Jenith Uephyr

යුක්තිය වෙනුවෙන් තනිව සටන් කරන ළමාරක්ෂක අධිකාරියේ නිලධාරිනියට මඩ ප්‍රහාර: පල්ලේගම නඩුවේ බලය සහ ධනය හමුවේ නීතිය නැමෙන හැටි

රාජකාරිය අකුරටම කරන නිලධාරිනියට පෞද්ගලික මඩ ප්‍රහාර

අනුරාධපුර අටමස්තානාධිපති පල්ලේගම හේමරතන හිමියන් විසින් බාලවයස්කාර දැරියක බරපතළ ලිංගික අපයෝජනයකට ලක් කිරීමේ නඩුවේදී, ජාතික ළමාරක්ෂක අධිකාරිය (National Child Protection Authority) වෙනුවෙන් පෙනී සිටිමින් අතිශය තීරණාත්මක සාක්ෂි රැසක් අධිකරණය හමුවේ අනාවරණය කළ අධ්‍යක්ෂ (නීතිය බලාත්මක කිරීම ) නීතිඥ සංජීවනී අබේකෝන් මහත්මිය ඉලක්ක කරගනිමින් මේ වන විට සංවිධානාත්මක පෞද්ගලික මඩ ප්‍රහාර මාලාවක් ආරම්භ කර තිබේ.

ඇයව මෙම නඩුවෙන් ඉවත් කිරීමේ සහ ඇයගේ පෙනී සිටීම දුර්වල කිරීමේ අරමුණින් මෙම මඩ ප්‍රහාර දියත් කර ඇති බව පැහැදිලිය. සැකකරු සතු ධන බලය සහ දේශපාලන හිතවත්කම් හමුවේ නොසැලී, වින්දිත දැරියට ඇමතුම් 84ක් ලැබුණු ආකාරය සහ වෛද්‍ය වාර්තා මගින් තහවුරු වූ සාක්ෂි ඍජුවම අධිකරණයට ඉදිරිපත් කළේ ළමාරක්ෂක අධිකාරිය නියෝජනය කළ ඇයයි.

මෙවැනි ප්‍රබලයන් සමඟ හැප්පෙමින් සාක්ෂි සහිතව යුක්තිය වෙනුවෙන් පෙනී සිටින ඇය වැනි නිලධාරිනියන් දඩයම් කිරීමට උත්සාහ කිරීම නින්දා සහගතය.

***ආණ්ඩුවේ සහ විපක්ෂයේ නිහඬතාවය පිටුපස ඇති සැබෑව***

රටේ මහත් ආන්දෝලනයකට ලක්ව ඇති මෙවැනි බරපතළ ළමා අපරාධ නඩුවකදී සමස්ත දේශපාලන අධිකාරියම පසුවන්නේ දැඩි නිහඬතාවයකය. නීතියේ සමානත්වය ගැන කතා කරන වත්මන් NPP ආණ්ඩුව පමණක් නොව, විපක්ෂයේ කිසිදු ප්‍රධාන පක්ෂයක් හෝ මේ වෙනුවෙන් ඍජුව කටයුතු කිරීමට ඉදිරිපත් නොවීමෙන් පැහැදිලි වන්නේ මෙරට සාම්ප්‍රදායික දේශපාලන බලපෑම් සහ ආගමික බල අධිකාරිය ඉදිරියේ සියල්ලන්ම එක ලෙස දණ නමා ඇති බවයි. මෙවැනි පසුබිමක, දේශපාලන හෝ රාජ්‍ය අනුග්‍රහයක් නොමැතිව ළමාරක්ෂක අධිකාරිය වෙනුවෙන් යුක්තිය පතා පෙනී සිටින නිලධාරීන්ට සිය රාජකාරිය ඉටු කිරීමට සිදුව ඇත්තේ අතිශය අවදානම් සහගත සහ දුෂ්කර වටපිටාවකය.

