක් ලංකාවේ මේ ලිපිය ලියන්න කලින් තොරතුරු හොයද්දි මම දැක්කා ,සාම්ප්‍රදායික නොවන මුස්ලිම් ලක්ශණ මම නොලියා ඉන්නම් , මොක්ද මට ලියන්න ඕනේ උනේ කාලෙකින් මතුවන මම දැකපු සාම්ප්‍රදායික මුස්ලිම් නායකත්වයක් ගැන,

සාම්ප්‍රදායික මුස්ලිම්වරයෙකු යනු හුදෙක් ආගමික ලේඛනයක සඳහන් නමක් පමණක් නොවේ , ඔහු මේ ශ්‍රී ලාංකීය මහා සංස්කෘතික ගංගාව පෝෂණය කළ ප්‍රධාන අතු ගංගාවක් කිව්වොත් මම නිවරදී , ඔහුගේ අනන්‍යතාවය ගොඩනැගී ඇත්තේ ඔහු තම ආගමික වතාවත් ඉටු කරන්නේ අන් අයට පීඩාවක් වන ලෙස හෝ ප්‍රදර්ශනය සඳහා නොවේ. ඔහුගේ භක්තිය තුළ ඇත්තේ නිහතමානීකම සහ අවංකභාවයයි. පල්ලියේ වතාවත්වලින් පසුව ඔහු සමාජයට එන්නේ වෛරය හෝ බෙදීම රැගෙන නොව, "සියලු සත්ත්වයෝ නිදුක් වෙත්වා" යන පොදු මානුෂීය දයාව පෙරදැරි කරගෙනය.ඒක මෙතෙක් හිටිය සාම්ප්‍රදායික මුස්ලිම් නායකයින් අනුගමනය කරා නම් ඔබට අවබෝදයක් ලබා ගන්න පුලුවන් ,

ශ්‍රී ලාංකීය මුස්ලිම් සමාජය තුළත්, සමස්ත ලාංකීය දේශපාලන හා සමාජීය ක්ෂේත්‍රය තුළත් ආචාර්ය ඒබ්‍රහම් කුරේෂ් යනු මම දැකපු ,හදන්න පුලුවන් , ඉහලටම යන , දකශතාවය තියන ,උගත් මුස්ලිම් වරයෙක් , ඒක මම මේ මාස කිහිපයේ දැකපු අත් දැකීම් සමග තෙරුම් ගන්න පුලුවන් ,සු. ඔහු හුදෙක් එක් ආගමකට හෝ ජාතියකට සීමා වූ නායකයෙකු නොව, මුළු මහත් ශ්‍රී ලංකාවම තමන්ගේ මාතෘභූමිය ලෙස සැලකූ සැබෑ දේශප්‍රේමියෙකි.

ආචාර්ය කුරේෂ් මහතාගේ පෞරුෂය ගොඩනැගී තිබුණේ ගැඹුරු අධ්‍යාපනය සහ බුද්ධිමය පදනම මතයි. ඔහු කිසිම විටෙකත් ආගමික මූලධර්මවාදය හෝ පටු ජාතිවාදය තම දේශපාලන අවියක් කරගත්තේ නැත. ඔහු විශ්වාස කළේ මුස්ලිම් ප්‍රජාව ශ්‍රී ලංකාවේ හුදකලා කොටසක් නොවන බවයි.
සිංහල බෞද්ධ සංස්කෘතිය සහ සාරධර්ම කෙරෙහි ඔහු දැක්වූයේ අතිමහත් ගෞරවයකි.

