Science Park

ශ්‍රී ලංකා ගැමා මධ්‍යස්ථානයේ ප්‍රවිකිරණ ධාරිතාව පුළුල් කිරීමට අවධානය

විද්‍යා හා තාක්ෂණ අමාත්‍යාංශය යටතේ ක්‍රියාත්මක වන ශ්‍රී ලංකා පරමාණු බලශක්ති මණ්ඩලයට අයත් ශ්‍රී ලංකා ගැමා මධ්‍යස්ථානයේ ප්‍රවිකිරණ ධාරිතාව පුළුල් කිරීමට අමාත්‍යාංශයේ අවධානය යොමු වී තිබේ. ඒ පිළිබඳව නිරීක්ෂණය කිරීම සඳහා විද්‍යා හා තාක්ෂණ අමාත්‍ය මහාචාර්ය ක්‍රිෂාන්ත අබේසේන මහතා ඇතුළු අමාත්‍යාංශ නිලධාරීන් පසුගිය දින බියගම අපනයන සැකසුම් කලාපයේ ස්ථාපිත කර ඇති, එම මධ්‍යස්ථානයේ චාරිකාවකට එක් විය. මෙම චාරිකාවේ දී අමාත්‍යවරයා ඇතුළු පිරිස ගැමා මධ්‍යස්ථානයේ වත්මන් තත්වය සහ දැනට ක්‍රියාත්මක කරන, ගැමා ප්‍රවිකිරණ සේවාවන් දීර්ඝව නිරීක්ෂණය කරමින් නිලධාරීන් සමග විශේෂ සාකච්ඡාවක නිරත විය.
බහු කාර්ය ප්‍රවිකිරණ මධ්‍යස්ථානයක් ලෙස මේ වන විට කොබොල්ට් 60 සමස්ථානිකය භාවිතයෙන් නවීන උපකරණ හා ක්‍රම වේදයන් යොදා ගනිමින්, වෛද්‍ය, ඖෂධ, ආහාර හා කෘෂිකාර්මික ක්‍ෂේත්‍ර වලට තත්ත්වයෙන් උසස්, ලාභදායී ප්‍රවිකිරණ සේවාවන් මෙම මධ්‍යස්ථානයෙන් ලබා දෙනු ලබයි. ඉදිරියේ දී රටටත් ආයතනයටත් ඉහල ආර්ථික ප්‍රතිලාභ හිමිවන පරිදි, දේශීය සහ විදේශීය පාරිභෝගිකයන්ගේ වර්තමාන හා අනාගත අවශ්‍යතාවයන් තෘප්තිමත් කළ හැකි ලෙස ආයතනයේ ධාරිතාව පුළුල් කිරීමේ වැදගත්කම පිළිබඳව අමාත්‍යවරයා විසින් මෙහි දී අවධාරණය කරණ ලදි. ඒ වෙනුවෙන් විද්‍යා හා තාක්ෂණ අමාත්‍යාංශයේ සහ ශ්‍රී ලංකා පරමාණු බලශක්ති මණ්ඩලයේ මූලිකත්වයෙන්, සෞඛ්‍ය හා ජනමාධ්‍ය, වෙළඳ හා පාරිභෝගික සහ මුදල් ආදී අමාත්‍යාංශ සමග සහයෝගීතා වැඩපිළිවෙළක් සැකසීම සඳහා අවශ්‍ය පියවර ගැනීමට නිලධාරීන්ට උපදෙස් ලබා දෙන ලදි.
මෙම අවස්ථාවට විද්‍යා හා තාක්ෂණ අමාත්‍යාංශයේ ලේකම් මොහොමඩ් නවවි, අධ්‍යක්ෂ ජනරාල් (පර්යේෂණ) ගීතානි කුරුප්පුආරච්චි, අධ්‍යක්ෂ (පර්යේෂණ) බුද්ධිකා ද සිල්වා, ශ්‍රී ලංකා පරමාණු බලශක්ති මණ්ඩලයේ අධ්‍යක්ෂ ජනරාල් (වැ.බ.) චම්පා දිසානායක යන මහත්ම මහත්මීන් ඇතුළු පිරිසක් එක්ව සිටියහ.