**මුල සිටම දියත් වූ 'වංගු ගැසීමේ' සහ ඇප ලබාදීමේ ක්‍රියාවලිය**

මෙම නඩුව ආරම්භ වූ දින සිටම සැකකරු ආරක්ෂා කිරීම සඳහා විවිධ උපක්‍රම භාවිතා වූ ආකාරය රහසක් නොවේ. මුල් අවස්ථාවේදී සැකකරුව අධිකරණයට ඉදිරිපත් කිරීම මඟහරිමින් වෛද්‍ය හේතු දක්වා රෝහල්ගත කර තැබීමට කටයුතු කළ අතර, අවසානයේදී ජාතික ළමාරක්ෂක අධිකාරිය විසින් විමර්ශනවල ඇති බරපතළ අඩුපාඩු (වීඩියෝ, ඩීඑන්ඒ සහ දුරකථන වාර්තා මඟහැරීම) පෙන්වා දෙද්දීත්, නීතිපතිවරයාගේ පාර්ශවයෙන් පොලිසියෙන් සැකකරු ට විරුද්ද ව කටයුතු නොකිරීම කැපී පෙනුණි.

අධිකරණය වෙත කරුණු නිසි පරිදි වාර්තා නොකර, සැකකරුට ඉතා පහසුවෙන් ඇප ලබා ගැනීමට අවශ්‍ය වටපිටාව සකස් කර දීම පැහැදිලිවම නීතිය හා සාමය අමාත්‍යංශයේ ඉහළ බලධාරීන්ගේ මැදිහත්වීම මත සිදු වූවකි. යුක්තිය යන්න පන්තිය, ධනය සහ බලය මත තීරණය වන බව වත්මන් ආණ්ඩුවද ප්‍රායෝගිකව ඔප්පු කරමින් සිටී.

**කොන්ද පණ ඇති නිලධාරීන් වෙනුවෙන් රටම පෙළගැසිය යුතුයි**

අවසානයේදී ලේ පැල්ලම් සහිත ඇඳුම් වැළලී, සාක්ෂිකරුවන් විකිණී යන සහ තවදුරටත් දරුවන් අපයෝජනයට ලක්වන මෙවැනි දූෂිත පද්ධතියක් තුළ, තමන්ට එල්ල වන මඩ ප්‍රහාර සහ තර්ජන නොතකා අසරණ දරුවන් වෙනුවෙන් නැගී සිටින නිලධාරීන් ආරක්ෂා කරගැනීම සමස්ත සමාජයේම වගකීමකි. ජාතික ළමාරක්ෂක අධිකාරිය වෙනුවෙන් සිය වගකීම අකුරටම ඉටු කරන සංජීවනී අබේකෝන් මහත්මිය වැනි ධෛර්යවන්ත නිලධාරිනියන් වෙනුවෙන් පොදු මහජනතාව ලෙස අප සැමවිටම පෙනී සිටිය යුතුය.

ඇයගේ එම අප්‍රතිහත ධෛර්යයට සහ සටන්කාමීත්වයට සමස්ත සමාජයේම උත්තමාචාරය හිමිවිය යුතුය. නීතිඥ මහත්මියනි, අධෛර්යමත් නොවන්න; ඔබ වෙනුවෙන් මහ පොළොවේ සුවහසක් මිනිස්සු ඔබට ශක්තියක් වන්නට සැමදා සිටිනු ඇත 🙏🙏🙏

සම්පත් දිල්ලිමුණි ✍️

සැකකාර හිමිනම විසින් තමා අපයෝජනයට ලක් කරන ලද බව කියන ස්ථානය අදාළ ආවාස ගෙයෙහි වමට දකුණට හැරී ගොස් දැරිය නිශ්චිතව පෙන්වා දී ඇති බවත්, අදාළ කාමරය තුළ තිබූ භාණ්ඩ දැරිය එලෙස ම හඳුනා ගත් බවත් අවධාරණය කළ නීතීඥ සජීවනී අබේකෝන් අනාවරණය කළේ, සැකකාර හිමිනම දැරිය සමග ලිංගිකව එක්වීමෙන් පසුව ශුක්‍රාණු පිස දැමූ පාපිස්සක් වැනි යමක් ද දැරිය පෙන්වූ බව ය.

දැරිය ඇතැම් අවස්ථාවල දින තුනෙන් තුනට ගෙන්වාගෙන අපයෝජනයට ලක් කර ඇති බවට තහවුරු වී ඇති බව ද කියා සිටි නීතිඥවරිය, දැරියට දීර්ඝ කාලීන ලිංගික ප්‍රවේශයක් සිදුකර ඇති බවට අධිකරණ වෛද්‍ය නිලධාරී චමින්ද රාජකරුණා දැරිය පිළිබඳව පැවැත්වූ ස්වකීය අධිකරණ පරීක්ෂණයේදී තහවුරු කරගෙන ඇති බව ද අවධාරණය කළා ය.

