SHEY

ෂී ජින් පිං ඇමරිකාවය පය තියයි !

චීන ජනාධිපති ෂී ජින් පිං මහතා දින 3ක එක්සත් ජනපද සංචාරයක් ආරම්භ කර තිබේ.

වොෂින්ටන් ඩීසී අසල ඇන්ඩෲස් ඒකාබද්ධ ගුවන් කඳවුරේදී ඇමරිකානු ජනාධිපති ඩොනල්ඩ් ට්‍රම්ප් විසින් ඔහුව පිළිගනු ලැබීය.

මෙහිදී AI සහ වෙළඳාමේ සිට ඉරානය දක්වා සෑම දෙයකම සුපිරි බලවතුන්ගේ ආතතීන් සමනය කිරීම අරමුණු කරගත් උජාරුවෙන් පිරුණු රාජ්‍ය සංචාරයක් ආරම්භ කරමින් චීන ජනාධිපති ෂී ජින් පිං හට ඇමරිකානු ජනාධිපති ඩොනල්ඩ් ට්‍රම්ප් විසින් දුර්ලභ පිළිගැනීමක් ලබා දී තිබේ.

චීන ජනාධිපති Xi Jinping සැප්තැම්බර් 23 දා ඇමරිකාවට පැමිණිම වාර්තා වන්නේ ඔහුගේ 2015න් පසු ඇමරිකාවේ පළමු රාජ්‍ය සංචාරය ලෙසයි.

දුර්ලභ විශේෂත්වය වූයේ ඩොනලඩ් ට්‍රම්ප්⁣ සාමාන්‍යයෙන් විදේශ රාජ්‍ය නායකයන් පිළිගන්නා ධවල මන්දිරයට පැමිණෙන තෙක් නොසිට, එකාබද්ධ ඇන්ඩෘස් ගුවන් කඳවුරටම ගොස් ෂීව පෞද්ගලිකව පිළිගැනීමයි.

ෂී සහ ඔහුගේ බිරිඳ පෙන්ග් ලීයාන් පිළිගැනීමේදී රතු පලස මත මත ගමන් හමුදා ආරක්ෂක බලකාය , ජාතික ගී සහ තුවක්කු ආචාර වෙඩිමුර ඇතුළත් උත්සවයක් පැවැත්විණි.

සාකච්ඡා කිරීමට නියමිත ප්‍රධාන කරුණු අතර ඇමරිකාව සහ චීනය අතර පැවති වෙළඳ ගිවිසුම්/තාවකාලික එකඟතාව තවත් කාලයකට දිගු කිරීමට දෙපාර්ශ්වය එකඟ වී තිබේ.

වාර්තා අනුව එය නොවැම්බර් 10 දා අවසන් වීමට තිබූ අතර ජනවාරි 10 දක්වා දිගු කර ඇත.

කෘත්‍රිම බුද්ධිය සම්බන්ධයෙන් දෙරට අතර ඇති තාක්ෂණික තරගය සහ AI ආරක්ෂාව පිළිබඳ සාකච්ඡා ප්‍රධාන මාතෘකාවකි.

AI නිසා ඇති විය හැකි විශාල ආරක්ෂක අවදානම් සම්බන්ධයෙන් දෙරට අතර සන්නිවේදන යාන්ත්‍රණයක් පිළිබඳ අදහස් ද සාකච්ඡා වී ඇත.

එමෙන්ම ඉරානය සම්බන්ධයෙන්ද සාකච්ඡා කිරීමට නියමිත බව වාර්තා වේ. විශේෂයෙන් චීනය ඉරානයේ ප්‍රධාන තෙල් මිලදී ගන්නෙකු වන නිසා, වොෂින්ටනය බීජිං හරහා ටෙහෙරානය සමඟ තත්ත්වය සමනය කිරීමට බලපෑමක් ඇති කළ හැකිද යන්න වැදගත් කරුණක් වී ඇත.

