Manthri.lk

පෙට්‍රල් සහ ඩීසල් මිල සඳහා සහනාධාර ලබා දීමට රජයට මසකට රුපියල් බිලියන 20 ක රාජ්‍ය මූල්‍ය පිරිවැයක් දැරීමට සිදු වන බව අමාත්‍ය නලින්ද ජයතිස්ස විසින් ප්‍රකාශ කරන ලදි.

අමාත්‍යවරයාගේ ප්‍රකාශය නිවැරදියි යනුවෙන් FactCheck.lk විසින් වර්ගීකරණය කරන ලදි.

සම්පූර්ණ කරුණු පරීක්ෂාව පහත සබැඳිය ඔස්සේ කියවන්න 👇

🤔 ලංකාවේ නීති හදන්න තවත් වෙනස්ම ක්‍රමයක්?

අපේ ආණ්ඩුක්‍රම ව්‍යවස්ථාවේ 157 වැනි වගන්තිය ගැන අහලා තිබුණද?

මේ වගන්තියෙන් පුළුවන් ඇතැම් ජාත්‍යන්තර ගිවිසුම් සහ සම්මුතීන්ට කෙලින්ම නීතිමය බලය ලබාදෙන්න.

විශේෂම දේ තමයි, 2025 සැප්තැම්බර් 09 වැනිදා පාර්ලිමේන්තුවේදී සම්මත වුණු ශ්‍රී ලංකාව සහ එක්සත් අරාබි එමීර් රාජ්‍යය (UAE) අතර ඇතිවුණු ගිවිසුමත් මේ 157 වැනි වගන්තිය යටතේ බලාත්මක වුණු එකක්.

සාමාන්‍ය නීති හැදෙන විදිහට වඩා වෙනස් මේ "අමුතු" වගන්තිය ගැන වැඩි විස්තර පහතින් බලන්න 👇

👩 ශ්‍රී ලංකා පාර්ලිමේන්තු ඉතිහාසයේ වැඩිම මන්ත්‍රීවරියන් පිරිසක් (22 දෙනෙක්!) අද පාර්ලිමේන්තුවේ ඉන්නවා.

මේ ඉහළ නියෝජනයත් එක්ක ඔවුන්ගේ පාර්ලිමේන්තු දායකත්වය කොහොමද?

ඔවුන්ට මන්ත්‍රීවරුන්ට සමානව වැඩ කරන්න පුලුවන් වෙලා තියෙනව ද?

👉 සම්පූර්ණ විස්තරය මෙතන: https://manthri.lk/si/blog/posts/from-representation-to-participation-how-women-mps-engage-in-parliament

Parliament of Sri Lanka

🔴 බජට් එකට අපේ මන්ත්‍රීවරුන්ගේ පැමිණීම කොහොමද?

2025 නොවැම්බර් 7 අයවැය කතාවේ ඉඳන්, දෙසැම්බර් 5 වෙනිදා 2026 අයවැය තුන්වන වර කියවීමේ ඡන්ද විමසීම දක්වා අයවැයට අදාළව පාර්ලිමේන්තු වාර 22ක් පැවැත්වුණා.

මේ කාලය ඇතුළත:

මන්ත්‍රීවරු 9 දෙනෙක් සියලුම දිනවල (100%) පැමිණ පූර්ණ පැමිණීම වාර්තා කර තිබෙනවා.

මන්ත්‍රීවරු 6 දෙනෙක් සහභාගී වෙලා තියෙන්නේ මුළු දින ගණනින් 20% කටත් වඩා අඩුවෙන්.

👉‌ ඔබේ නියෝජිතයන් මෙතන ඉන්නව ද?

Parliament of Sri Lanka

ලින්ක් එක බලන්න!!! https://tinyurl.com/msbhy3fk

🔴 මාර්තු 08 වැනිදාට යෙදුණු ජාත්‍යන්තර කාන්තා දිනය වෙනුවෙන්, 10 වැනි පාර්ලිමේන්තුවේ මන්ත්‍රීවරියන්ගේ වැඩ සහ පැමිණීම ගැන Manthri.lk අපි පොඩි හොයලා බැලීමක් කළා.

පාර්ලිමේන්තු පැමිණීම වගේම දායකත්වයෙන් ඉදිරියෙන් ඉන්න මන්ත්‍රීවරියන් 5 දෙනා කවුද කියලා පහළින් බලන්න පුළුවන්.