සැකකාර හිමිනම සහ දැරිය අතර, දුරකතන සංවාද 84ක් සිදුව ඇති බව දුරකතන විශ්ලේෂණ වාර්තා මගින් දැනටමත් තහවුරු වී ඇති බව ද කියා සිටි නීතීඥ සජීවනී අබේකෝන් ප්‍රශ්න කළේ, ආගමික බලයෙන්, දේශපාලන බලයෙන් සහ ධන බලයෙන් සපිරි මෙවැනි ප්‍රබල හිමිනමකට දුරකතන ඇමතුම් ලබා ගැනීමට තමන් සමග සාමාන්‍ය ජනතාවට හැකියාවක් පවතින්නේ දැයි ප්‍රශ්න කළා ය.

සැකකාර හිමිනම දැරිය අපයෝජනයට ලක් කිරීමෙන් අනතුරුව රුධිරය සහිත දැරියගේ යට ඇඳුම් වළ දමා තිබියදී සොයා ගත් බව ද ප්‍රකාශ කළ නීතීඥවරිය පැවසුවේ, මෙතරම් ප්‍රබල සාක්ෂි තිබියදී පොලිසිය සැකකාර හිමිනම අත්අඩංගුවට ගැනීම කල් මරමින් උන්වහන්සේට නිදැල්ලේ වැඩ සිටීමට ඉඩ ප්‍රස්ථාව ලබා දී සිටි බව ද පැවසුවා ය. මෙම සිද්ධියට අදාළ විමර්ශනවලදී පොලිසිය මේ දක්වා දැරියගේ වීඩියෝ සාක්ෂි පවා ලබාගෙන නැති බව ද කියා සිටි නීතිඥවරිය මෙම සිද්ධියට අදාළ සමස්ත විමර්ශන ක්‍රියාවලියේදී පොලිසිය නීතිය අපගමනය කරමින් නීතියට පයින් ගසා ඇති බවත් පැවසීය. සැකකාර හිමිනම මෙම අපරාධය සිදුකළ බවට පැහැදිලි සාක්ෂි තිබියදීත් උන්වහන්සේ අත්අඩංගුවට නොගන්නේ මන්දැයි බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පතිවරයාගෙන් ද විමසීම් කළ ද, ඔහු ද ඊට නිසි පිළිතුරක් ලබා නොදෙමින් කල් මරමින් සිටි බව ද සඳහන් කළා ය.

සැකකාර හිමිනමට පවතින මුදල් බලය, ආගමික බලය, නිල බලය පදනම් කරගෙන මෙම සිද්ධියට අදාළ විමර්ශන දියාරු කිරීමට පොලිසිය මේ මොහොතේත් කටයුතු කරමින් සිටින බව ද සඳහන් කළ නීතීඥවරිය, රාගය, ද්වේශය, මෝහය තුරන් කරන බවට පැවිදි දිවියට පිවිසි සැකකාර හිමිනම රාගය, ද්වේශය සහ මෝහයෙන් මුසපත්ව බුදු දහමට එරෙහිව ක්‍රියා කොට ඇති බව ද කියා සිටියා ය.

බුදුන් වහන්සේ සුනීත, සෝපාක වැනි අයට මහා කරුණාවෙන් සැලකුව ද මෙම සැකකාර හිමිනම වින්දිත බාලවයස්කාර දැරියට සලකා ඇත්තේ කෙසේ ද? යන්න පිළිබඳව මෙම සිද්ධි දාමය තුළින් මනාව පැහැදිලි වන බව ද සඳහන් කළ නීතීඥවරිය, සැකකාර හිමිනම අත්අඩංගුවට ගන්නා ලෙසට අධිකරණය වරෙන්තු නිකුත් කළ විගස මීට පෙර නොතිබූ හදිසි අසනීප තත්ත්වයක් පැන නැගී ඇති බව ද නීතීඥවරිය ප්‍රකාශ කළා ය.

