Tap.lk

විදෙස් සංචාරකයන්ට අද සිට කටුනායකින්ම වාහන ලයිසන් දෙයි

කෙටි කාලීන වීසා මත මෙරටට සංචාරය සඳහා පැමිණෙන විදේශකයින්ට ස්වයං ප්‍රවාහන පහසුව සලසා ගැනීමට අවශ්‍ය රියදුරු බලපත්‍ර නිකුත් කිරීමේ කවුළුවක් කටුනායක ජාත්‍යන්තර ගුවන්තොටුපළ පරිශ්‍රයෙහි ආරම්භ කරන බව මෝටර් රථ ප්‍රවාහන කොමසාරිස් ජනරාල් කමල් අමරසිංහ මහතා සඳහන් කරයි.

සංචාරකයින්ට තාවකාලිකව රියදුරු බලපත්‍ර ලබාගෙන සංචාර ගමනාන්තය දක්වා ගමන් කිරීමේ හැකියාව පවතින බවද මෙහිදී කීය.
මෙතෙක් එම කටයුතු සිදුකරුණේ වේරහැර පිහිටි මෝටර් රථ ප්‍රවාහන කොමසාරිස් කාර්යාලයේදී වුවත් සංචාරකයින්ගේ පහසුව පිණිස හෙට සිට මෙම කටයුතු කටුනායක ගුවන් තොටුපලෙහිදී අරඹීමට තීරණය කොට ඇති බවත් කොමසාරිස් වරයා පවසයි.
මෙරටට සංචාර සඳහා පැමිණෙන විදේශකයින් බොහෝ විට කටුනායක ගුවන් තොටුපළ හෝ ඊට ආසන්න ස්ථානවලින් වාහන කුලී පදනම මත ලබාගෙන ඔවුන්ම රියදුරන් සේ කටයුතු කරමින් සිය සංචාර වල නිරත වන බවත් මේ සඳහා යතුරුපැදි සහ ත්‍රිරෝද මෙන්ම සැහැල්ලු වාහන ද යොදාගන්නා බව පෙනී ගොස් ඇතැයි කොමසාරිස්වරයා කියයි.
නව ක්‍රමවේදය යටතේ විදේශිකයින්ට සැහැල්ලු වාහන හා යතුරු පැදි සඳහා පමණක් බලපත්‍ර නිකුත් කෙරෙන අතර බර වාහන හෝ ත්‍රී රෝද රථ සඳහා රියදුරු බලපත් නිකුත් නොකරන බවද ඒ මහතා පෙන්වා දෙයි.

ටී. රෙක්ස් ඔබේ කුකුළු කූඩුවේ ජීවත් වේ.

විද්‍යාඥයින් වසර මිලියන 68 ක් පැරණි ටී. රෙක්ස් පොසිලයකින් ප්‍රෝටීන නිස්සාරණය කර නවීන කුකුළන්ට සමීප අණුක ගැලපීම් සොයා ගත්හ. මෙම සොයාගැනීම කුරුල්ලන් ජීවමාන ඩයිනෝසෝරයන් බව සනාථ කරයි. පරිණාමය ඩයිනෝසෝර රේඛාව අවසන් කළේ නැත; එය පිහාටු සහ හොට සමඟ එය නැවත හැඩගස්වා ඇත. පෘථිවියේ දරුණුතම විලෝපිකයන්ගෙන් එකක් දැන් හිරු උදාවේදී හඩ නගයි.

උසස්පෙළ සිසුන්ට ජනපතිගෙන් සුබ ආරංචියක්. - ලබන වසරේ විදේශ අධ්‍යාපනයට රජයෙන් වරම්.