ඔහු සිංහල භාෂාව සහ සාහිත්‍යය මැනවින් හැදෑරූ, එමගින් අන්‍යෝන්‍ය අවබෝධය ගොඩනැගූ නායකයෙකි, අද සමාජයේ පවතින "පිටින් ආනයනය කරන ලද" ඇඳුම් පැළඳුම් හෝ සිරිත් විරිත්වලට වඩා, ශ්‍රී ලංකාවට ආවේණික වූ සාම්ප්‍රදායික මුස්ලිම් සංස්කෘතිය ඔහු අගය කළේය. ඔහු නිතරම අවධාරණය කළේ මුස්ලිම්වරුන් මේ රටේ ඉතිහාසය සමඟ බැඳී සිටින ජන කොට්ඨාසයක් බවයි.
පල්ලි මූලික කරගත් දේශපාලනයට වඩා, පොදු ජාතික වේදිකාවක් මත සිට අදහස් දැක්වීමට ඔහුට තිබූ හැකියාව අතිමහත්ය. සැබෑ "පාලමක" භූමිකාව
ජාතීන් අතර අසමගියක් හෝ සැකයක් මතු වූ සෑම අවස්ථාවකම ආචාර්ය කුරේෂ් මහතා මැදිහත් වූයේ සාම සාධකයෙකු ලෙසයි.ඔහුට මයික් එක දික් කරපු හැම මොහොත්කම ,ඔහුගේ පෙර සූදානම සහ දැණුම මම දැක්කා ,

ඔහු මහා සංඝරත්නය සමඟ ඉතා සමීපව කටයුතු කළ අතර, බෞද්ධ විහාරස්ථාන සමඟ සහයෝගයෙන් සමාජ සේවා කටයුතුවල නිරත විය. මුස්ලිම් ප්‍රජාව කෙරෙහි බහුතර සමාජය තුළ යම් වැරදි වැටහීමක් ඇති වූ විට, ඔහු ඉදිරිපත් වී ඉතාමත් තාර්කිකව සහ කරුණාවෙන් එම ගැටලු නිරාකරණය කිරීමට උත්සාහ කළ නිහතමාණී නායකයෙක් කිව්වොත් මා නිවරදි යි ,
අද අප දකින්නේ තමන්ගේ වාසිය සඳහා ජාතිවාදී ගිනි ඇවිලවීමට උත්සාහ කරන පිරිසකි. නමුත් ආචාර්ය කුරේෂ් මහතා තම ප්‍රජාව තුළින් මතු වන වැරදි මතවාදයන්ට එරෙහිව "මේක අපේ රටට ගැලපෙන්නේ නැහැ" කියා කෙලින්ම පැවසීමට ඔහුට කොන්දක් තිබුණි. ඔහු තනතුරු හෝ වරප්‍රසාද පසුපස හඹා ගියේ නැත. ඔහුට අවශ්‍ය වූයේ ගෞරවනීය මුස්ලිම් ප්‍රජාවක් සහ සාමකාමී ශ්‍රී ලංකාවක් දැකීම පමණි.
අතීතයේ සිටි ටී.බී. ජායා හෝ රසික් ෆරීඩ් වැන්නන් මුස්ලිම් ප්‍රජාවට පමණක් නොව, මුළු රටටම නායකයන් වුණා. ඔවුන් සිංහල බෞද්ධ නායකයන් සහ මහා සංඝරත්නය සමඟ එකම මේසයේ වාඩි වී රටේ අනාගතය තීරණය කළා.

අද සිටින බොහෝ මුස්ලිම් දේශපාලනඥයන් තමන්ගේ පක්ෂයේ හෝ තමන්ගේ කුඩා ඡන්ද පදනමේ සීමාවන් තුළ සිරවී සිටිනවා. ඔවුන්ව මුළු රටම පිළිගන්නා "ජාතික නායකයන්" ලෙස දකින්නට ලැබෙන්නේ නැහැ.පැරණි නායකයන්ට තම ප්‍රජාව තුළ යම් වැරැද්දක් දුටු විට එය සෘජුව විවේචනය කිරීමටත්, එය නිවැරදි කිරීමට මග පෙන්වීමටත් කොන්දක් තිබුණා. ඔවුන් අන්තවාදී මතවාද රට තුළට එන විට ඒවාට වැට බැන්දා.
අද බොහෝ නායකයන් ඡන්ද පදනම අහිමි වේ යැයි බියෙන් අන්තවාදී බලවේග හමුවේ නිහඬව සිටිනවා. නැතිනම් පෞද්ගලික වාසි තකා ඒවාට අනුබල දෙනවා. මේ නිසා ප්‍රජාව අතර මධ්‍යස්ථ මතධාරීන් හුදකලා වී තිබෙනවා.