Progress on the Horizon for Laboratory Developed Tests (LDTs) in Sri Lanka** 🔬🇱🇰

I am pleased to share that yesterday’s meeting with the **NMRA (National Medicines Regulatory Authority)** regarding **Laboratory Developed Tests (LDTs)** was both productive and promising.

For over a decade, I have advocated for a regulatory environment that empowers our local labs to develop diagnostic solutions for rare and specific diseases. Since the COSTI-organized forum in 2014, the primary barrier has been the restrictive regulation on **Research Use Only (RUO)** materials. When manufacturers clearly label products for research and development, regulators should facilitate—not hinder—their import to allow for trial and design development.

By adopting oversight models similar to the **FDA’s LDT framework**, Sri Lanka can ensure diagnostic accuracy while significantly benefiting the local economy by reducing our reliance on expensive, foreign-made kits.

The most encouraging takeaway? The NMRA is becoming increasingly receptive to two-way communication. I am hopeful that these discussions will soon translate into policy changes that allow our academic and research labs to flourish.

Innovation shouldn’t be a bureaucratic casualty. Let’s build a self-reliant diagnostic ecosystem for Sri Lanka.

📢 Infection & Immunity Symposium – Emerging Challenges and New Insights

The Institute of Allergology and Immunology (IAI) is pleased to host the Infection & Immunity Symposium, bringing together local and international scientists to discuss emerging challenges and new insights in infectious diseases and immunology.

🗓 29 January 2026
⏰ 9.00 AM – 4.00 PM
📍 IAI Main Auditorium, Sri Lanka

🎟 Participation is free (limited seats, first come first served)

We look forward to welcoming researchers, clinicians, and students for a day of stimulating science and discussion.



University of Sri Jayewardenepura Chandima Jeewandara Nilanka Perera

NIRDC යටතේ ව්‍යාපෘති 09කට රු. මිලියන 227කට අධික මූල්‍ය පහසුකම් – සහතික පත් ප්‍රදානය ජනාධිපති කාර්යාලයේදී

අද (22) පෙරවරුවේ ජනාධිපති කාර්යාලයේදී, පර්යේෂණ සහ සංවර්ධන වාණිජකරණ ජාතික ප්‍රවේශය (National Initiative for Research & Development Commercialization – NIRDC) යටතේ, 2025 වසරේ පළමු මාස තුන තුළ ඉදිරිපත් වූ යෝජනා අතරින් තෝරාගත් ව්‍යාපෘති 09ක් සඳහා මූල්‍ය ප්‍රතිපාදන ලබාදීමට අදාළ සහතික පත් ප්‍රදානය කිරීම සහ අවබෝධතා ගිවිසුම්වලට අත්සන් තැබීම සිදු කෙරුණි.

මෙම වැඩසටහන යටතේ ව්‍යාපෘතිලාභීන් සඳහා රුපියල් මිලියන 227කට අධික මූල්‍ය පහසුකම් ලබා දීමට නියමිත අතර, එම සහතික පත් ජනාධිපති ලේකම් ආචාර්ය නන්දික සනත් කුමානායක සහ විද්‍යාව හා තාක්ෂණය පිළිබඳ ජනාධිපති ජ්‍යෙෂ්ඨ උපදේශක මහාචාර්ය ගෝමික උඩුගමසූරිය යන මහත්වරුන් විසින් ප්‍රදානය කරන ලදී.

මෙම මූල්‍ය පහසුකම් ලංකා බැංකුව මගින් ලබා දීමට සැලසුම් කර ඇති අතර, ඒ සඳහා අදාළ ගිවිසුමට ජනාධිපති ලේකම් ආචාර්ය නන්දික සනත් කුමානායක මහතා සහ ලංකා බැංකුවේ ප්‍රධාන විධායක නිලධාරී වයි.ඒ. ජයතිලක මහතා අතර අත්සන් තැබිණි. ගිවිසුමට අනුව, අනුමත ප්‍රතිපාදන ව්‍යාපෘතිවල කාර්ය සාධක දර්ශක (KPI) අනුව ප්‍රගතිය සමාලෝචනය කරමින් කොටස් වශයෙන් නිකුත් කිරීමට නියමිතය.