සැකකාර හිමිනමට විශේෂ අසනීප තත්ත්වයක් නොමැති බවත් උන්වහන්සේට ඇත්තේ, වයස අවුරුදු 70ට වැඩි පුද්ගලයන්ට වැළඳෙන නිදන්ගත රෝග බවත් ඇය පැවසීය. වින්දිත දැරිය සිය පෙම්වතා සමග අත්අඩංගුවට පත් නොවූයේ නම් මෙම අපරාධය තවමත් රහසක් බවට පත්වන්නට ඉඩ තිබූ බව ද නීතිඥවරිය සඳහන් කළා ය. සැකකාර හිමිනමට පවතින ආගමික සහ සමාජ බලය මත බොහෝමයක් මාධ්‍ය ආයතන මෙම සිද්ධිය සම්බන්ධයෙන් නිහඬ ප්‍රතිපත්තියක් අනුගමනය කළ බව ද ඇය කීවා ය.

ආගමික නායකයින්ට දණ්ඩනීති සංග්‍රහය බලපාන්නේ නැද්දැයි තවදුරටත් ප්‍රශ්න කළ නීතීඥ සජීවනී අබේකෝන්, මෙම සිද්ධියේදී පොලිසිය අධිකරණයට කරුණු වාර්තා කිරීමේදී නිසි නීතිමය ක්‍රමවේදය යටතේ කරුණු වාර්තා කර නොමැති බව ද පැවසුවා ය.

දැරියගේ මව තම බාලවයස්කාර දියණිය "දූෂණය කිරීම" සඳහා සැකකාර හිමිනමට මුදලට අලෙවි කළේ නම් දැරිය "දූෂණය කිරීමට" සැකකාර හිමිනම මුදලට ලබා ගැනීම වරදක් බව ද කියා සිටි නීතීඥවරිය, එහෙත් එවැන්නක් පිළිබඳව පොලිසිය අධිකරණයට කරුණු වාර්තා කර නොමැති බව දැනුම් දුන්නා ය.

පැමිණිලි පාර්ශවය වෙනුවෙන් නිට්ටඹුව මූලස්ථාන ප්‍රධාන පොලිස් පරීක්ෂක පී.එම්. අනුර ගුණවර්ධන, අනුරාධපුර මූලස්ථාන ප්‍රධාන පොලිස් පරීක්ෂක ආර්.එම්. ජයවීර සහ අනුරාධපුර මූලස්ථාන පොලිසියේ ළමා හා කාන්තා කාර්යංශයේ නඩු කටයුතු මෙහෙයුම නිලධාරී උපපොලිස් පරීක්ෂක ඒ.සී. දයානන්ද යන අය පෙනී සිටියහ.

සැකකාර පල්ලේගම හේමරතන හිමියන් වෙනුවෙන් ජනාධිපති නීතීඥ කාලිංග ඉන්දතිස්ස සමග ජ්‍යෙෂ්ඨ නීතීඥවරුන් වන රංජිත් රාජකරුණා, සජීව ගුණරත්න, චන්දන වීරකෝන්, ආරියරත්න වික්‍රමආරච්චි, මහේෂ් කොටුවැල්ල, කාලිංග රවීන්ද්‍ර, හේමන්ත ගමගේ, ධනුෂ්ක දහම්පත්, මදාරා විජේසිංහ සහ ජයලත් අබේසිංහ යන මහත්ම මහත්මීන් ඇතුළු නිතීඥවරුන් 20කට ආසන්න සංඛ්‍යාවක් පෙනී සිටියහ. දැරියගේ අයිතිවාසිකම් වෙනුවෙන් ජ්‍යෙෂ්ඨ නීතීඥ ස්වර්ණමාලී අනුරාධනායක සමග ජ්‍යෙෂ්ඨ නීතීඥ අසිත් සිරිවර්ධන, අතුල රණගල යන අය සමග නීතීඥවරුන් වන බානුක මලවිආරච්චි, සුරේෂ් කාරියවසම්, චානක අබේවික්‍රම සහ යාලිත් ජයසුන්දර යන අය පෙනී සිටියහ.

මෙම නඩුව දැක බලා ගැනීමට අනුරාධපුර රුවන්වැලි චෛත්‍යාරාමාධිපති පූජ්‍ය ඊතලවැටුණුවැවේ ඤාණතිලක, අබේගිරිය රජමහා විහාරාධිපති මහාචාර්ය පූජ්‍ය කල්ලංචියේ රතනසිරි, ලංකාරාමාධිපති පූජ්‍ය රළපනාවේ ධම්මජෝති, ශ්‍රී සම්බුද්ධ ජයන්ති විහාරාධිපති නුගේතැන්නේ පඤ්ඤානන්ද, ථූපාරාමාධිපති ඤාණීන්ද්‍ර යන හිමිවරුන් ඇතුළු මහා සංඝ රත්නය විශාල පිරිසක් වැඩ සිටිනු දක්නට ලැබිණ.