සාම්ප්‍රදායික නායකයෙකු කරන්නේ සිංහල, දෙමළ සහ මුස්ලිම් ජාතීන් අතර ඇති වන සැකය දුරු කරන "පාලමක්" ලෙස කටයුතු කිරීමයි.අද එවැනි පාලමක් නොමැති නිසා සුළු සිදුවීමක් පවා විශාල ජාතිවාදී ගැටුමක් දක්වා වර්ධනය වීමේ අවදානමක් තිබෙනවා. ප්‍රජාවන් අතර විශ්වාසය ගොඩනැගීමට මැදිහත් වන, සියලු දෙනාටම ගරු කරන "ගැඹුරු පෞරුෂයක්" සහිත නායකයෙකු අද දකින්නට නැහැ.

පැරණි නායකයන් මුස්ලිම්වරුන්ව මෙරටේ සංස්කෘතියට බද්ධ කළා. ඔවුන් අරාබි අනුකරණයට වඩා ලාංකික මුස්ලිම් අනන්‍යතාවයට මුල් තැන දුන්නා.පසුගිය දශක කිහිපය තුළ විවිධ විදේශීය මතවාද රට තුළට පැමිණෙන විට, ඒවාට එරෙහිව ප්‍රජාව මෙහෙයවිය හැකි බුද්ධිමත් නායකත්වයක් නොතිබීම නිසා සමාජය තුළ යම් දුරස්ථභාවයක් නිර්මාණය වී තිබෙනවා.
මෙම අඩුව නිසා ඇති වී තිබෙන හානිය ලෙස ඔබට මතක ඇති
මුස්ලිම් ප්‍රජාව කෙරෙහි අනෙක් ජාතීන් තුළ ඇති වී තිබෙන අවිශ්වාසය වැඩි වීම.ප්‍රජාව තුළ සිටින තරුණ පිරිස නිවැරදි මග පෙන්වීමක් නැතිව අන්තවාදී මතවලට නැඹුරු වීමේ අවදානම.
පටු දේශපාලන වාසි තකා මුස්ලිම් ප්‍රජාව "බෝලයක්" ලෙස පාවිච්චි කිරීමට දේශපාලනඥයන්ට ඉඩ ලැබීම. අද අපට අවශ්‍ය කරන්නේ තමන්ගේ ආගමික අනන්‍යතාවය රකිමින්ම, මේ රටේ පස්වලට ආදරය කරන, සිංහල ජනතාවගේ විශ්වාසය දිනාගත්, වැරැද්දට වැරැද්ද කියන්න පුළුවන් "මුස්ලිම් සිංහයෙක්" වැනි නායකයෙක්.

එවැනි නායකත්වයක් නොමැති වීම අද මුස්ලිම් ප්‍රජාවට පමණක් නොව, මුළු ශ්‍රී ලංකාවටම සිදුවූ විශාල පාඩුවක්.
දැනටත් මුස්ලිම් ප්‍රජාව නියෝජනය කරන දේශපාලන නායකයන් සිටියත්, ඔවුන් බොහෝ දෙනෙක් තමන්ගේම දේශපාලන පක්ෂ හරහා කටයුතු කරන නිසා ඔවුන්ව "මුළු රටේම නායකයන්" ලෙස පිළිගැනීමේ යම් අඩුවක් තිබෙනවා.
කෙසේ වෙතත්, දේශපාලනයෙන් බැහැරව සිවිල් සමාජය, විශ්වවිද්‍යාල සහ වෘත්තීයවේදීන් අතර එදා සිටි නායකයන්ගේ මතවාද දරන උගතුන් අදටත් සිටිනවා. ඔවුන් උත්සාහ කරන්නේ අන්තවාදයට ඉඩ නොදී, ශ්‍රී ලාංකික අනන්‍යතාවය රැකගෙන සහජීවනයෙන් ජීවත් වීමටයි.