මෙම අවස්ථාව අමතමින් කථිකාවක් සිදු කළ සෞඛ්‍ය අමාත්‍ය නලින්ද ජයතිස්ස අමාත්‍යවරයා සඳහන් කළේ, “රටක් ලෙස ඉතා වැදගත් පියවරක සාක්ෂිකරුවන් බවට අද අප පත්ව සිටිනවා. ‘පොහොසත් රටක් – ලස්සන ජීවිතයක්’ යන ජාතික ප්‍රතිපත්තිය ක්‍රියාත්මක කිරීමේදී පර්යේෂණ සහ නවෝත්පාදන ක්ෂේත්‍රයට විශේෂ අවධානයක් යොමු කර තිබෙනවා” යනුවෙනි.

එමෙන්ම, මෙම ප්‍රවේශය හුදු දේශපාලන සැරසිල්ලක් නොවන බවත්, පසුගිය වසර එක හමාරක කාලය තුළ ක්ෂේත්‍ර 17කට ආසන්න ප්‍රමාණයකට අදාළව, දේශීය හා විදේශගත ශ්‍රී ලාංකික විද්වතුන් සහ වෘත්තිකයින් එක්කර ගනිමින් පර්යේෂණ, සංවර්ධන සහ නවෝත්පාදන ක්ෂේත්‍රය පිළිබඳ ජාතික කතිකාවක් ආරම්භ කළ බවත් ඔහු වැඩිදුරටත් පැවසීය. එහි ප්‍රතිඵලයක් ලෙස ජනාධිපති කාර්යාලය යටතේ NIRDC ආරම්භ කළ බවද සඳහන් කෙරිණි.

රට මුහුණ දෙන ප්‍රධාන අභියෝගයක් ලෙස බෝ නොවන රෝග (NCDs) පිළිබඳ ගැටලුව පෙන්වා දුන් ඔහු, සෞඛ්‍ය ක්ෂේත්‍රය තුළ එම රෝගවලට ප්‍රතිකාර කිරීම සඳහා අධි තාක්ෂණික උපකරණ මිලදී ගැනීමට වාර්ෂිකව විශාල මුදලක් වැය වන බවත්, එම වියදම් පාලනය කිරීම සඳහා රෝග බිම් මට්ටමින් කලින් හඳුනා ගැනීමේ නව ක්‍රමවේදයන් සංවර්ධනය කිරීම අත්‍යවශ්‍ය බවත් අවධාරණය කළේය. ඒ සඳහා කෙරෙන පර්යේෂණවලට වැඩි දායකත්වයක් ලබා දිය යුතු බවද ඔහු පැවසීය.

තවද, සෑම ක්ෂේත්‍රයකම පවතින ජනතා අවශ්‍යතා පර්යේෂණ මගින් ප්‍රායෝගික විසඳුම් බවට පත් කිරීමේ වගකීම අද පර්යේෂකයන් සහ ව්‍යාපෘතිලාභීන් වෙත පැවරෙන බවත්, මෙම ක්‍රියාවලිය විසිරුණු සහ සම්බන්ධීකරණයකින් තොර එකක් බවට පත් නොකර, සියලු අංශ ඒකාබද්ධ කරමින් ‘පොහොසත් රටක් – ලස්සන ජීවිතයක්’ යන සංකල්පය යථාර්ථයක් බවට පත් කිරීම රජයේ අරමුණ බවත් සඳහන් කෙරිණි.

මෙම අවස්ථාවට කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති, කම්කරු අමාත්‍ය සහ ආර්ථික සංවර්ධන නියෝජ්‍ය අමාත්‍ය අනිල් ජයන්ත ප්‍රනාන්දු, වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ, මහ බැංකු අධිපති ආචාර්ය නන්දලාල් වීරසිංහ, ඩිජිටල් ආර්ථිකය පිළිබඳ ජනාධිපති ජ්‍යෙෂ්ඨ උපදේශක ආචාර්ය හාන්ස් විජේසූරිය ඇතුළු පිරිසක් සහභාගී වූහ. එසේම අග්‍රාමාත්‍ය ලේකම්, අමාත්‍යාංශ ලේකම්වරු, රාජ්‍ය නිලධාරීන්, විශ්වවිද්‍යාල උපකුලපතිවරු, පර්යේෂණ ආයතන ප්‍රධානීන්, බැංකු සභාපතිවරු, විද්වතුන්, පර්යේෂකයන්, ආචාර්යවරු සහ මහාචාර්යවරු ඇතුළු විශාල පිරිසක් මෙම උත්සවයට එක්ව සිටියහ.