තායිවානය මතෘකා අතර තිබේ.චීනය–ඇමරිකාව අතර දිගුකාලීනව සංවේදීම කරුණක් වන තායිවානය ද සාකච්ඡාවලට ඇතුළත් වේ. �

චීනයේ ඛනිජ අපනයන සීමා සහ ඒවා ඇමරිකානු තාක්ෂණ හා ආරක්ෂක කර්මාන්තයට ඇති වැදගත්කම තවත් ප්‍රධාන ආර්ථික ගැටලුවකි.

අද ෂී ජීන් පිං වෙනුවෙන් ධවල මන්දිරයේ විශේෂ රාජ්‍ය පිළිගැනීමේ උත්සවයක් පැවැත්වීමට නියමිත අතර, ඇමරිකාවේ හයිය පෙන්වන හමුදා උත්සවයක් සහ ගුවන් සංදර්ශනයක් ද ඇතුළත්ය.

පසුව ජනාධිපතිවරු දෙදෙනා අතර නිල සාකච්ඡා සහ රාජ්‍ය රාත්‍රී භෝජන සංග්‍රහයක් පැවැත්වේ.

ඒ අනුව, මේ සංචාරය හුදෙක් චීන–ඇමරිකා වෙළඳ ගිවිසුමක් ගැන පමණක් නොව, වෙළඳාම, කෘතිම බුද්ධිය, ඛනිජ, තායිවානය සහ ඉරාන යුද තත්ත්වය වැනි එකිනෙකට සම්බන්ධ ගෝලීය ගැටලු කළමනාකරණය කිරීමට දෙරටේ නායකයන් සෘජුව සාකච්ඡා කරන අවස්ථාවක් ලෙස සැලකිය හැකිය.

-

2026-09-24
Shehan Lakmal

කොච්චර දක්ෂ තව කොච් කෙනෙක් ගෙනාවත් ෆට්නස් ටෙස්ට් කොච්චරක් තිබ්බත් මුරලි කිව්ව සදාතනික ඇත්ත.

පරාජයට තව හේතු100ක් හෙව්වත් අදටත් හොයාගන්න බැරි පරාජයේ සත්‍යම හේතුව මුරලි කියලා අදට අවු 8ක් වෙනවා

මුරලී - "තරඟ දිනන එක පරදින එක තියෙන්නෙ කෝචර්ස්ලාගෙ අතේ වත් පාලක මණ්ඩලේ අතේවත් නෙමෙයි"

චතුර - "එහෙනම් ?"

මුරලී - "Players ලාගෙ අතේ"

"කෝචර්ස්ලාට, පාලක මණ්ඩලේට.. මොනවත් කරන්න බෑ..." ඉන්දියාවෙ පුහුණු කරු රවී ශාස්ත්‍රී, විරාත් කෝලිට බැටින් ටෙක්නික් කියාදෙන්නෙ නෑ.

එයා කරන්නෙ මෑන් මැනේජ්මන්ට් විතරයි..ඒ දක්ශතාවය තියෙන ක්‍රීඩකයො තමයි එතනට යන්නෙ. එතන ගිහින් ආයිත් ඉගෙන දෙයක් නෑ."

මුත්තයියා මුරලිදරන්
2018 දී (Talk with Chathura වැඩසටන)

-

2026-09-24

නාමල් තවත් හිරවෙයි!

පාර්ලිමේන්තු මන්ත්‍රී නාමල් රාජපක්ෂට රුපියල් මිලියන 70 ක මුදලක් තුන් වතාවක් අල්ලසක් ලෙස ලබා දීමේ චෝදනාව මත ක්‍රිෂ් සමූහයේ හිටපු විධායක අධ්‍යක්ෂිකා ජානකී සිරිවර්ධන අල්ලස් කොමිසම (CIABOC) විසින් අත්අඩංගුවට ගෙන තිබේ.

2026-09-25

දඩුවම සැර මදී !

පාස්කු ඉරිදා ත්‍රස්ත ප්‍රහාර නඩුවේ තීන්දුව ප්‍රකාශයට පත් කිරීම, මහාධිකරණයේ (ත්‍රිපුද්ගල විනිසුරු මඩුල්ල) ඉදිරියේ විභාගය අවසන් කොට සැප්තැම්බර් 22 දා විත්තිකරුවන් පහළො දෙනෙකු වරදකරුවන් කර ඇති අතර නව දෙනෙකු නිදොස් කොට නිදහස් කර තිබුනා.