මෙම නඩුව කැඳවූ අද දින අනුරාධපුර අධිකරණ සංකිර්ණය අවට සහ ඇතුළත විශේෂ ආරක්ෂාවක් යොදවා තිබූ අතර, ඒ සඳහා විශේෂ පොලිස් කණ්ඩායම් සහ පොලිස් විශේෂ කාර්ය බළකාය ද කැඳවා තිබිණි. අනුරාධපුර කොට්ඨාස භාර ජ්‍යෙෂ්ඨ පොලිස් අධිකාරි ප්‍රසන්න බ්‍රාහ්මණගේ සහ අනුරාධපුර අධිකරණ සංකීර්ණයේ උපපොලිස් ස්ථානයේ ස්ථානාධිපති ප්‍රධාන පොලිස් පරීක්ෂක ධර්මසිරි අදාළ ආරක්ෂක කටයුතු නිරීක්ෂණ කරනු දක්නට ලැබිණි.

පළමු සැකකාර පල්ලේගම හේමරතන හිමියන්ට එරෙහිව පොලිසිය අධිකරණයට කරුණු වාර්තා කර ඇත්තේ, 1995 අංක 22 දරන දණ්ඩ නීතී සංග්‍රහ සංශෝධන පනතේ 365 (ආ) (2) (ආ) වගන්තිය ප්‍රකාරව බාලවයස්කාර දැරියකට බරපතළ ලිංගික අපයෝජන සිදුකිරීම සහ 1995 අංක 22 දරන දණ්ඩ නීතී සංග්‍රහ සංශෝධන පනතේ 364 (2)(ඉ) වගන්තිය ප්‍රකාරව බාලවයස්කාර දැරියකට ස්ත්‍රී දූෂණයක් සිදුකිරීමේ චෝදනා යටතේ ය. මේ අතර, බාලවයස්කාර වින්දිත දැරියට මවට එරෙහිව පොලිසිය අධිකරණයට කරුණු වාර්තා කොට ඇත්තේ, 2006 අංක 16 දරන දණ්ඩ නීතී සංග්‍රහ සංශෝධන පනතේ 360 (ඇ)(1)(අ) වගන්තිය ප්‍රකාරව තැනැත්තන් වෙළෙඳාම් කිරීම සහ පළමු සැකකාර පල්ලේගම හේමරත්න හිමියන්ට ඉහත චෝදනා සදහා ආධාර අනුබල දීම යටතේ ය.

පල්ලම, විල්පොත ප්‍රදේ­ශයේ රණ­වි­රු­වකු වෙනු­වෙන් ඉදි­කර තිබූ බස් නැව­තු­ම්පො­ළක් වෙළෙ­ඳ­සල් හිමි­යකු විසින් කඩා බිඳ දැමීම සම්බ­න්ධ­යෙන් පරී­ක්ෂණ ආරම්භ කර ඇති බව පල්ලම පොලී­සිය පව­සයි. වසර 24 කට පෙර එල්.ටී.ටී. ඊ. සංවි­ධා­න­යට එරෙහි පැවති සට­නේදී කයි­ට්ස්ව­ලදී දිවි පිදූ පල්ලම පොලිස් වසමේ විල්පොත බට­හිර ග්‍රාම නිල­ධාරි වසමේ පදිං­චිව සිටි ආර්.එම්.ඉන්දික නිරෝ­ෂන් බණ්ඩාර මහතා සිහි­වීම වෙනු­වෙන් මේ බස් නැව­තුම මවු­පි­යන්, සහෝ­ද­ර­යන් හා පවුලේ ඥාතීන් විසින් ඉදි­කර තිබු මේ බස් නැව­තුම මේ වන විට එම ස්ථාන­යට නුදු­රින් ආරම්භ කළ වෙළෙ­ඳ­ස­ලක හිමි­කරු කිසිම රාජ්‍ය ආය­ත­න­යක අව­ස­ර­ය­කින් තොරව ඉවත් කර ඇති බව කියයි.

