CoffeeBooks

දැන් www.yeshafernando.com website එකේ card payments allowed. ඔයාලට WhatsApp පණිවිඩ දාලා කරදර වෙන්නෙ නැතුවම "කුසුම් නිවස්නය" signed copies, විශේෂ ක‍ර්තෘ සටහන් එක්ක card එකෙන් pay කරම order කරන්න පුළුවන්. හැබැයි දැනට books deliver කරන්නෙ ලංකාව ඇතුළෙ විතරයි.

📸 මේ නෙලූ වසන්තයේ ෆ්ලෝරාමාර් පැහැයන් Ruchira Thilan Munasinghe ගෙන් ♥️

සමහර දේවල්, මිනිස්සු සහ මතක තියෙනවා අපි ඒවා ගැන හරි ආදරෙන් කතා කරනවා. ඒවගේම සමහර දේවල්, මිනිස්සු සහ මතක තියෙනවා අපි ඒවට හරි ආදරෙයි. ඒත් අපි තවදුරටත් ඒවා ගැන කතා කරන්නෙ නැහැ

Guyzzz..., දැන් ඔයාලට මේ 'පොතක මතක' Insta page එක හරහාත් Cute ලස්සන gift pack එකක් විදිහටම ෆ්ලෝරාමාර් - කුසුම් නිවස්නය පොත ලබාගන්න පුළුවන්. Follow them 👇

https://www.instagram.com/pothakamathaka?igsh=MXZ6NWZrNXV4ejhybQ==

ජීවිතේට වැදගත්කමක් දැනෙන්න නම් ඔයා උදාවෙන හැම දවසකම ජීවිතේ ගැන මාර උද්‍යෝගයකින් ඉන්න ඕනෙ කියලා එකක් නැහැ. සමහර දවස් තියෙනවා ඒවා ඒහැටි ලස්සනවත්, ජීවිතේ ගැන පෙළඹවීම් සහගත උනන්දුවක් ඇති කරන්නෙවත් නැති.

ඒවා නිකම්ම දවස්. ඒ වගේ සමහර දවස් කියන්නෙ දත් මදින එක, මොනාහරි පොඩි දෙයක් කන එක, නොදාම බැරි පණිවිඩ වෙනුවෙන් කෙටි පිළිතුරු යවන එක වගේ දේවල් කරමින් ගෙවා ගන්න තියෙන දවස්.

හැබැයි ඒකෙන් කියන්නෙ නැහැ ඔයාගෙ ජීවිතෙ තේරුමක් නැති එකක් කියලා. ඒකෙන් කියන්නෙ ඔයත් මනුස්සයෙක් කියන එක. ඔයා තවදුරටත් නොනැසී පවතින්න උත්සාහ කරමින් ඉන්නවා කියන එක. හෙට දවස වෙනුවෙන්, අලුත් ආලෝකයක් වැටෙන දිනයක් වෙනකම් ඔයා ඔයාගෙ හුස්ම රදා පවත්වගනිමින් ඉන්නවා කියන එක.

සමහර වෙලාවට ඒ වගේ මහ දෙයක් සිද්ද නොවෙන දවස් කියන්නෙම ජීවිතය වෙනුවෙන් ඔයාගෙ සටන්කාමී ශක්තිය පිළිබඳ හොඳම සාක්ෂිය!

-------------------------------------yEෂ්

ජීවිතේට තියෙනවා අමුතු පුරුද්දක්, ඔයා කොහෙත්ම බලාපොරොත්තු නොවෙන මොහොතක පුදුමයන්, ආශ්චර්‍යයන් අරන් එන.

ඔව්, අපේක්ෂාභංගත්වයන් ගණනාවකට පසුව වුණත් තවමත් හොඳ දේවල් සිද්ද වෙන්න පුළුවන්. එක පරිච්ඡේදයක් අවුල් වුණා කියන්නෙ මුළු කතාවම අවුල් වෙනවා කියන එකට නෙමෙයි.

ඔයාට සුරක්ෂිත බව දනවන, ඔයාගෙ චූටි චූටි ලස්සන මූව්ස් නොකියාම කැමරාවකට හසු කරගන්න මිතුරෙක්, සාමකාමීබවම දනවන , හිත වලාකුළක් වගේ පාවෙන මොහොතක්, ඔයා මෙච්චරකල් ජීවිතේ අල්ලන් හිටියෙ ඇයි කියන එක ඔයාටම තහවුරු කරවන සාර්ථකත්වයේ අලුත් අවස්තාවක් වගේ මැජිකල් දේවල් අනපේක්ෂිතම මොහොතක ජීවිතය ආපහු ඔයාට අරන් එන්න පුළුවන්...