එහිදී, කොළඹ ස්ථිර ත්‍රිපුද්ගල මහාධිකරණය (Trial-at-Bar) විසින් පාස්කු ඉරිදා ප්‍රහාරය සම්බන්ධ නඩුවේදී වරදකරුවන් කරන ලද පුද්ගලයින් 15 දෙනාගෙන් පස් දෙනෙකුට වසර 200ක ද,

තවත් පස් දෙනෙකුට වසර 220ක ද, සිව් දෙනෙකුට වසර 240ක ද, එක් අයෙකුට වසර 260ක ද සිර දඬුවම් නියම කෙරිණි.

ඔවුන් සියලු දෙනාටම බරපතල වැඩ සහිත සිර දඬුවම් නියම විය. එමෙන්ම ඔවුන්ගේ සිර දඬුවම් ක්‍රියාත්මක වීම ආරම්භ වන අවස්ථාවේ සිට ඔවුන් සතු චංචල හා නිශ්චල දේපළ රාජසන්තක කිරීමට ද අධිකරණය නියෝග කළේය.

බරපතළ වැඩ සහිත ජිවිතාන්තය දක්වා සිර දඩුවම් නියම කිරිමය වඩා මරණ දණ්ඩනය ලබා දිමට තිබුනා නොවෙද?

නමුත් මරණ දණ්ඩනය ලබා දුන්නත් එක රටේ ඇති ආගමික පරිසරය තුල සහ ජාත්‍යන්තරය පිඩනය මත ක්‍රියාත්මක නොවන බව ඇත්තය.

නමුත් මොවුන් දරුණු අපරාධකරුවන් නිසා සිරගෙයක පමණක් ගාල් කර ති⁣බිම මුළු රටටම අනතුරුදායක නොවේද?

මන්ද දරුණු මොල විකෘති කරන අපරාධකරුවන් හුදකලා කර වෙනම රදවා ගැනිමට තරම් සිරගෙවල්වල පහසුකම් නොමැති නිසයි.

ප්‍රහාරය වලක්වා නොගැනිම සහා ජිවිත 300 ආසන්න ප්‍රමාණයක් මරණයට පත්කිරිමට ඉඩදිම මත හිටපු පොලිස්පති පුජිතට සහා ආරක්ෂක ලේකම් හේමසිරි ප්‍රනාන්දුට මරණ දණ්ඩනය හිමි විමත්,

ප්‍රහාරයට සක්‍රියන දායකවුවන් ජිවිතාන්තය දක්වා සිරගතවිමට සිදුවිමත් දෛවයේ සරදමක් නොවේද?

සාම කතා දළු දායිද?

එක්සත් ජාතීන්ගේ මහා මණ්ඩල සැසිවාරය අතරතුරදී ඉරාන දූත පිරිසක් සමඟ ඇමරිකානු නිලධාරීන් දීර්ඝ වක්‍ර සාකච්ඡාවල නිරත වූ බව ඇමරිකානු විශේෂ නියෝජිත ස්ටීව් විට්කොෆ් තහවුරු කළේය.

විට්කොෆ් පැවසූ පරිදි, මැදිහත්කරුවන් දවස පුරා පාර්ශ්ව දෙක අතර සම්බන්ධීකරණ කටයුතු සිදු කළ අතර, සාකච්ඡා වටයක් සාර්ථකව අවසන් කෙරිණි. මෙම හමුව පැවැති බව ටෙහෙරානය ද තහවුරු කළේය.

2026 සැප්තැම්බර් 22–23 දිනවල එක්සත් ජාතීන්ගේ මහා මණ්ඩලය පැවැත්වෙන අතරතුර එක්සත් ජනපදය හා ඉරානය අතර මැදිහත්කරුවන් හරහා සාකච්ඡා සිදුවී තිබේ.

මැදිහත්කරුවන් දවස පුරා දෙපාර්ශ්වය අතර එහා මෙහා ගොස් පණිවිඩ හුවමාරු කරමින් සාකච්ඡා මෙහෙයවා තිබේ.

