Hit FM

Pol Sambole Dhoni ekka hadana Pol Sambole

රාජ්‍ය අංශය ශක්තිමත් කළ ආකාරය අගමැති කියයි
July-13, 2020. 21:19

රාජ්‍ය අංශය අකර්මන්‍ය කිරීමට පැවති ආණ්ඩු ගෙන තිබූ තීන්දු වෙනස් කරමින් එම අංශය ශක්තිමත් කිරීමට සිය පාලන කාලය තුළ පියවර රැසක් ගත් බව අග්‍රාමාත්‍ය මහින්ද රාජපක්ෂ මහතා පවසයි.

ඊයේ (12) ලුනාව ප්‍රෙද්ශයේ පැවති ජනහමුවකට එක්වෙමින් අග්‍රාමාත්‍යවරයා මේ බව සඳහන් කළේය.

කොරෝනා වසංගත වැනි ව්‍යසන පාලනය කිරීමට හැකි වුයේ රාජ්‍ය අංශ ශක්තිමක් කිරීම නිසා බවද අග්‍රාමාත්‍යවරයා පැවසීය.

තමන් ජනාධිපතිවරයා වී සිටි සමයේ තමන්ගේ අණ ක්‍රියාත්මක කළ රාජ්‍ය නිලධාරින්ට සිර දඬුවම් ලබා දීමට පසු ගිය ආණ්ඩුව කටයුතු කළ බවත් එම යුගය පළිගැනීමේ යුගයක් බවත් ඔහු ප්‍රකාශ කළේය.

සන්ධාන හදන්න අවශ්‍යතාවයක් නෑ - රනිල්
July-13, 2020. 21:18

කිසිදු දේශපාලන පක්ෂයක් හෝ කණ්ඩායමක් සමග සන්ධාන අණ්ඩුවක් බිහි කිරීමට එක්සත් ජාතික පක්ෂයට කිසිදු අවශ්‍යතාවයක් නොමැති බව එහි නායක රනිල් වික්‍රමසිංහ මහතා පවසයි.

අද (13) පස්වරුවේ ගල්කිසේදී පැවති ජනහමුවකදී ඔහු මේ බව සඳහන් කළේය.

සෑම අවස්ථාවකදීම අවසානයේ එක්සත් ජාතික පක්ෂ වීරෝධි පිරිස, සන්ධානගත වී නව පක්ෂ බිහිකර ගත් බවත් ශ්‍රී ලංකා පොදු ජන පෙරමුණද එවැනි පක්ෂයක් බවත් ඒ මහතා පැවසීය.

එම නිසා එක්සත් ජාතික පක්ෂයට විරුද්ධ පිරිස් සමග කිසිදු විටකදි සංධාන ගත නොවන බව රනිල් වික්‍රමසිංහ මහතා ප්‍රකාශ කළේය.

ජනතාව ගැන සිතන ආණ්ඩුවක් නම් මැතිවරණය කල් දැමීය යුතුයි - සජිත්
July-13, 2020. 21:16

රටේ ජනතාව ගැන සිතන ආණ්ඩුවක් නම් කළ යුත්තේ වහාම මහ මැතිවරණය කල්දැමීම බව සමගි ජන බලවේගයේ නායක සජිත් ප්‍රේමදාස මහතා අවධාරණය කරයි.

අතුරුගිරිය ප්‍රදේශයේ පැවැති ජන හමුවකට ඊයේ එක්වෙමින් ඔහු පැවසුවේ ඒ පිළිබඳ තීන්දුවක් ගැනීමේ හැකියාව මැතිවරණ කොමිසමට සහ ආණ්ඩුවට පවතින බවය.

මැතිවරණයක් පවත්වන බවට ප්‍රකාශ කළ පසු, විවිධ කොන්දේසි පැනවීමට මැතිවරණ කොමිෂන් සභාවටවත් සදාචාරත්මක අයිතියක් නොමැති බව ඒ මහතා පැවසීය.

එයින් හනියක් සිදු වන්නේ විපක්ෂයට බවද ඔහු ප්‍රකාශ කළේය.

පාසල් නිවාඩු ගැන අධ්‍යාපන අමාත්‍යාංශයෙන් නිවේදනයක්
July-12, 2020. 22:00
හෙට (13) සිට ජුලි 17 සිකුරාදා දක්වා දිවයින පුරා සියලු පාසල් වසා දැමීමට තීරණය කළ බව අධ්‍යාපන අමාත්‍යාංශය නිවේදනය කරයි.

අධ්‍යාපන අමාත්‍ය ඩලස් අලහප්පෙරුම මහතා සහ අධ්‍යාපන බලධාරීන් අතර පැවති සාකච්ඡාවකින් අනතුරුව මෙම තීරණය ගෙන ඇති බව අධ්‍යාපන අමාත්‍යාංශයේ මාධ්‍ය ඒකකය සඳහන් කළේය.

ඒ අනුව, සෞඛ්‍ය සහ ආරක්ෂක අංශවල මාර්ගෝපදේශයන් ද සැලකිල්ලට ගෙන පාසල් ක්ෂේත්‍රය තුළ ඇතිවිය හැකි අයහපත් තත්ත්වයන් නිරීක්ෂණයට භාජනය කිරීම සඳහා එක් සතියක්, දිවයිනේ සියලුම පාසල් සහ පිරිවෙන් සඳහා නිවාඩු ලබා දීමට තීරණය කරන ලදි.

මෙම තීරණය, සියලුම පෞද්ගලික පාසල්, ජාත්‍යන්තර පාසල් සහ උපකාරක පන්ති විසින් ද අනුගමනය කරනු ඇතැයි, අධ්‍යාපන අමාත්‍යාංශය අපේක්ෂා කර සිටී.