ලබන වසරේදී උසස් පෙළ සමත්වන සිසුන් සැලකිය යුතු ප්‍රමාණයකට විදේශ අධ්‍යාපනය ලබා දීමට රජයේ ශිෂ්‍යත්ව ලබා දීමට බලාපොරොත්තුවන බව ජනාධිපති අනුර කුමාර දිසානායක පප්‍රකාශ කළා.
ඒ, නාරාහේන්පිට ‘නිල මැදුර’ ගොඩනැගිල්ලේ ස්වදේශ කටයුතු අමාත්‍යාංශ ශ්‍රවණාගාරයේ 20 පැවති දිස්ත්‍රික් ලේකම්/දිසාපති සමුළුව අමතමින්.
රටේ රාජ්‍ය සේවය විධිමත් රාජ්‍ය යාන්ත්‍රණයක් බවට පත් කර ගැනීමේ අභියෝගය අප ඉදිරියේ පවතින බවද ජනාධිපතිවරයා සඳහන් කළ බවත් රටේ පවතින රාජ්‍ය ආයතන පිළිබඳ යළි විමර්ශනය කිරීමට පත් කළ නව කමිටුව මඟින් දේශපාලනිකව සිදුවන බලපෑම පිළිබඳ නොතකා, ඒවා පිළිබඳ තීරණ ගැනීමට කටයුතු කරන බවද ජනාධිපතිවරයා පෙන්වා දුන් බවයි ජනාධිපති මාධ්‍ය අංශය සඳහන් කළේ.

ගවලෙන ගැන තතු බිඳක්..... 😊

නත්තල් ගහ ගැන ගොඩක් අය දැනගෙන හිටියට මම හිතන විදිහට ගවලෙන ගැන දන්නවා අඩුයි. ඒක නිසා කලින් ඒ ගැන විස්තරයක් කියලා ඉන්නම්.

ජේසුස් වහන්සේ ඉපදෙන්න හිටිය කාලේ රෝම අධිරාජ්‍යයාව හිටියෙ ඔගස්ටස් සීසර්. ජේසුස් වහන්සේ ඉපදුන රට ජුදයාවත් අයිති වෙලා තිබුනෙ රෝම අධිරාජ්‍යයට. ඔගස්ටස් සීසර් තීරණය කරනවා රෝම අධිරාජ්‍යයේ සංගණනයක් පවත්වන්න. මේ සංගණනය සඳහා හැමෝම තම තමුන්ගේ උපන් ගම් වලට යන ඕනෙ කියලා නීතියක් පැනවෙනවා.

මේ කාලෙ වෙනකොට මරියතුමීට ජේසුව ලැබෙන්න හොඳටම කිට්ටුයි. ඒත් ඉතින් නීතියට පිටුපාන්න බැරි නිසා මරියතුමීත් ජුසේතුමාත්(ජේසුස් වහන්සේගේ සුරැකි පියා) ජුසේතුමාගේ උපන් ගම වෙච්ච බෙත්ලෙහෙම් නගරයට එනවා. බෙත්ලෙහෙමට ආවත් නවතින්න තැනක් හම්බවෙන්නේ නෑ. සෙනඟ හුඟක් බෙත්ලෙහෙමේ සංගණනයට ඇවිත් හිටපු නිසා එක තානායමකවත් නිවසකවත් ඉඩක් ලැබෙන්නේ නෑ. ඒත් අන්තිමේදී එක තානායමකට අයිති ගව මඩුවක නවාතැන් ගැනීමට ලැබෙනවා. එදා මධ්‍යම රාත්‍රියේදී ජේසුස් වහන්සේ ඉපදෙනවා.

එතකොටම අහසේ වල්ගා තරුවක් පායනවා ලෝකෙට ජේසුගේ උපත දන්වන්න.. දේව දූතයෝ ගිහින් මේ පණිවිඩය රෑ ගිනිමැලයක් ළඟ හිටපු එඬේරුන්ට කියනවා. මේ ආරංචියට එඩේරුත් වල්ගා තරුව දැකපු පෙරදිග හිටපු රජවරුත් (සමහර තැන්වල කියවෙන හැටියට ජොතීර්වේදීන්) ජේසුස් වහන්සේව බැහැදැකීමට පැමිනෙනවා. ඕක තමයි ඉතාම කෙටියෙන් කිව්වොත් නත්තලේ කතන්දරේ. ඔය සිද්ධිය සිහිපත් කිරීමට තමයි කිතුනු බැතිමතුන් ගවලෙනක් නැත්නම් ගව මඩුවක් හදන්නෙ.

