Iroshan Fernando - Writer

“මට ඔයා නැතුව ඉන්න බෑ - ඔයා නැතුව මන් කොහොමද වෙන කිසිම දෙයක් ඔයා ගැන නොහිතා හිතන්නේ, ඔයාට මේ හැම දෙයක්ම විහිළුවක් වුණාට මට මේක මගේ ජීවිතය”

මීට අවුරුදු ගාණකට කලින් සාශා එව්ව මැසේජ් එකක් මගේ ඔලුවේ එක පාරටම දුවන්න පටන් ගත්තා. ජිවිතේ අන්තිම පාරටම මම සාශාගේ අත අල්ලපු වෙලාවේ එයාගේ ඇස් මගේ ඇස් දිහා නොබලා බිම බලාගෙන පොලොවේ උන්න කූඹියෙක් යන දිහා බලන් ඉඳලා ඒ කූඹියාව අතට අරන් මට පේන්න බෑග් එකේ දා ගත්ත හැටි මට මගේ ඉස්සරහ මැවිලා පෙනුනා.

“ලෝකේ කොයිම දෙයක් වත් දෙපාරක් වෙන්නේ නෑ “ කියලා සාශා එදා රෑ එවපු මැසෙජ් එකේ ස්ක්‍රීන් ශොට් එක මගේ ෆෝන් එකේ වෝල් පේපර් එකේ තාම මාත් එක්කම අවුරුදු ගාණක් ඉන්නවා නේද කියලා මට එක පාරටම මතක් වුනා.

මම ආයේමත් සාශාට මැසෙජ් එකක් ටයිප් කලා

" මට ඔයාව මගේ කර ගන්න බැරි වුනා කියන්නේ අපිට අපේ වෙන්න තිබ්බ අන්තිම අවස්ථාව නැති වුනා කියන එක නෙමෙයි. ලොකේ කොතන හරිම හැම වෙලාවකම කැරකෙන මෙරිගෝ රවුන්ඩ් එකක් කැරකෙන්නේ රවුමට විතරයි. ඒක ලෝකේ කොහේ වුණත් එකයි. ඒත් අපිට එහෙම ප්‍රශ්නයක් නෑ. සමහරක් විට අපිට ඕන නම් මෙරිගෝ රවුන්ඩ් එකක් සමචතුරස්‍රයක් හැඩේට වුණත් කරකවන්න පුළුවන්. ඒත් ඒක කවදාවත් තනියම කරන්න පුලුවන් දෙයක් නෙමෙයි.

මම දන්නවා ඔයාට මන් කිව්ව එක තේරුණේ නෑ. මටත් එහෙම තමා ඔයාව තේරෙන්නේ නෑ. අපිට තව එක පාරක් හම්බෙන්න පුලුවන් නම් මන් ආසයි අර එදා අරන් ගිය කූඹියා තාම ඉන්නවද කියලා විතරක් බලන්න

ඔයාට මාව හම්බෙන්න පුලුවන් නම් විතරක් ! "

සිතුම්

අපි හැම දෙයක්ම තේරුම් ගන්න ඕනද?

ඔන්න ඕකයි පස්නේ? අපි හිතනවා අපි වටේ දෙන හැම දෙයක්ම අපි තෙරුම් ගන්න ඕන කියලා. අපි හිතනවා අපි ඒ හැම දෙයකටම රිඇක්ට් කරන්න එහෙම නැත්නම් ප්‍රතිචාර දක්වන්න ඕන කියලා.

එහෙම කිසිම දෙයක් නෑ.

සමහරක් දේවල් එක්ක අපිට අපේ ජීවිතේ හැම දෙයක්ම අපිට ඇත්තටම අදාළ වෙලා නෑ කියලා තෙරෙන්නේ ගොඩක් කල් ගිහින්. අපි එකෙන් විඳවන්න ඕන තරම් උපරීමේටම විඳවලා ඉවර වුනාටත් පස්සෙයි.