වස්තුවේ..., කිසිම දෙයක් සදාකාලිකවම එකම විදිහට පවතිනවා කියලා එකක් නැහැ, කොටින්ම මේ මොහොතේ ඔයාගෙ හදවතේ තියෙන ඔය බර සිතුවිලි පවා.

--------------------------yEෂ්

අපි යන ගමන ගැන අපි විතරක් දැනගෙන හිටියම ඇති. අපි ගමනක් යන විත්තිය අනිත් අය දැනගත්තම ඒ ඇති.
--------------------------------------------------------------සීගිරි කොදෙව් - ශමෙල් ජයකොඩි

අද (03) 'අනිද්දා' පුවත්පතේ දේදුන්න අතිරේකයෙහි 'කුසුම් නිවස්න' කතා බහ ♥️
-------------------------
ඔබ මේ පාර නවකතාවක් ගෙනැවිත් තියනවා. 'Floramar' කුසුම් නිවස්නය'. මෙය
මං දකින්නේ ප්‍රේමය වගේම මානව බැදීම් ගැන දිගහැරුණු වියමනක් හැටියට. අලුත් පොත ගැන කියමු?

'Floramar' කුසුම් නිවස්නය' මගේ අනිත් හැම පොතක්ම වගේ මගේම ජීවිතේ එක් ඊරාවක් වටා ගෙතුණු එහි අග්‍රඵලය. සම්පුර්ණ සත්‍යක් හෝ සම්පුර්ණ ප්‍රබන්ධයක් නොවෙන novella එකක් ඒක. ආයෙමත් ඔය මගේම හදවත, මතක, වේදනාවන් සහ ප්‍රේමය. මගේ අනිත් පොත් වෙහෙසකින් තොරව ලියවුණු පොත්, ඒත් ලියන්න කම්මැලි මනුස්සයෙක් වෙන මට 'Floramar' වෙනුවෙන්, ඒක අඩුම ගානේ කෙටි නවකතාවක පිටු දෙසීයක් වගේ ප්‍රමාණයට ගන්නත් වෙහෙසක් දරන්න වුණා.

2024 ඉදන් මං ඕක ලිව්වා. සමහර මාසවල මුළු මාසෙටම ලිව්වේ එකම පරිච්ඡේදයයි. සමහර මාසවල ලියන්න කියලා වයින් බෝතලයක් එහෙම ළඟ තියන් laptop එක ඉස්සරහා වාඩි වුණත් බෝතලෙන් අඩකට වඩා ඉවර වෙනකනුත් වචනයක්වත් නොලියවුණු දවස් තිබුණා. සමහර සිද්ධි ලිව්වට පස්සේ සතියක් විතර ඒ කොටස කියව කියව අඬපු වෙලාවල් මට තිබුණා. හදවත හදාගෙන හරි අමාරුවෙන් ආයේ ට්‍රැක් එකට ඇවිත් ලිව්වා. ඔහොම මං මගෙත් එක්කම ලොකු අභ්‍යන්තර සටනක් කර කර අවුරුදු එකාමාරක් විතර ලියපු කතාවක් තමයි 'Floramar' කුසුම් නිවස්නය' කියන්නේ.

අපි බහුතරයක් ඇතුළේ කාටවත් කියන්න නොතේරෙන මොකක්දෝ හිස්කමක් තියෙනවා. ප්‍රේමය ඇතුළේ අපි දිගින් දිගටම හොයමින් ඉන්නේ ඒ හිස් ඉඩ පුරවන යමක්. සමහරවිට ඒ චයිල්ඩ්හුඩ් ට්‍රෝමා එකක සුව නොවුණු තුවාලයක්. එතැනදී මිනිසුන් එකිනෙකා හා ඇති කරගන්න මානව බැඳීම් වලට ලේබල් ගහන්න බෑ. එහෙම කරනවානම් ඒ ශාන්තුවරණයට හෝ දිව්‍යත්වයට පත්වුණු කෙනෙක්ට විතරක් කරන්න අයිතිය තියෙන දෙයක්. මේ ඇතුළේ මට කියන්න ඕනේ එකම දේ ඒකයි.