විට්කොෆ්ට අනුව එම සාකච්ඡා වටයක් අවසන් වී ඇති අතර, එය “සාකච්ඡා ඵලදායී හා බලාපොරොත්තු සහගත වියහැකි බව ඔහු සඳහන් කර තිබේ.

ඇමරිකානු පාර්ශ්වයෙන් ස්ටීව් විට්කොෆ් සහ ජෙරාඩ් කුශ්නර් සම්බන්ධ වී ඇති අතර, ඉරාන පාර්ශ්වයෙන් විදේශ අමාත්‍ය අබ්බාස් අග්‍රච්චි සම්බන්ධ වූ බව වාර්තා වේ.

ඉරාන පාර්ශ්වයද සම්බන්ධතාව තහවුරු කර ඇති අතර, කටාර් මැදිහත්කරුවෙකු ලෙස කටයුතු කළ බව වාර්තා වේ.

මුලදී ජනාධිපති ට්‍රම්ප්⁣ පැවසුවේ විට්කොෆ් සහ කුශ්නර් ඉරාන පාර්ශ්වය සමඟ පැය තුනක පමණ “ඉතා හොඳ” සාකච්ඡාවක් පැවැත්වූ බවයි.

නමුත් පසුව විට්කොෆ් කළ පැහැදිලි කිරීම අනුව සාකච්ඡාව සෘජුවම එකම මේසයක සිදුවූ එකක් නොව, මැදිහත්කරුවන් දෙපාර්ශ්වය අතර පණිවිඩ රැගෙන යමින් සිදු කළ වක්‍රාකාරයෙන් කල සාකච්ඡාවක් බව සදහන් කර තිබේ.

මෙය ඇමරිකා ඉරාන සම්බන්ධතා තුළ සැලකිය යුතු නව රාජ්‍යතාන්ත්‍රික සම්බන්ධතාවක්. හැබැයි ගිවිසුමකට එකඟ වී අවසන් බවක් තවම ප්‍රකාශ වී නැහැ.

නමත් විට්කොෆ් කියන්නේ සාකච්ඡා තවදුරටත් ඉදිරියට ගෙන යන බවයි.

මේ අතර ගෝලීය මිණුම් ලකුණක් වන බ්‍රෙන්ට් බොරතෙල් බැරලයකට ඇමරිකානු ඩොලර් 100 ට වඩා පහත වැටී දැන් ඇමරිකානු ඩොලර් 99 ට වඩා අඩු මට්ටමක පවතී.

එය සතියකට පෙර ඇමරිකානු ඩොලර් 110 කට ආසන්න විය. මේ අතර, සතියකට පෙර ඇමරිකානු ඩොලර් 105 ඉක්මවූ WTI බොරතෙල් බැරලයකට ඇමරිකානු ඩොලර් 90 ට වඩා අඩු මට්ටමක පවතී

-

ෂෙහාන් ලක්මාල්
2026-09-24

ශ්‍රී ලංකා ක්‍රිකට් ක්‍රීඩාව පාලනය කිරීම සහ පරිපාලනය කිරීම සඳහා නීත්‍යානුකූල ආයතනයක් ලෙස ශ්‍රී ලංකා ක්‍රිකට් ආයතනය ස්ථාපිත කිරීම සඳහා වන ශ්‍රී ලංකා ක්‍රිකට් පනත් කෙටුම්පත ගැසට් කර පාර්ලිමේන්තුවට ඉදිරිපත් කිරීමට කැබිනට් මණ්ඩලයේ අනුමැතිය හිමිවෙයි"

22 ව්‍යවස්ථා සංශෝධනය ව්‍යවස්ථානුකූලයි !

ආණ්ඩුක්‍රම ව්‍යවස්ථාවට ගෙන එන 22 වන සංශෝධනය සඳහා ජනමත විචාරණයක් අවශ්‍ය නොවන බවත්, එය පාර්ලිමේන්තුවේ විශේෂ බහුතරයකින් සම්මත කරගත හැකි බවත් ශ්‍රේෂ්ඨාධිකරණය තීරණය කර ඇතැයි කථානායකවරයා නිවේදනය කලා.