කවුද මුලින්ම ගවලෙනක් හැදුවෙ? අසීසියෙ ශු. ප්‍රැන්සිස් තුමා තමයි මුලින්ම මේ සංකල්පය කරලියට ගෙනැල්ලා තියෙන්නෙ. එතුමාත් වැලන්ටයින් තුමා, ශු. නිකුලස් තුමා වගේම ශුද්ධවන්තයෙක්. අසීසියේ ප්‍රැන්සිස් තුමාට හිතුනලු ඒ පළාතේ ජීවත් වෙච්ච ජනතාවට අලුත් අත්දැකීමක් ලබාදෙන්න. එතුමා කරලා තියෙන්නෙ ගවමඩුවක් හදලා. ඒකෙ චරිත නිරූපණය කරන්න නළුවන් යොදාගත්තු එක. ගවමඩුවෙ හරකුන්ට යොදාගනත් තියෙන්නෙ ඇත්ත හරක්. ඊට පස්සෙ ඒ අසල නත්තල් දා රාත්‍රී පූජාව පවත්වලා තියෙනවා. ජනප්‍රවාදවල දැක්වෙන හැටියට නම් එතැන ප්‍රාතිහාර්යක් සිද්ධවෙලා ඒ කියන්නෙ ජේසු බිළිඳුන් ඒ ගවලෙනට ආවාලු. ඔය සිද්ධියත් එක්ක මුලු ගම්මානෙටම මහා ප්‍රීති ජනක නත්තලක් උදාවෙලා තියෙනවා. එම නිසා එතැන් පටන් හැම නත්තලකම ගවලෙනක් තම නිවෙස් වල හදන්න ජනතාව පුරුදු වුණා. මිනිසුන් හා සතුන් වෙනුවට මැටිවලින් හදපු සුරුවම් ( පිළිම ) තමයි යොදාගත්තෙ. ඔය විදිහට ආපු ගවලෙන හැදීමේ චාරිත්‍රය ලෝකෙ පුරා ව්‍යාප්ත වුණා.

ගවලෙන හදන්නත් ප්‍රධාන ක්‍රම දෙකක් තියෙනවා.

1. ස්වනිර්මාණ
මේකෙ තමයි ගතිය තියෙන්නෙ. ගවලෙන මෙහෙම වෙන්න ඕනෙ කියලා නීතියක් නෑ. කැමති හැඩේකට කැමති ප්‍රමානෙකට තමුන් කැමති අංග උපාංග දාලා හදන්නයි තියෙන්නෙ. බොහෝ අය හදන්නෙ නම් ගෙයක් වගේ හැඩයක් ඊට පස්සේ වහලෙට පිදුරු දානවා. අපි නම් ගියපාර වෙනසකටත් එක්ක හැදුවෙ ගල්ගුහාවක්. තව එකතු කරන අංගයක් තමයි පොකුණ. මැටි හරකුන්ට වතුර බොන්න බෑ තමයි ඒත් ඉතින් ලස්සනයිනෙ. කැමති නම් ලන්තෑරුමකුත් එල්ලන්න පුලුවන්. ඊට පස්සේ කරන්නෙ සුරුවම් තියන එක.

අවට පරිසරය හදන්නත් ඕනනෙ. ඒකට කරන්නෙ සතියකට කලින් විතර වී ගෙනත් පැලවෙන්න දාන එක. එතකොට නත්තල් දා හවස් වෙද්දි වී ටික ලස්සනට පැල වෙලා. එතකොට ගස් වගෙ පේන්න තියන්න පුලුවන්. තව තණකොළ පිඩැලි අල්ලන්න පුලුවන්. එහෙම නත්නම් පාට කරගත්තු පොල්කුඩු එහෙම නැත්නම්ලී කුඩු දාලා බිම හැඩ කරගන්නවා. ලොකූ ගස් පෙන්නන්න ඉතින් මාන පඳුරක් හරි වැටකෙයියා පඳුරක් හරි හිටෝනවා. මේ ක්‍රමේ කොච්චර ශෝයි උනත් වෙලා යන එක තමයි ලෙඩේ. අනිත් එක තමයි අමුද්‍රව්‍ය නැති කම.