කතාබහ: Lahiru Kithalagama

ස්තූති මේ ඉඩ මං වෙනුවෙන් වෙන් කළාට ❤️

ආදරෙත් අරන්, ඉරිදට එන්න! සමහරවිට මං ළඟ Wooden Heart Lockets ටිකක් වගේ පුංචි තෑග්ගක් වුණත් තියේවි එදාට මගේ යෙෂ් ප්‍රේමීන්ට දෙන්න 😉

හමුවෙමු, කොළඹ ජාත්‍යන්තර පොත් ප්‍රදර්ශන භූමියෙදි...❤️

මේක පොතේ කතාව ගැන වගේම තැපෑල ගැන සටහනක්...❤️

මං දන්නවා ඔයාල ෆ්ලෝරාමාර් කියවන්න හරිම නොයිවසිල්ලකින් ඉන්නවා කියලා. ඒ උද්‍යෝගය මට හරිම සතුටක්.

ඒත් වස්තුවේ 'ෆ්ලෝරාමාර්' කියන්නේ ඔයාලට කොහොමත් පොඩි ඉවසීමකින් කියවන්න වෙන, සත්‍ය කතාවක් සහ ප්‍රබන්ධයක් අතරේ දෝලනය වෙන පොතක්. පොතේ plot twist තියෙන්නෙත් පොතේ අන්තිම හරියට වෙන්න.

ඒක ලිලැක්, ලයිලැක්, පෙපර්මින්ට් වගේ එක හුස්මට ඇදලා දාන්න බෑ. දැනට පොත කියවන අතරේ දෙපාරක් අඬපු, පොතේ වැඩියෙන්ම දැනෙන තැන් තියෙන පිටු අංක ලියාගෙන මට කියපු පිරිමි ළමයෙක් වගේම, පොත කියවලා දවසක් විතර blank වෙලා හිටපු ගැහැණු ළමයෙක් මට හම්බෙලා තියෙනවා 😁

හරි දෙවැනි කාරණාව. අපි ජීවත්වෙන්නේ ලංකාව කියන පුංචි දූපතේ. ඒකෙ හැම මාසෙම මොනවා හරි ප්‍රශ්න. ෆ්ලෝරාමාර් ඔයාලට එවන්න වුණේ තැපැල් ප්‍රශ්නයක් තියෙන වෙලාවක.

මං ඔයාලට පොත් තැපෑලෙන් එවන්න හිතුවේ ඔයාලගේ ලාබය ගැන හිතලා. courier කළා නම් ඉක්මන් වුණාට එතකොට පොතේ මිලට අමතරව ඔයාලට Rs.400 ක් හෝ ඊට පොඩ්ඩක් වැඩි courier ගාස්තුවක් ගෙවන්න වෙනවා. ඒත් දැන් මං ඔයාලට පොත එවන්නේ පොතේ මිලෙන් 20%ක discount එකකුත් ඔයාලාට දීලා, තැපැල් ගාස්තුවත් ඔයාලගෙන් අය නොකර ඒකත් මගේ පිරිවැයට දාගෙන. ඒත් මීට පස්සේ orders දාන අය පොත courier කරන්න ඕනේ නම් ඒක විශේෂයෙන් සඳහන් කරලා එවන්න. එතකොට මට පුළුවන් ඔයාලට ගෙවලා ගන්න පොත courier කරන්න.

මේ වෙනකොටත් පොත තැපෑලෙන් ලැබෙන්න නියමිත අය පොඩි ඉවසීමකින් ඉන්න. වර්ජනය නිසා හිරවෙලා තිබුණු තැපැල් මලු හරියට බෙදාහරින්න පටන් අරන් තියෙන්නේ මේ සතියේ ඉදන්. Speed post වුණත් normal post වුණත් එන්නේ එයාලගේ වෙලාවට. ඒ ගැන පොඩි අවබෝධෙකින් ඉන්න කියලා ආදරෙන් ඉල්ලනවා. ඒ නිසා පොත හම්බුණු අය හෝ මම පොතේ photos දැම්මම භූමිතෙල් වැදුණු පණු පැටව් ටික වගේ දුක හිතන්නේ, ඉරිසියා වෙන්නේ, තරහා ගන්නේ නැතිව ඉන්න...😁

📸 Ruchira Thilan Munasinghe