අධිකරණ සංවිධාන (සංශෝධන) පනත් කෙටුම්පතේ විධිවිධාන ආණ්ඩුක්‍රම ව්‍යවස්ථාවට පටහැනි නොවන බවත්, එය පාර්ලිමේන්තුවේ සරල බහුතරයකින් සම්මත කරගත හැකි බවත් ශ්‍රේෂ්ඨාධිකරණය තීරණය කර ඇතැයි කථානායකවරයා නිවේදනය කළා

නමුත් දූෂණ විරෝධී (සංශෝධන) පනත් කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි බැවින් ඒවා සම්මත කර ගැනීමට විශේෂ බහුතරයක් අවශ්‍ය වන බවත්, එහි 17 වන වගන්තිය සඳහා ජනමත විචාරණයක අනුමැතිය අවශ්‍ය වන බවත් ශ්‍රේෂ්ඨාධිකරණය තීරණය කර ඇතැයි කථානායකවරයා නිවේදනය කළේ

එ අනුව 22 ව්‍යවස්ථා සංශෝධනය විරුද්ධව ඉදිරිපත් වු සියලුම පෙත්සම් විසිවි තිබේ.

22 ව්‍යවස්ථා සංශෝධනයේ ප්‍රතිඵලයන් ගැන කියු සියලු පුරසාරම් දැන් නිහඬ වි තිබේ.

-

ෂෙහාන් ලක්මාල්
2026-09-24

Toxic ප්ලෙයස්ලා !

දැන් ටිම් එකේ ඉන්නේ භාගයට භාගයක්ම toxic ප්ලෙයස්ලා,ටැටු ගහලා, කරාඹු දලා, කොණ්ඩ මොස්තර දලා ලොකු වාහන, ගෙවල් අරගන ගෙම් අතක් ගහගන පුලුවන් වෙලාවක් අවොත් ක්‍රිකට් පැක්ටිස් ගිහින් අතල් එකේ ඉන්න උන්, එත් තමන්ගේ රස්සාව වෙන්න ඕනේ යුතුකම හරියට කරන්නේ නෑ.

රට ගැන කැක්කුමක් නෑ, දිනන්න ඕන කියන උණ නෑ. එත් ටැක්ස් ෆී කරගෙන ෆැන්චයිස් ක්‍රිකට් වල වැඩ දලා සල්ලි හම්බ කරන්න විතරයි උන්ට ඕනේ.

ඉස්සරත් හිටියා එ වගේ අය, එත් එ මිනිස්සු බාහිර දෙවල් වලට වඩා තැන දුන්නේ තමන්ගේ රටට. එ විතරක් නෙමෙයි පිට්ටනිය මැද්දට ඇවිත් රට වෙනුවෙන් උපරිම දිලා රස්සාව හරියටම කලා.

දැන් එයලා රිටයිර් වෙලා "ලෙජන්ඩ්ලා" වෙලා ඉන්නවා. එත් දැන් ඉන්න උන් නම් 'ලෙජන්ඩ්" කෙනෙක් වෙන්න තියා හිතන්නවත් බෑ.

ලංකාවේ ක්‍රිකට් බොඩ් එක එදා ඉදන්ම මැච් පරාද වෙද්දී කොච් මාරු කලා, කැප්ටන් මාරු කලා එත් ප්‍රතිඵලයක් නෑ.

දැන් අන්තිමට කරන්න තියෙන්නේ මේ toxic උන් ටික අයින් කරන්න බැරිනම් එලවලා දලා හරි දුනිත් වෙල්ලාලගේ , අසිත ප්‍රානාන්දු වගේ දිනන්න උණ තියෙන , රට ගැන කැක්කුමක් තියෙන පරාද උනත් ගෙමක් දිලා පරාද වෙන්න හදන තරුණ කොල්ලෝ ටිකක් දලා හොද ටිම් එකක් හදාගන්න එක.

නැත්නම් ලෝක කුසලාන දිනන එක තියා එකට සුදුකම් ලබාගන්න එකත් හීනයක්.

-

ෂෙහාන් ලක්මාල්
2026-09-23