2. රෙඩිමේඩ්
මේක නම් හරිම ලේසී. කඩේට ගියා හදලා තියෙන ගවලෙනක් ගෙනාවා. මේසයක් උඩ තිබ්බා. සුරුවම් ටික තිබ්බා. කජු කනවා වගේ. ඒ වුනාට කෝ ගැම්ම. මේ ක්‍රමේ ජීවිතේට කරලත් නෑ කරන්නෙත් නෑ.

දැන් කොහොමහරි 24 වෙනිදා හවස ගවලෙනක් හැදුවා හරි ගෙනාවා හරි කියමුකො. සුරුවම් තියෙන එක තමා ඊලඟ කාරිය. මොන ගවලෙනක් උනත් ඒක ගවලෙනක් වෙන්න නම් අඩුම ගානෙ සුරුවම් හතරක් තියෙන්න ඕනෙ.

1. ජේසු බිළිඳාගෙ ප්‍රතිමාව
2. මරියතුමීගේ ප්‍රතිමාව
3. ජුසේතුමාගේ ප්‍රතිමාව
4. දේවදූත ප්‍රතිමාව

පල්ලිවල ගවලෙන්වල බොහෝ දුරට ඔය ටික තමයි තියෙන්නෙ. හේතුව තමයි ලොකු සුරුවම් යොදාගන්න නිසා ඉඩකඩ මදිවීම. මීට අමතරව සාමාන්‍යයෙන් ගෙවල් වල නම් තව තව සුරුවම් තියෙනවා.

5. එඬේර ප්‍රතිමා - කැමති ගණනක් තියන්න පුලුවන්
6. රජවරුන්ගේ ප්‍රතිමා - 3ක්
7. බැටළු හෝ ගව පිළිම - කැමති ගණනක් තියන්න පුලුවන්
8. කොටළු පිළිම - 1ක්
9. ඔටු පිළිම - 3ක්

ඊට පස්සෙ ගවලනේ සම්පූර්ණයි. සම්ප්‍රදායක් හැටියට ජේසු බිළිඳාගේ ප්‍රතිමාව ගවලනෙන් තියන්නෙ
මධ්‍යම රාත්‍රියෙන් පස්සෙ.

19 මධ්‍යම රාත්‍රියේ සිට සියල්ල තහනම්.!

(19) දින මධ්‍යම රාත්‍රියේ පසුව අධ්‍යයන පොදු සහතික පත්‍ර උසස් පෙළ විභාගයට අදාළ උපකාරක පන්ති, දේශන සහ සම්මන්ත්‍රණ පැවැත්වීම තහනම් බව විභාග දෙපාර්තමේන්තුව සදහන් කරයි.

උපකාරක පන්ති, දේශන සහ සම්මන්ත්‍රණ පැවැත්වීම අධ්‍යයන පොදු සහතික පත්‍ර උසස් පෙළ විභාගය අවසන් වන තුරුම තහනම් බව විභාග දෙපාර්තමේන්තුව සදහන් කරයි.

නොවැම්බර් මස (25) වැනිදා ආරම්භ වීමට නියමිත අධ්‍යයන පොදු සහතික පත්‍ර උසස් පෙළ විභාගය එළඹෙන දෙසැම්බර් මස (20) වැනිදා දක්වා පැවැත්වීමට නියමිත බවද විභාග දෙපාර්තමේන්තුව සදහන් කරයි.

නේපාලයේ "මාළු වරල "

මච්ඡපුච්ඡරී ( माछापुच्छ्रे ) හෙවත් " මත්ස්‍ය වරල " නේපාලයේ ගාන්ධකී පළාතේ අන්නපූර්ණා කඳු වැටියේ පිහිටි කඳු මුදුනකි.