පවුලේ ඥාතීන් පව­සන්නේ මේ රණ­වි­රුවා තම තරුණ කාල­යේ­දීම නාවික හමු­දා­වට බැඳී ඇති අතර, එහිදී එල්.ටී.ටී.ඊ. සංවි­ධා­නය රැගෙන එමින් තිබූ ආයුධ නැව­කට ප්‍රහා­ර­යක් එල්ල කර එය විනාශ වන­වාත් සමඟ මේ නාවි­කයා ගමන් ගත් යාත්‍රාව සමඟ අනෙක් නාවි­ක­යන් සියලු දෙනාම අවා­ස­නා­වන්ත ලෙස මර­ණ­යට පත්ව ඇති බවයි.

එලෙස රට­දැය වෙනු­වෙන් මිය­ගිය රණ­වි­රු­වකු වෙනු­වෙන් ඉදි­කළ සිහි­ව­ටන බස් නැව­තුම මෙලෙස කඩා බිඳ දැමීම බර­ප­තළ අප­රා­ධ­යක් බව ඥාතීහු පව­සති.

නමුත් මේ බස් නැව­තු­ම්පොළ ඉවත් කිරී­මට කිසිම අව­ස්ථා­වක කිසිම ආය­ත­න­ය­කින් දැනු­ම්වත් කිරී­මක් පවා නොකර තිබූ පසු­බි­මක වෙළෙ­ඳ­සල් හිමියා සම්පූ­ර්ණ­යෙන් මෙය කඩා බිඳ දමා ඉවත් කිරීම හේතු­වෙන් ඥාතීහු කම්පා­වට පත්ව සිටිති.

මේ හේතු­වෙන් පවුලේ හා ප්‍රදේ­ශ­වා­සීන් අදාළ වග­කි­ව­යුතු අංශ වෙත දන්වා ඇත්තේ මේ සම්බ­න්ධව නීතිය ක්‍රියා­ත්මක කර ඒ සම්බ­න්ධව කට­යුතු කරන ලෙසයි.

ගම්වා­සීන් හා ඥාතීන් පිරි­සක් විසින් ඉකුත් 19 දින මේ රණ­වි­රු­වාගේ සොහොන පිහිටි ස්ථාන­යට ගොස් මල් තබා ඔහු සිහි කර ඇත.

අදාළ පවුලේ ඥාතීන් විසින් ආර­ච්චි­ක­ට්ටුව ප්‍රාදේ­ශීය සභා­වෙන් මේ සම්බ­න්ධව තොර­තුරු දැන ගැනීමේ පන­තින් කළ විම­සී­මේදී දන්වා ඇත්තේ ප්‍රාදේ­ශීය සභාව හෝ වෙනත් ආය­ත­න­යක් එය ඉවත් කිරී­මට අව­සර ලබා දී නැති බවයි.

"ජය ශ්‍රී මහා බෝධි අංකුරයක අමෙරිකානු ගමන" !
🌱🇱🇰🤝🇺🇸

ශ්‍රී ලංකා ජනාධිපතිතුමන් විසින් "ඒහිපස්සිකෝ සාම පාගමන" කණ්ඩායම වෙත පිරිනැමූ අති පූජනීය ජය ශ්‍රී මහා බෝධීන් වහන්සේගේ අංකුරයක් අමෙරිකා එක්සත් ජනපදය බලා වැඩම කරවීම, ශාක විද්‍යාත්මකව මෙන්ම අධ්‍යාත්මිකව ද අතිශය බැරෑරුම් කර්තව්‍යයකි. මෙම ඓතිහාසික අවස්ථාව සාර්ථක කර ගැනීම සඳහා ජාතික ශාක නිරෝධායන සේවයේ (NPQS) කෘමී විද්‍යා අංශය (Entomology Division) ලබා දුන් වෘත්තීයමය දායකත්වය අප මහත් අභිමානයෙන් සිහිපත් කරමු.