ආචාර්ය ඒබ්‍රහම් කුරේෂ් වැනි නායකයන් යනු ඉතිහාසය විසින් අපට දායාද කළ වටිනා මැණික් වැනි චරිතයි. ඔහු ජීවත් වූයේ "මම මුලින්ම ශ්‍රී ලාංකිකයෙක්, ඉන්පසු මුස්ලිම්වරයෙක්" යන උදාර හැඟීමෙනි. අද අප දකින සමාජ දේහය පුරා පැතිරී ඇති ජාතිවාදී පිළිලයට ඇති එකම විසඳුම ආචාර්ය කුරේෂ් වැනි, උගත්, බුද්ධිමත් සහ දේශප්‍රේමී නායකයන් යළි බිහිවීමයි. ඔහු තැබූ ඒ උදාර පිය සටහන් අනුගමනය කරන තරුණ පරපුරක් බිහි කිරීම අද දවසේ අත්‍යවශ්‍යම කාර්යයකි.

ඉතින් මම හිතනවා කුරේශ් මහත්මයා , මේ රටේ ජාතීවාදයට තිත තැබූ අනාගත් පරම්පරාවේ කලීනව වෙනස් වූ , තරුණ බුද්දිමත් ජාතික මුස්ලිම් නායකත්වය වේ යැයි කියලා , සමස්ත මතය නොවෙන්න පුලුවන් ,ඒත් මෙය මගෙ සහ අපේ මතේ වී හමාරයි , අපේ මතය සමස්ත මතය වෙනවා නොවනූ මානයි ,ස්තූතී ඔබට කාලය අරන් ලිපිය කියෙව්වට ,

මම බයයි ,
ලියන්න කලින් මැරෙන්න ,
හිමාල් හේරත්
#සම්ප්‍රදායික_මුස්ලිම්_නායකත්වය #ජාතික_සමගිය #සහජීවනය #මව්බිම_පළමුව #සැබෑ_නායකත්වය #අන්තවාදයට_එරෙහිව #බුද්ධිමත්_ප්‍රජාවක්

නත්තලේ ආදරය හදවතේ රඳවාගමු. ❤️ ඊයේ දවසින් නත්තල් උත්සවය නිමාවට පත් වුණත්, ඒ නත්තල ගෙනාපු ප්‍රේමය සහ ආදරය අපේ සිත්වලින් කිසිදාක මැකී යන්නේ නැහැ. උත්සව සැමරුම් අවසන් වුවත්, සෑමදාම ඔබේ හදවතේ ජීවමාන ජේසු සමිඳාණන්ව තබා ගන්න. ලෝකයට ආදරය වපුරන්න. ස්තූතියි ජේසු තාත්තේ..🙏 එළඹෙන 2026 වසරේදී පමණක් නොව, මා මෙලොව උපන් දා පටන් මේ දක්වා මා සමඟ මේ ජීවන ගමනේ රැඳී සිටියාට, මාව ආරක්ෂා කළාට සහ මට නිවැරදි නුවණ ලබා දුන්නාට ඔබට අනේක වාරයක් ස්තූතියි. සැමදා ඔබගේ ආදරණීය දරුවෙකු සේ මා දෙස බලා සිටින ඔබගේ අත්තටු සෙවණේ මාව සුරක්ෂිතව තබා ගන්න. හැමෝටම සුබම සුබ නත්තලක් වෙන්න ඇති කියලා මම විශ්වාස කරනවා! 🎄 ජේසු පිහිටයි ! 🙏 . . . . . #Christmas2025 #Faith #Blessings #JesusLovesYou #Gratitude #NewYear2025 #SpiritualJourney #GodsGrace #PeaceAndLove