මච්ඡපුච්ඡරී කඳු මුදුනේ උස ආසන්න වශයෙන් මීටර් 6,993 ක් වන අතර මෙම කන්ද ගාන්ධකී පළාතේ අගනුවර වූ පොඛාරා ( पोखरा )නගරයේ සිට කිලෝමීටර් 25 ක පමණ දුරින් පිහිටයි.

කන්දේ පෙනුම මත්ස්‍ය වරලක ආකාරය ගන්නා නිසා මච්ඡපුච්ඡරී (माछापुच्छ्रे ) නමින් හඳුන්වන අතර නේපාලයේ මැටර්හෝන් ( Matterhorn - ස්විස්ටර්ලන්තයේ පිහිටි ප්‍රසිද්ධ කඳු මුදුනක් ) ලෙසද හඳුන්වයි.

නේපාලයේ ටිබෙට් බුදුදහම,මිශ්‍ර වූ බොන් දහම අදහන ස්වදේශික චීන-ටිබෙට් ජන කොටසක් වූ ගුරුන්ග් ජනයා හට මෙම කඳුමුදුන පූජනීය කන්දක් වේ.ඒ වගේම මෙම කන්ද ශිව දෙවියන්ගේ වාසස්ථානයක් ලෙසද හඳුන්වයි.

නයිකා ගුහාව,

මෙක්සිකෝවේ චිහුවාහුවා හි පිහිටා ඇති නයිකා ගුහාව, සෙලිනයිට් ස්ඵටික ලෙස හඳුන්වන ඛනිජ ස්ඵටික සහිත ලෝකයේ විශාලතම ස්වභාවික ස්ඵටික කිහිපයක නිවහන වේ. 2000 දී සොයා ගන්නා ලද මෙම ගුහාව පොළවෙන් මීටර් 300ක් පහළින් පිහිටා ඇති අතර එහි දිග මීටර් 12 ක් දක්වා වූ යෝධ විනිවිද පෙනෙන ස්ඵටික වලින් පිරී ඇති අතර එහි බර ටොන් 55 ක් පමණ වේ. මෙම ස්ඵටික අතිශය නිශ්චිත තත්වයන් යටතේ වසර සිය දහස් ගණනක් වර්ධනය වී ඇත.

යෝධ ස්ඵටික සෑදීමට හේතු වූයේ ගුහාවේ ඉහළ උෂ්ණත්වයන් 45 සහ 50 ° C අතර පවත්වා ගැනීම සහ ඛනිජ වලින් පොහොසත් භූගත ජලයයි. මෙම උණුසුම් පරිසරය ජලයේ දියවී ඇති ඛනිජ බදාම සෙමෙන් ස්ඵටිකීකරණය වීමට ඉඩ සලසන අතර පසුව ආකර්ෂණීය සෙලනයිට් ස්ඵටික සාදයි. ගවේෂණ සඳහා ගුහාව විවෘත කළ විට, සීතල වාතය මෙම ස්ඵටික වර්ධනයට බාධා කර ඇත.

ඉහළ උෂ්ණත්වයන් සහ ආර්ද්‍රතාවය නිසා විශේෂ උපකරණ නොමැතිව මිනිසුන්ට එම ස්ථානය අනතුරුදායක වන බැවින් නයිකා ගුහාව නැරඹීම අතිශයින් සීමා කර ඇත. එසේ වුවද, Naica ස්ඵටික පෘථිවි පෘෂ්ඨයට යටින් සැඟවී ඇති ස්වභාව ධර්මයේ බලය සහ ක්රියාවලීන් පිළිබඳ දුර්ලභ දර්ශනයක් ලබා දෙමින් වඩාත් අසාමාන්ය භූ විද්යාත්මක සොයාගැනීම් වලින් එකක් නියෝජනය කරයි.