අමෙරිකානු ශාක සෞඛ්‍යාරක්ෂිත (Phytosanitary) ප්‍රමිතීන් ලොව දැඩිම නීති පද්ධති අතර ප්‍රමුඛ වේ. ඕනෑම ශාකයක් එරටට ඇතුළු කිරීමේදී "ආක්‍රමණශීලී පළිබෝධකයින්" (Invasive Pests) පිළිබඳව ඔවුන් දැඩි විමසිල්ලෙන් පසුවේ. මෙහිදී කෘමී විද්‍යා අංශයේ විශේෂඥ නිලධාරීන් විසින්,
පළිබෝධ නිදහස් සහතිකය (Pest-free certification) - බෝධි අංකුරයේ පත්‍ර, අතුවල හෝ කඳෙහි පියවි ඇසට නොපෙනෙන කෘමි බිත්තර, කෝෂ හෝ කුඩා කෘමීන් (උදාහරණ ලෙස: scale insects, mites) නොමැති බව තහවුරු කිරීම සඳහා සූක්ෂ්ම විද්‍යාත්මක පරීක්ෂාවන් සිදු කරන ලදී.

ශාකයේ සෞඛ්‍යයට හානියක් නොවන පරිදි, ජාත්‍යන්තර නිරෝධායන නීතිවලට (ISPM) අනුව මෙම අංකුරය සූදානම් කිරීමේ පූර්ණ වගකීම ඔවුන් විසින් ඉටු කරන ලදී.

මෙම සුවිශේෂී කාර්යයට දායක වීමට ලැබීම ජාතික ශාක නිරෝධායන සේවයේ කෘමී විද්‍යා අංශයේ සමස්ත කණ්ඩායමටම ලැබුණු දුර්ලභ භාග්‍යයකි. එය හුදු රාජකාරියකට එහා ගිය, මහත් ගෞරවයකින් සහ කැපවීමකින් යුතුව ඉටු කළ මෙහෙවරකි. තම විද්‍යාත්මක දැනුම සහ වෘත්තීය නිපුණතාවය, රටේ සංස්කෘතික හා ආගමික සබඳතා ලොව පුරා ව්‍යාප්ත කිරීමට යෙදවීමට ලැබීම පිළිබඳව එම කණ්ඩායම නිහතමානීව ආඩම්බර වෙති.

මෙම පූජනීය අංකුරය අමෙරිකානු භූමියේදී සාර්ථකව මුල් ඇද වැඩෙන්නේ, අපගේ විද්‍යාඥයින් සහ නිලධාරීන් දැක්වූ මෙම නිහඬ සහ සූක්ෂ්ම දායකත්වයේ ප්‍රතිඵලයක් වශයෙනි.

"සාමයේ සංකේතය රැගත් මෙම උතුම් වෘක්ෂය, නව භූමියක සශ්‍රීකව වැඩී ලොවටම ආශිර්වාදයක් වේවා!"

ඡායාරූප : තුෂාර වික්‍රමාරච්චි 🙏

චන්දිමාල්ගේ අවුරුදු උත්සවය විවෙචනය කල දිල්හානිට
අනොමා ජනාදරිගේන් රිටන් එකක් ....

අනෝමා ජනාදරි...
" දිල්හානි උපදෙස් වගයක් දීලා තිබුණා චන්දිමාල්ට අවුරුදු ක්‍රීඩා කරන විදිහ ගැන. ඒක කියවපු මට හිතුනා දිල්හානිට මේ ටික කියන්න. ලබන අවුරුද්දෙවත් රඟපාන චරිත වලින් දිල්හානිව පෙන්වන එක නවත්තලා චරිතයේ හැඟුම්, මනෝ භාව නිර්මාණය කරන්න කියලා. 'දේදුන්නෙන් සමනලියක්' ඉඳලා අද දක්වා රඟපාපු චිත්‍රපට 100 ක් වුණත් ඒවායේ චරිත 100ක් වෙලා නැහැනේ. නළු කලාව කියන්නේ තමුන්ව පෙන්වීම නෙවෙයි. චරිතය පෙන්වීම.ඒ වැරැද්ද චන්දිමාල් කෙරපු වැරැද්දට වඩා බරපතළ වැරැද්දක්. ඒක නිවැරදි කරගන්න දිල්හානිට මේ ජීවිතයේ බැරි බව දැන දැනත් මේක ලියන්නේ දිල්හානි අනුන්ගේ වැරැද්ද පෙන්වලා දීපු නිසා.
උපුටාගැනීමකි ...

මේ ගැන ඔබෙ අදහස මොකක්ද....