කාලයක් නිහඩව ඉදලා ,ඔන්න නිහඩ බවට විරාමයක් තබන්න රනිල් වික්‍රමසිංහ සැරසෙනවා කියලා ආරංචියක් ලැබුනා , ඇත්තටම ලොක්කා ගැන ලියන්න ඕනේ අනිත් වටේ ඉන්න සිප්පි කෑලී ගැන ලියන්න කලින්,

Ranil Wickremesinghe පාර්ලිමන්ට් එකට එන්න හදපු හැම වෙලාවෙම රනිල්ව නඩු දාලා ,හිරේ යවන්න ආන්ඩුව කටයුතු කරා ,ඉතින් මේ ක්‍රියාමර්ගය රනිල් ඇත්තටම ගත්තොත් ,අපි හිතමු අඩුම නඩු 1500ක් දැන්මා කියලා එහෙම උනොත්
,මොනවගේ දේවල් වලට රජයට මුහුණ දීම්ට සිදු වෙනවද ?

පරිපාලනමය අංශයේ අවාසිය ලෙස රාජ්‍ය යාන්ත්‍රණය යම්තාක් අඩාල වෙන්න පුලුවන් , මොකද නඩු 1,500ක් යනු අති විශාල සංඛ්‍යාවකි. මෙම සෑම නඩුවක් සඳහාම රජයේ අදාළ ආයතන (දිස්ත්‍රික් ලේකම් කාර්යාල, වන්දි ගෙවීමේ ආයතන, ආරක්ෂක අංශ, ආදී) පෙනී සිටීමටත්, ලිපිගොනු සකස් කිරීමටත්, නිලධාරීන් අධිකරණයට කැඳවීමටත් සිදුවේ.

රජයේ ප්‍රධාන නිලධාරීන්ගේ කාලය සහ ශ්‍රමය දිනපතාම නඩු කටයුතු සඳහා යොමු වීමෙන් පරිපාලන කටයුතු යම්තාම් අඩාල වී, රාජ්‍ය සේවයේ කාර්යක්ෂමතාව පහළ යන්න පුලුවන්.

නීතිපති දෙපාර්තමේන්තුව මත පීඩනය ගැන හිතුවොත් රජය නියෝජනය කරන නීතිපති දෙපාර්තමේන්තුවට එකවර මෙම සියලු නඩු හසුරුවා ගැනීමට සිදුවීමෙන්, ඔවුන්ගේ සම්පත් සීමා වී, අනෙකුත් වැදගත් නඩු කටයුතු සහ නීතිමය උපදෙස් ප්‍රමාද වීමට හේතු වෙනවා,

මූල්‍යමය අංශයේ අවාසිය අධික වන්දි ගෙවීමේ අවදානම, නඩු විශාල ප්‍රමාණයක් විපතට පත් ජනතාවට වාසිදායක ලෙස තීන්දු වුවහොත්, රජයට අයවැයෙන් බැහැර වූ විශාල මුදලක් වන්දි ලෙස ගෙවීමට සිදුවෙන්න පුලුවන් ,

රජයේ අයවැය කඩාකප්පල් වීම , ඒ කියන්නේ මේ මොහොතේ මූල්‍ය විනය පවත්වා ගැනීමට උත්සාහ කරන ඕනෑම රජයකට, මෙවැනි අනපේක්ෂිත විශාල වියදමක් රාජ්‍ය මූල්‍ය කළමනාකරණයට බරපතල අභියෝගයක් එල්ල කරනවා. මෙය නව රජයේ ආර්ථික ප්‍රතිසංස්කරණ සැලසුම් කඩාකප්පල් කිරීමට හේතුවක් විය හැකියි.