ලෝක පරිසර දිනය අද

ලෝක පරිසර දිනය අදට (05දාට) යෙදී තිබේ. ‘Land Restoration, desertification and drought resilience’ යන්න මෙවර පරිසර දින තේමාවයි. එය ‘ඵලදායී භූමි පරිහරණයෙන් සුවදායී දෙරණක්’ ලෙස පරිසර අමාත්‍යාංශය මගින් සිංහලට නගා ඇත. මතු පරපුර වෙනුවෙන් පරිසරය සංරක්ෂණය කිරීම පිළිබඳව ලෝක වාසී ජනතාව දැනුවත් කිරීමට සහ දිනෙන් දින පැනනගින ගෝලීය පාරිසරික ගැටලු පිළිබඳව ලෝක නායකයින්ගේ හා ප්‍රතිපත්ති සම්පාදකයින්ගේ අවධානය යොමුකරවීම ලෝක පරිසර දින සැමරුමේ අරමුණයි.
1972 ජුනි මස 5 වැනිදා ස්වීඩනයේ ස්ටොක්හෝම් නුවරදී ආරම්භ වූ මානව පරිසරය සුරකීම සඳහා වූ එක්සත් ජාතීන්ගේ සමාරම්භක සමුළුවේදී ගත් තීන්දුවට අනුව වාර්ෂිකව පැවැත්වෙන ලෝක පරිසර දින සමුළුවට අදට වසර 52 ක් සපිරේ. මේ නිමිත්තෙන් වන ජාතික සැමරීමේ උත්සවය ජනාධිපති රනිල් වික්‍රමසිංහ මහතාගේ ප්‍රධානත්වයෙන් සහ පරිසර අමාත්‍යාංශයේ සහභාගිත්වයෙන් අද (05) පෙරවරු 11 ට ජනාධිපති ලේකම් කාර්යාලයේදී පැවැත්වේ.

සංචාරක ඇස පිනවන මෙරට මුහුදු වෙරළ 8ක් නිල්ධජ වෙරළ තීර කෙරේ

දෙස් විදෙස් සංචාරක ආකර්ෂණය දිනාගත් මෙරට වෙරළ තීර 28 ක් නිල්ධජ වෙරළ තීර 28 ක් බවට පත් කිරීමට අවධානය යොමුව ඇතැයි නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.
එහි මුල් අදියර යටතේ උණවටුන, බෙන්තොට, පාසිකුඩා හා ආරුගම්බේ යන වෙරළ තීරයන්වල නිල්ධජ ව්‍යාපෘතිය ක්‍රියාත්මක කිරීමට නියමිතය. එම වෙරළ තීරයන් සංචාරක අමාත්‍යාංශයේ උපදෙස් මත තෝරාගෙන ඇත.
සංචාරක අමාත්‍යාංශය විසින් මේ වන විටත් රුපියල් මිලියන 32 ක මුදලක් ආරුගම්බේ හා පාසිකුඩා නිල්ධජ වෙරළ තීර වැඩසටහන වෙනුවෙන් වෙන් කර තිබේ. අදාළ මුදල් දැනටමත් දිස්ත්‍රික් ලේකම්වරුන්ට මුදාහැර ඇති බව පවසන සමුද්‍රීය පරිසර ආරක්ෂණ අධිකාරිය නියාමන ව්‍යාපෘතියක් වන පාසිකුඩා වෙරළ තීරය මෙම වසර අවසාන වන විට නිල්ධජ වෙරළ තීරයක් බවට පත් කිරීමට හැකිවනු ඇතැයි ද පවසයි.
ශ්‍රී ලංකාවේ තෝරාගත් වෙරළ කලාප තුළ නිල්ධජ වෙරළ තීර නිර්ණායක සපුරාලීමෙන් සංචාරක ආකර්ෂණය වැඩි කිරීමට හැකිවන අතර එමගින් එම කලාපවල පරිසරය ආරක්ෂා කිරීම, සංචාරකයන් සඳහා ප්‍රමාණවත් පහසුකම් සැපයීම, සංචාරකයන්ගේ ආරක්ෂාව තහවුරු කිරීම හරහා සංචාරක කර්මාන්තයේ දියුණුව සමගම අදාළ කලාපයේ ජනතාවගේ ජීවන තත්ත්වය ද ඉහළ නැංවීමට ද හැකියාව ලැබේ.