ජාතික පර්යේෂණ සභාව විසින් සංවිධාන කළ 2025 - විද්‍යාත්මක පර්යේෂණ සඳහා ජනාධිපති සම්මාන ප්‍රදානෝත්සවය විද්‍යා හා තාක්ෂණ අමාත්‍ය ක්‍රිෂාන්ත අබේසේන මහතාගේ ප්‍රධානත්වයෙන් බත්තරමුල්ල ‍වෝටර්ස් ඒජ් හෝටලයේ දී අද දින පැවැත්විණි.

විද්‍යාත්මක පර්යේෂණ සංවර්ධනය වෙනුවෙන් මූල්‍යාධාර සපයන ප්‍රධානතම රාජ්‍ය ආයතනයක් වන ජාතික පර්යේෂණ සභාව, රට තුළ විචිත්‍රවත් විද්‍යාත්මක හා තාක්ෂණික ප්‍රජාවක් ගොඩනැගීම මෙන්ම ජාතික ආර්ථික සංවර්ධනයට ඉවහල්වන පර්යේෂණ දිරිගැන්වීම වෙනුවෙන් කටයුතු කරයි. ඒ සඳහා පර්යේෂණ සිදුකරන ශ්‍රී ලාංකික පර්යේෂණ ක්ෂේත්‍රයේ කීර්තිමත් විද්‍යාඥයින්ගේ සේවාවන් අගයමින් ඔවුන් සඳහා ජාතික ගෞරවය පුද කරනු පිණිස වාර්ෂිකව විද්‍යාත්මක පර්යේෂණ සඳහා ජනාධිපති සම්මාන ප්‍රදානය කිරීමේ (PASR) වැඩසටහන සංවිධාන කරනු ලබයි.

2021 වසරේදී විද්‍යාත්මක ප්‍රකාශන ඉදිරිපත් කළ විද්‍යාඥයින් 335 දෙනෙක් අද දින (2025 දෙසැම්බර් 18), විද්‍යාත්මක පර්යේෂණ සඳහා ජනාධිපති සම්මානයෙන් පිදුම් ලැබීය.

මෙම අවස්ථාවට විශේෂ ආරාධිත අමුත්තා වශයෙන් ජනාධිපති ලේකම් නන්දික සනත් කුමානායක මහතා එක් වූ අතර සම්මාන උළෙලේ ප්‍රධාන දේශනය පේරාදෙණිය විශ්ව විද්‍යාලයේ ජ්‍යේෂ්ඨ මහාචාර්ය බුද්ධි මාරඹේ මහතා විසින් සිදු කළේය.

විද්‍යා හා තාක්ෂණ අමාත්‍යාංශ ලේකම් මොහොමඩ් නවවි, ජාතික පර්යේෂණ සභාවේ සභාපති මහාචාර්ය අනුජි ගමගේ, ප්‍රධාන විධායන නිලධාරී ආචාර්ය ශානිකා ජයසේකර යන මහත්ම මහත්මීන් ඇතුළු විද්‍යාඥයින්, රාජ්‍ය නිලධාරීන් ඇතුළු විශාල පිරිසක් මෙම අවස්ථාවට එක්ව සිටියහ.

ප්‍රධාන අර්බුදයෙන් පසුව එන අර්බුද තමයි මේවා.

National Awards for Excellence in the Agricultural Research

These days some dialogues cover this hidden area..

A Discussion with Dr. Muditha Senarat Yapa – Chief Innovation Officer of NIA | Industry Expo 2025 A Discussion with Dr. Muditha Senarat Yapa – Chief Innovation Officer of NIA | Industry Expo 2025Presented by Sri Lankan Scientist Magazine | Sri Lanka Scien...