🔴 අනුර මීටරය අලුත් වෙයි!

තෝරාගත් ප්‍රධාන පොරොන්දු 30කින්

✅ 10ක් ඉටුකර අවසන්
🔄 10ක් ක්‍රියාත්මක වෙමින්
⚠️ 09ක ප්‍රගතියක් නැත
❌ 01ක් අසාර්ථකය

'අනුර මීටරය' (Anura meter) ප්‍රතිපත්ති ප්‍රකාශන ප්‍රගති නිරීක්ෂකයේ නවතම යාවත්කාලීන කිරීමට අනුව, ජනාධිපති අනුර කුමාර දිසානායක මහතා 2025 නොවැම්බර් වන විට සිය ප්‍රධාන මැතිවරණ පොරොන්දු 30ක් අතරින් 10ක් ඉටු කර ඇත.

තවත් පොරොන්දු 10ක් ක්‍රියාත්මක වෙමින් පවතින අතර, පොරොන්දු 9ක කිසිදු ප්‍රගතියක් දක්නට නොලැබේ. එක් පොරොන්දුවක් අසාර්ථක වී ඇති බව මෙමගින් පෙන්වා දෙයි.

මෙම ඇගයීම මගින් 2024 ජනාධිපතිවරණ ප්‍රතිපත්ති ප්‍රකාශනයේ ඇතුළත් ප්‍රධාන පොරොන්දු 30ක් නිරීක්ෂණය කෙරෙන අතර, 2026 අයවැය දක්වා තොරතුරු ඇතුළත් වේ. මෙම විශ්ලේෂණය 'දිට්වා' සුළි කුණාටුවට පෙර සම්පූර්ණ කරන ලද්දකි.

අනුර මීටරය මගින් නිරීක්ෂණය කරනු ලබන පොරොන්දු තෝරාගෙන ඇත්තේ ඒවායේ පවතින ඉහළ මහජන උනන්දුව සහ ජාතික වැදගත්කම සැළකිල්ලට ගනිමිනි. ආර්ථික ප්‍රතිසංස්කරණ, ආණ්ඩුකරණය, දූෂණ විරෝධය , නීතිය හා සාමය මෙන්ම සමාජ ආරක්ෂණය යන ප්‍රධාන ප්‍රතිපත්තිමය ක්ෂේත්‍ර මෙම පොරොන්දු හරහා ආවරණය වේ.

මැතිවරණ පොරොන්දු ඉටුකිරීම සම්බන්ධයෙන් පවතින විනිවිදභාවය ඉහළ නැංවීම සඳහා Manthri.lk විසින් හැකි උපරිම උත්සාහය යොදා පවත්වාගෙන යන මෙම 'අනුර මීටරය' මීට පෙර මෛත්‍රීපාල සිරිසේන සහ ගෝඨාභය රාජපක්ෂ යන ජනාධිපතිවරුන්ගේ ප්‍රතිපත්ති ප්‍රකාශන නිරීක්ෂණය කරන ලද, 'මෛත්‍රී මීටරය' සහ 'ගෝඨා මීටරය’ යන ප්‍රගති නිරීක්ෂකවල ඉදිරි පියවරකි.

මෙහි නිරීක්ෂණය කරනු ලබන පොරොන්දු 30න් 7ක්ම ඇතුළත් කරනු ලැබුවේ මහජනතාවගෙන් ලැබුණු ප්‍රතිචාර සැළකිල්ලට ගනිමිනි. නිරීක්ෂණය කළ යුතු යැයි මහජනතාව විශ්වාස කරන තවත් අමතර පොරොන්දු වෙතොත් ඒවා යෝජනා කරන ලෙස ද Manthri.lk මහජනතාවට ආරාධනා කර සිටියි.

Manthri.lk යනු ශ්‍රී ලංකාවේ එකම පාර්ලිමේන්තු නිරීක්ෂක වේදිකාව වේ. එය පවත්වාගෙන යන්නේ මෙරට විශාලම ස්වාධීන බුද්ධි පර්ෂදයක් වන වෙරිටේ රිසර්ච් ආයතනය යි.

ප්‍රගතිය මනින සියලුම පොරොන්දුවල වර්තමාන තත්ත්වය පිළිබද පූර්ණ තොරතුරු සිංහල, දෙමළ සහ ඉංග්‍රීසි භාෂාවෙන් ලබාගැනීමට පිවිසෙන්න - https://manthri.lk/si/anura-meter