ෂොපින් බෑග් සදහා පාලන මිලක් එයි – ඉදිරියේදී කිසිම

ෂොපිං බෑග් සඳහා පාලන මිලක් නියම කිරීම සම්බන්ධයෙන් රජයේ පරිසර අංශවල අවධානය යොමුවී ඇත.
සුපිරි වෙළෙඳසල්වලින් මෙතෙක් නොමිලේ නිකුත් කරන ෂොපිං බෑග් සඳහා යම් මුදලක් අය කළ හැකි බව පසුගියදා ශ්‍රේෂ්ඨාධිකරණයෙන් නියෝගයක් ලබා දුන්නේය.
මේ අනුව කුඩා, මධ්‍යම සහ විශාල ප්‍රමාණයේ ෂොපිං බෑග් සඳහා උපරිම සිල්ලර මිලක් නියම කිරීමට නියමිත අතර, ඊට අදාළ රෙගුලාසි සකස් කිරීමේ කටයුතු මධ්‍යම පරිසර අධිකාරිය සහ පාරිභෝගික කටයුතු පිළිබඳ අධිකාරිය විසින් අරඹා ඇත.
එක් සුපිරි වෙළෙඳසල් ජාලයක් මගින් පමණක් වසරකට ෂොපිං බෑග් බිලියනයක් නොමිලේ පාරිභෝගිකයන්ට නිකුත් කෙරෙන අතර, දිවයිනේ වාර්ෂිකව පරිසරයට බැහැර කෙරෙන සමස්ත ෂොපිං බෑග් ප්‍රමාණය කෝටි 200ක් පමණ වේ.
එක්තරා සුපිරි වෙළෙඳසල් ජාලයකට අයත් එක් සාප්පුවකින් පමණක් දිනකට නිකුත් කරන සිලි සිලි මලු ප්‍රමාණය ලක්ෂ 05කි.
ෂොපිං බෑග් පරිසරයට බරපතළ හානි වන අයුරින් නිෂ්පාදනය කෙරෙන්නේ නම් ඉදිරි වසර තුළදී ෂොපිං බෑග් නිෂ්පාදනය සහ වෙළෙඳාම තහනම් කිරීම සම්බන්ධව ද රජයේ පරිසර අංශ අවධානය යොමුකර ඇත.

ශාරුක්ගෙන් ගාම්බීර්ට හිස් චෙක් එකක්!

