Silent feeling

සමහර කතා හරි අසම්පූර්ණයි ඒත් හරි ලස්සනයි!

නුබ ගාව මම නිවුන් හැටි හරි පුදුමයි.

සයුර නිසලයි කියා නොසිතන්න කිසිවිට
නොපෙනෙනා රළ පහර ඇත ගැඹුරු පතුලට
හමන සුළඟට හැඩගැසී පදවන්න හබල අත
නොසැලෙනා මිනිසෙකුට විවර වෙයි ජය කෙත.. ✨
​දිය සුළි වලට බියවී රුවල හකුලන්නට
පුරුදු නෑ හිත තවම පරාජය විඳින්නට
වටිනාම දේ ලැබෙනුයේ මහත් වෙහෙසට
මුතු ඇටය සැඟව ඇත්තේ මඩ සහිත බෙල්ලන්ට.. 🐚
​අල්ලාන ඉන්න හැම අතක්ම අත නොහැර
එනමුත් හිත තියාගන්න ජීවිතය යන මග
පෙමක් ළඟ නැවතුණත් ඒ මගෙහි එක් තැනක
ගමන තව බොහොමයි... පේනවාදෝ නිම්නය? ⛵️🌅

ලෝකය මිනිසුන්ගෙන් පිරී ඇතත්,
"මනුෂ්‍යකම" සඳහා පවතින පුරප්පාඩු
දිනෙන් දින වැඩිවෙමින් පවතී.
​The world is crowded with people, but the vacancies for 'Humanity' are increasing day by day.

නුඹ ගිය මග තනිවී බලා ඉන්නෙමි...
සිහිනෙන්වත් නොපැතූ දුකක් විඳවමි...
හදවත ගැහෙන හැම වාරයකම
නුඹේ නමම මුමුණන්නෙමි...
​මතකය අමතක කරන්නට වෙර දරමි...
එත් ඒ මතකයම ජීවිතය කරගනිමි...

මතක එනකොට නොදැනීම
බර වෙලා ඇත්නම් ඇස් දෙකක්..
අයිති නැති බව දැන දැනත් හිත
නොයයි නම් එක උණුසුමක්..
​‘කොතැන උන්නත් තුටින් ඉනු මැන’
කියා ඇත්නම් හිතක්..
ඉතින් අත් අතහැරුණුත්
තිබිය නොහැකිද ප්‍රේමයක්? ❤️🍃

පායපන් රෑ අහස මැද්දෙන්
හද වගේ එළි පිරෙන්න...
අන්න එතකොට මටත් පුළුවන්
ඇති තරම් හිත නිවන්න...
ගන්න හුස්මෙම මාව තියපන්
එපා එළියට දමන්න...
දන්න විදියට හිතට ඕනෙම
උඹේ ප්‍රේමෙන් තෙමෙන්න...