ඒකට කමක් නෑ. ඒ ඉගෙන ගන්න දේවල් එක්ක පස්සේ ඒ වගේ දෙයක් වුනාම ඒකට කෙටි කාලෙකින් ඒකට රිඇක්ට් නොකර ඉන්න අපිට පුරුදු වෙන්න පුලුවන්.

ජීවිතේ වෙන හැම දෙයක්ම වෙන්නේ මොකක් හරි හේතුවකට. ඒ හේතුව මේකයි කියන්න අපිට තෙරෙන්න ගොඩාක් කල් ගියාම. ඉතින් ඔයාගේ ජීවිතේට එන ප්‍රශ්න, ගැටලු වගේම ඔය බ්‍රේකප් අනම් මනම් මගුල් ඕනවට වඩා හිතන්න යන්න ඕන නෑ.

වෙන්න තියන දේවල් වෙන්නේ අපේ හොඳට! කෙටියෙන්ම කිව්වොත් අපි යන්න ඕන තැනට ගෙනියන්න.

ඔයාගේ සතුට, මානසික නිදහස වෙනුවෙන්, කරන ඕනම දෙයක් අයිති ඔයාට! ඉතින් හැමදාම හිනා වෙලා ඉමු. ඕවා ඕනවට වඩා හිතලා වැඩක් නෑ අනේ.

💕 Good morning ☀️

😌🍀

මම කිව්වේ. මේ දවස්වල උදේ ඉඳන් හවස් වෙනකන් දකින්නෙම මෙන්න මේ වගේ ජිවිතේට කවදාවත් කරන්න නොහිතපු ඒත් කලාට පස්සේ දැනෙන සැනසීම වචන කරන්න බැරි දේවල්.

කවුරුවත් අපේ ජීවිත වලට අහම්බෙන් එන්නේ නෑ. එනවා නම් එන්නේ මොකක් හරි ලොකු හේතුවකට එක්කෝ පාඩමකට. එක වෙලාවක කොයියෝ කියනවා

“කාටවත් කිසිම කෙනෙකු අහිමි වෙන්නේ නැහැ. මොකද කවුරුවත් කිසිම කෙනෙකුට මුළුමනින්ම අයිති නොවෙන නිසා. නිදහස ගැන තියෙන හැබෑම අත්දැකීම ඒක. ලෝකෙ තියෙන වටිනාම දේවල් අයිති කර නොගෙන ඒවත් එක්ක ජීවත් වෙන එක.” (Paulo Coelho -පාවුලෝ කොයියෝ මිනිත්තු එකොළහ) කියලා.

ඉතින් ඔයාට කිසිම කෙනෙක් කවදාවත් මුළුමනින්ම අයිති කර ගන්න බෑ. අයිති වෙන්නෙත් නෑ.

කෙනෙක්ට ඔයාව අහිමි කර ගන්න ඕන නම්, ඔවුන් ඒකට දිගින් දිගටම උත්සහ කරනවා නම් ඔයා ඒකට එයාට ඉඩ දෙන්න. ඔයාට ආමාරු කාලය ගෙවලා ඉවර වෙලා පස්සට හැරිලා කල්පනා කරන කොට තෙරේවී ඔයා කොච්චර නිදහස් වෙලා ද කියලා.

සිතුම්

මේ කෝට් එක මම ගත්තෙ අද කියන පේජ් එකෙන්. ඇත්තටම තනිවාක්‍යක් වුනත් මේ වාක්‍ය මම හිතන විදියට මේ මොහොත ඇතුලේ හරිම බරපතළ වාක්‍යයක්.

සමහරක් වෙලාවට අපි ජීවත් වෙනකොට අපිට බොරු කියන්න වෙනවා නේ. ඒත් ගොඩාක් වෙලාවට අපි බොරු කියන්නේ අනිත් කෙනා සනසන්න හිතාගෙන. එයාට නොරිද්දවන්න හිතාගෙන, එහෙම නැත්නම් ලොකු ප්‍රශ්නයක් වෙන්න යන්න දෙයක් නතර කරගන්න හිතාගෙන.