ඉන්දීය ප්‍රිමියර් ලීග් ක්‍රිකට් තරගාවලියේ ශූරතාවය දිනූ කොල්කටා නයිට්රයිඩර්ස් කණ්ඩායමේ උපදේශක ලෙස කටයුතු කළ ගෞතම් ගාම්බීර්ට අවශ්‍ය තරම් මුදලක් ලියා ගන්නා ලෙස දක්වමින් එම කණ්ඩායමේ හිමිකරු සුපිරි බොලිවුඩ් නළු ශාරුක් ඛාන් විසින් හිස් චෙක් පතක් ලබාදී ඇති බව විදෙස් ආරංචි මාර්ග සඳහන් කරයි.
කොල්කටා නයිට්රයිඩර්ස් කණ්ඩායමට තෙවැනි වරටත් අයි.පී.එල්. ශූරතාවය හිමි කර ගැනීමට ගාම්බීර් විසින් කරන ලද කැප කිරීම අගය කරමින් ශාරුක් ඛාන් එසේ ක්‍රියා කර ඇති බව වාර්තා වේ.
නයිට්රයිඩර්ස් කණ්ඩායම හමුවේ අවසන් මහා තරගයේ දී සන්රයිසස් හයිද්‍රාබාද් කණ්ඩායම පරාජයට පත් වූ අතර ජයග්‍රාහී නයිට්රයිඩර්ස් කණ්ඩායමට ශූරතා කුසලානය සමග ඉන්දීය රුපියල් කෝටි 20 ක් (ශ්‍රී ලංකා මුදලින් රුපියල් කෝටි 72 ක් පමණ) හිමි විය.
ශ්‍රී ලංකා ක්‍රිකට් ක්‍රීඩක දුෂ්මන්ත චමීර ද ජයග්‍රාහී කොල්කටා කණ්ඩායමේ සාමාජිකයෙක් වේ.
තරගාවලියේ අනුශූරතාවය දිනා ගත් සන්රයිසස් හයිද්‍රාබාද් කණ්ඩායම වෙනුවෙන් ඉන්දීය රුපියල් කෝටි 12.5 ක මූල්‍ය ත්‍යාගයක් හිමි වුණි. තරගාවලියේ වීරයා ලෙස සුනිල් නරේන් සම්මාන ලැබීය.
අවසන් තරගයේ කාසියේ වාසිය දිනාගත් සන්රයිසස් හයිද්‍රාබාද් කණ්ඩායම ප්‍රථමයෙන් පන්දුවට පහරදීමට තීරණය කළ අතර පන්දු වාර 18 පන්දු 3ක් තුළ සියලු දෙනා දැවී ඔවුන් ලබා ගත් ලකුණු 113 පන්දුවාර 10යි පන්දු 3ක් තුළ කඩුලු 2ක් පමණක් දැවී ඉක්මවා යෑමට කල්කටා ක්‍රීඩකයෝ සමත් වූහ.
කොල්කටා කණ්ඩායම වෙනුවෙන් විශිෂ්ට පන්දු යැවීමක නිරත වූ මිචල් ස්ටාර්ක් ලකුණු 14 කට කඩුලු 2ක් ලබාගැනීමට සමත් වූ අතර තරඟයේ වීරයා සම්මානය ද ඔහුට හිමි විය.
මේ අනුව කොල්කටා කණ්ඩායම අවස්ථා 4කදී අවසාන මහා තරගය සඳහා සුදුසුකම් ලබාගැනීමට සමත්ව ඇති අතර ඉන් අවස්ථා තුනකදී (2012, 2014 සහ 2024) ශූරතාව හිමිකර ගැනීමට සමත්ව ඇත.

යුරෝපා සංගමය ෆේස්බුක් සහ ඉන්ස්ටග්‍රෑම් ගැන සොයයි

යුරෝපා සංගමය මෙටා සමාගමේ ෆේස්බුක් සහ ඉන්ස්ටග්‍රෑම් සමාජ මාධ්‍ය ජාල පිළිබඳව නිල විමර්ශනයක් ආරම්භ කර ඇතැයි විදෙස් මාධ්‍ය පවසයි.
සමාජ මාධ්‍ය ජාලවල ළමා ආරක්ෂාව සම්බන්ධයෙන් යුරෝපා සංගමය පනවා ඇති නීති උල්ලංඝනය කර ඇති බවට මෙටා සමාගමට එල්ලවී ඇති චෝදනා මත මෙම විමර්ශනය ආරම්භ කර ඇත.
ෆේස්බුක් සහ ඉන්ස්ටග්‍රෑම් සමාජ මාධ්‍ය හරහා දරුවන් තුළ විවිධ ඇබ්බැහිවීම් නිර්මාණය වන බවත් ඉන් දරුවන්ගේ මානසික සෞඛ්‍යයට හානිවන බවත් යුරෝපා සංගමය සඳහන් කරයි.
ඒ අනුව එම සමාජ මාධ්‍යජාල භාවිතයේ දී පරිශීලිකයින්ට ස්වයංක්‍රීයව වීඩියෝ සහ ඡායාරූප නිර්දේශ කෙරෙන ඇල්ගොරිදමය පිළිබඳව ද විමර්ශනය කෙරෙන බව සඳහන් කරයි.
මෙටා සමාගම දරුවන්ගේ ආරක්ෂාව පිළිබඳ නීති උල්ලංඝනය කර ඇති බවට අනාවරණ වුවහොත් මෙටා සමාගමට එහි ගෝලීය පිරිවැටුමෙන් සියයට 6ක දඩයක් පැනවිය හැකි බවද විදෙස් මාධ්‍ය වැඩිදුරටත් සඳහන් කරයි..