එසේ වුවද, තැපැල් ඡන්ද මධ්‍යස්ථාන ලෙස භාවිත කරන පාසල් අදාළ දිනවල විවෘත කර තැපැල් ඡන්ද ප්‍රකාශ කිරීමේ රාජකාරී කටයුතු යථා පරිදි පවත්වා ගෙන යාම විදුහල්පතිවරුන්ගේ වගකීම බව අධ්‍යාපන අමාත්‍යාංශය නිවේදනය වැඩිදුරටත් සඳහන් කරයි.

කටකතා වලට රැවටෙන්න එපා - අගමැති ඉල්ලයි
July-12, 2020. 22:03

කොවිඩ් 19 ව්‍යාප්තිය පිළිබඳව පැතිර යන කටකථාවලට නොරැවටෙන ලෙස අග්‍රාමාත්‍ය මහින්ද රාජපක්ෂ මහතා ජනතාවගෙන් ඉල්ලා සිටියි.

පිළියන්දල පැවති ජන හමුවකදී අග්‍රාමාත්‍යවරයා වැඩිදුරටත් පැවසුවේ, ජනතාවගේ සෞඛ්‍යාරක්ෂාව වෙනුවෙන් හෙට (13) සිට ශ්‍රී ලංකා පොදුජන පෙරමුණේ ජන හමු තාවකාලිකව අවලංගු කරන බවය.

ශ්‍රී ලංකා පොදුජන පෙරමුණේ අපේක්ෂකයින්ගේ ජය තහවුරු කිරීම සඳහා කොළඹ දිස්ත්‍රික් අපේක්ෂක ගාමිණි ලොකුගේ මහතා විසින් පිළියන්දල දී අද මෙම ජන හමුව සංවිධානය කර තිබුණි.

මෙහිදී බස්නාහිර පළාත් හිටපු ප්‍රධාන අමාත්‍ය ඉසුර දේවප්‍රිය මහතා අග්‍රාමාත්‍ය මහින්ද රාජපක්ෂ මහතා අතින් ශ්‍රී ලංකා පොදුජන පෙරමුණේ සාමාජිකත්වය ලබාගත් බව වාර්තා වේ.

ජනපති රැව මැතිවරණයට එපා…...

පිවිසෙන්න -https://www.facebook.com/hitradio.lk/
පිවිසෙන්න - www.hitfm.lk

මහ මැතිවරණයට තරග වැද සිටින අපේක්ෂකයන් ප්‍රචාරක කාර්යයන් සඳහා ස්වකීය ඡායාරූප භාවිතා නොකළ යුතු බවට ජනාධිපති ගෝඨාභය රාජපක්ෂ මහතා නියෝග කර තිබේ.

එසේම ආරක්ෂක සේවා, රාජ්‍ය සේවා, සංස්ථා, මණ්ඩල සහ ව්‍යස්ථාපිත ආයතනවල සේවයේ නිරත රාජ්‍ය සේවකයින් කිසිවෙකුත් දේශපාලන වැඩ නොකළ යුතු බව ජනාධිපතිවරයා පෙන්වා දෙයි.

මැතිවරණ ප්‍රචාරණයට ජනාධිපතිවරයාගේ ඡායාරූපය භාවිතා නොකරන ලෙසත් රාජ්‍ය සේවකයින්ට දේශපාලනය නොකරන ලෙසත් තරයේ උපදෙස් ලබාදෙන ලෙස ජනාධිපති ගෝඨාභය රාජපක්ෂ මහතා අමාත්‍යාංශ ලේකම්වරයාට නියෝග කර තිබේ.

සියලු රාජ්‍ය සේවකයින් අදාළ උපදෙස් පිළිපදින බවට වග බලාගන්නා ලෙස ද ජනාධිපති ලේකම්වරයා නිකුත් කළ ලිපියේ වැඩිදුරටත් සඳහන්.

ඇදිරි නීති කාලයේ විදුලි බිලට සහනයක්….

පිවිසෙන්න -https://www.facebook.com/hitradio.lk/
පිවිසෙන්න - www.hitfm.lk

ඇඳිරි නීතිය පනවා තිබූ මාස කිහිපය තුළ වැඩි වී ඇති විදුලි ගාස්තුව සම්බන්ධයෙන් ජනතාවට සහනයක් ලබා දීමට රජය තීරණය කර තිබේ.

කොවිඩ් 19 ව්‍යාප්තිය හේතුවෙන් පසුගිය මාර්තු, අප්‍රේල් සහ මැයි යන මාසවල ඇඳිරි නීතිය ක්‍රියාත්මක වූ අතර එම මාසවල විදුලි බිල්පත් ගාස්තු විශාල වශයෙන් ඉහළ ගොස් ඇති බවට පාරිභෝගිකයින් විසින් පැමිණිලි ඉදිරිපත් කර තිබේ.

ඒ පිළිබඳව අවධානය යොමු කළ ජනාධිපතිවරයා අදාළ කාල සීමාව වෙනුවෙන් විදුලි පාරිභෝගිකයින්ට සහනයක් ලබා දීමට පියවර ගන්නා ලෙස උපදෙස් ලබා දී තිබේ.

එම සහන ලබාදිය යුතු ආකාරය සම්බන්ධයෙන් වාර්තාවක් කඩිනමින් ජනාධිපතිවරයාට ඉදිරිපත් කරන බව මහින්ද අමරවීර අමාත්‍යවරයා සඳහන් කළේය.