පෞද්ගලිකව මම එක වෙලාවක කිව්වා වගේ සම්පූර්ණ බොරුකාර මනුස්සයෙක් වෙන එක හරිම නරක දෙයක්. ඒ කියන්නෙ ඔයා අනිකා සැනසීම වෙනුවෙන් ඔයාගේ ආත්මය පාවා දෙන එක එච්චර හොඳ වැඩක් නෙමෙයි.

මම මේකේ ඇත්ත කිව්වොත් මම නරක මනුස්සයෙක් වෙයි වගේ දේවල් ඔයාට හිතෙන්න පුලුවන්. ඇත්තටම ඔයාට ඔයා නරක මනුස්සයෙක් කියලා හිතෙන එකට වඩා ඔයා බොරුවක් කලා කියලා හිතෙන එක නරකයි මම හිතන හැටියට.

ඊයා කියලා අහ ගන්නවට වඩා අපෝ කියලා අහගන්නේ ඇයි? බොරු කියලා මිනිස්සු සනසලා ඔයා අවුල් යනවට වඩා ඇත්ත කියලා නරක මනුස්සයෙක් වෙන එක හොඳ නැද්ද?

අනික අපිව නරක අයට හැර වෙන අයට අපිව නරක නෑ. ඒකත් නිකන් අර මොකක්ද වගේ අපි එක්ක ඉන්න එකා අපි මොනා කරත් ඉන්නවා නේ වගේ ෆීල් එකක්. මන් කියන්නේ අපි එහෙම ඉන්න ඕන කියලා නෙමෙයි ෆිල් එක.

මිනිස්සු සනසවන්න බොරු කියන්න එපා. නරක මනුස්සයෙක් වෙන්න. ඒක එකපාරයි වෙන්නේ.

සිතුම්

ඔබේ නම අගට ඔබට " සුබ පැතුම් " යැයි කියා ලියා එවන්නට අවැසිය.
වරක් දෙවරක් නොව සියවරක් වැරදි වැරදී "මම තාම ආදරේ" කියා ඔබේ නම අගට ලිවීමේ වරද දැන් පුරුද්දට ගොස් ඇත. නමුත් සමුගැනීමට පෙර ඔබට " සුබ පැතුම්" කියලා ලියා එවන්නට උවමනාය. කොතනින් හෝ මේ වැරදි වැරදි ලියවෙන දේ නිවැරදි කල යුතුය. නැත්නම් මම නික්ම යා යුතුය

සාශාගේ දිනපොත ♥️

සමහරක් වෙලාවට මනුස්සයෙක් ට හිතෙන්න පුළුවන් ජීවත් වෙනවට වඩා survive වෙන එක හොදයි කියල. ඒ කියන්නේ නිකන් රිස්ක් එක්ක අරන් පැටන් එක මාරු කරනවට වඩා ඉන්න පැටන් එකෙම survive වෙන එක හොඳයි කියලා. මන් හිතන්නේ ඒකේ වරදක් නෑ. තමන්ට survive වෙන එක කම්ෆටබල් නම් ජීවත් වෙනවට වඩා survive වෙන එක තෝර ගන්න එක හොදයි.

ඇස් ලස්සන මිනිස්සුන්ටත් ඇස් කන්නාඩි දාන්න වෙනවා නේද?

ප්‍රේමයේ දී සෑම අංශුවකම ප්‍රේමය පමණක්ම ගැබ්ව තිබීම භයානකය. මදක් වෛරය ද ඊර්ෂ්‍යාව ද අතරින් පතර ලෝභග ද තවත් මදක් වූ දරා ගැනීම ද එහි තිබිය යුතුය.

- සාශාගේ දිනපොත - 366 දින -

සිතුම්