නීතිමය වියදම්ද ඉහල යනවා , නඩු කටයුතු සඳහා රජය සතු සම්පත් (මුදල්, වාහන, ලිපිද්‍රව්‍ය) නිරන්තරයෙන් වැය වෙන්න පුලුවන්

දේශපාලන හා ප්‍රතිරූපමය අවාසියටත් රජයට මූන දෙන්න වෙනවා , රජයේ ජනතා විශ්වාසය බිඳ වැටෙන්න පුලුවන් , රනිල් වික්‍රමසිංහ මහතාගේ පක්ෂය, නීතිඥයන් 1,500ක් යොදවා නඩු දමන බවට වූ පුවත හරහා, වත්මන් රජය අකාර්යක්ෂම බවත්, විපතට පත් ජනතාවගේ අයිතිවාසිකම් නොසලකා හරින බවත් මහජනතාව ඉදිරියේ නිරන්තරයෙන් ප්‍රචාරය කරන්න ජනමාධ්‍ය ඉඩ ලැබෙනවා,නව රජය කෙරෙහි ජනතාව තුළ ඇතිවන විශ්වාසය බිඳ වැටීම සහ ජනප්‍රියත්වය වේගයෙන් පහළ යෑම මේ එක්ක වෙන්න පුලුවන් ,

නිරන්තර දේශපාලන පීඩනය රජයට ලබා දීමට රනිල් වික්‍රමසිංහ මහතා මෙම නඩුකර මාලාව දේශපාලන ආයුධයක් ලෙස භාවිතා කරනත් පුලුවන් . සෑම නඩු විභාගයක් අවසානයේම ඔහුට සහ ඔහුගේ පක්ෂයට රජයේ අසාර්ථකත්වය ප්‍රසිද්ධියේ විවේචනය කිරීමට අවස්ථාව ලැබෙනු ඇත. වත්මන් රජය නිරන්තරයෙන් ආරක්ෂක සටනක නිරත වීමට සිදුවේන එක නම් වෙනවා.

අනුර කුමාරගේ 'පිරිසිදු' ප්‍රතිරූපයට හානිවෙන එක ක්‍රමයෙන් වැඩි වෙනවා ,නව රජය බලයට පත්වන්නේ පිරිසිදු පාලනයක් පිළිබඳ පොරොන්දුවෙන් නම්, මෙවැනි නීතිමය අභියෝග මගින් එම ප්‍රතිරූපය කලින්ම දුර්වල කර දැමීමට විපක්ෂයට හැකියාව ලැබේ. මෙක මෙහෙම්ම අපි හිතන විදියටම උනොත් විපක්ශයට දේශපාලනය ආයෙත් කරගෙන යන්න ශක්තිමත් මූලාශ කිහිපයක් ලැබෙනවා,

රනිල් වික්‍රමසිංහ මහතා වැනි පළපුරුදු දේශපාලනඥයෙකු විසින් මෙවැනි පුළුල් නීතිමය උපක්‍රමයක් භාවිතා කරන්නේ, හුදෙක් නීතිය ක්‍රියාත්මක කිරීමට වඩා නව රජයේ කාර්යක්ෂමතාවයට, මූල්‍ය ශක්තියට සහ දේශපාලන ප්‍රතිරූපයට එකවර පහර දීම සඳහා කියලයි මගේ අදහස ,මෙය වත්මන් රජය විපක්ෂයට මුහුණ දෙන්න වන විශාලතම අභියෝගයක් වනු ඇත.

රනිල් ගිය පාරෙ යන ජනපතිතුමාට , රනිල් ලියන පාරෙ යන්න සිද්දවෙන්නත් පුලුවන් .එය මගේ අදහස පමණයි, ඔබෙ අදහස නොවෙන්න පුලුවන් , ඒත් රනිල්ගේ අදහස ඔබෙත් මගෙත් දෙන්නගෙම අදහස නොවෙන්න පුලුවන්,

මම බයයි
ලියන්න කලින් මැරෙන්න ,
- හිමාල් හේරත් .