ඊයේ අපි දැක්කා හාමුදුරුවෝ කලබලයට පත් නොවී ශබ්ද නොකරන ලෙස සංඥා කරනවා. කරුණාකර අද සහ ඉදිරියට ඒ අනුව හැසිරෙන්න.. ශ්‍රී ලංකාවේ සාම පාගමන සාර්ථක කරගැනීමට උපකාරී වන්න.. 🙏

CTB එකට අලුතෙන් ගෙනාව බස් එක

2019/04/21 ලංකාවේ අඳුරුතම දිනය 😥💔

වසර 07 ගිහින් අපි කරේ විනාඩි 02 නිහැඩියාවක් රැකපු එක විතරයි

පුතේ හෙටනම් පල්ලි යන්න එපා කියලා තමන්ගේ පුතා රැකපු තාත්තලා,

''ආමෙන්''කියලා අත් වැදගද්දි කෑලි විසිවෙන්න බොම්බේ වදිද්දි.

පල්ලියේම තුවාල මැද්දේ පණ යද්දී

ජේසු උත්ථාන වෙද්දි ඒ පුජාවේ මිනිස්සු මැරුණු රටක.

හීනා වෙවී voice cut දීදී මේක මගේ වරදක් නෙමේ කිය කිය.

අපි යුක්තිය ඉටු කරනවා කිය කිය බෝලේ පාස් කරන් ජන්දේ ගන්න මන්ත්‍රීවරු කතා කියද්දි

අම්මා ඉද්දී මුළු පවුලම ළග නැතුව මේපාර පාස්කුවට පල්ලි ගියපු.

ඉතිං අපේ රටේ මේ මැරුණු ලේ වලට කවදා සාදාරණයක් ,යුක්තියක් වෙයිද මචං
කොච්චර බලාපොරොත්තු තියෙන්න ඇත්ද මේ මිනිස්සු

රටක් වශයෙන් අපි කොච්චර නිහඩද ?
මැරුණා නෙමේ මැරුවා අපේ රටේ අහිංසක මිනිස්සුන්ව 💔
Copied....

මතකද වීඩියෝ එකක තියෙන මේ ට්‍රක් එක ?

මේ මංජුල සිරිවර්ධන කරපු AI නිර්මාණයක්.

මේ ත්‍රීකුණාමලයේ වෙල්ගම්වෙහෙර හමුදා ට්‍රක් එකට කොටි ගහපු වෙලාවේ වීඩියෝ කරනවා. එක සෑහෙන්න පරණ එකක්. උන්ම වීඩියෝ කරලා උන්ම ප්‍රසිද්ධ කරපු එකක්. මේක ambush එකක්.

ඒ කාලේ අද වගේ මොබයිල් ෆෝන් කියලා ජාතියක් නෑ. ස්මාර්ට් ෆෝන් ලොවෙත් නෑ. එහෙම කාලෙක තමයි මේ වීඩියෝව දාන්නේ.

ඒක දාලා ඒ කාලේ උන් කැම්පේන් කලා හමුදාවට එන්න එපා, ආවොත් උඹලට වෙන්නේ මේක කියලා…✋

අපි පොඩියි. හැබැයි මට මතකයි.😢

හරියටම දිනේ 2006 සැප්තැම්බර් 19. මේ වාහනේ ඉන්නේ නිරායුධව නිවාඩු එන කොල්ලෝ 25ක් මතක විදියට. ඔතනම ඔහොමම ඉවර උනා ඒ මනුස්ස ජීවිත.😢

හැබැයි ලංකාවේ කොල්ලෝ ඕක දැකලා බය උනේ නෑ. උඹලට පුළුවන් නම් අපිට ඊට වඩා පුළුවන් කියලා ගැම්මට වැල නොකැඩී හමුදාවට ගියා. ඔය 13 දෙනා වෙනුවට 13,000ක් විතර කොල්ලෝ ගැම්මට හමුදාවට ගියා.💪

එහෙම කාලයක් තිබ්බා…..👀

මම කියන්නේ මේ වගේ වෙලාවක් ඔළුවෙන් හිතලා මවාගෙන බලන්න. 🥹

සෙබළු නෙවෙයි ඒ තමා සැබෑ රණවිරුවෝ.. 🫡
මම නම් කියන්නේ අපිට නිදහස දුන්නට මේ මිනිස්සුන්ට පිළිම හදලා වදින්න ඕන…🙏

උපුටා ගැනීමක්.

#රණවිරුගාය #ජීවිතයකැපකළරණවිරුවෝ ゚viralシfypシ゚